GG vs DC WPL 2023: 15 ಎಸೆತ 70 ರನ್​, ಶಫಾಲಿ ಅಬ್ಬರಕ್ಕೆ ಸುಸ್ತಾದ ಗುಜರಾತ್​; ಡೆಲ್ಲಿ ತಂಡಕ್ಕೆ ದಾಖಲೆಯ ಗೆಲುವು

ಮುಂಬೈನ ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಗುಜರಾತ್ ಜೈಂಟ್ಸ್ (GG vs DC) ನಾಯಕಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಹೀಗಾಗಿ ಮೊದಲು ಬ್ಯಾಟ್ ಮಾಡಿದ ಗುಜರಾತ್​ ತಂಡ ನಿಗದಿತ 20 ಓವರ್​ಗೆ 9 ವಿಕೆಟ್ ನಷ್ಟಕ್ಕೆ 105 ರನ್​ಗಳ ಸಾಧಾರಣ ಮೊತ್ತ ಕಲೆಹಾಕಿತು. ಈ ಮೊತ್ತ ಬೆನ್ನಟ್ಟಿದ ಡೆಲ್ಲಿ ತಂಡ ಕೇವಲ 7.1 ಓವರ್​ಗೆ ಯಾವುದೇ ವಿಕೆಟ್ ನಷ್ಟವಿಲ್ಲದೇ 107 ರನ್​ಗಳಿಸುವ ಮೂಲಕ ಭರ್ಜರಿ ಜಯ ದಾಖಲಿಸಿತು. ಡೆಲ್ಲಿ ಪರ ಶೆಫಾಲಿ ವರ್ಮಾ ಭರ್ಜರಿ ಬ್ಯಾಟಿಂಗ್​ ಪ್ರದರ್ಶನ ನೀಡಿದರು.

ಅಬ್ಬರಿಸಿದ ಶಫಾಲಿ ವರ್ಮಾ:

ಡೆಲ್ಲಿ ಕ್ಯಾಪಿಟಲ್ಸ್ ಪರ ಶಫಾಲಿ ವರ್ಮಾ ಭರ್ಜರಿ ಬ್ಯಾಟಿಂಗ್ ಮಾಡಿದರು. ಅವರು 19 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿ ದಾಖಲೆ ನಿರ್ಮಿಸಿದರು. ಅಲ್ಲದೆ 28 ಎಸೆತಗಳಲ್ಲಿ 5 ಸಿಕ್ಸ್ ಹಾಗೂ 10 ಫೋರ್​ನೊಂದಿಗೆ ಅಜೇಯ 78 ರನ್​ ಬಾರಿಸಿದರು. ಇದರಿಂದಾಗಿ ಡೆಲ್ಲಿ ಕ್ಯಾಪಿಟಲ್ಸ್​ 7.1 ಓವರ್​ಗಳಲ್ಲಿ 10 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತು. ಅಲ್ಲದೇ ನಾಯಕಿ ಮೆಗ್ ಲ್ಯಾನಿಂಗ್ 15 ಎಸೆತದಲ್ಲಿ 3 ಬೌಂಡರಿ ಮೂಲಕ 21 ರನ್​ ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖರಾದರು.

The @DelhiCapitals are back to winning ways and how 🙌🙌

A comprehensive 🔟-wicket win for #DC over the Gujarat Giants 👌🏻👌🏻

Scorecard 👉 https://t.co/ea9cEEkMGR#TATAWPL | #GGvDC pic.twitter.com/HGF6c8yQpW

— Women's Premier League (WPL) (@wplt20) March 11, 2023

ಇನ್ನು, ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಗುಜರಾತ್​ ತಂಡವು ಡೆಲ್ಲಿ ವಿರುದ್ಧ ಬ್ಯಾಟಿಂಗ್​ನಲ್ಲಿ ವಿಫಲವಾಯಿತು. ಗುಜರಾತ್​ ಪರ, ಸಬ್ಬಿನೇನಿ ಮೇಘನಾ ಶೂನ್ಯ, ಲಾರಾ ವೊಲ್ವಾರ್ಡ್ 1 ರನ್, ಹರ್ಲೀನ್ ಡಿಯೋಲ್ 20 ರನ್, ಆಶ್ಲೀಗ್ ಗಾರ್ಡ್ನರ್ ಶೂನ್ಯ, ಜಾರ್ಜಿಯಾ ವೇರ್ಹ್ಯಾಮ್ 22 ರನ್, ಸುಷ್ಮಾ ವರ್ಮಾ 2 ರನ್, ದಯಾಲನ್ ಹೇಮಲತಾ 5 ರನ್, ಸ್ನೇಹ್ ರಾಣಾ 2 ರನ್, ಕಿಮ್ ಗಾರ್ತ್ 32 ರನ್, ಮಾನ್ಸಿ ಜೋಶಿ 5 ರನ್ ಮತ್ತು ತನುಜಾ ಕನ್ವರ್ 13 ರನ್​ ಗಳಿಸಿದ್ದರು.

ಇದನ್ನೂ ಓದಿ: IPL 2023: ಹೈದರಾಬಾದ್​ ತಂಡದ ನಾಯಕತ್ವದಿಂದ ಮಾರ್ಕಮ್​ ಔಟ್​! ಈಗಲಾದ್ರೂ ಕನ್ನಡಿಗನಿಗೆ ಸಿಗುತ್ತಾ ಚಾನ್ಸ್?

ಡೆಲ್ಲಿ ಭರ್ಜರಿ ಬೌಲಿಂಗ್​:

ಇನ್ನು, ಟಾಸ್​ ಸೋತು ಮೊದಲು ಬೌಲಿಂಗ್​ ಮಾಡಿದ ಡೆಲ್ಲಿ ಉತ್ತಮ ದಾಳಿ ನಡೆಸಿತು. ಡೆಲ್ಲಿ ಪರ ಮರಿಝನ್ನೆ ಕಪ್ 4 ಓವರ್​ ಬೌಲ್ ಮಾಡಿ 15 ರನ್ ನೀಡಿ 5 ವಿಕೆಟ್​ ಪಡೆದು ಗುಜರಾತ್ ಕುಸಿತಕ್ಕೆ ಕಾರಣರಾದರು. ಉಳಿದಂತೆ ಶೀಖಾ ಪಾಂಡೆ 3 ವಿಕೆಟ್​ ಮತ್ತು ರಾಧಾ ಯಾದವ್​ 1 ವಿಕೆಟ್​ ಪಡೆದು ಮಿಂಚಿದರು.

ಗುಜರಾತ್​ - ಡೆಲ್ಲಿ ಪ್ಲೇಯಿಂಗ್ 11:

ಗುಜರಾತ್ ಜೈಂಟ್ಸ್​ ಪ್ಲೇಯಿಂಗ್ 11: ಸಬ್ಬಿನೇನಿ ಮೇಘನಾ, ಲಾರಾ ವೊಲ್ವಾರ್ಡ್, ಹರ್ಲೀನ್ ಡಿಯೋಲ್, ಆಶ್ಲೀಗ್ ಗಾರ್ಡ್ನರ್, ಜಾರ್ಜಿಯಾ ವೇರ್ಹ್ಯಾಮ್, ಸುಷ್ಮಾ ವರ್ಮಾ(ವಿಕೆಟ್ ಕೀಪರ್), ದಯಾಲನ್ ಹೇಮಲತಾ, ಸ್ನೇಹ್ ರಾಣಾ(ನಾಯಕಿ), ಕಿಮ್ ಗಾರ್ತ್, ಮಾನ್ಸಿ ಜೋಶಿ, ತನುಜಾ ಕನ್ವರ್.

ಡೆಲ್ಲಿ ಕ್ಯಾಪಿಟಲ್ಸ್ ಪ್ಲೇಯಿಂಗ್ 11: ಮೆಗ್ ಲ್ಯಾನಿಂಗ್ (ನಾಯಕಿ), ಶಫಾಲಿ ವರ್ಮಾ, ಲಾರಾ ಹ್ಯಾರಿಸ್, ಮರಿಝನ್ನೆ ಕಪ್, ಜೆಮಿಮಾ ರೊಡ್ರಿಗಸ್, ಜೆಸ್ ಜೊನಾಸೆನ್, ತಾನಿಯಾ ಭಾಟಿಯಾ (ನಾಯಕಿ), ಮಿನ್ನು ಮಣಿ, ರಾಧಾ ಯಾದವ್, ಶಿಖಾ ಪಾಂಡೆ, ಟಾರಾ ನೋರಿಸ್.