ಮುಂದಿನ ಫೆಬ್ರವರಿಯಲ್ಲಿ ಭಾರತ ಪ್ರವಾಸ ಕೈಗೊಳ್ಳಲಿರುವ ಇಂಗ್ಲೆಂಡ್​ ಕ್ರಿಕೆಟ್​ ತಂಡ; ಇಲ್ಲಿದೆ ಸರಣಿಯ ವೇಳಾಪಟ್ಟಿ

ಇಂಗ್ಲೆಂಡ್​ ಪ್ರಸ್ತುತ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿದೆ. ಈ ಪ್ರವಾಸದಲ್ಲಿ ಮೂರು ಟಿ-20 ಪಂದ್ಯಗಳು ನಡೆದಿದ್ದು ಇಂಗ್ಲೆಂಡ್​ ಕ್ಲೀನ್ ಸ್ವೀಪ್ ಸಾಧಿಸಿತ್ತು. ಆದರೆ, ದಕ್ಷಿಣ ಆಫ್ರಿಕಾದ ಕೆಲವು ಆಟಗಾರರು ಕೊರೋನಾ ಸೋಂಕಿಗೆ ತುತ್ತಾದ ಪರಿಣಾಮ ಟೆಸ್ಟ್​ ಹಾಗೂ ಏಕದಿನ ಸರಣಿಗಳನ್ನು ರದ್ದುಮಾಡಲಾಗಿದೆ.

ವಿರಾಟ್​ ಕೊಹ್ಲಿ-ಜೋ ರೂಟ್.

ವಿರಾಟ್​ ಕೊಹ್ಲಿ-ಜೋ ರೂಟ್.

  • Share this:
    ಭಾರತ ಕ್ರಿಕೆಟ್​ ತಂಡ ಇದೀಗ ಆಸ್ಟ್ರೇಲಿಯಾ ಪ್ರವಾಸದಲ್ಲಿದೆ. ಈ ಪ್ರವಾಸ ಜನವರಿ ಮೂರನೇ ವಾರದಲ್ಲಿ ಮುಕ್ತಾಯವಾಗಲಿದ್ದು, ಮುಂದಿನ ವರ್ಷ ಫೆಬ್ರವರಿಯಲ್ಲಿ ಇಂಗ್ಲೆಂಡ್​ ತಂಡ ಭಾರತಕ್ಕೆ ನಾಲ್ಕು ಟೆಸ್ಟ್​, ಮೂರು ಏಕದಿನ ಮತ್ತು ಐದು ಟಿ-20 ಪಂದ್ಯಗಳಿಗಾಗಿ ಭಾರತಕ್ಕೆ ಆಗಮಿಸಲಿರುವುದು ಖಚಿತವಾಗಿದೆ. ಈ ಪ್ರವಾಸವು ಫೆಬ್ರವರಿ 5 ರಿಂದ ಚೆನ್ನೈನಲ್ಲಿ ಪ್ರಾರಂಭವಾಗಲಿದ್ದು, ಫೆಬ್ರವರಿ 24 ರಂದು ಆರಂಭವಾಗಲಿರುವ ಮೂರನೇ ಟೆಸ್ಟ್​ ಪಂದ್ಯ ಅಹಮದಾಬಾದ್​ನಲ್ಲಿ ಹಗಲು-ರಾತ್ರಿ ಪಂದ್ಯವನ್ನಾಗಿ ಆಯೋಜನೆ ಮಾಡಲು ನಿರ್ಧರಿಸಲಾಗಿದೆ ಎಂದು ಬಿಸಿಸಿಐ ಗುರುವಾರ ದೃಢಪಡಿಸಿದೆ.  ಅಲ್ಲದೆ, ಕೊರೋನಾ ಸಮಸ್ಯೆಯಿಂದಾಗಿ ನಾಲ್ಕನೇ ಟೆಸ್ಟ್​ ಪಂದ್ಯ ಹಾಗೂ ಐದು ಟಿ-20 ಪಂದ್ಯಗಳನ್ನು ಅಹಮದಾಬಾದ್​ನಲ್ಲಿ ಹೊಸದಾಗಿ ನಿರ್ಮಿಸಲಾಗಿರುವ ಮೊಟೇರಾ ಕ್ರೀಡಾಂಗಣದಲ್ಲೇ ಆಯೋಜಿಸಲು ನಿರ್ಧರಿಸಲಾಗಿದೆ ಎಂದು ಬಿಸಿಸಿಐ ಪ್ರಕಟಣೆ ಹೊರಡಿಸಿದೆ. 

    ಇಂಗ್ಲೆಂಡ್​ ಪ್ರಸ್ತುತ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿದೆ. ಈ ಪ್ರವಾಸದಲ್ಲಿ ಮೂರು ಟಿ-20 ಪಂದ್ಯಗಳು ನಡೆದಿದ್ದು ಇಂಗ್ಲೆಂಡ್​ ಕ್ಲೀನ್ ಸ್ವೀಪ್ ಸಾಧಿಸಿತ್ತು. ಆದರೆ, ದಕ್ಷಿಣ ಆಫ್ರಿಕಾದ ಕೆಲವು ಆಟಗಾರರು ಕೊರೋನಾ ಸೋಂಕಿಗೆ ತುತ್ತಾದ ಪರಿಣಾಮ ಟೆಸ್ಟ್​ ಹಾಗೂ ಏಕದಿನ ಸರಣಿಗಳನ್ನು ರದ್ದುಮಾಡಲಾಗಿದೆ. ಈ ಸರಣಿ ನಂತರ ಇಂಗ್ಲೆಂಡ್​ ಕೈಗೊಳ್ಳುತ್ತಿರುವ ಎರಡನೇ ವಿದೇಶಿ ಸರಣಿ ಭಾರತದ್ದೇ ಆಗಿದೆ.

    ಇನ್ನೂ ಕಳೆದ ಮಾರ್ಚ್​ ಮಾರ್ಚ್-ಮೇ 2020 ರಿಂದ ಭಾರತದಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ನಡೆಯಬೇಕಿತ್ತು. ಆದರೆ, ಸಾಂಕ್ರಾಮಿಕ ರೋಗದ ಕಾರಣದಿಂದಾಗಿ ಈ ಟೂರ್ನಿಯನ್ನು ಯುಎಇಗೆ ಸ್ಥಳಾಂತರಿಸಲಾಯಿತು.

    ಭಾರತ-ಇಂಗ್ಲೆಂಡ್‌ ಟೆಸ್ಟ್‌ ಸರಣಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಭಾಗವಾಗಲಿದ್ದು, ಈ ವರ್ಷದ ಕೊನೆಯಲ್ಲಿ ಲಾರ್ಡ್ಸ್‌ನಲ್ಲಿ ನಡೆಯಲಿರುವ ಚಾಂಪಿಯನ್‌ಶಿಪ್‌ನ ಫೈನಲ್‌ಗೆ ಉಭಯ ತಂಡಗಳು ಅರ್ಹತೆ ಗಿಟ್ಟಿಸಲು ಈ ಗೆಲುವು ಅವಶ್ಯಕವಾಗಿದೆ.

    ಪೂರ್ಣ ವೇಳಾಪಟ್ಟಿ

    1 ನೇ ಟೆಸ್ಟ್, ಚೆನ್ನೈ: ಫೆಬ್ರವರಿ 5 ರಿಂದ 9

    2 ನೇ ಟೆಸ್ಟ್, ಚೆನ್ನೈ: ಫೆಬ್ರವರಿ 13 ರಿಂದ 17

    3 ನೇ ಟೆಸ್ಟ್, ಅಹಮದಾಬಾದ್ (ಹಗಲು ರಾತ್ರಿ): ಫೆಬ್ರವರಿ 24 ರಿಂದ 28 ರವರೆಗೆ

    4 ನೇ ಟೆಸ್ಟ್, ಅಹಮದಾಬಾದ್: ಮಾರ್ಚ್ 4 ರಿಂದ 8

    ಐದು ಟಿ 20 ಪಂದ್ಯಗಳು

    1 ನೇ ಟಿ-20 ಅಹಮದಾಬಾದ್: ಮಾರ್ಚ್ 12

    2 ನೇ ಟಿ-20 ಅಹಮದಾಬಾದ್: ಮಾರ್ಚ್ 14

    3 ನೇ ಟಿ-20 ಅಹಮದಾಬಾದ್: ಮಾರ್ಚ್ 16

    4 ನೇ ಟಿ-20 ಅಹಮದಾಬಾದ್: ಮಾರ್ಚ್ 18

    5 ನೇ ಟಿ-20 ಅಹಮದಾಬಾದ್: ಮಾರ್ಚ್ 20

    ಮೂರು ಏಕದಿನ ಪಂದ್ಯಗಳು

    1 ನೇ ಏಕದಿನ, ಪುಣೆ: ಮಾರ್ಚ್ 23

    2 ನೇ ಏಕದಿನ, ಪುಣೆ: ಮಾರ್ಚ್ 26

    3 ನೇ ಏಕದಿನ, ಪುಣೆ: ಮಾರ್ಚ್ 28

    ಇದನ್ನೂ ಓದಿ : ರೋಹಿತ್ ಶರ್ಮಾ ಟೀಮ್ ಇಂಡಿಯಾ ನಾಯಕನಾಗಬೇಕು: ಹಿಟ್​ಮ್ಯಾನ್ ಪರ RCB ಆಟಗಾರನ ಬ್ಯಾಟಿಂಗ್
    Published by:MAshok Kumar
    First published: