• Home
  • »
  • News
  • »
  • sports
  • »
  • IND vs BAN ODI: ಟೀಂ ಇಂಡಿಯಾಗೆ ಆಸರೆಯಾದ ರಾಹುಲ್​, ಅಲ್ಪಮೊತ್ತಕ್ಕೆ ಕುಸಿದ ಭಾರತ ತಂಡ

IND vs BAN ODI: ಟೀಂ ಇಂಡಿಯಾಗೆ ಆಸರೆಯಾದ ರಾಹುಲ್​, ಅಲ್ಪಮೊತ್ತಕ್ಕೆ ಕುಸಿದ ಭಾರತ ತಂಡ

IND vs BAN

IND vs BAN

IND vs BAN ODI: ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಭಾರತ ತಂಡವು ಬಾಂಗ್ಲಾದೇಶದ ಬೌಲರ್​ಗಳ ದಾಳಿಗೆ ತತ್ತರಿಸಿತು. ಭಾರತ ತಂಡವು 41.2 ಓವರ್​ಗಳಲ್ಲಿ 10 ವಿಕೆಟ್​ ನಷ್ಟಕ್ಕೆ 186 ರನ್ ಗಳಿಸುವ ಮೂಲಕ ಅಲ್ಪಮೊತ್ತಕ್ಕೆ ಕುಸಿಯಿತು.

  • Share this:

ಇಂದಿನಿಂದ ಭಾರತ ಮತ್ತು ಬಾಂಗ್ಲಾದೇಶದ (IND vs BAN ODI) ನಡುವಿನ 3 ಪಂದ್ಯಗಳ ಏಕದಿನ (ODI) ಸರಣಿಯು ಆರಂಭವಾಗಿದೆ. ಈ ಸರಣಿಯ ಮೊದಲ ಪಂದ್ಯದಲ್ಲಿ ಟಾಸ್​ ಗೆದ್ದ ಬಾಂಗ್ಲಾ ಭಾರತ ತಂಡವನ್ನು (Team India) ಮೊದಲು ಬ್ಯಾಟಿಂಗ್​ಗೆ ಆಹ್ವಾನಿಸಿತು. ಆದರೆ ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಭಾರತ ತಂಡವು ಬಾಂಗ್ಲಾದೇಶದ ಬೌಲರ್​ಗಳ ದಾಳಿಗೆ ತತ್ತರಿಸಿತು. ಭಾರತ ತಂಡವು 41.2 ಓವರ್​ಗಳಲ್ಲಿ 10 ವಿಕೆಟ್​ ನಷ್ಟಕ್ಕೆ 186 ರನ್ ಗಳಿಸುವ ಮೂಲಕ ಅಲ್ಪಮೊತ್ತಕ್ಕೆ ಕುಸಿಯಿತು. ಈ ಪಂದ್ಯದಲ್ಲಿ ಭಾರತದ ಪರ ಕೆಎಲ್ ರಾಹುಲ್ (KL Rahul)​ ಮಾತ್ರ ಉತ್ತಮವಾಗಿ ಬ್ಯಾಟಿಂಗ್​ ಮಾಡಿ ಗಮನ ಸೆಳೆದರು.


ಭಾರತ ತಂಡಕ್ಕೆ ಆಸರೆಯಾದ ರಾಹುಲ್:


ಇನ್ನು, ಟಾಸ್​ ಸೋತು ಮೊದಲು ಬ್ಯಾಟ್ ಮಾಡಿದ ಭಾರತವು 41.2 ಓವರ್​ಗಳಲ್ಲಿ 10 ವಿಕೆಟ್​ ನಷ್ಟಕ್ಕೆ 186 ರನ್ ಗಳಿಸುವ ಮೂಲಕ ಅಲ್ಪಮೊತ್ತಕ್ಕೆ ಕುಸಿಯಿತು. ಭಾರತದ ಪರ ಕನ್ನಡಿಗ ಕೆಎಲ್ ರಾಹುಲ್ ಉತ್ತಮ ಬ್ಯಾಟಿಂಗ್​ ಪ್ರದರ್ಶನ ನೀಡಿದರು. ಅವರು 70 ಎಸೆತದಲ್ಲಿ 4 ಸಿಕ್ಸ್ ಮತ್ತು 5 ಫೋರ್​ಗಳ ಮೂಲಕ 73 ರನ್ ಗಳಿಸಿ ಮಿಂಚಿದರು. ಉಳಿದಂತೆ ನಾಯಕ ರೋಹಿತ್ ಶರ್ಮಾ 27 ರನ್, ಶಿಖರ್ ಧವನ್ 7 ರನ್, ವಿರಾಟ್ ಕೊಹ್ಲಿ 9 ರನ್, ಶ್ರೇಯಸ್​ ಅಯ್ಯರ್ 24 ರನ್, ವಾಷಿಂಗ್ಟನ್ ಸುಂದರ್ 19 ರನ್, ಶಹಬಾಜ್​ ಅಹ್ಮದ್ ಶೂನ್ಯ, ಶಾರ್ದೂಲ್ ಠಾಕೂರ್ 2 ರನ್, ದೀಪಕ್ ಚಹಾರ್ ಶೂನ್ಯ, ಮೊಹಮ್ಮದ್ ಸಿರಾಜ್ 9 ರನ್ ಮತ್ತು ಕುಲ್ದೀಪ್​ ಸೇನ್​ 2 ರನ್ ಗಳಿಸಿದರು.



ಶಾಕಿಬ್ ಅಲ್ ಹಸನ್ ದಾಳಿಗೆ ಭಾರತ ತತ್ತರ:


ಇನ್ನು, ಟಾಸ್​ ಗೆದ್ದು ಬೌಲಿಂಗ್ ಮಾಡಿದ ಬಾಂಗ್ಲಾ ಮೊದಲಿನಿಂದಲೂ ಟೀಂ ಇಂಡಿಯಾ ಬ್ಯಾಟರ್​ಗಳ ಮೇಲೆ ಹಿಡಿತ ಸಾಧಿಸಿತು. ಬಾಂಗ್ಲಾದೇಶ ಪರ ಶಾಕಿಬ್​ ಅಲ್ ಹಸನ್​ ಉತ್ತಮ ದಾಳಿ ನಡೆಸಿದರು. ಅವರು 10 ಓವರ್ ಮಾಡಿ 36 ರನ್ ನೀಡಿ ಪ್ರಮುಖ 5 ವಿಕೆಟ್ ಕಬಳಿಸುವುದರ ಜೊತೆಗೆ 2 ಓವರ್​ ಮೇಡಿನ್​ ಮಾಡುವ ಮೂಲಕ ಭಾರತದ ಕುಸಿತಕ್ಕೆ ಕಾರಣರಾದರು. ಉಳಿದಂತೆ ಎಬಾಡೋತ್ ಹೊಸೈನ್ 4 ವಿಕೆಟ್​ ಮತ್ತು  ಮೆಹಿದಿ ಹಸನ್ 1 ವಿಕೆಟ್ ಪಡೆದು ಮಿಂಚಿದರು.


ಸರಣಿಯಿಂದ ರಿಷಭ್ ಪಂತ್ ಔಟ್​:


ವೈದ್ಯಕೀಯ ತಂಡದೊಂದಿಗೆ ಮಾತನಾಡಿ ರಿಷಬ್ ಪಂತ್ ಅವರನ್ನು ಏಕದಿನ ಸರಣಿಯಿಂದ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ ಎಂದು ಬಿಸಿಸಿಐ ಮಾಹಿತಿ ನೀಡಿದೆ. ಹೀಗಾಗಿ ರಿಷಭ್ ಪಂತ್​ ಬಾಂಗ್ಲಾದ ಟೆಸ್ಟ್ ಸರಣಿಯಲ್ಲಿ ತಂಡವನ್ನು ಸೇರಿಕೊಳ್ಳಲಿದ್ದಾರೆ.  ಭಾರತ ಮತ್ತು ಬಾಂಗ್ಲಾದೇಶ ನಡುವಿನ 2 ಪಂದ್ಯಗಳ ಟೆಸ್ಟ್ ಸರಣಿ ಡಿಸೆಂಬರ್ 14 ರಿಂದ ಆರಂಭವಾಗಲಿದೆ. ಮೊದಲ ಏಕದಿನ ಪಂದ್ಯದಲ್ಲಿ ಎಡಗೈ ಸ್ಪಿನ್ನರ್ ಅಕ್ಷರ್ ಪಟೇಲ್ ಕೂಡ ಆಯ್ಕೆಗೆ ಲಭ್ಯರಿಲ್ಲ ಎಂದು ಮಂಡಳಿ ತಿಳಿಸಿದೆ.


ಇದನ್ನೂ ಓದಿ: Rohit Sharma: ಮತ್ತೆ ವಿಫಲರಾದ ರೋಹಿತ್ ಶರ್ಮಾ, 35 ತಿಂಗಳಾದ್ರೂ ಇಲ್ಲ ಒಂದೇ ಒಂದು ಶತಕ!


ಭಾರತ-ಬಾಂಗ್ಲಾದೇಶ ಪ್ಲೇಯಿಂಗ್​ 11:


ಭಾರತ ಪ್ಲೇಯಿಂಗ್​ 11: ರೋಹಿತ್ ಶರ್ಮಾ (ನಾಯಕ), ಶಿಖರ್ ಧವನ್, ವಿರಾಟ್ ಕೊಹ್ಲಿ, ಶ್ರೇಯಸ್​ ಅಯ್ಯರ್, ಕೆ ಎಲ್ ರಾಹುಲ್ (ಉಪ ನಾಯಕ), ಶಾಹಬ್ಬಾಜ್ ಅಹ್ಮದ್, ವಾಷಿಂಗ್ಟನ್​ ಸುಂದರ್, ಮೊಹಮ್ಮದ್ ಸಿರಾಜ್, ದೀಪಕ್ ಚಾಹರ್, ಶಾರ್ದೂಲ್ ಠಾಕೂರ್, ಕುಲ್ದೀಪ್ ಸೇನ್.


ಬಾಂಗ್ಲಾದೇಶ ಪ್ಲೇಯಿಂಗ್​ 11: ಲಿಟ್ಟನ್ ದಾಸ್ (ನಾಯಕ), ಅನಾಮುಲ್ ಹಕ್, ನಜ್ಮುಲ್ ಹೊಸೈನ್ ಶಾಂಟೊ, ಶಕೀಬ್ ಅಲ್ ಹಸನ್, ಮುಶ್ಫಿಕರ್ ರಹೀಮ್ (WK), ಮಹಮ್ಮದುಲ್ಲಾ, ಅಫೀಫ್ ಹೊಸೈನ್, ಮೆಹಿದಿ ಹಸನ್ ಮಿರಾಜ್, ಹಸನ್ ಮಹಮೂದ್, ಮುಸ್ತಫಿಜುರ್ ರೆಹಮಾನ್, ಎಬಾಡೋತ್ ಹೊಸೈನ್.

Published by:shrikrishna bhat
First published: