Dipa Karmakar: ನಿಷೇಧಿತ ಡ್ರಗ್ಸ್​ ಸೇವನೆ ಆರೋಪ, ಭಾರತದ ಸ್ಟಾರ್ ಆಟಗಾರ್ತಿಗೆ 21 ತಿಂಗಳ ನಿಷೇಧ!

ಭಾರತದ ಸ್ಟಾರ್ ಮಹಿಳಾ ಜಿಮ್ನಾಸ್ಟ್ ದೀಪಾ ಕರ್ಮಾಕರ್ (Dipa Karmakar) ಅವರನ್ನು 21 ತಿಂಗಳ ಕಾಲ ನಿಷೇಧಿಸಲಾಗಿದೆ. ದೀಪಾ ಕರ್ಮಾಕರ್ ಅವರು ನಿಷೇಧಿತ ಪದಾರ್ಥಗಳ ಸೇವನೆಯಿಂದಾಗಿ ಅಂತಾರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ಈ ನಿಷೇಧವನ್ನು ಹೇರಿದೆ. ರಿಯೊ ಒಲಿಂಪಿಕ್ಸ್‌ನಲ್ಲಿ (Olympic Games) ಇತಿಹಾಸ ಸೃಷ್ಟಿಸಿದ ದೀಪಾ ಅವರ ಮೇಲಿನ ಈ ನಿಷೇಧವು ಜುಲೈ 10, 2023ರ ವರೆಗೆ ಜಾರಿಯಲ್ಲಿರುತ್ತದೆ. ಅಂತರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ಇದನ್ನು ದೃಢಪಡಿಸಿದೆ. 2016ರ ರಿಯೊ ಒಲಿಂಪಿಕ್ಸ್‌ನಲ್ಲಿ 4ನೇ ಸ್ಥಾನ ಪಡೆದಿದ್ದ ದೀಪಾ, ಹಿಜೆನಮೈನ್ ಡ್ರಗ್ ಸೇವಿಸಿದ ಆರೋಪ ಸಾಬೀತಾಗಿದೆ. ಅಂತರಾಷ್ಟ್ರೀಯ ಡೋಪಿಂಗ್ (Doping) ಏಜೆನ್ಸಿಯು ಹೈಜೆಮಿನ್ ಎಸ್-3 ಬೀಟಾ-2 ಅನ್ನು ನಿಷೇಧಿತ ಔಷಧಿಗಳ ವಿಭಾಗದಲ್ಲಿ ಇರಿಸಿದೆ. ಈ ವಸ್ತುವನ್ನು 2021ರ ನಂತರ ನಿಷೇಧಿಸಲಾಗಿದೆ.

21 ತಿಂಗಳ ಕಾಲ ನಿಷೇಧ:

ಭಾರತದ ಸ್ಟಾರ್ ಮಹಿಳಾ ಜಿಮ್ನಾಸ್ಟ್ ದೀಪಾ ಕರ್ಮಾಕರ್ ಅವರನ್ನು 21 ತಿಂಗಳ ಕಾಲ ನಿಷೇಧಿಸಲಾಗಿದೆ. ನಿಷೇಧಿತ ಪದಾರ್ಥಗಳ ಸೇವನೆಯಿಂದಾಗಿ ಅಂತಾರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ಡೀಪ್ ಮೇಲೆ ಈ ನಿಷೇಧ ಹೇರಿದೆ. ರಿಯೊ ಒಲಿಂಪಿಕ್ಸ್‌ನ ಪ್ರೊಡೊನೊವಾ ವಾಲ್ಟ್‌ನಲ್ಲಿ ದೀಪಾ ಕರ್ಮಾಕರ್ ಅದ್ಭುತ ಪ್ರದರ್ಶನ ನೀಡಿದ್ದರು. ರಾಷ್ಟ್ರೀಯ ಕ್ರೀಡಾಕೂಟದ 7 ಪದಕ ವಿಜೇತರು ಮತ್ತು 3 ಇತರರು ಡೋಪ್ ಪರೀಕ್ಷೆಯಲ್ಲಿ ವಿಫಲರಾಗಿದ್ದಾರೆ. ವೇಟ್‌ಲಿಫ್ಟಿಂಗ್, ಅಥ್ಲೆಟಿಕ್ಸ್, ಕುಸ್ತಿ, ಸೈಕ್ಲಿಂಗ್, ಜೂಡೋ, ಫುಟ್‌ಬಾಲ್, ವುಶು ಮತ್ತು ಲಾನ್ ಬಾಲ್‌ಗಳಲ್ಲಿ 10 ಕ್ರೀಡಾಪಟುಗಳು ಡೋಪ್ ಪರೀಕ್ಷೆಯಲ್ಲಿ ವಿಫಲರಾಗಿದ್ದಾರೆ.

The ITA (International Testing Agency) sanctions Indian gymnast Dipa Karmakar with a 21-month period of ineligibility after testing positive for prohibited substance higenamine: ITA

(file pic) pic.twitter.com/HE6UcETF1g

— ANI (@ANI) February 4, 2023

ಇನ್ನು, ಕಳೆದ ಕೆಲ ತಿಂಗಳುಗಳ ಹಿಂದೆ ನ್ಯಾಷನಲ್ ಆ್ಯಂಟಿ ಡೋಪಿಂಗ್ ಏಜೆನ್ಸಿ (ನಾಡಾ) ಹೊರಡಿಸಿದ ಅಧಿಸೂಚನೆಯಲ್ಲಿ, "ಅಂಡರಿನ್, ಒಸ್ಟರಿನ್ ಮತ್ತು ಲಿಗಾಂಡ್ರೋಲ್ ಸೇವಿಸಿದ ದ್ಯುತಿ ಚಂದ್ ತಪ್ಪಿತಸ್ಥರೆಂದು ಕಂಡುಬಂದಿದೆ" ಎಂದು ಹೇಳಿದೆ. ದ್ಯುತಿಗೆ ಬರೆದ ಪತ್ರದಲ್ಲಿ, ಎಎಎಫ್ ಅಧಿಸೂಚನೆಯು, ವಾಡಾ (ವಿಶ್ವ ಡೋಪಿಂಗ್ ವಿರೋಧಿ ಏಜೆನ್ಸಿ) ಕಾರ್ಯವಿಧಾನದ ಪ್ರಕಾರ ನಿಮ್ಮ ಮಾದರಿಯನ್ನು ಎನ್‌ಡಿಟಿಎಲ್ (ನ್ಯಾಷನಲ್ ಡೋಪ್ ಟೆಸ್ಟ್ ಲ್ಯಾಬೊರೇಟರಿ) ನಲ್ಲಿ ಪರೀಕ್ಷಿಸಲಾಗಿದೆ ಮತ್ತು ಫಲಿತಾಂಶವು ಸಕಾರಾತ್ಮಕವಾಗಿದೆ ಎಂದು ವರದಿಯ ಮೂಲಕ ತಿಳಿಸಿದ್ದಾರೆ.

ಇದನ್ನೂ ಓದಿ: Pakistan Cricket: 6 ರೂಪಾಯಿ ಕೊಡಿ, ಪಾಕ್ ಕ್ಯಾಪ್ಟನ್ ಬಾಬರ್ ಅಜಮ್ ನೋಡುವ ಅವಕಾಶ ಪಡೆಯಿರಿ! ಇದು ಜೋಕಲ್ಲ, ಸೀರಿಯಸ್ ಮ್ಯಾಟರ್!

ಹೀಗಾಗಿ ಭಾರತದ ನಂಬರ್ ಒನ್ ಸ್ಪ್ರಿಂಟರ್ (ಓಟಗಾರ್ತಿ) ದ್ಯುತಿ ಚಂದ್ ಅವರನ್ನು ತಾತ್ಕಾಲಿಕ ನಿಷೇಧಕ್ಕೆ ಒಳಪಡಿಸಲಾಗಿದೆ. ದ್ಯುತಿ ಚಂದ್ (Dutee Chand) ಅವರು ನಿಷೇಧಿತ ಅನಾಬೋಲಿಕ್ ಸ್ಟೆರಾಯ್ಡ್ ಬಳಸಿದ ತಪ್ಪಿತಸ್ಥರೆಂದು ಪರೀಕ್ಷೆಯ ಮೂಲಕ ಸಾಬೀತಾಗಿತ್ತು.

ನಿಷೇಧಿತ ಡ್ರಗ್ಸ್ ಅಂದರೆ ಏನು?:

ಇನ್ನು, ಅನೇಕರಿಗೆ ಈ ನಿಷೇಧಿತ ಡ್ರಗ್ಸ್ ಬಗ್ಗೆ ತಿಳಿದಿರುವುದಿಲ್ಲ. ಅನಾಬೋಲಿಕ್ ಸ್ಟೀರಾಯ್ಡ್​ಗಳು ಮತ್ತು SARMS ನಡುವೆ ಅನೇಕ ವ್ಯತ್ಯಾಸಗಳಿವೆ. SARMS ನಿರ್ದಿಷ್ಟ ಅಂಗಾಂಶಗಳಿಗೆ ಮಾತ್ರ ಅಂಟಿಕೊಳ್ಳುತ್ತದೆ ಆದರೆ ಅನಾಬೋಲಿಕ್ ಸ್ಟೀರಾಯ್ಡ್​ಗಳು ದೇಹದ ಅನೇಕ ಭಾಗಗಳಲ್ಲಿ ಆಂಡ್ರೊಜೆನ್ ಗ್ರಾಹಕಗಳಿಗೆ ನೇರವಾಗಿ ಸೇರುತ್ತದೆ. ವೈದ್ಯಕೀಯ ಸೆಟ್ಟಿಂಗ್‌ಗಳಲ್ಲಿ, ಸ್ನಾಯು ಮತ್ತು ಮೂಳೆಯಂತಹ ನಿರ್ದಿಷ್ಟ ಅಂಗಾಂಶಗಳ ಬೆಳವಣಿಗೆಯನ್ನು ಉತ್ತೇಜಿಸಲು ಇದು ತುಂಬಾ ಉಪಯುಕ್ತವಾಗಿದೆ. ಯಕೃತ್ತು ಅಥವಾ ಚರ್ಮದಂತಹ ಇತರ ಅಂಗಾಂಶಗಳಲ್ಲಿ ಅನಗತ್ಯ ಅಡ್ಡ ಪರಿಣಾಮಗಳನ್ನು ತಪ್ಪಿಸುತ್ತದೆ ಎಂದು USADA ತಿಳಿಸಿದೆ.