ಮಹಿಳಾ ವಿಶ್ವಕಪ್ ಟಿ-20: ಸುದ್ದಿಗೋಷ್ಠಿಯಲ್ಲಿ ಬಿಕ್ಕಿ ಬಿಕ್ಕಿ ಅತ್ತ ಐರ್ಲೆಂಡ್ ನಾಯಕಿ

ಮಹಿಳಾ ಐಸಿಸಿ ವಿಶ್ವಕಪ್ ಟಿ-20ಯ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಐರ್ಲೆಂಡ್ ವನಿತೆಯರು 38 ರನ್​ಗಳ ಸೋಲು ಅನುಭವಿಸಿದ್ದಾರೆ. ಪಂದ್ಯ ಮುಗಿದ ಬಳಿಕ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಸೋಲಿನ ವಿಚಾರವಾಗಿ ಐರ್ಲೆಂಡ್ ತಂಡದ ನಾಯಕಿ ಲೌರಾ ಡೆಲಾನಿ ಅವರು ಭಾವುಕರಾಗಿ ಕಣ್ಣೀರಿಟ್ಟಿದ್ದಾರೆ.

ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾನ ಜವೇರಿಯ ಖಾನ್ ಅವರ ಅಜೇಯ 74 ರನ್​ಗಳ ನೆರವಿನಿಂದ  ನಿಗದಿತ 20 ಓವರ್​ನಲ್ಲಿ 6 ವಿಕೆಟ್ ನಷ್ಟಕ್ಕೆ 139 ರನ್ ಕಲೆಹಾಕಿತು. ಈ ಸಾಧಾರಣ ಗುರಿ ಬೆನ್ನತ್ತಿದ ಐರ್ಲೆಂಡ್ ಕೇವಲ 101 ರನ್ ಗಳಿಸಲಷ್ಟೇ ಶಕ್ತವಾಯಿತು. ತಂಡದ ಪರ ಕ್ಲೇರ್ ಫಿಲ್ಲಿಂಗ್ಟನ್ 27 ಹಾಗೂ ಇಸೋಬೆಲ್ ಜಾಯ್ಸ್​ 30 ರನ್ ಗಳಿಸಿದ್ದು ಬಿಟ್ಟರೆ, ಉಳಿದ ಬ್ಯಾಟ್ಸ್​ಮನ್​ಗಳ ಸ್ಕೋರ್ ಎರಡಂಕಿ ದಾಟಲಿಲ್ಲ. ಪರಿಣಾಮ ಐರ್ಲೆಂಡ್ ವನಿತೆಯರು 38 ರನ್​ಗಳ ಸೋಲು ಕಂಡರು.

ಇದನ್ನೂ ಓದಿ: 6 ತಿಂಗಳ ಬಳಿಕ ಕಣಕ್ಕಿಳಿದ ಎಬಿಡಿ; ಮೊದಲ ಪಂದ್ಯದಲ್ಲಿ ಅಬ್ಬರಿಸಿದ ಮಿ. 360

ಈ ಸೋಲಿನಿಂದ ಬೇಸರಗೊಂಡು ಪ್ರತ್ರಿಕಾಗೋಷ್ಠಿಯಲ್ಲಿ ಐರ್ಲೆಂಡ್ ತಂಡದ ನಾಯಕಿ ಲೌರಾ ಡೆಲಾನಿ ಅವರು ಕಣ್ಣೀರಿಟ್ಟಿದ್ದಾರೆ. 'ನಾವು ವೃತ್ತಿಪರ ಕ್ರಿಕೆಟಿಗರಾಗಿ 140 ರನ್​​ಗಳನ್ನು ಚೇಸ್ ಮಾಡಲು ಸಾಧ್ಯವಾಗಿಲ್ಲ. 40 ರನ್​ಗಳಿಂದ ಸೋಲು ಅನುಭವಿಸಿದೆವು. 20 ಓವರ್​ನ ಪಂದ್ಯವಾಗಿದ್ದರಿಂದ ಈ ಫಾರ್ಮೇಟ್​ನಲ್ಲಿ ಬೇಗನೆ ರನ್ ಕಲೆಹಾಕಬೇಕು. ಇದಕ್ಕಾಗಿ ತುಂಬಾನೆ ಪರಿಶ್ರಮ ಪಟ್ಟಿದ್ದೆ. ಈ ಪಂದ್ಯದಲ್ಲಿ ನಾವು ಸುಲಭವಾಗಿ ಗೆಲುವು ಕಾಣಬಹುದಿತ್ತು. ಆದರೆ ಉತ್ತಮ ಜೊತೆಯಾಟ ಆಡುವಲ್ಲಿ ನಾವು ಎಡವಿದೆವು. ಇದೇ ನಮ್ಮ ಸೋಲಿಗೆ ಪ್ರಮುಖ ಕಾರಣವಾಯಿತು' ಎಂದು ಹೇಳಿ ಕಣ್ಣೀರಿಟ್ಟರು.

 

"If we were professional I wonder what the score would have been out there."@IrishWomensCric's captain Laura Delany was understandably quite emotional after her team's loss to Pakistan.

Watch👇 pic.twitter.com/25tjIeMMOR

— ICC World Twenty20 (@WorldT20) November 14, 2018