IND vs AUS: ಜಡೇಜಾ ದಾಳಿಗೆ ತರಗೆಲೆಗಳಂತೆ ಉದುರಿದ ಆಸೀಸ್​, ಟೀಂ ಇಂಡಿಯಾಗೆ ಸುಲಭ ಗುರಿ

ನಾಗ್ಪುರದಲ್ಲಿ ಆಸ್ಟ್ರೇಲಿಯಾವನ್ನು ಮಣಿಸಿದ ಟೀಂ ಇಂಡಿಯಾ (IND vs AUS) ದೆಹಲಿ ಟೆಸ್ಟ್‌ನಲ್ಲೂ ತನ್ನ ಹಿಡಿತವನ್ನು ಸಾಧಿಸಿದೆ. ದೆಹಲಿ ಟೆಸ್ಟ್ ನ ಮೂರನೇ ದಿನ ಕೇವಲ 3 ಎಸೆತಗಳಲ್ಲಿ ಇಡೀ ಪಂದ್ಯವೇ ಬದಲಾಯಿತು. ಈ ಮೂರು ಎಸೆತಗಳಲ್ಲಿ ಆರ್ ಅಶ್ವಿನ್ ಮತ್ತು ರವೀಂದ್ರ ಜಡೇಜಾ ಆಸ್ಟ್ರೇಲಿಯಾದ ಮೂವರು ಬ್ಯಾಟ್ಸ್ ಮನ್ ಗಳಿಗೆ ಪೆವಿಲಿಯನ್ ಹಾದಿ ತೋರಿಸಿದರು. ಈ ಆಘಾತಗಳಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗದ ಆಸ್ಟ್ರೇಲಿಯಾ ತಂಡ ಎರಡನೇ ಇನ್ನಿಂಗ್ಸ್‌ನಲ್ಲಿ 113 ರನ್‌ಗಳಿಗೆ ಆಲೌಟ್​ ಆಯಿತು. ರವೀಂದ್ರ ಜಡೇಜಾ (Ravindra Jadeja) 7 ವಿಕೆಟ್ ಕಬಳಿಸಿದರೆ ಆರ್ ಅಶ್ವಿನ್ 3 ವಿಕೆಟ್ ಪಡೆದುಮಿಂಚಿದರು. ಈ ಮೂಲಕ ಆಸೀಸ್​ ಭಾರತಕ್ಕೆ ಗೆಲುವಿಗೆ 115 ರನ್‌ಗಳ ಗುರಿ ನೀಡಿದೆ.

ಮತ್ತೆ ಮಿಂಚು ಹರಿಸಿದ ಜಡ್ಡು:

ಭಾರತ ಮತ್ತು ಆಸೀಸ್​ ನಡುವಿನ 2ನೇ ಟೆಸ್ಟ್​ ಪಂದ್ಯದ 3ನೇ ದಿನದಾಟದ ಆರಂಭದಲ್ಲಿಯೇ ಟೀಂ ಇಂಡಿಯಾ ಭರ್ಜರಿ ಬೌಲಿಂಗ್ ಮಾಡುವ ಮೂಲಕ ಆಸ್ಟ್ರೇಲಿಯಾವನ್ನು ಅಲ್ಪಮೊತ್ತಕ್ಕೆ ಆಲೌಟ್​ ಮಾಡಿತು. ಭಾರತದ ಪರ ಇಂದು ಮತ್ತೆ ರವೀಂದ್ರ ಜಡೇಜಾ ಭರ್ಜರಿ ಬೌಲಿಂಗ್ ಮಾಡಿದ್ದಾರೆ. ಅವರು 12.1 ಓವರ್​ ಮಾಡಿ 42 ರನ್​ ನೀಡಿ ಬರೋಬ್ಬರಿ 7 ವಿಕೆಟ್ ಪಡೆದು ಮಿಂಚಿದರು. ಅಶ್ವಿನ್ ಸಹ 3 ವಿಕೆಟ್​ ಕಬಳಿಸಿದರು.

Innings Break!

It was a @imjadeja show here in Delhi as he picks up seven wickets in the morning session.

Australia are all out for 113 runs. #TeamIndia need 115 runs to win the 2nd Test.

Scorecard - https://t.co/1DAFKevk9X #INDvAUS @mastercardindia pic.twitter.com/0h9s37RA85

— BCCI (@BCCI) February 19, 2023

ಇನ್ನು, ಭಾರತದ ದಾಳಿಗೆ ಆಸ್ಟ್ರೇಲಿಯಾ ಫೆವೆಲಿಯನ್​ ಪೆರೇಡ್​ ನಡೆಸಿತು. ಆಸೀಸ್​ ಕೇವಲ 113 ರನ್​ಗಳಿಗೆ ಆಲೌಟ್​ ಆಯಿತು. ಆಸ್ಟ್ರೇಲಿಯಾ ಪರ, ಉಸ್ಮಾನ್ ಖ್ವಾಜಾ 6 ರನ್, ಮಾರ್ನಸ್ ಲಾಬುಶೇನ್ 35 ರನ್, ಸ್ಟೀವ್ ಸ್ಮಿತ್ 9 ರನ್, ಮ್ಯಾಟ್ ರೆನ್ಶಾ 2 ರನ್, ಟ್ರಾವಿಸ್ ಹೆಡ್ 43 ರನ್, ಪೀಟರ್ ಹ್ಯಾಂಡ್ಸ್‌ಕಾಂಬ್ ಶೂನ್ಯ, ಅಲೆಕ್ಸ್ ಕ್ಯಾರಿ 7 ರನ್, ಪ್ಯಾಟ್ ಕಮಿನ್ಸ್ ಶೂನ್ಯ, ನಾಥನ್ ಲಿಯಾನ್ 8 ರನ್, ಟಾಡ್ ಮರ್ಫಿ 3 ರನ್, ಮ್ಯಾಥ್ಯೂ ಕುಹ್ನೆಮನ್ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದರು.

ಇದನ್ನೂ ಓದಿ: IND vs PAK: ಟೀಂ ಇಂಡಿಯಾ​ ಆಹ್ವಾನದ ಹಿಂದಿದ್ಯಾ ಈ ದುರುದ್ದೇಶ? ಇಷ್ಟು ಕೀಳುಮಟ್ಟಕ್ಕೀಳಿತಾ ಪಾಕಿಸ್ತಾನ!

ಇಂದೇ ಭಾರತಕ್ಕೆ ಗೆಲುವು:

ಇನ್ನು, ಕೇವಲ 115 ರನ್​ಗಳ ಟಾರ್ಗೆಟ್​ ಇರುವುದರಿಂದ ಭಾರತ ತಂಡ ಇಂದೇ ಪಂದ್ಯವನ್ನು ಗೆಲ್ಲುವ ಸಾಧ್ಯತೆ ಹೆಚ್ಚಿದೆ. ಹೀಗಾದ್ದಲ್ಲಿ ಭಾರತ ತಂಡ ಬಾರ್ಡರ್​ ಗವಾಸ್ಕರ್​ ಟ್ರೋಫಿಯಲ್ಲಿ 2-0 ಮುನ್ನಡೆ ಸಾಧಿಸಲಿದೆ. ಈ ಮೂಲಕ ಭಾರತ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​​ ಫೈನಲ್​ಗೆ ಇನ್ನಷ್ಟು ಹತ್ತಿರವಾಗಲಿದೆ.

ಭಾರತ-ಆಸ್ಟ್ರೇಲಿಯಾ ಪ್ಲೇಯಿಂಗ್​ 11:

ಭಾರತ ಪ್ಲೇಯಿಂಗ್​ 11: ರೋಹಿತ್ ಶರ್ಮಾ (ನಾಯಕ), ಕೆಎಲ್ ರಾಹುಲ್ (ಉಪ ನಾಯಕ), ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ಕೆಎಸ್ ಭರತ್ (ವಿಕೆಟ್ ಕೀಪರ್), ರವೀಂದ್ರ ಜಡೇಜಾ, ರವಿಚಂದ್ರನ್ ಅಶ್ವಿನ್, ಅಕ್ಷರ್ ಪಟೇಲ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್.

ಆಸ್ಟ್ರೇಲಿಯಾ ಪ್ಲೇಯಿಂಗ್​ 11: ಮ್ಯಾಟ್ ರೆನ್ಶಾ, ಉಸ್ಮಾನ್ ಖ್ವಾಜಾ, ಮಾರ್ನಸ್ ಲಾಬುಶೇನ್, ಸ್ಟೀವ್ ಸ್ಮಿತ್, ಟ್ರಾವಿಸ್ ಹೆಡ್, ಪೀಟರ್ ಹ್ಯಾಂಡ್ಸ್‌ಕಾಂಬ್, ಅಲೆಕ್ಸ್ ಕ್ಯಾರಿ, ಪ್ಯಾಟ್ ಕಮಿನ್ಸ್, ನಾಥನ್ ಲಿಯಾನ್, ಟಾಡ್ ಮರ್ಫಿ, ಮ್ಯಾಥ್ಯೂ ಕುಹ್ನೆಮನ್.