IND vs AUS: ಪಂದ್ಯದ ನಡುವೆ ಶೌಚಾಲಯಕ್ಕೆ ಓಡಿದ ಆಸೀಸ್​ ಪ್ಲೇಯರ್​! ಹೀಗಾದ್ರೆ ಪ್ಲೇಯರ್​ ಔಟ್​ ಆಗ್ತಾರಾ? ಐಸಿಸಿ ನಿಯಮ ಏನು ಹೇಳುತ್ತೆ?

ಭಾರತ ಮತ್ತು ಆಸ್ಟ್ರೇಲಿಯಾ (IND vs AUS) ನಡುವಿನ 4 ಟೆಸ್ಟ್‌ಗಳ ಬಾರ್ಡರ್-ಗವಾಸ್ಕರ್ (Border–Gavaskar Trophy) ಸರಣಿಯು ಫೆಬ್ರವರಿ 9 ರಿಂದ ಪ್ರಾರಂಭವಾಗಲಿದೆ. ಮೊದಲ ಪಂದ್ಯ ನಾಗ್ಪುರದಲ್ಲಿ ನಡೆಯಲಿದೆ. ಈ ಪಂದ್ಯದಲ್ಲಿ ಉಭಯ ತಂಡಗಳ ಪ್ಲೇಯಿಂಗ್ ಇಲೆವೆನ್ ಹೇಗಿರುತ್ತದೆ ಎಂಬ ಪ್ರಶ್ನೆ ಪ್ರತಿಯೊಬ್ಬ ಕ್ರಿಕೆಟ್ ಪ್ರೇಮಿಯ ಮನದಲ್ಲೂ ಇದೆ. ಭಾರತದ ಆಫ್ ಸ್ಪಿನ್ನರ್ ಆರ್ ಅಶ್ವಿನ್ ಅವರನ್ನು ದೃಷ್ಟಿಯಲ್ಲಿಟ್ಟುಕೊಂಡು ಆಸೀಸ್​ ತಂಡ ಎಡಗೈ ಬ್ಯಾಟ್ಸ್‌ಮನ್ ಮ್ಯಾಟ್ ರೆನ್‌ ಶಾಗೆ (Matt Renshaw) ಅವಕಾಶ ನೀಡುವ ಸಾಧ್ಯತೆ ಹೆಚ್ಚಿದೆ. ಇದರ ನಡುವೆ ಭಾರತ-ಆಸ್ಟ್ರೇಲಿಯಾ ಬಾರ್ಡರ್ ಗವಾಸ್ಕರ್ ಟ್ರೋಫಿಗೆ ಸಂಬಂಧಿಸಿದ ಆಸಕ್ತಿದಾಯಕ ಕಥೆಯನ್ನು ಹೇಳಲಿದ್ದೇವೆ. ಆಸ್ಟ್ರೇಲಿಯಾ ತಂಡ 2016-17ರಲ್ಲಿ ಕೊನೆಯ ಬಾರಿಗೆ ಭಾರತಕ್ಕೆ ಭೇಟಿ ನೀಡಿತ್ತು. ನಂತರ ಭಾರತ 4 ಟೆಸ್ಟ್‌ಗಳ ಸರಣಿಯನ್ನು 2-1ರಿಂದ ಗೆದ್ದುಕೊಂಡಿತು. ಈ ವೇಳೆ ಪುಣೆಯಲ್ಲಿ (Pune) ನಡೆದ ಆ ಒಂದು ಪಂದ್ಯದಲ್ಲಿ ನಡೆದ ಘಟನೆ ಎಲ್ಲರ ನಡನಪಿನಲ್ಲಿ ಉಳಿದಿದೆ.

ಬ್ಯಾಟ್ ಬಿಟ್ಟು ಮೈದಾನ ತೊರೆದ ಆಸೀಸ್​ ಪ್ಲೇಯರ್:

ಇನ್ನು, 2016-17ರಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಬಾರ್ಡರ್-ಗವಾಸ್ಕರ್ ಸರಣಿಯ ಪುಣೆ ಟೆಸ್ಟ್ ಅತಿಥಿಯ ಗೆಲುವಿನ ಹೊರತಾಗಿ ಮತ್ತೊಂದು ಕಾರಣಕ್ಕಾಗಿ ನೆನಪಾಗುತ್ತದೆ. ವಾಸ್ತವವಾಗಿ, ಈ ಟೆಸ್ಟ್‌ನಲ್ಲಿ ಆಸ್ಟ್ರೇಲಿಯಾ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿತು. ಎಡಗೈ ಬ್ಯಾಟ್ಸ್‌ಮನ್ ಮ್ಯಾಟ್ ರೆನ್‌ಶಾ ಡೇವಿಡ್ ವಾರ್ನರ್ ಅವರ ಆರಂಭಿಕರಾಗಿ ಕಣಕ್ಕಿಳಿದರು. 28ನೇ ಓವರ್‌ನಲ್ಲಿ ಡೇವಿಡ್ ವಾರ್ನರ್ ಔಟಾದ ತಕ್ಷಣ, ಮ್ಯಾಟ್ ರೆನ್‌ಶಾ ಅವರಿಗಿಂತ ಮೊದಲು ಪೆವಿಲಿಯನ್‌ನತ್ತ ನಡೆಯಲು ಪ್ರಾರಂಭಿಸಿದರು.

ಈ ಘಟನೆಯನ್ನು ನೋಡಿದವರಿಗೆ ಆಶ್ಚರ್ಯವಾಯಿತು. ಏಕೆಂದರೆ ವಾರ್ನರ್ ಔಟಾಗಿದ್ದರೂ ರೆನ್​ ಶಾ ಹೊರ ನಡೆಯುತ್ತಿದ್ದರು. ರಾನ್‌ ಶಾಗೆ ಹೊಟ್ಟೆನೋವು ಬಂದ ಕಾರಣ ಶೌಚಾಲಯದ ಕಡೆಗೆ ಓಡಿದ್ದಾರೆ ಎಂದು ನಂತರ ತಿಳಿದುಬಂದಿತು. ಆದರೆ, ಟಾಯ್ಲೆಟ್ ಬ್ರೇಕ್ ನಂತರ ಮರಳಿದ ರೆನ್​ ಶಾ ಅರ್ಧಶತಕ ಬಾರಿಸಿ ಔಟಾದರು. ಹಾಗಿದ್ದರೆ ಐಸಿಸಿ ನಿಯಮದ ಪ್ರಕಾರ ಈ ರೀತಿ ಆಟಗಾರ ಔಟಾಗದೇ ಮೈದಾನ ತೊರೆದರೆ ಮತ್ತೆ ಕಣಕ್ಕಿಳಿಯಬಹುದು. ಆಟಗಾರ ಇಂಜುರಿ ಸೇರಿದಂತೆ ಕೆಲ ಸಮಸ್ಯೆಗಳಿಂದ ಅಂಪೈರ್​ಗೆ ಮಾಹಿತಿ ನೀಡಿ ಮೈದಾನದಿಂದ ಹೊರನಡೆದು ಮತ್ತೆ ಪಂದ್ಯಕ್ಕೆ ಕಂಬ್ಯಾಕ್​ ಮಾಡುವ ಅವಕಾಶವಿದೆ.

ಇದನ್ನೂ ಓದಿ: Shubman Gill: ಶುಭ್​ಮನ್​ಗೆ ಶುರುವಾಯ್ತು ಮಹಿಳಾ ಅಭಿಮಾನಿಗಳ ಕಾಟ! ಮಿಂಗಲ್​ ಆಗೋಕೆ ರೆಡಿಯಾದ್ರಾ ಸಿಂಗಲ್​ ಗಿಲ್​?

ನಾಗ್ಪುರದಲ್ಲಿ ರೆನ್​ ಶಾಗೆ ಅವಕಾಶ ಸಿಗುತ್ತಾ?:

ಇದೀಗ ಅವರು ಭಾರತದ ವಿರುದ್ಧ ನಾಗ್ಪುರ ಟೆಸ್ಟ್‌ನಲ್ಲಿ ಆಡಲು ಆಸ್ಟ್ರೇಲಿಯಾದ ರೆನ್​ ಶಾ ಎದುರು ನೋಡುತ್ತಿದ್ದಾರೆ. ಎಡಗೈ ಬ್ಯಾಟ್ಸ್‌ಮನ್‌ಗಳ ವಿರುದ್ಧ ಆರ್. ಅಶ್ವಿನ್ ಅವರ ಅತ್ಯುತ್ತಮ ದಾಖಲೆಯಿಂದಾಗಿ, ನಾಯಕ ಪ್ಯಾಟ್ ಕಮಿನ್ಸ್ ಈ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗೆ ಅವಕಾಶ ನೀಡುವ ಸಾದ್ಯತೆ ಹೆಚ್ಚಿದೆ. ಅವರು ಬ್ಯಾಟಿಂಗ್​ನಲ್ಲಿ ಉತ್ತಮ ಪ್ರದರ್ನಶನ ನೀಡುತ್ತಿದ್ದಾರೆ.

ಭಾರತ - ಆಸ್ಟ್ರೇಲಿಯಾ ತಂಡ:

ಭಾರತ ತಂಡ (2 ಟೆಸ್ಟ್​ಗಳಿಗೆ): ರೋಹಿತ್ ಶರ್ಮಾ (ನಾಯಕ), ಕೆಎಲ್ ರಾಹುಲ್ (ಉಪನಾಯಕ), ಶುಭಮನ್ ಗಿಲ್, ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಕೆಎಸ್ ಭರತ್ (ವಿಕೆಟ್ ಕೀಪರ್), ಇಶಾನ್ ಕಿಶನ್ (ವಿಕೆಟ್ ಕೀಪರ್), ರವಿಚಂದ್ರನ್ ಅಶ್ವಿನ್, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್ , ರವೀಂದ್ರ ಜಡೇಜಾ, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್, ಉಮೇಶ್ ಯಾದವ್, ಜಯದೇವ್ ಉನದ್ಕತ್, ಸೂರ್ಯಕುಮಾರ್ ಯಾದವ್, ಶ್ರೇಯಸ್ ಅಯ್ಯರ್.

ಆಸ್ಟ್ರೇಲಿಯಾ ತಂಡ: ಪ್ಯಾಟ್ ಕಮಿನ್ಸ್ (ನಾಯಕ), ಆಷ್ಟನ್ ಅಗರ್, ಸ್ಕಾಟ್ ಬೋಲ್ಯಾಂಡ್, ಅಲೆಕ್ಸ್ ಕ್ಯಾರಿ , ಪೀಟರ್ ಹ್ಯಾಂಡ್ಸ್‌ಕಾಂಬ್ , ಟ್ರಾವಿಸ್ ಹೆಡ್, ಉಸ್ಮಾನ್ ಖ್ವಾಜಾ , ಮಾರ್ನಸ್ ಲಾಬುಶೇನ್, ನಾಥನ್ ಲಿಯಾನ್ , ಲ್ಯಾನ್ಸ್ ಮೋರಿಸ್, ಟಾಡ್ ಮರ್ಫಿ, ಮ್ಯಾಥ್ಯೂ ರೆನ್‌ಶಾಮಿ , ಸ್ಟೀವ್ ಸ್ಮಿತ್, ಮಿಚೆಲ್ ಸ್ವೆಪ್ಸನ್, ಡೇವಿಡ್/ ಮಿಚೆಲ್ ಸ್ಟಾರ್ಕ್, ಕ್ಯಾಮರೋನ್ ಗ್ರೀನ್, ಜೋಶ್ ಹ್ಯಾಝಲ್‌ವುಡ್ (ಈ ಮೂವರು ಕಣಕ್ಕಿಳಿಯುವುದು ಅನುಮಾನ).