IND vs AUS: ಟೀಂ ಇಂಡಿಯಾ ವಿರುದ್ಧ ಆಸೀಸ್​ಗೆ ಗೆಲುವು, WTC ಫೈನಲ್​ ಹಾದಿ ಇನ್ನಷ್ಟು ಕಠಿಣ

ಭಾರತ ಮತ್ತು ಆಸ್ಟ್ರೇಲಿಯಾ (IND vs AUS) ನಡುವಿನ 4 ಪಂದ್ಯಗಳ ಸರಣಿಯ ಮೂರನೇ ಟೆಸ್ಟ್ ಪಂದ್ಯ ಇಂದೋರ್‌ನ ಹೋಲ್ಕರ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ (Holkar Stadium) ನಡೆಯಿತು. ಈ ಟೆಸ್ಟ್ ಪಂದ್ಯದ ಮೂರನೇ ದಿನದಲ್ಲಿ ಆಸೀಸ್ ಭಾರತದ ವಿರುದ್ಧ ಭರ್ಜರಿ ಜಯ ದಾಖಲಿಸಿದೆ. ಭಾರತ ನೀಡಿದ 77 ರನ್​ಗಳ ಟಾರ್ಗೆಟ್​ ಬೆನ್ನಟ್ಟಿದ ಆಸೀಸ್​ 1 ವಿಕೆಟ್​ ನಷ್ಟಕ್ಕೆ 78 ರನ್ ಗಳಿಸುವ ಮೂಲಕ ಬರ್ಜರಿ 9  ವಿಕೆಟ್​ಗಳ ಜಯ ದಾಖಲಿಸಿದೆ. ಈ ಮೂಲಕ 4 ಪಂದ್ಯಗಳ ಸರಣಿಯಲ್ಲಿ ಆಸ್ಟ್ರೇಲಿಯಾ ಮೊದಲ ಗೆಲುವನ್ನು ದಾಖಲಿಸಿದೆ. ಈ ಮೂಲಕ ಸರಣಿಯು 2-1ರಿಂದ ಕೂಡಿದ್ದು, ಮುಂದಿನ ಅಂತಿಮ ಪಂದ್ಯ ಭಾರತ ತಂಡಕ್ಕೆ ಮಾಡು ಇಲ್ಲವೇ ಮಡಿ ಎಂಬಂತಾಗಿದೆ. ಅಲ್ಲದೇ ಈ ಸೋಲಿನಿಂದಾಗಿ ಭಾರತ ತಂಡದ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ (WTC 2023) ಹಾದಿ ಇನ್ನಷ್ಟು ಕಠಿಣವಾಗಿದೆ.

ಸರಣಿಯಲ್ಲಿ ಆಸೀಸ್​ಗೆ ಮೊದಲ ಗೆಲುವು:

ಇನ್ನು, ಭಾರತ ನೀಡಿದ 77 ರನ್​ಗಳ ಟಾರ್ಗೆಟ್​ ಬೆನ್ನಟ್ಟಿದ ಆಸ್ಟ್ರೇಲಿಯಾ ತಂಡ 3ನೇ ದಿನದ ಆರಂಭದಲ್ಲಿಯೇ ಭರ್ಜರಿ ಜಯ ದಾಖಲಿಸಿದೆ. ದಿನದಾಟದ ಆರಂಭದಲ್ಲಿಯೇ ಆಸೀಸ್​ ಕೇವಲ 1 ವಿಕೆಟ್​ ನಷ್ಟಕ್ಕೆ 78 ರನ್​ ಗಳಿಸುವ ಮೂಲಕ ಸರಣಿಯಲ್ಲಿ ಮೊದಲ ಜಯ ದಾಖಲಿಸಿದೆ. ಈ ಮೂಲಕ 4 ಪಂದ್ಯಗಳ ಸರಣಿಯಲ್ಲಿ 2-1ರ ಮುನ್ನಡೆ ಸಾಧಿಸಿದೆ. ಆಸೀಸ್​ ವಿರುದ್ಧ ಉಸ್ಮಾನ್ ಖವಾಜಾ ಅವರನ್ನು ಅಶ್ವಿನ್​ ಶೂನ್ಯಕ್ಕೆ ಔಟ್​ ಮಾಡುವ ಮೂಲಕ ಕೊಂಚ ಗೆಲುವಿನ ಆಸೆ ಚಿಗುರಿದರೂ ಬಳಿಕ ಟ್ರಾವಿಸ್ ಹೆಡ್ 49 ರನ್ ಮತ್ತು ಮಾರ್ನಸ್ ಲ್ಯಾಬುಸ್ಚಾಗ್ನೆ 28 ರನ್​ ಗಳಿಸುವ ಮೂಲಕ ತಂಡವನ್ನು ಗೆಲುವಿನ ದಡ ಸೇರಿಸಿದರು.

Australia win the Third Test by 9 wickets. #TeamIndia 🇮🇳 will aim to bounce back in the fourth and final #INDvAUS Test at the Narendra Modi Stadium in Ahmedabad 👍🏻👍🏻

Scorecard ▶️ https://t.co/t0IGbs2qyj @mastercardindia pic.twitter.com/M7acVTo7ch

— BCCI (@BCCI) March 3, 2023

ಇನ್ನು, ಇಂದೋರ್​ ಟೆಸ್ಟ್​ ಪಂದ್ಯದಲ್ಲಿ ಉಭಯ ತಂಡಗಳ ಬೌಲರ್​ಗಳು ಅಬ್ಬರಿಸಿದ್ದಾರೆ. ಈ ಟೆಸ್ಟ್​ನಲ್ಲಿ ಎರಡೂ ತಂಡಗಳು 200 ರನ್​ಗಳ ಗಡಿ ದಾಟಲು ಸಾಧ್ಯವಾಗಲಿಲ್ಲ. ಮೊದಲ ಇನ್ನಿಂಗ್ಸ್​ನಲ್ಲಿ ಆಸೀಸ್​ ವಿರುದ್ಧ ಮ್ಯಾಥ್ಯೂ ಕುನ್ಹೆಮನ್ 5 ವಿಕೆಟ್​ ಮತ್ತು ನಾಥನ್ ಲಿಯಾನ್ 3 ಹಾಗೂ ಟಾಡ್ ಮರ್ಫಿ 1 ವಿಕೆಟ್​ ಪಡೆದರು. ಅದರಂತೆ ಭಾರತದ ಬೌಲರ್​ಗಳೂ ಸಹ ಮೊದಲ ಇನ್ನಿಂಗ್ಸ್​ನಲ್ಲಿ ರವೀಂದ್ರ ಜಡೇಜಾ 4 ವಿಕೆಟ್​ ಪಡೆದರೆ, ಅಶ್ವಿನ್​ ಮತ್ತು ಉಮೇಶ್ ಯಾದವ್​ ತಲಾ 3 ವಿಕೆಟ್​ ಪಡೆದರು.

ಇದನ್ನೂ ಓದಿ: Jasprit Bumrah: ಶಸ್ತ್ರಚಿಕಿತ್ಸೆಗಾಗಿ 12 ಸಾವಿರ ಕಿಲೋ ಮೀಟರ್ ಪ್ರಯಾಣ, ಟೀಂ ಇಂಡಿಯಾ ಆಟಗಾರನಿಗೆ ಏನಾಯ್ತು?

ಬಳಿಕ 2ನೇ ಇನ್ನಿಂಗ್ಸ್​ನಲ್ಲಿ ಮಿಚೆಲ್​ ಸ್ಟಾರ್ಕ್​ ಮತ್ತು ಮ್ಯಾಥ್ಯೂ ಕುನ್ಹೆಮನ್​ ತಲಾ 1 ವಿಕೆಟ್​ ಹಾಗೂ ನಾಥನ್ ಲಿಯಾನ್ ಬರೋಬ್ಬರಿ 8 ವಿಕೆಟ್​ ಪಡೆದು ಮಿಮಚಿದರು. ಅದರಂತೆ ಭಾರತದ ಪರ ಅಶ್ವಿನ್​ 1 ವಿಕೆಟ್​ ಪಡೆದರು.

WTC ಫೈನಲ್​ ಹಾದಿ ಕಷ್ಟ:

ಆಸ್ಟ್ರೇಲಿಯಾ ವಿರುದ್ಧದ 4 ಪಂದ್ಯಗಳ ಟೆಸ್ಟ್ ಸರಣಿಯ ಮೊದಲ ಎರಡು ಪಂದ್ಯ ಗೆದ್ದ ಬಳಿಕ ಇದೀಗ 3ನೇ ಟೆಸಟ್​​ನಲ್ಲಿ ಸೋತಿದೆ. ಹೀಗಾಗಿ ಭಾರತದ ಸೋಲು ನೇರವಾಗಿ WTC 2023 ಪೈನಲ್​ ರೇಸ್​ಗೆ ಪರಿಣಾಮ ಬೀರಲಿದೆ. ಅಲ್ಲದೇ ಹೀಗಾಗಿ 4ನೇ ಪಂದ್ಯ ಮಾಡು ಇಲ್ಲವೇ ಮಡಿ ಎಂಬ ಹೋರಾಟದಲ್ಲಿ ಭಾರತ ಗೆಲ್ಲಲೇಬೇಕಿದೆ.