IND vs AUS: ಭಾರತ-ಆಸೀಸ್​ ಪಂದ್ಯ, ಟಾಸ್​ ವಿಳಂಬ; ಮ್ಯಾಚ್​ ಆರಂಭ ಯಾವಾಗ?

ಭಾರತ ಮತ್ತು ಆಸ್ಟ್ರೇಲಿಯಾ (IND v AUS) ನಡುವಿನ 3 ಪಂದ್ಯಗಳ ಸರಣಿಯ ಎರಡನೇ T20 ಅಂತಾರಾಷ್ಟ್ರೀಯ ಕ್ರಿಕೆಟ್ ಪಂದ್ಯವು ಇಂದು ನಾಗ್ಪುರದ ವಿಸಿಎ ಕ್ರೀಡಾಂಗಣದಲ್ಲಿ (Vidarbha Cricket Association Stadium) ನಡೆಯಲಿದೆ. ಆದರೆ 7 ಗಂಟೆಗೆ ಆರಂಭವಾಗಬೇಕಿದ್ದ ಈ ಪಂದ್ಯವು ಈವರೆಗೂ ಪ್ರಾರಂಭವಾಗಿಲ್ಲ. ಸತತ ಮಳೆಯಿಂದಾಗಿ ಮೈದಾನವು ಈವರೆಗೂ ಸರಿಯಾಗಿ ಒಣಗದ ಕಾರಣ ಪಂದ್ಯವನ್ನು ಮತ್ತಷ್ಟು ಮುಂದೂಡಲಾಗಿದೆ. ಹೀಗಾಗಿ ಪಿಚ್​ ಅಂಪೈರ್​ಗಳು ಪಂದ್ಯದ ಬಗ್ಗೆ 8:45ಕ್ಕೆ ತಿಳಿಸುವುದಾಗಿ ಮಾಹಿತಿ ನೀಡಿದ್ದಾರೆ. ಇನ್ನು,  ಈಗಾಗಲೇ ಸರಣಿಯ ಮೊದಲ ಪಂದ್ಯದಲ್ಲಿ ಆಸೀಸ್​ ಭರ್ಜರಿ ಜಯ ದಾಖಲಿಸಿದೆ. ಹೀಗಾಗಿ ಇಂದಿನ ಪಂದ್ಯ ಟೀಂ ಇಂಡಿಯಾ (Team India) ಪಾಲಿಗೆ ಮಾಡು ಇಲ್ಲವೇ ಮಡಿ ಎಂಬಂತಾಗಿದ್ದು, ಸರಣಿಯಲ್ಲಿ ಉಳಿಯಬೇಕಾದರೆ ಈ ಪಂದ್ಯವನ್ನು ಯಾವುದೇ ಬೆಲೆ ತೆತ್ತಾದರೂ ಗೆಲ್ಲಲೇಬೇಕಾಗಿದೆ. ಇಂದಿನ ಪಂದ್ಯ ಗೆದ್ದಲ್ಲಿ ಮಾತ್ರ ಸರಣಿ ಜೀವಂತವಾಗಿರಲಿದೆ. ಟಿ20 ವಿಶ್ವಕಪ್ (T20 World Cup) ತಯಾರಿಯ ಭಾಗವಾಗಿರುವ ಸರಣಿ ಆಗಿದ್ದರಿಂದ ಹೆಚ್ಚಿನ ಮಹತ್ವವನ್ನು ಪಡೆದುಕೊಂಡಿದೆ.

ಪಂದ್ಯ ಆರಂಭ ವಿಳಂಭ:

ಹೌದು, ಮಳೆಯ ಕಾರಣ ಭಾರತ-ಆಸ್ಟ್ರೇಲಿಯಾ ಪಂದ್ಯವು ಮತ್ತಷ್ಟು ವಿಳಂಬವಾಗುತ್ತಿದೆ. ಮಳೆಯು ಹೆಚ್ಚಿದ ಕಾರಣ ಮೈದಾನವು ಈವರೆಗೂ ಸರಿಯಾಗಿ ಡ್ರೈ ಆಗದ ಕಾರಣ ಪಿಚ್​ ಅಂಪೈರ್​ಗಳು ಪಂದ್ಯದ ಸ್ಥಿತಿಯ ಬಗ್ಗೆ ಮುಂದಿನ 8:45ಕ್ಕೆ ಗಂಟೆಗೆ ತಿಳಿಸುವುದಾಗಿ ಹೇಳಿದ್ದಾರೆ. ಈ ಮೊದಲು 7 ಗಂಟೆಗೆ ಟಾಸ್​ ಆಗಬೇಕಿತ್ತು. ಅದೂ ಸಹ 8 ಗಂಟೆಗೆ ಮುಂದೂಡಲ್ಪಟ್ಟು, ಇದೀಗ ಮತ್ತೊಮ್ಮೆ 8:45ಕ್ಕೆ ಪಂದ್ಯವನ್ನು ಮುಂದೂಡ್ಲಪಟ್ಟಿದೆ.

Listen in to what the umpires have to say about the possibility of play today.#INDvAUS pic.twitter.com/wznhbQfmID

— BCCI (@BCCI) September 23, 2022

ಇನ್ನು, ಪಂದ್ಯವು ಸಂಪೂರ್ಣ 20 ಓವರ್​ ನಡೆಯುವುದು ಅನುಮಾನವಾಗಿದೆ. ಈಗಾಗಲೇ ಪಂದ್ಯವು ಸರಿಸುಮಾರು 1 ಗಮಟೆಗೂ ಹೆಚ್ಚಿನ ಕಾಲ ಮುಂದೂಡಲ್ಪಟ್ಟಿದೆ. ಹೀಗಾಗಿ ಪಿಚ್​ ಅಂಪೈರ್​ಗಳ ನಿರ್ಣಯದಂತೆ ಪಮದ್ಯದಲ್ಲಿ ಕೆಲ ಓವರ್​ಗಳ ಕಡಿತಗೊಳ್ಳಿಸುವ ಸಾಧ್ಯತೆಯೂ ಇದೆ. ಆದರೆ ಈ ಕುರಿತು ಯಾವುದೇ ಅಧಿಕೃತ ಮಾಹಿತಿ ತಿಳಿಸಿಲ್ಲ. ಆದರೆ ಪಂದ್ಯವನ್ನು ನಡೆಸುವುದಾಗಿ ಹೇಳಲಾಗಿದ್ದು, ಅಭಿಮಾನಿಗಳಲ್ಲಿ ಸ್ವಲ್ಪ ನೆಮ್ಮದಿ ತಂದಂತಾಗಿದೆ.

ಇದನ್ನೂ ಓದಿ: ICC T20 World Cup: ಟಿ20 ವಿಶ್ವಕಪ್​ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರು, ಯಾರೆಲ್ಲಾ ಭಾರತೀಯ ಪ್ಲೇಯರ್ಸ್​ಗಳಿದ್ದಾರೆ?

ಪ್ಲೇಯಿಂಗ್​ 11ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆಯೇ ಬುಮ್ರಾ?:

ಇನ್ನು, ಅನೇಕ ದಿನಗಳ ನಂತರ ಬುಮ್ರಾ ತಂಡಕ್ಕೆ ಆಯ್ಕೆ ಆಗಿದ್ದಾರೆ. ಆದರೂ ಅವರಿಗೆ ಮೊದಲ ಪಂದ್ಯದಿಂದ ವಿಶ್ರಾಂತಿ ನೀಡಲಾಗಿತ್ತು. ಹೀಗಾಗಿ ಡೆತ್​ ಓವರ್​ಗಳಲ್ಲಿ ಭಾರತ ಬೌಲಿಂಗ್​ನಲ್ಲಿ ಸಾಕಷ್ಟು ಕಷ್ಟಪಡಬೇಕಾಯಿತು. ಅಲ್ಲದೇ ಇನ್ನೇನು ವಿಶ್ವಕಪ್​ಗೆ ಕೆಲವೇ ದಿನಗಳು ಬಾಕಿ ಇರುವುದರಿಂದ ಬುಮ್ರಾ ಅವರನ್ನು ಆದಷ್ಟು ತಂಡದಲ್ಲಿ ಆಡಿಸುವುದು ವಿಶ್ವಕಪ್​ಗೆ ಸಹಾಯಕವಾಗಲಿದೆ ಮತ್ತು ಈ ಸರಣಿ ಗೆಲುವಿನಲ್ಲಿಯೂ ಪ್ರಮುಖ ಪಾತ್ರವಾಗಲಿದೆ ಎಂದು ಹೇಳಲಾಗುತ್ತಿದೆ. ಆದರೆ ಇಂದಿನ ಪಂದ್ಯದಲ್ಲಿ ಅವರು ಕಣಕ್ಕಿಳಿಯುತ್ತಾರೆಯೋ? ಇಲ್ಲವೋ? ಎಂಬುದನ್ನು ಕಾದು ನೋಡಬೇಕಿದೆ.

ಇದನ್ನೂ ಓದಿ: T20 World Cup 2022: ಟಿ20 ವಿಶ್ವಕಪ್​ಗೆ ದ್ರಾವಿಡ್​ ಮಾಸ್ಟರ್​ ಪ್ಲ್ಯಾನ್​, ಆಸೀಸ್​ಗೆ ತೆರಳಲು ಟೀಂ ಇಂಡಿಯಾ ಡೇಟ್​ ಫಿಕ್ಸ್

IND vs AUS ಸಂಭಾವ್ಯ ತಂಡ:

ಭಾರತ ಸಂಭಾವ್ಯ ತಂಡ: ರೋಹಿತ್ ಶರ್ಮಾ, ಕೆಎಲ್ ರಾಹುಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ದಿನೇಶ್ ಕಾರ್ತಿಕ್, ಅಕ್ಷರ್ ಪಟೇಲ್,
ಹರ್ಷಲ್ ಪಟೇಲ್, ಭುವನೇಶ್ವರ್ ಕುಮಾರ್, ಜಸ್ಪ್ರೀತ್ ಬುಮ್ರಾ , ಯುಜ್ವೇಂದ್ರ ಚಹಾಲ್.

ಆಸ್ಟ್ರೇಲಿಯಾ ಸಂಭಾವ್ಯ ತಂಡ: ಆರನ್ ಫಿಂಚ್, ಕ್ಯಾಮೆರಾನ್ ಗ್ರೀನ್, ಸ್ಟೀವ್ ಸ್ಮಿತ್, ಗ್ಲೆನ್ ಮ್ಯಾಕ್ಸ್‌ವೆಲ್, ಟಿಮ್ ಡೇವಿಡ್, ಜೋಶ್ ಇಂಗ್ಲಿಸ್, ಮ್ಯಾಥ್ಯೂ ವೇಡ್, ಪ್ಯಾಟ್ ಕಮಿನ್ಸ್, ನಾಥನ್ ಎಲ್ಲಿಸ್, ಆಡಮ್ ಝಂಪಾ, ಜೋಶ್ ಹ್ಯಾಜಲ್‌ವುಡ್.