ಬುಮ್ರಾ ಹ್ಯಾಟ್ರಿಕ್ ಸಾಧನೆ ಆಶ್ಚರ್ಯವೆನಿಸಿಲ್ಲ; ಯಾರ್ಕರ್ ಸ್ಪೆಷಲಿಸ್ಟ್​ ಬಗ್ಗೆ ಯುವರಾಜ್ ಹೀಗೆ ಹೇಳಿದ್ದೇಕೆ?

ಟೀಂ ಇಂಡಿಯಾ ಮಾಜಿ ಆಟಗಾರ ಯುವರಾಜ್ ಸಿಂಗ್ ಬುಮ್ರಾ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದು ನನಗೆ ಯಾವುದೇ ಆಶ್ಚರ್ಯ ತರಿಸಿಲ್ಲ ಎಂದು ಹೇಳಿದ್ದಾರೆ.

ಯುವರಾಜ್ ಸಿಂಗ್ ಹಾಗೂ ಜಸ್​ಪ್ರೀತ್ ಬುಮ್ರಾ

ಯುವರಾಜ್ ಸಿಂಗ್ ಹಾಗೂ ಜಸ್​ಪ್ರೀತ್ ಬುಮ್ರಾ

  • Share this:
ಬೆಂಗಳೂರು (ಸೆ. 02): ಜಮೈಕಾದಲ್ಲಿ ಸಾಗುತ್ತಿರುವ ವೆಸ್ಟ್​ ಇಂಡೀಸ್ ವಿರುದ್ಧದ ಎರಡನೇ ಟೆಸ್ಟ್​ ಪಂದ್ಯದಲ್ಲಿ ಟೀಂ ಇಂಡಿಯಾ ಯಾರ್ಕರ್ ಸ್ಪೆಷಲಿಸ್ಟ್​​ ಜಸ್​ಪ್ರೀತ್ ಬುಮ್ರಾ ಹ್ಯಾಟ್ರಿಕ್ ವಿಕೆಟ್​ ಪಡೆದು ಸಾಧನೆ ಮಾಡಿದ್ದರು. ಎರಡನೇ ದಿನದಾಟದಲ್ಲಿ ತನ್ನ 9 ನೇ ಓವರ್​ನಲ್ಲಿ ಡ್ಯಾರೆನ್ ಬ್ರಾವೋ, ಶಾಮ್ರಾಹ್ ಬ್ರೂಕ್ಸ್​ ಹಾಗೂ ರೋಸ್ಟೋನ್ ಚೇಸ್​ ವಿಕೆಟ್​​ಗಳನ್ನು ಕಬಳಿಸಿ ಹ್ಯಾಟ್ರಿಕ್ ವಿಕೆಟ್ ಕಿತ್ತಿದ್ದರು.

ಈ ಮೂಲಕ ಹರ್ಭಜನ್ ಸಿಂಗ್ ಮತ್ತು ಇರ್ಫಾನ್ ಪಠಾನ್ ನಂತರ ಟೆಸ್ಟ್​ ಕ್ರಿಕೆಟ್​ನಲ್ಲಿ ಹ್ಯಾಟ್ರಿಕ್ ವಿಕೆಟ್​ ಪಡೆದ ಮೂರನೇ ಭಾರತೀಯ ಎಂಬ ಶ್ರೇಯಕ್ಕೆ ಬುಮ್ರಾ ಪಾತ್ರರಾಗಿದ್ದರು. ಬುಮ್ರಾರ ಈ ಸಾಧನೆಗೆ ಇಡೀ ದೇಶವೇ ಕೊಂಡಾಡಿದೆ. ಕ್ರಿಕೆಟ್ ದಿಗ್ಗಜರು ಬುಮ್ರಾ ಬಗ್ಗೆ ಮೆಚ್ಚುಗೆಯ ಮಾತನ್ನಾಡುತ್ತಿದ್ದಾರೆ.

Unsurprised Yuvraj Singh Congratulates Jasprit Bumrah For Test Hat-Trick
ಯುವರಾಜ್ ಸಿಂಗ್


IND vs WI: ಕೆರಿಬಿಯನ್ನರಿಗೆ ಬೇಡವಾಯಿತೆ ಟೆಸ್ಟ್​ ಕ್ರಿಕೆಟ್?; ಪಂದ್ಯ ನೋಡಲು ಬಂದವರೆಷ್ಟು ಗೊತ್ತಾ..?

ಆದರೆ, ಟೀಂ ಇಂಡಿಯಾ ಮಾಜಿ ಆಟಗಾರ ಯುವರಾಜ್ ಸಿಂಗ್ ಬುಮ್ರಾ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದು ನನಗೆ ಯಾವುದೇ ಆಶ್ಚರ್ಯ ತರಿಸಿಲ್ಲ ಎಂದು ಹೇಳಿದ್ದಾರೆ.

'ಜಸ್​​ಪ್ರೀತ್​ ಬುಮ್ರಾ ಹ್ಯಾಟ್ರಿಕ್​ ವಿಕೆಟ್ ಪಡೆದಿರುವುದಕ್ಕೆ ಅವರಿಗೆ ಅಭಿನಂದನೆಗಳು. ಆದರೆ, ನೀವು ಹ್ಯಾಟ್ರಿಕ್ ವಿಕೆಟ್ ಕಿತ್ತಿರುವುದು ನನಗೆ ಅಶ್ವರ್ಯವೆನಿಲ್ಲ. ಯಾಕೆಂದರೆ ನೀವು ವಿಶ್ವದ ನಂಬರ್ 1 ಬೌಲರ್, ಅದನ್ನು ಮತ್ತೆ ಸಾಭೀತು ಮಾಡಿದ್ದೀರಿ, ನೀವು ಏನು ಎಂಬುದನ್ನು ಮತ್ತೊಮ್ಮೆ ಕ್ರೀಡಾ ಜಗತ್ತಿಗೆ ತೋರಿಸಿ ಕೊಟ್ಟಿದ್ದೀರಿ' ಎಂದು ಯುವರಾಜ್ ಟ್ವೀಟ್ ಮಾಡಿದ್ದಾರೆ.

 



ಸದ್ಯ ವೆಸ್ಟ್​ ಇಂಡೀಸ್ ವಿರುದ್ಧದ ಎರಡನೇ ಟೆಸ್ಟ್​ನಲ್ಲಿ ಭಾರತ ಗೆಲುವಿನತ್ತ ದಾಪುಗಾಲಿಡುತ್ತಿದೆ. ಗೆಲ್ಲಲು 468 ರನ್​ಗಳ ಟಾರ್ಗೆಟ್ ಬೆನ್ನಟ್ಟಿರುವ ಕೆರಿಬಿಯನ್ ಪಡೆ ಮೂರನೇ ದಿನದಾಟದ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 45 ರನ್ ಕಲೆಹಾಕಿದೆ. ವಿಂಡೀಸ್ ಗೆಲುವಿಗೆ ಇನ್ನೂ 423 ರನ್​ಗಳ ಅವಶ್ಯಕತೆಯಿದೆ.
First published: