ICC Test Rankings: 120 ನಿಮಿಷದಲ್ಲಿ ಟೆಸ್ಟ್​ ನಂಬರ್​ 1 ಪಟ್ಟದಿಂದ ಕೆಳಗಿಳಿದ ಟೀಂ ಇಂಡಿಯಾ, ಐಸಿಸಿ ಮಹಾ ಎಡವಟ್ಟು!

ಅಂತರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ದೊಡ್ಡ ತಪ್ಪೊಂದನ್ನು ಮಾಡಿದೆ. ಐಸಿಸಿ ವೆಬ್‌ಸೈಟ್‌ನಲ್ಲಿನ ದೋಷವು ಆಸ್ಟ್ರೇಲಿಯಾ ತಂಡದ (Australia Team) ಓಟಕ್ಕೆ ಬ್ರೇಕ್​ ಹಾಕಿತ್ತು. ಹೌದು, ಭಾರತವನ್ನು ಟೆಸ್ಟ್‌ನಲ್ಲಿ (Test Cricket) ಕ್ಷಣಮಾತ್ರದಲ್ಲಿ ವಿಶ್ವದ ನಂ.1 ಸ್ಥಾನಕ್ಕೆ ಏರಿಸಿತ್ತು. ಆಸ್ಟ್ರೇಲಿಯಾದ 126 ಅಂಕಗಳು ಇದ್ದರೂ ಸಹ ICCಯು ಟೀಂ ಇಂಡಿಯಾವನ್ನು ನಂಬರ್​ 1 ತಂಡವನ್ನಾಗಿ ಮಾಡಿತ್ತು. ಇದರಿಂದಾಗಿ ಭಾರತವನ್ನು (Team india) ಹೊಸ ನಂಬರ್ 1 ತಂಡವಾಗಿತ್ತು. ಅದೇ ಸಮಯದಲ್ಲಿ, ಆಸ್ಟ್ರೇಲಿಯಾ 126 ಬದಲಿಗೆ 111 ಅಂಕಗಳಿಗೆ ಕುಸಿದಿತ್ತು. ಆದಾಗ್ಯೂ, ಸ್ವಲ್ಪ ಸಮಯದ ನಂತರ, ಐಸಿಸಿ ತನ್ನ ತಪ್ಪನ್ನು ಸರಿಪಡಿಸಿಕೊಂಡು ಆಸ್ಟ್ರೇಲಿಯಾವನ್ನು ಮತ್ತೊಮ್ಮೆ ನಂಬರ್ 1 ಎಂದು ವೆಬ್​ಸೈಟ್​ಲ್ಲಿ ಸರಿಪಡಿಸಿದೆ.

ಟೆಸ್ಟ್​ನಲ್ಲಿ ಭಾರತ ನಂಬರ್​ 1:

ಐಸಿಸಿ ಮಾಡಿದ ತಪ್ಪು ಭಾರತವನ್ನು ಒಂದು ಕ್ಷಣ ಪಾಯಿಂಟ್ಸ್ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೆ ಏರಿಸಿತ್ತು. ಆದರೆ ತಪ್ಪನ್ನು ಸರಿಪಡಿಸಿದ ನಂತರ ಭಾರತ 2ನೇ ಸ್ಥಾನಕ್ಕೆ ಬಂದಿತು. ಆದಾಗ್ಯೂ, ಭಾರತವು ಸಹ ನಂಬರ್ 1 ಆಗಬಹುದು, ಆದರೆ ತವರಿನಲ್ಲಿ ಆಸ್ಟ್ರೇಲಿಯಾವನ್ನು 4 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಸೋಲಿಸಬೇಕಾಗಿದೆ. ಫೆಬ್ರವರಿ 9 ರಿಂದ ಪ್ರಾರಂಭವಾಗುವ 4 ಪಂದ್ಯಗಳ ಟೆಸ್ಟ್ ಸರಣಿಯನ್ನು (ಬಾರ್ಡರ್ ಗವಾಸ್ಕರ್ ಟ್ರೋಫಿ) ಆಡಲು ಆಸ್ಟ್ರೇಲಿಯಾ ಭಾರತಕ್ಕೆ ಪ್ರವಾಸ ಮಾಡಲಿದೆ.

Like this tweet if you can see your team 😉#ICCRankings || #TeamIndia pic.twitter.com/rVBD2WXk6n

— Sir BoiesX 🕯 (@BoiesX45) January 17, 2023

ಇತ್ತೀಚೆಗಷ್ಟೇ ನೆರೆಯ ಬಾಂಗ್ಲಾದೇಶದ ವಿರುದ್ಧ ನಡೆದ ಟೆಸ್ಟ್ ಸರಣಿಯಲ್ಲಿ ಭಾರತ 2-0 ಅಂತರದಲ್ಲಿ ಜಯಗಳಿಸಿತ್ತು. ಇದರ ನಡುವೆ 2021-23ರ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತ ತನ್ನ ಸ್ಥಾನವನ್ನು ಇನ್ನೂ ಖಚಿತಪಡಿಸಿಕೊಂಡಿಲ್ಲ. ಮತ್ತೊಂದೆಡೆ, ಇಂಗ್ಲೆಂಡ್, ವೆಸ್ಟ್ ಇಂಡೀಸ್ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧದ ಬ್ಯಾಕ್ ಟು ಬ್ಯಾಕ್ ಗೆಲುವಿನೊಂದಿಗೆ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡ ಐಸಿಸಿ ಈವೆಂಟ್‌ನ ಫೈನಲ್‌ನಲ್ಲಿ ತನ್ನ ಸ್ಥಾನವನ್ನು ಖಚಿತಪಡಿಸಿಕೊಂಡಿದೆ. ಭಾರತ ಪ್ರಸ್ತುತ ಆಸ್ಟ್ರೇಲಿಯಾದ ನಂತರ ಎರಡನೇ ಸ್ಥಾನದಲ್ಲಿದೆ. ವಿಶ್ವದ ಎರಡು ಅತ್ಯುತ್ತಮ ಟೆಸ್ಟ್ ತಂಡಗಳ ನಡುವಿನ ಪಂದ್ಯದಲ್ಲಿ ಭಾರತಕ್ಕೆ ವಿಶ್ವದ ನಂಬರ್ ಒನ್ ಸ್ಥಾನವನ್ನು ಮರಳಿ ಪಡೆಯುವ ಅವಕಾಶವಿದೆ.

ಭಾರತ ಟೆಸ್ಟ್‌ನಲ್ಲಿ ವಿಶ್ವದ ನಂಬರ್ 1 ಸ್ಥಾನವನ್ನು ಹೇಗೆ ತಲುಪಬಹುದು?

1. ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ಆಸ್ಟ್ರೇಲಿಯಾ 126 ರೇಟಿಂಗ್ ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದೆ.
2. ಭಾರತವು 115 ರೇಟಿಂಗ್ ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ ಮತ್ತು ಮೊದಲ ಸ್ಥಾನವನ್ನು ಪಡೆದುಕೊಳ್ಳಲು ಉತ್ತಮ ಅವಕಾಶವನ್ನು ಹೊಂದಿದೆ.
3. ಭಾರತವು ಆಸ್ಟ್ರೇಲಿಯಾವನ್ನು 2-0 ಅಥವಾ 3-1 ಅಂತರದಿಂದ ಸೋಲಿಸಿದರೆ,  ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ಭಾರತ ನಂಬರ್ 1 ಆಗಬಹುದು.
4. ಭಾರತಕ್ಕೆ 1-1 ಅಥವಾ 1-0 ಗೆಲುವಿನಿಂದ ಆಸ್ಟ್ರೇಲಿಯಾವನ್ನು ಹಿಂದಿಕ್ಕಲು ಸಾಧ್ಯವಾಗುವುದಿಲ್ಲ.
5. ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಫೈನಲ್​ ಪಂದ್ಯಕ್ಕೆ ತಲುಪಲು ಭಾರತ ಆಸೀಸ್​ ವಿರುದ್ಧ ಗೆಲ್ಲಲೇ ಬೇಕಾಗಿದೆ.

ಇದನ್ನೂ ಓದಿ: IND vs NZ 1st ODI: ಹಾರ್ದಿಕ್‌ ನಾಟೌಟ್​ ಆದ್ರೂ ಔಟ್​ ನೀಡಿದ ಅಂಪೈರ್, ಕಣ್ಣು ಮುಚ್ಚಿ ಅಂಪೈರಿಂಗ್ ಮಾಡ್ತಿದ್ದೀರಾ ಎಂದ ಫ್ಯಾನ್ಸ್

ಐಸಿಸಿ ಟೆಸ್ಟ್ ರ‍್ಯಾಂಕಿಂಗ್:

ಪ್ರಸ್ತುತ ಐಸಿಸಿ ಟೆಸ್ಟ್​ ರ‍್ಯಾಂಕಿಂಗ್ ನೋಡುವುದಾದರೆ, ಆಸ್ಟ್ರೇಲಿಯಾ ತಂಡವು 126 ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದೆ. ಬಳಿಕ ಭಾರತ ತಂಡ 115 ಅಂಕಗಳೊಂದಿಗೆ 2ನೇ ಸ್ಥಾನದಲ್ಲಿ ಮತ್ತು ಇಂಗ್ಲೆಂಡ್​ ತಂಡವು 107 ಅಂಕಗಳೊಂದಿಗೆ 3ನೇ ಸ್ಥಾನದಲ್ಲಿದೆ. ಉಳಿದಂತೆ 102 ಅಂಕಗಳೊಂದಿಗೆ ದಕ್ಷಿಣ ಆಫ್ರಿಕಾ 4ನೇ ಸ್ಥಾನ, 99 ಅಂಕಗಳೊಂದಿಗೆ ನ್ಯೂಜಿಲ್ಯಾಂಡ್ 5ನೇ ಸ್ಥಾನದಲ್ಲಿದೆ. ಬಳಿಕ ಕ್ರಮವಾಗಿ ಪಾಕಿಸ್ತಾನ, ಶ್ರೀಲಂಕಾ, ವೆಸ್ಟ್​ ಇಂಡೀಸ್​, ಬಾಂಗ್ಲಾದೇಶ ಮತ್ತು ಜಿಂಬಾಬ್ವೆ ತಂಡಗಳಿವೆ.