• Home
  • »
  • News
  • »
  • sports
  • »
  • FIFA World Cup 2022 Final: ಕಾಲ್ಚೆಂಡಿನ ಸಮರದಲ್ಲಿ ಗೆದ್ದು ಬೀಗಿದ ಅರ್ಜೆಂಟಿನಾ! ಮೆಸ್ಸಿ ವಿಶ್ವಕಪ್ ಕನಸು ನನಸು!

FIFA World Cup 2022 Final: ಕಾಲ್ಚೆಂಡಿನ ಸಮರದಲ್ಲಿ ಗೆದ್ದು ಬೀಗಿದ ಅರ್ಜೆಂಟಿನಾ! ಮೆಸ್ಸಿ ವಿಶ್ವಕಪ್ ಕನಸು ನನಸು!

ಅರ್ಜೆಂಟೀನಾ ವಿಶ್ವ ಚಾಂಪಿಯನ್

ಅರ್ಜೆಂಟೀನಾ ವಿಶ್ವ ಚಾಂಪಿಯನ್

FIFA World Cup 2022 Final: ಅಂತಿಮ ಕ್ಷಣದವರೆಗಿನ ರೋಚಕ ಪಂದ್ಯದಲ್ಲಿ ಫ್ರಾನ್ಸ್ ವಿರುದ್ಧ ಮೆಸ್ಸಿ ನಾಯಕತ್ವದ  ಅರ್ಜೆಂಟೀನಾ ಗೆದ್ದು ಫಿಫಾ ವಿಶ್ವಕಪ್​ 2022ರ ಚಾಂಪಿಯನ್​ ಆಗಿ ಹೊರಹೊಮ್ಮಿದೆ.

  • Share this:

ಒಂದು ತಿಂಗಳ ಕಾಲ ಫುಟ್ಬಾಲ್ ಪ್ರೇಮಿಗಳನ್ನು ರಂಜಿಸಿದ ಫಿಫಾ ವಿಶ್ವಕಪ್ 2022ಗೆ ಅದ್ಧೂರಿ ತೆರೆಬಿದ್ದಿದೆ. ಫೈನಲ್​ ಪಂದ್ಯದಲ್ಲಿ ಮೆಸ್ಸಿ ನಾಯಕತ್ವದ ಅರ್ಜೆಂಟಿನಾ ಮತ್ತು ಎಂಬಾಪೆ ನಾಯಕತ್ವದ ಫ್ರಾನ್ಸ್​ ತಂಡಗಳು ಸೆಣಸಾಡಿದವು. ಅಂತಿಮ ಕ್ಷಣದವರೆಗಿನ ರೋಚಕ ಪಂದ್ಯದಲ್ಲಿ ಫ್ರಾನ್ಸ್ ವಿರುದ್ಧ ಮೆಸ್ಸಿ ನಾಯಕತ್ವದ  ಅರ್ಜೆಂಟಿನಾ ಗೆದ್ದು ಫಿಫಾ ವಿಶ್ವಕಪ್​ 2022ರ ಚಾಂಪಿಯನ್​ ಆಗಿ ಹೊರಹೊಮ್ಮಿದೆ. 3-3 ಗೋಲ್​ಗಳ ಮೂಲಕ ಪಂದ್ಯ ಟೈ ಆದಾಗ ಪೆನಾಲ್ಟಿ ಶೂಟ್​ಔಟ್​ನಲ್ಲಿ 4-2 ಅಂತರದಿಂದ ಅರ್ಜೆಂಟೀನಾ ಗೆಲುವಿನ ನಗೆ ಬೀರಿತು. ಈ ಮೂಲಕ ಅರ್ಜೆಂಟಿನಾ ತಂಡ ಮೆಸ್ಸಿಗೆ ಗೆಲುವಿನ ಉಡುಗೊರೆ ನೀಡಿದೆ.


ಉಭಯ ತಂಡಗಳ ಭರ್ಜರಿ ಪೈಪೋಟಿ:


ಇನ್ನು, ಪಂದ್ಯದ ಆರಂಭದಿಂದಲೇ ಅರ್ಜೆಂಟಿನಾ ತಂಡವು ಫ್ರಾನ್ಸ್​ ಮೇಲೆ ಹಿಡಿತ ಸಾಧಿಸಿತು. ಅರ್ಜೆಂಟೀನಾ ಮೊದಲಾರ್ಧದಲ್ಲಿ ಎರಡು ಗೋಲುಗಳಿಂದ ಮುನ್ನಡೆ ಹೊಂದಿತ್ತು. ಅರ್ಜೆಂಟೀನಾ ಪರ 23ನೇ ನಿಮಿಷದಲ್ಲಿ ನಾಯಕ ಲಿಯೋನೆಲ್ ಮೆಸ್ಸಿ ಮತ್ತು 36ನೇ ನಿಮಿಷದಲ್ಲಿ ಏಂಜೆಲ್ ಡಿ ಮರಿಯಾ ಗೋಲು ಗಳಿಸಿದರು. ಪೆನಾಲ್ಟಿ ಕಿಕ್‌ನಿಂದ ಮೆಸ್ಸಿ ಗೋಲು ಗಳಿಸಿದರೆ, ಡಿ ಮರಿಯಾ ಅದ್ಭುತ ಆಟದಿಂದ ಗೋಲನ್ನು ಗಳಿಸಿದರು. ಬಳಿಕ ಸೆಕೆಂಡ್​ ಹಾಫ್​ನ 79ನೇ ನಿಮಿಷದಲ್ಲಿ ಫ್ರಾನ್ಸ್ ನಾಯಕ ಎಂಬಾಪೆ ಪೆನಾಲ್ಟಿ ಕಿಕ್​ ಮೂಲಕ ಮೊದಲ ಗೋಲ್​ ಗಳಿಸಿದರೆ, ಬಳಿಕ ಕೇವಲ 2 ನಿಮಿಷದ ಅಂತರದಲ್ಲಿ 81ನೇ ನಿಮಿಷದಲ್ಲಿ 2ನೇ ಗೋಲ್​ ಗಳಿಸಿದರು. ಈ ವೇಳೆ ಪಂದ್ಯದ ಗತಿಯೇ ಬದಲಾಗಿ 2-2 ಗೋಲ್​ ಮೂಲಕ ಸಮಬಲ ಸಾಧಿಸಿತು.



ಹೆಚ್ಚಿನ ಸಮಯ ನೀಡಿದಾಗಲೂ ಉಭಯ ತಂಡಗಳು ಭರ್ಜರಿ ಸಮಬಲದ ಹೋರಾಟ ನಡೆಸಿದರು. ಆದರೆ ಪಂದ್ಯದ ಎಕ್ಸ್ಟಾ ಟೈಂ 109ನೇ ನಿಮಿಷದಲ್ಲಿ ಮೆಸ್ಸಿ ಅದ್ಭುತ ಗೋಲ್​ ಗಳಿಸುವ ಮೂಲಕ ಪಂದ್ಯದ ಗತಿಯನ್ನೇ ಬದಲಿಸಿದರು. ಆದರೆ ಈ ಸಂತಸ ತುಂಬಾ ಸಮಯ ಉಳಿಯಲಿಲ್ಲ. ಏಕೆಂದರೆ ಪಂದ್ಯದ 117ನೇ ನಿಮಿಷದಲ್ಲಿ ಪೆನಾಲ್ಟಿ ಕಿಕ್​ ಸಿಕ್ಕ ಅವಕಾಶವನ್ನು ಎಂಬಾಪೆ ಸರಿಯಾಗಿ ಬಳಸಿಕೊಳ್ಳುವ ಮೂಲಕ ಗೋಲ್​ ಆಗಿ ಪರಿವರ್ತಿಸಿದರು. ಅರ್ಜೆಂಟಿನಾ 4-4-2 ರಚನೆಯಲ್ಲಿ ಮತ್ತು ಫ್ರಾನ್ಸ್ 4-2-3-1 ಶೈಲಿಯಲ್ಲಿ ಮೈದಾನಕ್ಕಿಳಿದಿತ್ತು.


ಟ್ರೋಫಿ ಅನಾವರಣಗೊಳಿಸಿದ ದೀಪಿಕಾ:


ಇನ್ನು, ಫಿಫಾ ವಿಶ್ವಕಪ್​ಗೆ ಇಂದು ಬಾಲಿವುಡ್​ ಬ್ಯೂಟಿ ದೀಪಿಕಾ ಪಡುಕೋಣೆ ಎಂಟ್ರಿಕೊಟ್ಟಿದ್ದರು. ಫಿಫಾ ವಿಶ್ವಕಪ್ ಟ್ರೋಫಿಯನ್ನು ದೀಪಿಕಾ ಇಂದು ಅನಾವರಣಗೊಳಿಸಿದರು. ಇವರ ಜೊತೆಗೆ ಸ್ಪೇನ್‌ನ ಮಾಜಿ ನಾಯಕ ಐಕರ್ ಕ್ಯಾಸಿಯಸ್ ಸಹ ಮೈದಾನದಲ್ಲಿ ಟ್ರೋಫಿ ಅನಾವರಣದ ವೇಳೆ ಕಾಣಿಸಿಕೊಂಡರು. ಬಳಿಕ ನಡೆದ ಕಾರ್ಯಕ್ರಮದಲ್ಲಿ ಬಾಲಿವುಡ್ ನಟಿ ನೋರಾ ಫತೇಹಿ ಸಹ ಭಾಗಿ ಆಗುವ ಮೂಲಕ ಫಿಫಾ ವಿಶ್ವಕಪ್​ನಲ್ಲಿ ಬಾಳಿವುಡ್​ ರಂಗು ತಂದರು. ಒಟ್ಟಾರೆಯಾಗಿ ವಿಶ್ವಕಪ್​ನಲ್ಲಿ ಅರ್ಜೆಂಟೇನಾ ಗೆಲ್ಲುವ ಮೂಲಕ ಕಾಲ್ಚೆಂಡಿನ ಆಟಕ್ಕೆ ಅದ್ಧೂರಿ ತೆರೆ ಬಿದ್ದಿದೆ.


ಇದನ್ನೂ ಓದಿ: FIFA World Cup 2022: ಭಾರತದಲ್ಲಿ ಇತಿಹಾಸ ನಿರ್ಮಿಸಿದ ಫಿಫಾ ವಿಶ್ವಕಪ್, ಟಿವಿ ಪ್ರೇಕ್ಷಕರನ್ನು ಹಿಂದಿಕ್ಕಿದ ಡಿಜಿಟಲ್


ಫ್ರಾನ್ಸ್​-ಅರ್ಜೆಂಟಿನಾ ತಂಡಗಳು:


ಅರ್ಜೆಂಟಿನಾ ತಂಡ: ಎಮಿಲಿಯಾನೊ ಮಾರ್ಟಿನೆಜ್ (ಗೋಲ್‌ಕೀಪರ್), ನಹುಯೆಲ್ ಮೊಲಿನಾ, ಕ್ರಿಶ್ಚಿಯನ್ ರೊಮೆರೊ, ನಿಕೋಲಸ್ ಒಟಮೆಂಡಿ, ನಿಕೋಲಸ್ ಟ್ಯಾಗ್ಲಿಯಾಫಿಕೊ, ರೊಡ್ರಿಗೊ ಡಿ ಪಾಲ್, ಎಂಜೊ ಫೆರ್ನಾಂಡಿಸ್, ಅಲೆಕ್ಸಿಸ್ ಮೆಕ್‌ಅಲಿಸ್ಟರ್, ಏಂಜೆಲ್ ಡಿ ಮಾರಿಯಾ, ಲಿಯೋನೆಲ್ ಮೆಸ್ಸಿ (ನಾಯಕ), ಜೂಲಿಯನ್ ಅಲ್ವಾರೆಜ್.


ಫ್ರಾನ್ಸ್​ ತಂಡ: ಲೊರಿಸ್ - ಕಾಂಟೆ, ವರಾನೆ, ಉಪಮೆಕಾನೊ, ಹೆರ್ನಾಂಡೆಜ್ - ಗ್ರೀಜ್‌ಮನ್, ಚೌಮೇನಿ, ರಾಬಿಯೊಟ್ - ಒ. ಡೆಂಬೆಲೆ, ಎಂಬಪ್ಪೆ (ನಾಯಕ), ಗಿರೌಡ್.

Published by:shrikrishna bhat
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು