India vs Bangladesh 1st Test: ಲಕ್​​ ಎಂದರೇ ಅಯ್ಯರ್​​ದೇ ಅಲ್ವಾ? ಬೋಲ್ಡ್​ ಆದ್ರೂ ಕೆಳಕ್ಕೆ ಬೀಳಲಿಲ್ಲ ಬೇಲ್ಸ್! ವಿಡಿಯೋ ನೋಡಿ

ಚಟ್ಟೋಗ್ರಾಮ್​​ನಲ್ಲಿ ಬಾಂಗ್ಲಾದೇಶದ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಟೀಂ ಇಂಡಿಯಾ (India vs Bangladesh) ಮೊದಲ ದಿನದ ಅಂತ್ಯಕ್ಕೆ 6 ವಿಕೆಟ್ ನಷ್ಟಕ್ಕೆ 278 ರನ್ ಗಳಿಸಿದೆ. 48 ರನ್​ಗಳಿಗೆ 3 ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಟೀಂ ಇಂಡಿಯಾಗೆ (Team India) ಅನುಭವಿ ಆಟಗಾರ ಪೂಜಾರ (Cheteshwar Pujara), ರಿಷಭ್ ಪಂತ್  ಚೇತರಿಕೆ ನೀಡಿದರು. 46 ರನ್​ ಗಳಿಸಿ ಪಂತ್ ಔಟಾದ ಬಳಿಕ ಬಂದ ಶ್ರೇಯಸ್ ಅಯ್ಯರ್ (Shreyas Iyer), ಪೂಜಾರ ಜೊತೆಗೂಡಿ ತಂಡದ ಸ್ಕೋರ್​ ಹೆಚ್ಚಿಸುವ ಕೆಲಸ ಮಾಡಿದರು. ನಾಲ್ಕನೇ ವಿಕೆಟ್​​ಗೆ ಈ ಇಬ್ಬರ ಜೋಡಿ 149 ರನ್​ಗಳ ಜೊತೆಯಾಟ ನೀಡಿದರು. ಇನ್ನೇನು ದಿನದಾಟ ಮುಗಿಯುತ್ತೆ ಅನ್ನೋ ವೇಳೆ ಉತ್ತಮವಾಗಿ ಆಡುತ್ತಿದ್ದ ಪೂಜಾರ 90 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ಆ ಬಳಿಕ ಬಂದ ಅಕ್ಷರ್ ಪಟೇಲ್​ ಮೊದಲ ದಿನದಾಟದ ಕೊನೆಯ ಎಸೆತದಲ್ಲಿ ಎಲ್​​ಬಿ ಬಲೆಗೆ ಬಿದ್ದರು.

ಶತಕದ ಅಂಚಿನಲ್ಲಿ ಎಡವಿದ ಪೂಜಾರ

42 ರನ್​ಗಳಿಗೆ 3 ವಿಕೆಟ್​ ಕಳೆದುಕೊಂಡ ಟೀಂ ಇಂಡಿಯಾಗೆ ಪೂಜಾರ, ಅಯ್ಯರ್ ಉತ್ತಮ ಬ್ಯಾಟಿಂಗ್​ ಮೂಲಕ ಚೇತರಿಕೆ ನೀಡಿದರು. ಎಚ್ಚರಿಕೆಯಿಂದ ಬ್ಯಾಟ್​ ಬೀಸಿದ ಪೂಜಾರ ಶತಕದ ಅಂಚಿನಲ್ಲಿ ಎಡವಿದರು. ಇನ್ನಿಂಗ್ಸ್​ನ 85 ಓವರ್​​ನಲ್ಲಿ ತೈಜುಲ್ ಇಸ್ಲಾಂ ಎಸೆತದಲ್ಲಿ ಕ್ಲೀನ್​ ಬೌಲ್ಡ್​ ಆಗುವ ಮೂಲಕ ನಿರ್ಗಮಿಸಿದರು.

ಇದನ್ನೂ ಓದಿ: IND vs BAN: ವಿಶೇಷ ದಾಖಲೆ ಬರೆದ ಶ್ರೇಯಸ್​ ಐಯ್ಯರ್, ಭಾರತೀಯ ಕ್ರಿಕೆಟ್​ನಲ್ಲಿಈ ಸಾಧನೆ ಮಾಡಿದ ಮೊದಲ ಪ್ಲೇಯರ್​!

ವಿಶೇಷ ಎಂದರೇ, ಇದಕ್ಕೂ ಮುನ್ನ ಓವರ್​​ನಲ್ಲಿ ಶ್ರೇಯಸ್ ಅಯ್ಯರ್​ ಔಟ್​ ಆಗಬೇಕಿತ್ತು. ವೇಗಿ ಇಬಾದತ್ ಹೊಸೈನ್ ಎಸೆದ ಚೆಂಡನ್ನು ಡಿಫೇನ್ಸ್ ಮಾಡಲು ಮುಂದಾದ ಅಯ್ಯರ್, ಸಂಪೂರ್ಣವಾಗಿ ವಿಫಲರಾಗಿದ್ದರು. ಪರಿಣಾಮ ಚೆಂಡು ಬ್ಯಾಟ್​​ಗೆ ಟಚ್​ ಆಗದೆ, ನೇರ ವಿಕೆಟ್​ಗೆ ಬಡಿದಿತ್ತು. ಆದರೆ ಸ್ಟಂಪ್ಸ್ ಮೇಲಿದ್ದ ಬೇಲ್ಸ್ ಪಕ್ಕಕ್ಕೆ ಸರಿದರೂ ನೆಲಕ್ಕೆ ಬೀಳಲಿಲ್ಲ.

ಇದನ್ನು ಕಂಡ ಪೂಜಾರ, ಅಯ್ಯರ್ ಇಬ್ಬರು ನಕ್ಕು ಸುಮ್ಮನಾದರೆ, ಬಾಂಗ್ಲಾ ಆಟಗಾರರು ಮಾತ್ರ ಅಚ್ಚರಿಗೆ ಒಳಗಾದ್ರು. ಇದೇ ಓವರ್​​ನಲ್ಲಿ ಅಂಪೈರ್​ ಬೇಲ್ಸ್​ ಮಾರ್ಪಡಿಸಿದ್ದರು. ಆ ವೇಳೆಗಾಗಲೇ ಅಯ್ಯರ್ 78 ರನ್​ ಗಳಿಸಿದ್ದರು. ಇದಕ್ಕೂ ಮುನ್ನ 67 ರನ್ ಗಳಿಸಿದ್ದ ವೇಳೆಯೂ ಅಯ್ಯರ್ ಜೀವದಾನ ಪಡೆದುಕೊಂಡಿದ್ದರು.

ಇದನ್ನೂ ಓದಿ: IPL 20203: ಆರ್​ಸಿಬಿಯ ಈ ಅಂಡರ್ ರೇಟೆಡ್ ಆಟಗಾರರು ಸಿಡಿದರೆ ಎದುರಾಳಿ ತಂಡಗಳು ಉಡೀಸ್​

ಮೊದಲ ದಿನವೇ ಅಯ್ಯರ್​​ಗೆ ಎರಡು ಜೀವದಾನ

ಮೆಹಿದಿ ಹಸನ್ ಬೌಲಿಂಗ್​​ನಲ್ಲಿ ಶ್ರೇಯಸ್​ ಬಿಗ್  ಶಾಟ್​ಗೆ  ಯತ್ನಿಸಿದ ವೇಳೆ ಚೆಂಡು ಡೀಪ್ ಮಿಡ್​​ ವಿಕೆಟ್​​ ಬಳಿಯಿದ್ದ ಇಬಾದತ್ ಹೊಸೈನ್ ಕೈ ಸೇರಿತ್ತು. ಆದರೆ ಸುಲಭ ಕ್ಯಾಚ್​ಅನ್ನು ಇಬಾದತ್ ಹೊಸೈನ್ ಕೈ ಬಿಟ್ಟು ಅಯ್ಯರ್​ಗೆ ಜೀವದಾನ ನೀಡಿದ್ದರು.

ಅಯ್ಯರ್​​ಗೆ ಮೊದಲ ದಿನವೇ ಎರಡು ರೂಪದಲ್ಲಿ ಜೀವದಾನ ಲಭಿಸಿತ್ತು. ಇತ್ತ ತಾಳ್ಮೆಯ ಆಟದೊಂದಿಗೆ ಬಾಂಗ್ಲಾ ಬೌಲರ್​ಗಳ ಬೆರವರು ಇಳಿಸುತ್ತಿದ್ದ ಪೂಜಾರ ಮಾತ್ರ, ತೈಜುಲ್​ ಇಸ್ಲಾಂ ಎಸೆದ ಅದ್ಭುತ ಎಸೆತದಲ್ಲಿ ಔಟಾದರು.

An incredible sequence of play in the #BANvIND Test match as @ShreyasIyer15 is bowled by Ebadot Hossain but the 𝗯𝗮𝗶𝗹𝘀 𝗷𝘂𝘀𝘁 𝗿𝗲𝗳𝘂𝘀𝗲 𝘁𝗼 𝗳𝗮𝗹𝗹 🤯

Your reaction on this close 'escape' ❓🤔#SonySportsNetwork #ShreyasIyer pic.twitter.com/q6BXBScVUz

— Sony Sports Network (@SonySportsNetwk) December 14, 2022

ಮೊದಲ ದಿನದ ಆಟ ಮುಗಿಯೋ ವೇಳೆಗೆ ಟೀಂ ಇಂಡಿಯಾ 90 ಓವರ್​​ಗಳಿಗೆ 6 ವಿಕೆಟ್ ಕಳೆದುಕೊಂಡು 278 ರನ್ ಗಳಿಸಿದೆ. ಶ್ರೇಯಸ್​ ಅಯ್ಯರ್ 169 ಎಸೆತಗಳಲ್ಲಿ 82 ಗಳಿಸಿ ನಾಳೆಗೆ ಬ್ಯಾಟಿಂಗ್​​ ಕಾಯ್ದುಕೊಂಡಿದ್ದು, ಅಂತಿಮ ಎಸೆತದಲ್ಲಿ 14 ರನ್ ಗಳಿಸಿದ್ದ ಅಕ್ಷರ್ ಪಟೇಲ್ ಔಟಾಗಿದರು. ಇದರೊಂದಿಗೆ ಭಾರತ 6ನೇ ವಿಕೆಟ್ ಕಳೆದುಕೊಂಡಿತು. ಬಾಂಗ್ಲಾ ಪರ ತೈಜುಲ್ ಇಸ್ಲಾಂ ಮೂರು ವಿಕೆಟ್ ಉರುಳಿಸಿದರೆ, ಮೆಹಿದಿ ಹಸನ್ 2 ವಿಕೆಟ್, ಖಲೀದ್ ಅಹ್ಮದ್ ಒಂದು ವಿಕೆಟ್​ ಪಡೆದುಕೊಂಡರು.