ಮೊದಲ ಪಂದ್ಯದಲ್ಲಿ ರನೌಟ್-ಕೊನೆಯ ಪಂದ್ಯದಲ್ಲೂ ರನೌಟ್: ಏಕದಿನ ಕ್ರಿಕೆಟ್​ಗೆ​ ಎಂಎಸ್ ಧೋನಿ ವಿದಾಯ?

MS Dhoni retirement: ಆದರೆ ಈ ಎರಡು ಪಂದ್ಯಕ್ಕೂ ಒಂದು ಸಾಮ್ಯತೆ ಇದೆ. ಅದುವೇ ರನೌಟ್. ಹೌದು, ಅಂತರಾಷ್ಟ್ರೀಯ ಕ್ರಿಕೆಟ್ ಕೆರಿಯರ್ ಆರಂಭಿಸಿದ್ದ ಧೋನಿ ಮೊದಲ ಪಂದ್ಯದಲ್ಲಿ ರನೌಟ್​ಗೆ ಬಲಿಯಾಗಿದ್ದರು.

MS Dhoni retirement

MS Dhoni retirement

  • News18
  • Last Updated :
  • Share this:
ನ್ಯೂಜಿಲೆಂಡ್ ವಿರುದ್ಧದ ಸೆಮಿ ಫೈನಲ್​ನಲ್ಲಿ ಸೋಲು ಕಾಣುವ ಮೂಲಕ ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ತಮ್ಮ ವಿಶ್ವಕಪ್  ಪ್ರಯಾಣವನ್ನು ಮುಗಿಸಿದ್ದಾರೆ. ವೃತ್ತಿ ಜೀವನದ ಕೊನೆಯ ವರ್ಲ್ಡ್​ಕಪ್ ಪಂದ್ಯವಾಡಿದ ಧೋನಿಗೆ ಇದುವೇ ಕಟ್ಟಕಡೆಯ ಮ್ಯಾಚ್ ಆಗಲಿದೆ ಎಂದು ಹೇಳಲಾಗುತ್ತಿದೆ.

ಇದಕ್ಕೆ ಪುಷ್ಠಿ ನೀಡುವಂತೆ ಕೆಲ ದಿನಗಳ ಹಿಂದೆ ಬಿಸಿಸಿಐ ಅಧಿಕಾರಿಯೊಬ್ಬರು ವಿಶ್ವಕಪ್​ ಬಳಿಕ ಮಹೀ ನಿವೃತ್ತಿ ಘೋಷಿಸಲಿದ್ದಾರೆ ಎಂದು ಹೇಳಿದ್ದರು. ಹೀಗಾಗಿ ಟೀಂ ಇಂಡಿಯಾದ ವಿಕೆಟ್ ಕೀಪರ್ ಯಾವುದೇ ಕ್ಷಣದಲ್ಲೂ ಬೇಕಾದರೂ ನಿವೃತ್ತಿ ಘೋಷಿಸುವ ಸಾಧ್ಯತೆಯಿದೆ.

2004 ರಲ್ಲಿ ಏಕದಿನ ಪಂದ್ಯಕ್ಕೆ ಪಾದರ್ಪಣೆ ಮಾಡಿದ್ದ ಧೋನಿ ಇಂದು ತಮ್ಮ 350ನೇ ಪಂದ್ಯವನ್ನಾಡಿದ್ದರು. ಮೊದಲ ಪಂದ್ಯದಲ್ಲಿ ಬಾಂಗ್ಲಾದೇಶದ ವಿರುದ್ಧ ಶೂನ್ಯಕ್ಕೆ ಔಟಾದರೆ, ಇಂದಿನ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದರು.

ಆದರೆ ಈ ಎರಡು ಪಂದ್ಯಕ್ಕೂ ಒಂದು ಸಾಮ್ಯತೆ ಇದೆ. ಅದುವೇ ರನೌಟ್. ಹೌದು, ಅಂತರಾಷ್ಟ್ರೀಯ ಕ್ರಿಕೆಟ್ ಕೆರಿಯರ್ ಆರಂಭಿಸಿದ್ದ ಧೋನಿ ಮೊದಲ ಪಂದ್ಯದಲ್ಲಿ ರನೌಟ್​ಗೆ ಬಲಿಯಾಗಿದ್ದರು. ಬಾಂಗ್ಲಾ ಆಟಗಾರ ಖಾಲಿದ್ ಮಸೂದ್ ಎಸೆದ ಚೆಂಡನ್ನು ಕೀಪರ್ ವಿಕೆಟ್​ಗೆ ತಾಗಿಸಿದ್ದರು. ಈ ಮೂಲಕ ಚೊಚ್ಚಲ ಏಕದಿನ ಪಂದ್ಯದಲ್ಲಿ ಧೋನಿ ರನೌಟ್ ಆಗಿ ನಿರಾಸೆಯಿಂದ ನಿರ್ಗಮಿಸಿದ್ದರು.



ಇದೀಗ ಕಾಕತಾಳೀಯ ಎಂಬಂತೆ ಧೋನಿಯ ಕೊನೆಯ ಪಂದ್ಯ ಎನ್ನಲಾಗುತ್ತಿರುವ ನ್ಯೂಜಿಲೆಂಡ್ ವಿರುದ್ಧದ ಪಂದ್ಯದಲ್ಲೂ ಎಂಎಸ್​ಡಿ ರನೌಟ್​ ಆಗಿದ್ದಾರೆ. ಸಂಕಷ್ಟದ ಸಮಯದಲ್ಲಿ ವಿರೋಚಿತ ಹೋರಾಟ ನಡೆಸಿದ ಧೋನಿ ಅರ್ಧಶತಕ ಬಾರಿಸಿದ್ದರು. ಆದರೆ ಎರಡು ರನ್​ಗಳನ್ನು ಕಲೆಹಾಕುವ ತವಕದಲ್ಲಿ ಗಪ್ಟಿಲ್ ಥ್ರೋಗೆ ಮಾಜಿ ನಾಯಕ ರನೌಟ್​ ಆಗಿದ್ದರು.



15 ವರ್ಷಗಳ ಹಿಂದೆ ರನೌಟ್​ ಮೂಲಕವೇ ಕೆರಿಯರ್ ಆರಂಭಿಸಿದ್ದ ಧೋನಿ ಈಗ ವೃತ್ತಿ ಜೀವನದ ಕೊನೆಯ ಪಂದ್ಯದಲ್ಲಿ ರನೌಟ್​ಗೆ ಬಲಿಯಾಗಿದ್ದಾರೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಹೇಳಲಾಗುತ್ತಿದೆ. ಓಟದಿಂದ ಆರಂಭವಾಗಿದ್ದ ಆಟ ಓಟದಿಂದಲೇ ಕೊನೆಗೊಂಡಿತು ಎಂದು ಹಲವರು ಧೋನಿಯ ಆಟಕ್ಕೆ ಪ್ರಶಂಸೆ ವ್ಯಕ್ತಪಡಿಸುತ್ತಿದ್ದಾರೆ.



ಆದರೆ ಇದುವೇ ಮಹೇಂದ್ರ ಸಿಂಗ್ ಧೋನಿ ಅವರ ಕೊನೆಯ ಪಂದ್ಯವಾಗದಿರಲಿ ಎಂದು ಅಭಿಮಾನಿಗಳ ಪ್ರಾರ್ಥನೆ. ಏಕೆಂದರೆ ಭಾರತಕ್ಕೆ ಎರಡನೇ ಬಾರಿ ವಿಶ್ವಕಪ್​ ಕಿರೀಟ ತಂದುಕೊಟ್ಟ ವಿಶ್ವದ ಶ್ರೇಷ್ಠ ನಾಯಕನಿಗೆ ಸೋಲಿನ ವಿದಾಯ ಟೀಂ ಇಂಡಿಯಾ ಖ್ಯಾತಿಗೆ ಶ್ರೇಯವಲ್ಲ ಎಂದು ಫ್ಯಾನ್ಸ್​​ ಅಭಿಪ್ರಾಯ ಪಡುತ್ತಿದ್ದಾರೆ.

First published: