CSK vs MI: ಮುಂಬೈ ವಿರುದ್ಧ ಚೆನ್ನೈಗೆ ಭರ್ಜರಿ ಗೆಲುವು, ಅಂಕಪಟ್ಟಿಯಲ್ಲಿ ಮೇಲಕ್ಕೇರಿದ ಧೋನಿ ಬಾಯ್ಸ್

ಐಪಿಎಲ್ 2023ರಲ್ಲಿ ಇಂದು ಡಬಲ್​ ಹೆಡ್ಡರ್ ಪಂದ್ಯ ನಡೆಯಲಿದೆ. ಮೊದಲ ಪಂದ್ಯದಲ್ಲಿ 4 ಬಾರಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು 5 ಬಾರಿ ವಿಜೇತ ಮುಂಬೈ ಇಂಡಿಯನ್ಸ್‌ನೊಂದಿಗೆ (CSK vs MI) ಚೆಪಾಕ್‌ನಲ್ಲಿ ಸೆಣಸಾಡಿದವು. ಮೊದಲಿಗೆ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಮುಂಬೈ ತಂಡ ಚೆನ್ನೈ ದಾಳಿಗೆ ತತ್ತರಿಸಿತು. ಅಂತಿಮವಾಗಿ ಮುಂಬೈ 20 ಓವರ್​ಗೆ 8 ವಿಕೆಟ್​ ನಷ್ಟಕ್ಕೆ 139 ರನ್​ ಗಳಿಸಿದರು. ಈ ಮೊತ್ತ ಬೆನ್ನಟ್ಟಿದ ಚೆನ್ನೈ ಸೂಪರ್​ ಕಿಂಗ್ಸ್ ತಂಡವು 17.4 ಓವರ್​ಗಳಲ್ಲಿ 4 ವಿಕೆಟ್​ ನಷ್ಟಕ್ಕೆ 140 ರನ್​ ಗಳಿಸುವ ಮೂಲಕ 6 ವಿಕೆಟ್​ಗಳ ಜಯ ದಾಖಲಿಸಿತು. ಈ ಮೂಲಕ 13 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 2ನೇ ಸ್ಥಾನಕ್ಕೇರಿದೆ.

2 ವರ್ಷಗಳ ಬಳಿಕ ಚಹಾರ್​ ವಿಕೆಟ್​:

ದೀಪಕ್ ಚಹಾರ್ 2 ವರ್ಷಗಳ ನಂತರ ಐಪಿಎಲ್‌ನಲ್ಲಿ ವಿಕೆಟ್ ಪಡೆದಿದ್ದಾರೆ. ಇದಕ್ಕೂ ಮೊದಲು, ಅವರು ಐಪಿಎಲ್ 2021 ರ ಫೈನಲ್‌ನಲ್ಲಿ ವಿಕೆಟ್ ಪಡೆದಿದ್ದರು. ನಂತರ ಅವರು ಕೆಕೆಆರ್ ಬ್ಯಾಟ್ಸ್‌ಮನ್ ಶುಭಮನ್ ಗಿಲ್ ಅವರನ್ನು ಔಟ್ ಮಾಡಿದ್ದರು. ದೀಪಕ್ ಗಾಯದ ಕಾರಣ IPL 2022 ರಲ್ಲಿ ಆಡಲಿಲ್ಲ ಮತ್ತು 16 ನೇ ಋತುವಿನ ಮೊದಲ 4 ಪಂದ್ಯಗಳಲ್ಲಿ ಅವರು ಒಂದೇ ಒಂದು ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ.

Captain @msdhoni gently pushes one for a single to hit the winning runs 😃@ChennaiIPL register a comfortable victory over #MI at home 👏🏻👏🏻

Scorecard ▶️ https://t.co/hpXamvn55U #TATAIPL | #CSKvMI pic.twitter.com/SCDN047IVk

— IndianPremierLeague (@IPL) May 6, 2023

ದೀಪಕ್ ಐಪಿಎಲ್ 2023 ರ ಮೊದಲ 4 ಪಂದ್ಯಗಳಲ್ಲಿ ಒಟ್ಟು 135 ರನ್ ನೀಡಿದ್ದರು ಮತ್ತು ಒಂದೇ ಒಂದು ವಿಕೆಟ್​ ಸಾಧಿಸಲು ಸಾಧ್ಯವಾಗಲಿಲ್ಲ. ಇದಾದ ಬಳಿಕ ಗಾಯದ ಸಮಸ್ಯೆಯಿಂದ ಕೆಲ ಪಂದ್ಯಗಳನ್ನು ಆಡಿರಲಿಲ್ಲ. ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ, ಅವರು ತಮ್ಮ ಮೊದಲ ಓವರ್‌ನಲ್ಲಿ 10 ರನ್ ನೀಡಿದರು ಮತ್ತು ನಂತರ ಎರಡನೇ ಓವರ್‌ನ ಮೊದಲ ಎಸೆತದಲ್ಲಿ ಇಶಾನ್ ಅವರನ್ನು ಔಟ್ ಮಾಡಿದರು. ಅಂದರೆ, 145 ರನ್‌ಗಳನ್ನು ಕಳೆದ ನಂತರ, ಅವರು ಐಪಿಎಲ್ 2023 ರಲ್ಲಿ ತಮ್ಮ ಮೊದಲ ವಿಕೆಟ್ ಪಡೆದರು.

ಇದನ್ನೂ ಓದಿ: Virat Kohli: ಎಲ್ಲರೂ ಕೊಹ್ಲಿಯಾಗಲು ಸಾಧ್ಯವಿಲ್ಲ! ಯುವ ಆಟಗಾರರಿಗೆ ಹೀಗಂದಿದ್ದೇಕೆ ಕ್ರೀಡಾ ತಜ್ಞರು?

ಗೇಮ್​ ಫಿನಿಶ್​ ಮಾಡಿದ ಧೋನಿ:

ಇನ್ನು, ಮುಂಬೈ ನೀಡಿದ ಅಲ್ಪಮೊತ್ತ ಬೆನ್ನಟ್ಟಿದ ಚೆನ್ನೈ ತಂಡ 17.4 ಓವರ್​ಗಳಲ್ಲಿ 4 ವಿಕೆಟ್​ ನಷ್ಟಕ್ಕೆ 140 ರನ್​ ಗಳಿಸಿತು. ಚೆನ್ನೈ ಪರ ರುತುರಾಜ್​ ಗಾಯಕ್ವಾಡ್​ 16 ಎಸೆತದಲ್ಲಿ 4 ಬೌಂಡರಿ ಮತ್ತು 2 ಸಿಕ್ಸ್ ಮೂಲಕ 30 ರನ್​, ಡ್ವೈನ್​ ಕಾನ್ವೆ 44 ರನ್, ಅಜಿಂಕ್ಯಾ ರಹಾನೆ 21 ರನ್, ಅಂಬಾಟಿ ರಾಯಡು 12 ರನ್ ಮತ್ತು ಶಿವಂ ದುಬೆ 26 ರನ್ ಹಾಗೂ ಕೊನೆಯಲ್ಲಿ ನಾಯಕ ಎಂಎಸ್​ ಧೋನಿ 2 ರನ್ ಗಳಿಸುವ ಮೂಲಕ ತಂಡ ಜಯದ ದಡ ಸೇರಿತು.

ಚೆನ್ನೈ ಭರ್ಜರಿ ಬೌಲಿಂಗ್​:

ಇನ್ನು, ಚೆನ್ನೈ ಸೂಪರ್​ ಕಿಂಗ್ಸ್ ತಂಡವು ಭರ್ಜರಿ ಬೌಲಿಂಗ್​ ಹಾಗೂ ಫಿಲ್ಡಿಂಗ್​ ಪ್ರದರ್ಶನ ನೀಡಿತು. ಚೆನ್ನೈ ಪರ ದೀಪಕ್​ ಚಹಾರ್​ 3 ಓವರ್​ಗೆ 18 ರನ್ ನೀಡಿ 2 ವಿಕೆಟ್​, ತುಷಾರ್​ ದೇಶಪಾಂಡೆ 4 ಓವರ್​ಗೆ 26 ರನ್ ನೀಡಿ 2 ವಿಕೆಟ್​, ರವೀಂದ್ರ ಜಡೇಜಾ 1 ವಿಕೆಟ್​ ಹಾಗೂ ಮತೀಷಾ ಪತಿರಾಣ 4 ಓವರ್​ಗೆ 15 ರನ್ ನೀಡಿ 3 ವಿಕೆಟ್​ ಪಡೆದು ಮಿಂಚಿದರು. ಈ ಮೂಲಕ ಮತ್ತೊಮ್ಮೆ ಚೆನ್ನೈ ಬೌಲರ್​ಗಳು ಅಬ್ಬರಿಸಿದರು.