Christian Eriksen: ಮೈದಾನದಲ್ಲೇ ಕುಸಿದು ಬಿದ್ದಿದ್ದ ಡೆನ್ಮಾರ್ಕ್ ಆಟಗಾರ ಕ್ರಿಶ್ಚಿಯನ್ ಎರಿಕ್ಸೆನ್, ಈಗ ಹೇಗಿದ್ದಾರೆ?

ಡೆನ್ಮಾರ್ಕ್​​ನ ಸ್ಟಾರ್ ಆಟಗಾರ ಕ್ರಿಶ್ಚಿಯನ್​ ಎರಿಕ್ಸೆನ್​ ಶನಿವಾರ​​ ಆಟದ ಮಧ್ಯೆಯೇ ಮೈದಾನದಲ್ಲಿ ಕುಸಿದು ಬಿದ್ದ ಆಘಾತಕಾರಿ ಘಟನೆ ನಡೆದಿತ್ತು. ಸದ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ತಿಳಿದು ಬಂದಿದೆ. ಯೂರೋ 2020 ಡೆನ್ಮಾರ್ಕ್​​-ಫಿನ್​​​ಲ್ಯಾಂಡ್​ ಪಂದ್ಯದ ವೇಳೆ ಈ ಘಟನೆ ಸಂಭವಿಸಿತ್ತು. ಕೂಡಲೇ ಮೆಡಿಕಲ್​ ಎಮೆರ್ಜೆನ್ಸಿ ಘೋಷಣೆ ಮಾಡಲಾಗಿತ್ತು. 2 ಗಂಟೆಗಳ ವಿರಾಮದ ಬಳಿಕ ಮತ್ತೆ ಪಂದ್ಯವನ್ನು ಆಡಲಾಗಿತ್ತು.

ಕೋಪನ್​ ಹ್ಯಾಗನ್​ನಲ್ಲಿರುವ ಟೆಲಿಯಾ ಪಾರ್ಕನ್​ ಸ್ಟೇಡಿಯಂನಲ್ಲಿ ಶನಿವಾರ ನಡೆದ ಯೂರೋ 2020 ಮೂರನೇ ಪಂದ್ಯದಲ್ಲಿ ಡೆನ್ಮಾರ್ಕ್​ ಮಿಡ್​​ಫೀಲ್ಡರ್ ಕ್ರಿಶ್ಚಿಯನ್ ಎರಿಕ್ಸೆನ್ ಕುಸಿದು ಬಿದ್ದಿದ್ದರು. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಪಂದ್ಯದ ಮೊದಲಾರ್ಧಕ್ಕೆ ಇನ್ನು ಕೆಲವೇ ನಿಮಿಷಗಳು ಬಾಕಿ ಇರುವಾಗ 29ರ ಹರೆಯದ ಕ್ರಿಶ್ಚಿಯನ್​​ ಮೈದಾನದಲ್ಲೇ ಕುಸಿದು ಬಿದ್ದರು. ಕೂಡಲೇ ಅಲ್ಲೇ ಪ್ರಥಮ ಚಿಕಿತ್ಸೆ ನೀಡಿ ನಂತರ ಆಸ್ಪತ್ರೆಗೆ ಸೇರಿಸಲಾಯಿತು.

Getty Images official picture. Christian Eriksen seems conscious. All prayers and thoughts with Chris and his family ❤️🙏🏻🇩🇰 pic.twitter.com/93PUM59ruZ

— Fabrizio Romano (@FabrizioRomano) June 12, 2021

Official statement from Denmark. 🙏🏻🇩🇰

“Christian Eriksen is AWAKE and is undergoing further examinations at Rigshospitalet”. #prayforEriksen

— Fabrizio Romano (@FabrizioRomano) June 12, 2021

42 ನಿಮಿಷಗಳ ಪಂದ್ಯದಲ್ಲಿ ಎರಿಕ್ಸೆನ್​​ ಚೆಂಡನ್ನು ಹಿಡಿಯಲು ಧಾವಿಸಿದಾಗ, ಅವರ ಮಂಡಿಗೆ ಚೆಂಡು ಬಡಿಯಿತು. ಕೂಡಲೇ ಅವರು ನೆಲದ ಮೇಲೆ ಕುಸಿದು ಬಿದ್ದರು. ಕೂಡಲೇ ತಂಡದ ಸದಸ್ಯರಾದ ಮಾರ್ಟಿನ್​ ಬ್ರೈತ್​​​ವೇಟ್ ಮತ್ತು ಥಾಮಸ್ ಡೆಲಾನೆಯ್​ ಎರಿಕ್ಸೆನ್​ ಬಳಿ ಬಂದು ಪ್ರಥಮ ಚಿಕಿತ್ಸೆ ನೀಡುವ ಪ್ರಯತ್ನ ಮಾಡಿದರು. ರೆಫರಿ ಆಂಟೋನಿ ಟಾಯ್ಲರ್ ತಕ್ಷಣ ಮೆಡಿಕಲ್​ ಲಭ್ಯತೆ ಕೊಡುವಂತೆ ಸೂಚನೆ ನೀಡಿದರು.

UEFA: Christian Eriksen "has been transferred to the hospital and has been stabilised."https://t.co/akSGL4rSns

— Rob Harris (@RobHarris) June 12, 2021

Following the medical emergency involving Denmark’s player Christian Eriksen, a crisis meeting has taken place with both teams and match officials and further information will be communicated at 19:45 CET.

The player has been transferred to the hospital and has been stabilised.

— UEFA (@UEFA) June 12, 2021

ಆಟದ ಮೈದಾನದಲ್ಲಿ ಕುಸಿದು ಬಿದ್ದ ಕ್ರಿಶ್ಚಿಯನ್​ ಸ್ವಲ್ಪ ಸಮಯದವರೆಗೆ ಚೂರೂ ಅಲುಗಾಡಲೇ ಇಲ್ಲ. ಸ್ಟೇಡಿಯಂನಲ್ಲಿ ಪಂದ್ಯ ವೀಕ್ಷಿಸುತ್ತಿದ್ದ ಸುಮಾರು 16 ಸಾವಿರ ಫುಟ್​ಬಾಲ್​ ಅಭಿಮಾನಿಗಳು ಈ ದೃಶ್ಯ ನೋಡಿ ಆಘಾತಗೊಂಡರು. ಎರಿಕ್ಸೆನ್​​​ ಶೀಘ್ರ ಗುಣಮುಖರಾಗಲೆಂದು ಕ್ರೀಡಾ ಪ್ರೇಮಿಗಳು ಪ್ರಾರ್ಥಿಸುತ್ತಿದ್ದಾರೆ. ಮೂಲಗಳ ಪ್ರಕಾರ ಕ್ರಿಶ್ಚಿಯನ್​ಗೆ ಪ್ರಜ್ಞೆ ಬಂದಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ.

ಕ್ರಿಶ್ಚಿಯನ್ ಎರಿಕ್ಸೆನ್​ಗೆ ಪ್ರಜ್ಞೆ ಬಂದಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಬೇರೆ ತಪಾಸಣೆಗಳನ್ನು ನಡೆಸಲಾಗಿದೆ ಎಂದು ರಿಗ್ಸ್​ ಆಸ್ಪತ್ರೆಯ ವೈದ್ಯರು ತಿಳಿಸಿದ್ದಾರೆ.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರೂ ಕೈ ಜೋಡಿಸಬೇಕು.