IND vs AUS ODI: ಆಸೀಸ್​ ಬೌಲಿಂಗ್​ ದಾಳಿಗೆ ತತ್ತರಿಸಿದ ಟೀಂ ಇಂಡಿಯಾ, ಅಲ್ಪ ಮೊತ್ತಕ್ಕೆ ಕುಸಿದ ರೋಹಿತ್ ಪಡೆ

ಅನುಭವಿ ವೇಗದ ಬೌಲರ್ ಮಿಚೆಲ್ ಸ್ಟಾರ್ಕ್ ದಾಳಿಗೆ ಇಂದು ಭಾರತದ ಬ್ಯಾಟ್ಸ್​ಮನ್​ಗಳು ಫೇವೆಲಿಯನ್​ ಪರೇಡ್​ ನಡೆಸಿದರು. ವಿಶಾಖಪಟ್ಟಣದಲ್ಲಿ (YS Raja Reddy Cricket Stadium)  ನಡೆಯುತ್ತಿರುವ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡ (IND vs AUS ODI) ಕೇವಲ 26 ಓವರ್​ಗೆ 10 ವಿಕೆಟ್​ ಕಳೆದುಕೊಂಡು ಕೇವಲ 117 ರನ್​ ಗಳಿಸುವ ಮೂಲಕ ಪ್ರವಾಸಿ ಆಸ್ಟ್ರೇಲಿಯಾಗೆ 118 ರನ್​ಗಳ ಸಣ್ಣ ಟಾರ್ಗೆಟ್​ ನೀಡಿದೆ. ಸ್ಟಾರ್ಕ್ (Mitchell Starc) ಭಾರತದ 5 ವಿಕೆಟ್‌ಗಳನ್ನು ತೆಗೆಯುವ ಮೂಲಕ ವಿಶಾಖಪಟ್ಟಣಂನಲ್ಲಿ ಮಿಂಚಿದರು.

ಟೀಂ ಇಂಡಿಯಾ ಪೆವಿಲಿಯನ್ ಪರೇಡ್:

ಇನ್ನು ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಭಾರತ ತಂಡ ಆಸ್ಟ್ರೇಲಿಯಾದ ಮಿಚೆಲ್​ ಸ್ಟಾರ್ಕ್​​ ದಾಳಿಗೆ ಅಕ್ಷರಶಃ ತತ್ತರಿಸಿ ಹೋಯಿತು. ಭಾರತ ಕೇವಲ 26 ಓವರ್​ಗೆ ತನ್ನೆಲ್ಲಾ ವಿಕೆಟ್​ ಕಳೆದುಕೊಳ್ಳುವ ಮೂಲಕ 118 ರನ್​ ಟಾರ್ಗೆಟ್ ನೀಡಿದೆ. ಭಾರತದ ಪರ ನಾಯಕ ರೋಹಿತ್ ಶರ್ಮಾ 13 ರನ್, ವಿರಾಟ್ ಕೊಹ್ಲಿ 31 ರನ್, ಸೂರ್ಯಕುಮಾರ್ ಯಾದವ್ ಮತ್ತು ಶುಭ್​ಮನ್ ಗಿಲ್ ಶೂನ್ಯ, ಕೆಎಲ್ ರಾಹುಲ್ 9 ರನ್, ಹಾರ್ದಿಕ್ ಪಾಂಡ್ಯ 1 ರನ್, ರವೀಂದ್ರ ಜಡೇಜಾ 16 ರನ್, ಅಕ್ಷರ್ ಪಟೇಲ್ 29 ರನ್, ಕುಲ್​ದೀಪ್ ಯಾದವ್ 4 ರನ್, ಮೊಹಮ್ಮದ್ ಸಿರಾಜ್ ಮತ್ತು ಮೊಹಮ್ಮದ್ ಶಮಿ ಇಬ್ಬರೂ ಶೂನ್ಯಕ್ಕೆ ಔಟ್​ ಆಗುವ ಮೂಲಕ ತಂಡ ಅಲ್ಪಮೊತ್ತಕ್ಕೆ ಕುಸಿಯಿತು.

What a bowling performance from Australia! ✨

India are all out for 117! #INDvAUS | 📝 Scorecard: https://t.co/5ISBBNMhiZ pic.twitter.com/bfWB2MMDQE

— ICC (@ICC) March 19, 2023

ಟಾಸ್​ ಗೆದ್ದು ಮೊದಲು ಬೌಲಿಂಗ್​ ಆಯ್ಕೆ ಮಾಡಿ ಆಸ್ಟ್ರೇಲಿಯಾ ನಾಯಕ ಸ್ಮಿತ್​ ಸರಿಯಾದ ನಿರ್ಧಾರ ತೆಗೆದುಕೊಂಡರು. ಭಾರತದ ವಿರುದ್ಧ ಆಸೀಸ್​ ಭರ್ಜರಿ ಬೌಲಿಂಗ್​ ದಾಳಿ ನಡೆಸಿತು. ಆಸೀಸ್​ ಪರ ಮಿಚೆಲ್​ ಸ್ಟಾರ್ಕ್​ 8 ಓವರ್​ ಬಾಲ್​ ಮಾಡಿ 53 ರನ್ ನೀಡಿ 5 ವಿಕೆಟ್​ ಪಡೆದು ಮಿಂಚಿದರು. ಉಳಿಂದತೆ ಸೀನ್ ಅಬಾಟ್ 3 ವಿಕೆಟ್​ ಮತ್ತು ನಾಥನ್​ ಎಲಿಸ್​ 2 ವಿಕೆಟ್​ ಪಡೆದು ಭಾರತದ ಕುಸಿತಕ್ಕೆ ಕಾರಣರಾದರು.

ಇದನ್ನೂ ಓದಿ: Suryakumar Yadav: 'ಮಿ 360' ಬ್ಯಾಕ್​​ ಟು ಬ್ಯಾಕ್​ ಫ್ಲಾಪ್​​; ಏಕದಿನ ವಿಶ್ವಕಪ್​​​ನಿಂದ SKY ಔಟ್​​?

ಟೀಂ ಇಂಡಿಯಾಗೆ ವಿಲ್​ ಆದ ಮಳೆ:

ವೇಗದ ಬೌಲರ್‌ಗಳಿಗೆ ಅನುಕೂಲಕರವಾದ ಪಿಚ್​ನಲ್ಲಿ ಆಸೀಸ್​ ವೇಗಿಗಳು ಸಂಪೂರ್ಣ ಲಾಭ ಪಡೆದರು. ಈ ಹಿಂದೆ ವಿಶಾಖಪಟ್ಟಣಂನಲ್ಲಿ ಸಾಕಷ್ಟು ಮಳೆಯಾಗಿತ್ತು. ಇದರಿಂದಾಗಿ ಕವರ್‌ಗಳು ಮುಚ್ಚಿಹೋಗಿದ್ದವು. ಪಿಚ್ ಒಣಗಲು ಸಮಯ ಸಿಗಲಿಲ್ಲ. ಅದೇನೆಂದರೆ, ಪಿಚ್ ನಲ್ಲಿ ತೇವಾಂಶವಿದ್ದು, ಆಸ್ಟ್ರೇಲಿಯಾದ ವೇಗಿಗಳು ಅದರ ಸಂಪೂರ್ಣ ಲಾಭ ಪಡೆದರು. ಇದರಿಂದಾಗಿ ಬಾಲ್​ ಸಾಕಷ್ಟು ಸ್ವಿಂಗ್​ ಆಗುತ್ತಿತ್ತು. ಇದು ಭಾರತದ ವಿಕೆಟ್​ ಪತನಕ್ಕೆ ಪ್ರಮುಖ ಕಾರಣವಾಯಿತು.

ಭಾರತ - ಆಸ್ಟ್ರೇಲಿಯಾ ಪ್ಲೇಯಿಂಗ್​ 11:

ಭಾರತ ಪ್ಲೇಯಿಂಗ್​ 11: ಶುಭ್​ಮನ್ ಗಿಲ್, ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಲೋಕೇಶ್ ರಾಹುಲ್, ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಅಕ್ಷರ್ ಪಟೇಲ್, ಕುಲ್ದೀಪ್ ಯಾದವ್, ಮೊಹಮ್ಮದ್ ಸಿರಾಜ್, ಮೊಹಮ್ಮದ್ ಸಮಿ.

ಆಸ್ಟ್ರೇಲಿಯಾ ಪ್ಲೇಯಿಂಗ್​ 11: ಟ್ರಾವಿಸ್ ಹೆಡ್, ಮಿಚೆಲ್ ಮಾರ್ಷ್, ಸ್ಟೀವ್ ಸ್ಮಿತ್ (ನಾಯಕ), ಮಾರ್ನಸ್ ಲಬುಶೇನ್, ಕ್ಯಾಮೆರಾನ್ ಗ್ರೀನ್, ಅಲೆಕ್ಸ್ ಕ್ಯಾರಿ, ಮಾರ್ಕಸ್ ಸ್ಟೊಯಿನಿಸ್, ನಾಥನ್ ಎಲಿಸ್, ಸೀನ್ ಅಬಾಟ್, ಮಿಚೆಲ್ ಸ್ಟಾರ್ಕ್, ಆಡಮ್ ಝಂಪಾ.