IND vs BAN ODI: ಟೀಂ ಇಂಡಿಯಾ ವಿರುದ್ಧ ಬಾಂಗ್ಲಾದೇಶಕ್ಕೆ ರೋಚಕ ಜಯ

ಇಂದಿನಿಂದ ಭಾರತ ಮತ್ತು ಬಾಂಗ್ಲಾದೇಶದ (IND vs BAN ODI) ನಡುವಿನ 3 ಪಂದ್ಯಗಳ ಏಕದಿನ (ODI) ಸರಣಿಯು ಆರಂಭವಾಗಿದೆ. ಈ ಸರಣಿಯ ಮೊದಲ ಪಂದ್ಯದಲ್ಲಿ  ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಭಾರತ ತಂಡವು 41.2 ಓವರ್​ಗಳಲ್ಲಿ 10 ವಿಕೆಟ್​ ನಷ್ಟಕ್ಕೆ 186 ರನ್ ಗಳಿಸುವ ಮೂಲಕ ಅಲ್ಪಮೊತ್ತಕ್ಕೆ ಕುಸಿಯಿತು. ಈ ಮೊತ್ತ ಬೆನ್ನಟ್ಟಿದ ಬಾಂಗ್ಲಾದೇಶ್ ತಂಡವು 46 ಓವರ್​ ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 187 ರನ್ ಗಳಿಸುವ ಮೂಲಕ 1 ವಿಕೆಟ್​ನ ರೋಚಕ ಜಯ ದಾಖಲಿಸಿತು. ಈ ಮೂಲಕ 3 ಪಂದ್ಯಗಳ ಸರಣಿಯಲ್ಲಿ ಬಾಂಗ್ಲಾದೇಶ ತಂಡವು 1-0 ಮುನ್ನಡೆ ಸಾಧಿಸಿದೆ.

ನಾಯಕನ ಆಟವಾಡಿದ ಲಿಟ್ಟನ್ ದಾಸ್:

ನಜ್ಮುಲ್ ಹೊಸೈನ್ ಶಾಂಟೊ ಮೊದಲ ಎಸೆತದಲ್ಲಿಯೇ ದೀಪಕ್ ಚಹಾರ್​ಗೆ ವಿಕೆಟ್​ ಒಪ್ಪಿಸಿದರು. ಆದರೆ ಬಳಿಕ ನಾಯಕನ ಆಟವಾಡಿದ ಲಿಟ್ಟನ್ ದಾಸ್ 63 ಎಸೆತದಲ್ಲಿ 1 ಸಿಕ್ಸ್3 ಪೋರ್​ಗಳ ನೆರವಿನಿಂದ 41 ರನ್ ಗಳಿಸಿದರು. ಉಳಿದಂತೆ ಅನಾಮುಲ್ ಹಕ್ 14 ರನ್, ಶಕೀಬ್ ಅಲ್ ಹಸನ್ 29 ರನ್, ಮುಶ್ಫಿಕರ್ ರಹೀಮ್ 18 ರನ್, ಮಹಮ್ಮದುಲ್ಲಾ 14 ರನ್, ಅಫೀಫ್ ಹೊಸೈನ್ 6 ರನ್, ಎಬಾಡೋತ್ ಹೊಸೈನ್ ಶೂನ್ಯ, ಹಸನ್ ಮಹಮೂದ್ ಶೂನ್ಯ ರನ್ ಗಳಿಸದರೆ, ಅಂತಿಮ ಕ್ಷಣದಲ್ಲಿ ಮಿಂಚಿದ ಮೆಹಿದಿ ಹಸನ್ ಮಿರಾಜ್ 38 ರನ್ ಗಳಿಸುವ ಮೂಲಕ ತಂಡವನ್ನು ಗೆಲುವಿನ ದಡ ಸೇರಿಸಿದರು.

A sensational tenth-wicket partnership has given Bangladesh a win to start off the series 👏
#BANvIND pic.twitter.com/ot9w4r9Tx3

— ICC (@ICC) December 4, 2022

ಇನ್ನು, ಟೀಂ ಇಂಡಿಯಾದ ಬೌಲಿಂಗ್​ ದಾಳಿ ಇಂದು ಉತ್ತಮವಾಗಿತ್ತು. ಭಾರತದ ಬೌಲರ್​ಗಳು ಬಾಂಗ್ಲಾ ವಿರುದ್ಧ ಸಂಘಟಿತ ಬೌಲಿಂಗ್​ ನಡೆಸಿದರು. ಭಾರತದ ಪರ ಮೊಹಮ್ಮದ್ ಸಿರಾಜ್​ 10 ಓವರ್​ ಮಾಡಿ 32 ರನ್ ನೀಡಿ 3 ವಿಕೆಟ್​ ಪಡೆದರು. ಉಳಿದಂತೆ, ಕುಲ್ದೀಪ್​ ಸೇನ್​ 2 ವಿಕೆಟ್​, ವಾಷಿಂಗ್ಟನ್​ ಸುಂದರ್​ 2 ವಿಕೆಟ್​, ಶಾರ್ದೂಲ್​ ಠಾಕೂರ್​ 1 ಮತ್ತು ದೀಪಕ್ ಚಹಾರ್​ 1 ವಿಕೆಟ್​ ಪಡೆದರು.

ಶಕೀಬ್​ ದಾಳಿಗೆ ತತ್ತರಿಸಿದ್ದ ಭಾರತ ತಂಡ:

ಇನ್ನು, ಟಾಸ್​ ಸೋತು ಮೊದಲಿ ಬ್ಯಾಟಿಂಗ್ ಮಾಡಿದ ಭಾರತ ಬಾಂಗ್ಲಾದೇಶ ತಂಡದ ಶಕೀಬ್ ಅಲ್ ಹಸನ್ ದಾಳಿಗೆ ತತ್ತರಿಸಿತು. ಭಾರತದ ಪರ ಕನ್ನಡಿಗ ಕೆಎಲ್ ರಾಹುಲ್ ಉತ್ತಮ ಬ್ಯಾಟಿಂಗ್​ ಪ್ರದರ್ಶನ ನೀಡಿದರು. ಅವರು 70 ಎಸೆತದಲ್ಲಿ 4 ಸಿಕ್ಸ್ ಮತ್ತು 5 ಫೋರ್​ಗಳ ಮೂಲಕ 73 ರನ್ ಗಳಿಸಿ ಮಿಂಚಿದರು. ಉಳಿದಂತೆ ನಾಯಕ ರೋಹಿತ್ ಶರ್ಮಾ 27 ರನ್, ಶಿಖರ್ ಧವನ್ 7 ರನ್, ವಿರಾಟ್ ಕೊಹ್ಲಿ 9 ರನ್, ಶ್ರೇಯಸ್​ ಅಯ್ಯರ್ 24 ರನ್, ವಾಷಿಂಗ್ಟನ್ ಸುಂದರ್ 19 ರನ್, ಶಹಬಾಜ್​ ಅಹ್ಮದ್ ಶೂನ್ಯ, ಶಾರ್ದೂಲ್ ಠಾಕೂರ್ 2 ರನ್, ದೀಪಕ್ ಚಹಾರ್ ಶೂನ್ಯ, ಮೊಹಮ್ಮದ್ ಸಿರಾಜ್ 9 ರನ್ ಮತ್ತು ಕುಲ್ದೀಪ್​ ಸೇನ್​ 2 ರನ್ ಗಳಿಸಿದರು.

ಇದನ್ನೂ ಓದಿ: Rohit Sharma: ಮತ್ತೆ ವಿಫಲರಾದ ರೋಹಿತ್ ಶರ್ಮಾ, 35 ತಿಂಗಳಾದ್ರೂ ಇಲ್ಲ ಒಂದೇ ಒಂದು ಶತಕ!

ಉತ್ತಮ ಬೌಲಿಂಗ್ ಮಾಡಿದ್ದ ಬಾಂಗ್ಲಾ:

ಇನ್ನು, ಟಾಸ್​ ಗೆದ್ದು ಬೌಲಿಂಗ್ ಮಾಡಿದ ಬಾಂಗ್ಲಾ ಮೊದಲಿನಿಂದಲೂ ಟೀಂ ಇಂಡಿಯಾ ಬ್ಯಾಟರ್​ಗಳ ಮೇಲೆ ಹಿಡಿತ ಸಾಧಿಸಿತು. ಬಾಂಗ್ಲಾದೇಶ ಪರ ಶಾಕಿಬ್​ ಅಲ್ ಹಸನ್​ ಉತ್ತಮ ದಾಳಿ ನಡೆಸಿದರು. ಅವರು 10 ಓವರ್ ಮಾಡಿ 36 ರನ್ ನೀಡಿ ಪ್ರಮುಖ 5 ವಿಕೆಟ್ ಕಬಳಿಸುವುದರ ಜೊತೆಗೆ 2 ಓವರ್​ ಮೇಡಿನ್​ ಮಾಡುವ ಮೂಲಕ ಭಾರತದ ಕುಸಿತಕ್ಕೆ ಕಾರಣರಾದರು. ಉಳಿದಂತೆ ಎಬಾಡೋತ್ ಹೊಸೈನ್ 4 ವಿಕೆಟ್​ ಮತ್ತು  ಮೆಹಿದಿ ಹಸನ್ 1 ವಿಕೆಟ್ ಪಡೆದು ಮಿಂಚಿದರು.