ಇಂಗ್ಲೆಂಡ್​ ನೆಲದಲ್ಲಿ ಭಾರತೀಯ ಐದು ಬ್ಯಾಟ್ಸ್​ಮನ್​ಗಳ ಅವಿಸ್ಮರಣೀಯ ಇನ್ನಿಂಗ್ಸ್​ಗಳು

news18
Updated:July 24, 2018, 4:02 PM IST
ಇಂಗ್ಲೆಂಡ್​ ನೆಲದಲ್ಲಿ ಭಾರತೀಯ ಐದು ಬ್ಯಾಟ್ಸ್​ಮನ್​ಗಳ ಅವಿಸ್ಮರಣೀಯ ಇನ್ನಿಂಗ್ಸ್​ಗಳು
Indian batsman Mahendra Singh Dhoni looses track of the ball after deflecting shot off a Chris Tremlett delivery during the fifth day of the first test between England and India at Lords cricket ground, in London, 23 July 2007. AFP PHOTO/CHRIS YOUNG / AFP PHOTO / CHRIS YOUNG
news18
Updated: July 24, 2018, 4:02 PM IST
ನ್ಯೂಸ್ 18 ಕನ್ನಡ

ಆಂಗ್ಲರ ನೆಲದಲ್ಲಿ ಭಾರತ ಈಗಾಗಲೇ ಟಿ-20 ಸರಣಿ ಗೆದ್ದು ಏಕದಿನ ಸರಣಿಯಲ್ಲಿ ಸೋಲುಂಡಿದೆ. ಹೀಗಾಗಿ ಸದ್ಯ ಟೆಸ್ಟ್ ಸರಣಿಯ ಮೇಲೆ ಗೆಲುವಿನ ಕಣ್ಣಿಟ್ಟಿದೆ. ಭಾರತೀಯ ಬ್ಯಾಟ್ಸ್​ಮನ್​ಗಳು ಈಗಾಗಲೇ ಕಠಿಣ ಅಭ್ಯಾಸಲ್ಲಿ ತೋಡಗಿದ್ದು, ಬ್ಯಾಟಿಂಗ್​ನಲ್ಲಿ ತಮ್ಮ ಕರಾಮತ್ತು ತೋರಲು ಸಜ್ಜಾಗುತ್ತಿದ್ದಾರೆ. ಈ ಹಿಂದೆಯೂ ಭಾರತೀಯ ಬ್ಯಾಟ್ಸ್​​ಮನ್​ಗಳು ಇಂಗ್ಲೆಂಡ್​ನಲ್ಲಿ ಮರೆಯಲಾಗದ ಅವಿಸ್ಮರಣೀಯ ಪ್ರದರ್ಶನ ತೋರಿದ್ದಾರೆ. ಈ ಬ್ಯಾಟ್ಸ್​​ಮನ್​ಗಳು ಭಾರತವನ್ನು ಸೋಲಿನಂಚಿನಿಂದ ಪಾರಾಗುವಂತೆ ಮಾಡಿದ್ದಾರೆ. ಇದರಲ್ಲಿ ಅತ್ಯುತ್ತಮ 5 ಬ್ಯಾಟ್ಸ್​ಮನ್​ಗಳನ್ನು ನೋಡುವುದಾದರೆ...

ದಿಲಿಪ್ ವೆಂಗ್ಸರ್ಕರ್(1986, ಹೆಡಿಂಗ್ಲೆ)



ವೆಂಗ್ಸರ್ಕರ್ ಅವರು ಇಂಗ್ಲೆಂಡ್ ವಿರುದ್ಧ ಆಡಿರುವ ಹೆಚ್ಚಿನ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ತೋರಿದ್ದಾರೆ. ಇಂಗ್ಲೆಂಡ್ ವಿರುದ್ಧದ 23 ಪಂದ್ಯಗಳಲ್ಲಿ ಇವರು 960 ರನ್ ಬಾರಿಸಿದ್ದಾರೆ. 1986ರಲ್ಲಿ ಹೆಡಿಂಗ್ಲೆನಲ್ಲಿ ನಡೆದ ಪಂದ್ಯದಲ್ಲಿ ವೆಂಗ್ಸರ್ಕರ್ ಅವರ 61 ರನ್​​ನ ಫಲವಾಗಿ ಭಾರತ 272 ರನ್ ಗಳಿಸಲು ನೆರವಾಗಿತ್ತು. ಬಳಿಕ ಎರಡನೇ ಇನ್ನಿಂಗ್ಸ್​ನಲ್ಲಿ ಭಾರತ ದಿಡೀರ್ ಕುಸಿತ ಕಂಡು ಕೇವಲ 35 ರನ್ ಆಗುವ ಹೊತ್ತಿಗೆ ತನ್ನ 4 ಪ್ರಮುಖ ವಿಕೆಟ್ ಕಳೆದುಕೊಂಡು ದುಸ್ತಿತಿಗೆ ತಲುಪಿತ್ತು. ಈ ಸಂದರ್ಭ ಕ್ರೀಸ್​ ಕಚ್ಚಿ ಆಡಿದ ವೆಂಗ್ಸರ್ಕರ್ ಅವರು 102 ರನ್ ಸಿಡಿಸಿ ಇಂಗ್ಲೆಂಡ್ 408 ರನ್​ಗಳ ಟಾರ್ಗೆಟ್ ನೀಡಿತ್ತು. 128 ರನ್​ಗೆ ಇಂಗ್ಲೆಂಡ್ ಸರ್ವಪತನ ಕಂಡು ಭಾರತ 3 ಟೆಸ್ಟ್​ ಪಂದ್ಯಗಳ ಸರಣಿಯಲ್ಲಿ 2-0 ಅಂತರದ ಮುನ್ನಡೆ ಸಾಧಿಸಿತ್ತು.

ಸಚಿನ್ ತೆಂಡೂಲ್ಕರ್ (1990, ಓಲ್ಡ್ ಟ್ರಾಫೋರ್ಡ್​)


Loading...

ಈ ಪಂದ್ಯದಲ್ಲಿ ಸಚಿನ್ ಅವರು ಅಂತರಾಷ್ಟ್ರೀಯಾ ಟೆಸ್ಟ್​ ಕ್ರಿಕೆಟ್​ನಲ್ಲಿ ಮೊದಲ ಶತಕ ಸಿಡಿಸಿ ತಂಡದ ಗೆಲುವಿಗೆ ಕಾರಣರಾಗಿದ್ದರು. ಅದು ಕೂಡ ಕೇವಲ 17 ವರ್ಷ ಪ್ರಾಯದಲ್ಲಿ ಎಂಬುದು ವಿಶೇಷ. ಭಾರತಕ್ಕೆ ಗೆಲ್ಲಲು 408 ರನ್ ಗುರಿ ನೀಡಿದ್ದ ಇಂಗ್ಲೆಂಡ್ 109 ರನ್ ಆಗುವ ಹೊತ್ತಿಗೆ ಭಾರತ 4 ವಿಕೆಟ್ ಕಳೆದುಕೊಂಡಿತು. ಈ ಸಂದರ್ಭ ಮನೋಜ್ ಪ್ರಭಾಕರ್ ಜೊತೆಯಾದ ಸಚಿನ್ ಇನ್ನಿಂಗ್ಸ್​ ಕಟ್ಟಿ ಭಾರತಕ್ಕೆ ಗೆಲುವು ತಂದು ಕೊಟ್ಟಿದ್ದರು. ಈ ಪಂದ್ಯದಲ್ಲಿ ತೆಂಡೂಲ್ಕರ್ ಅಜೇಯ 119 ರನ್ ಬಾರಿಸಿದ್ದರು.

ಸೌರವ್ ಗಂಗೂಲಿ (1996, ಲಾರ್ಡ್ಸ್​​)



ಅದು 1996ರಲ್ಲಿ ಭಾರತ-ಇಂಗ್ಲೆಂಡ್ ನಡುವಣ ಎರಡನೇ ಟೆಸ್ಟ್ ಪಂದ್ಯ. 3 ಟೆಸ್ಟ್​ ಪಂದ್ಯಗಳ ಸರಣಿಯಲ್ಲಿ ಇಂಗ್ಲೆಂಡ್ ಒಂದು ಪಂದ್ಯ ಗೆದ್ದಿದ್ದು, ಭಾರತಕ್ಕೆ ಎರಡನೇ ಟೆಸ್ಟ್ ಗೆಲ್ಲಲೇ ಬೇಕಾಗಿತ್ತು. ಈ ಸಂದರ್ಭ 3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಗಂಗೂಲಿಗೆ ಯಾವೊಬ್ಬ ಬ್ಯಾಟ್ಸ್​ಮನ್​ಗಳು ಸಾತ್​ ನೀಡಲಿಲ್ಲ. ಒಂದು ಕಡೆ ವಿಕೆಟ್ ಉರುಳುತ್ತಿದ್ದರೆ ಇತ್ತ ಕ್ರೀಸ್​ ಕಚ್ಚಿ ಬ್ಯಾಟಿಂಗ್ ಮಾಡಿದ ಗಂಗೂಲಿ 20 ಬೌಂಡರಿ ಜೊತೆಗೆ 131 ರನ್​ ಬಾರಿಸಿದ್ದರು. ಇದರಿಂದ ಭಾರತ 429 ರನ್ ಕಲೆಹಾಕಿ ಉತ್ತಮ ಲೀಡ್ ಪಡೆದುಕೊಂಡಿತು. ಅಲ್ಲದೆ ಕೊನೆಯ ಟೆಸ್ಟ್ ಪಂದ್ಯದಲ್ಲೂ ಗಂಗೂಲಿ ಅವರ ಮತ್ತೊಂದು ಶತಕ ಭಾರತಕ್ಕೆ ನೆರವಾಗಿತ್ತು.

ರಾಹುಲ್ ದ್ರಾವಿಡ್ (2002, ಹೆಡಿಂಗ್ಲೆ)



ರಾಹುಲ್ ದ್ರಾವಿಡ್ ಅವರ ಅತ್ಯುತ್ತಮ ಇನ್ನಿಂಗ್ಸ್​ ಎಂದರೆ 2011ರಲ್ಲಿ ಬಾರಿಸಿದ ತ್ರಿಶತಕ. ಆದರೆ ಕ್ರಿಕೆಟ್ ಅಭಿಮಾನಿಗಳಲ್ಲಿ ಈಗಲೂ ದ್ರಾವಿಡ್ ಅವರ ಮರೆಯಲಾಗದಂತ ಇನ್ನಿಂಗ್ಸ್​ ಎಂದರೆ 2002ರಲ್ಲಿ ಹೆಡಿಂಗ್ಲೆನಲ್ಲಿ ಆಡಿದ ಆಟ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಭಾರತ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು ಆರಂಭದಲ್ಲೆ ವಿರೇಂದ್ರ ಸೆಹ್ವಾಗ್ ಅವರ ವಿಕೆಟ್​ ಕಳೆದಿಕೊಂಡಿತು. 3ನೇ ಕ್ರಮಾಂಕದಲ್ಲಿ ಕ್ರೀಸ್​ಗಿಳಿದ ದ್ರಾವಿಡ್ ಅದ್ಭುತ ಆಟ ಪ್ರದರ್ಶಿಸಿದ್ದರು. 429 ನಿಮಿಷಗಳ ಕಾಲ ಕ್ರೀಸ್​​ನಲ್ಲಿದ್ದ ದ್ರಾವಿಡ್ 23 ಬೌಂಡರಿಗಳ ಜೊತೆಗೆ 148 ರನ್ ಬಾರಿಸಿ ಭಾರತಕ್ಕೆ ಜಯ ತಂದು ಕೊಟ್ಟಿದ್ದರು. ಅಲ್ಲದೆ ಈ ಪಂದ್ಯದಲ್ಲಿ ದ್ರಾವಿಡ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಪಾತ್ರರಾಗಿದ್ದರು.

ಮಹೇಂದ್ರ ಸಿಂಗ್ ಧೊನಿ (2007, ಲಾರ್ಡ್ಸ್​​)



2007ರಲ್ಲಿ ಲಾರ್ಡ್ಸ್​​ನಲ್ಲಿ ನಡೆಯುತ್ತಿದ್ದ ಪಂದ್ಯ ಭಾರತಕ್ಕೆ ಮುಖ್ಯವಾಗಿತ್ತು. ಧೊನಿ ಈ ಪಂದ್ಯದಲ್ಲಿ ಶತಕ ಸಿಡಿಸಿಲ್ಲವಾದರು ಮಳೆಯ ನಡುವೆ ಪಂದ್ಯ ಡ್ರಾ ಮಾಡುವಲ್ಲಿ ಪ್ರಮುಖ ಪಾತ್ರವಹಿಸಿದರು. ಭಾರತಕ್ಕೆ ಗೆಲ್ಲಲು 380 ರನ್​ಗಳ ಗುರಿ ನೀಡಿದ್ದ ಇಂಗ್ಲೆಂಡ್ 145 ರನ್ ಆಗುವಷ್ಟರಲ್ಲಿ ಭಾರತ 5 ವಿಕೆಟ್ ಕಳೆದುಕೊಂಡಿತ್ತು. ಈ ಸಂದರ್ಭ ವಿವಿಎಸ್ ಲಕ್ಷಣ್ ಜೊತೆಯಾದ ಧೋನಿ ಉತ್ತಮ ಇನ್ನಿಂಗ್ಸ್​ ಕಟ್ಟಿದರು. 86 ರನ್​ಗಳ ಜೊತೆಯಾಟ ನೀಡಿ ಲಕ್ಷಣ್ ಔಟ್ ಆದರು. ಆದರು ಒಬ್ಬಂಟಿಯಾಗಿ ಕ್ರೀಸ್​​ ಕಚ್ಚಿ ಆಡಿದ ಧೊನಿ 159 ಎಸೆತಗಳಲ್ಲಿ 10 ಬೌಂಡರಿ ಜೊತೆಗೆ 76 ರನ್ ಕಲೆಹಾಕಿದ್ದರು. 282 ರನ್​ಗೆ 9 ವಿಕೆಟ್ ಕಳೆದುಕೊಂಡಿದ್ದಾಗ ಜೋರಾಗಿ ಮಳೆ ಸುರಿದ ಕಾರಣ ಪಂದ್ಯವನ್ನು ಡ್ರಾ ಮೂಲಕ ಅಂತ್ಯಗೊಳಿಸಲಾಯಿತು. ಮೂರು ಟೆಸ್ಟ್​ ಪಂದ್ಯಗಳ ಸರಣಿಯಲ್ಲಿ ಭಾರತ 1-0 ಅಂತರದೊಂದಿಗೆ ಜಯ ಸಾಧಿಸಿತ್ತು.
First published:July 24, 2018
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...