FIFA World Cup Final 2022: ವಿಶ್ವಕಪ್ ಫೈನಲ್‌ಗೆ ಶಾರುಖ್ ಖಾನ್ ಎಂಟ್ರಿ! ಕಿಂಗ್​ ಖಾನ್​ ಫೇವರಿಟ್​ ಪ್ಲೇಯರ್​ ಇವರಂತೆ

ಬಾಲಿವುಡ್‌ನ ಕಿಂಗ್ ಖಾನ್ ಸುಮಾರು ಮೂರು ವರ್ಷಗಳ ನಂತರ ಹಿರಿತೆರೆಗೆ ಮರಳುತ್ತಿದ್ದಾರೆ. ಪಠಾಣ್ (Pathaan) ಜನವರಿ 25 ರಂದು ಬಿಡುಗಡೆಯಾಗಲಿದೆ.  ಶಾರುಖ್ ಖಾನ್ ಈ ಚಿತ್ರಕ್ಕಾಗಿ ಭರ್ಜರಿ ಪ್ರಚಾರವನ್ನೂ ಮಾಡುತ್ತಿದ್ದು, ಇದರ ಭಾಗವಾಗಿ ಶಾರುಖ್ ಖಾನ್ ( Shah Rukh Khan) ಶನಿವಾರ ಟ್ವಿಟರ್‌ನಲ್ಲಿ 'ಆಸ್ಕ್ ಎಸ್‌ಆರ್‌ಕೆ' ಸೆಷನ್ ಅನ್ನು ಆಯೋಜಿಸಿದ್ದರು. ಈ ವೇಳೆ ಅಭಿಮಾನಿಗಳು ಫಿಫಾ ವಿಶ್ವಕಪ್​ 2022 (FIFA World Cup Final 2022) ಕುರಿತು ಕೇಳಿದ ಪ್ರಶ್ನೆಗಳಿಗೆ ಆಸಕ್ತಿಕರ ಉತ್ತರಗಳನ್ನು ನೀಡಿದ್ದಾರೆ. ಅದರಲ್ಲಿಯೂ ಅಭಿಮಾನಿಗಳು ಮೆಸ್ಸಿ ಮತ್ತು ಎಂಬಪ್ಪೆ ಅವರ ಕುರಿತ ಪ್ರಶ್ನೆಗೆ ಕಿಂಗ್​ ಖಾನ್​ ನೀಡಿದ ಉತ್ತರ ಇದೀಗ ಸಖತ್ ವೈರಲ್ ಆಗುತ್ತಿದೆ.

ಯಾರ ಹೃದಯಲ್ಲಿ ಇಲ್ಲ ಮೆಸ್ಸಿ:

ನಾಳೆ ನಡೆಎಯಲಿರುವ ಫಿಫಾ ವಿಶ್ವಕಪ್​ ಫೈನಲ್​ ಪಂದ್ಯದಲ್ಲಿ ಫ್ರಾನ್ಸ್ ಮತ್ತು ಅರ್ಜೆಂಟೀನಾ ಸೆಣಸಾಡಲಿದೆ. ಈ ಪಂದ್ಯಕ್ಕಾಗಿ ಕೋಟ್ಯಾಂತರ ಜನ ಕಾತುರದಿಂದ ಕಾಯುತ್ತಿದ್ದಾರೆ. ಈ ಪಂದ್ಯವಳಿಯ ರಂಗು ಇದೀಗ ಶಾರೂಖ್ ಅವರಿಗೂ ತಟ್ಟಿದೆ. ಅವರ ಆಸ್ಕ್ ಎಸ್‌ಆರ್‌ಕೆ ಸೆಷನ್​ನಲ್ಲಿ ಅಭಿಮಾನಿಯೊಬ್ಬರು ಕಿಂಗ್​ ಖಾನ್​ ಬಳಿ ನೀವು ಯಾವ ತಂಡವನ್ನು ಬೆಂಬಲಿಸುತ್ತೀರಿ ಎಂದು ಅಭಿಮಾನಿಯೊಬ್ಬರು ಕೇಳಿದರು. ಇದಕ್ಕೆ ಉತ್ತರಿಸಿರುವ ಶಾರುಖ್, ‘ಅರೆ ಯಾರ್ ಹೃದಯದಲ್ಲಿ ಮೆಸ್ಸಿ ಇಲ್ಲ ಹೇಳಿ? ಆದರೆ Mbappe ಅವರನ್ನು ಸಹ ವೀಕ್ಷಿಸಲು ಸಂತಸವಾಗುತ್ತದೆ‘ ಎಂಬರ್ಥದಲ್ಲಿ ಉತ್ತರ ನೀಡಿದ್ದಾರೆ. ಸದ್ಯ ಈ ಉತ್ತರ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

Arre yaar the heart says Messi no?? But Mbappa is a treat to watch also https://t.co/XFUOE2t7d9

— Shah Rukh Khan (@iamsrk) December 17, 2022

ಪಠಾಣ್​ ಪ್ರಚಾರಕ್ಕಾಗಿ ಫಿಫಾ:

ಪಠಾಣ್ ಚಿತ್ರದ ಪ್ರಚಾರಕ್ಕಾಗಿ ಶಾರುಖ್ ಖಾನ್ ಕತಾರ್ ವಿಶ್ವಕಪ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಾಳೆ ವಿಶ್ವಕಪ್ ಫೈನಲ್‌ನಲ್ಲಿ ಸ್ಟುಡಿಯೋದಲ್ಲಿ ಇರುವುದಾಗಿ ಅಧಿಕೃತವಾಗಿ ಘೋಷಿಸಿದ್ದಾರೆ. ಶಾರುಖ್ ಖಾನ್ ಸಾಮಾನ್ಯವಾಗಿ ಕ್ರಿಕೆಟ್ ಮೈದಾನದಲ್ಲಿ ಕಾಣಿಸಿಕೊಳ್ಳುತ್ತಾರೆ. ಆದರೆ ಈ ಬಾರಿ ಅವರು ಫುಟ್​ಬಾಲ್​ ಮೈದಾನದಲ್ಲಿ ಕಾಣಿಸಿಕೊಳ್ಳುವುದಾಗಿ ಹೇಳುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಡಿಸೆಂಬರ್ 18 ರಂದು ಲುಸಿಲ್ಲೆ ಐಕಾನಿಕ್ ಸ್ಟೇಡಿಯಂನಲ್ಲಿ ವಿಶ್ವಕಪ್ ಫೈನಲ್ ಫೈಟ್​ ನಡೆಯಲಿದೆ.

View this post on Instagram

A post shared by Shah Rukh Khan (@iamsrk)

ಆ ಪಂದ್ಯದ ಸಂದರ್ಭದಲ್ಲಿ, ಶಾರುಖ್ ಖಾನ್ ಸ್ಟುಡಿಯೋದಲ್ಲಿ ಫುಟ್ಬಾಲ್ ಬಗ್ಗೆ ಚರ್ಚಿಸುತ್ತಾರೆ. ಇವರೊಂದಿಗೆ ವೇಯ್ನ್ ರೂನಿ ಕೂಡ ಇರಲಿದ್ದಾರೆ. ಡಿಸೆಂಬರ್ 12 ರಂದು 'ಪಠಾಣ್' ಚಿತ್ರದ ಮೊದಲ ಹಾಡು ಬೆಸರಂ ರಂಗ್ ಬಿಡುಗಡೆಯಾಗಿದೆ. ಈ ನಡುವೆ ಹಾಡಿನ ಬಗ್ಗೆ ವಿವಾದ ಶುರುವಾಗಿದೆ. ಹಾಡಿನ ದೃಶ್ಯವನ್ನು ಹಂಚಿಕೊಳ್ಳುವ ಮೂಲಕ ಚಿತ್ರಕ್ಕೆ ಬಹಿಷ್ಕಾರ ಹಾಕುವಂತೆ ಒತ್ತಾಯ ಕೇಳಿಬಂದಿದೆ. ಅಲ್ಲದೇ ಸಾಮಾಜಿಕ ಜಾಲತಾಣದಲ್ಲಿ ‘ಬೈಕಾಟ್​ ಪಠಾಣ್​‘ ಎಂಬ ಹ್ಯಾಶ್​ಟ್ಯಾಗ್​ ಟ್ರೆಂಡ್​ ಆಗಿದೆ.

ಇದನ್ನೂ ಓದಿ: Pathaan: ಇವರಿಗೆ ಹಿಜಾಬ್​ ಧರಿಸಿದ್ರೂ ಆಗಲ್ಲ, ಬಿಕಿನಿ ಹಾಕಿದ್ರೂ ಸಹಿಸಲ್ಲ: 'ಪಠಾಣ್​'ಗೆ ಸಂಸದೆ ನುಸ್ರತ್ ಬೆಂಬಲ!

ಬಹುತಾರಾಗಣದ ಚಿತ್ರ ಪಠಾಣ್​:

ಇನ್ನು, ‘ಪಠಾಣ್’ ಚಿತ್ರವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶಿಸಿದ್ದಾರೆ. ಆದಿತ್ಯ ಚೋಪ್ರಾ ಬಂಡವಾಳ ಹೂಡಿದ್ದಾರೆ. ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ, ಡಿಂಪಲ್ ಕಪಾಡಿಯಾ, ಅಶುತೋಷ್ ರಾಣಾ, ಗೌತಮ್, ಏಕ್ತಾ ಕೌರ್ ಸಿನಿಮಾದಲ್ಲಿ ವಿವಿಧ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೆ, ಚಿತ್ರದಲ್ಲಿ ಸಲ್ಮಾನ್ ಖಾನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.