HOME » NEWS » Sports » CRICKET WORLD CUP 2019 JASON ROY HITS 9TH HUNDRED AND KNOCKS DOWN UMPIRE JOEL WILSON

Cricket World Cup 2019, ENG vs BAN: ಬಾಂಗ್ಲಾ ವಿರುದ್ಧ ರಾಯ್ ಭರ್ಜರಿ ಶತಕ: ಸೆಂಚುರಿ ಸಂಭ್ರಮಕ್ಕೆ ಅಡ್ಡಿಯಾದ ಅಂಪೈರ್..!

ಇನ್ನೊಂದೆಡೆ ತಮ್ಮ ಅನುಭವವನ್ನು ಧಾರೆಯೆರೆದು ಬ್ಯಾಟ್ ಬೀಸಿದ ರಾಯ್ 92 ಎಸೆತಗಳಲ್ಲಿ ಶತಕ ಪೂರೈಸಿದರು.

zahir | news18
Updated:June 8, 2019, 5:55 PM IST
Cricket World Cup 2019, ENG vs BAN: ಬಾಂಗ್ಲಾ ವಿರುದ್ಧ ರಾಯ್ ಭರ್ಜರಿ ಶತಕ: ಸೆಂಚುರಿ ಸಂಭ್ರಮಕ್ಕೆ ಅಡ್ಡಿಯಾದ ಅಂಪೈರ್..!
ಜೇಸನ್ ರಾಯ್
  • News18
  • Last Updated: June 8, 2019, 5:55 PM IST
  • Share this:
ಕಾರ್ಡಿಫ್‌ನ ಸೋಫಿಯಾ ಗಾರ್ಡನ್‌ನಲ್ಲಿ ನಡೆಯುತ್ತಿರುವ ವಿಶ್ವಕಪ್​ನ 12ನೇ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ ಇಂಗ್ಲೆಂಡ್ ಆರಂಭಿಕ ಆಟಗಾರ ಜೇಸನ್ ರಾಯ್ ಭರ್ಜರಿ ಶತಕ ಸಿಡಿಸಿದ್ದಾರೆ. ಟಾಸ್​ ಸೋತು ಬ್ಯಾಟಿಂಗ್ ಆಯ್ಕೆ ಅವಕಾಶ ಪಡೆದ ಆಂಗ್ಲರ ತಂಡಕ್ಕೆ ಜಾನಿ ಬೈರ್​ಸ್ಟೋ ಹಾಗೂ ರಾಯ್ ಉತ್ತಮ ಆರಂಭ ಒದಗಿಸಿದರು.

ಮೊದಲ ಹತ್ತು ಓವರ್​ಗಳಲ್ಲಿ ತಾಳ್ಮೆಯ ಆಟ ಪ್ರದರ್ಶಿಸಿದ ಆರಂಭಿಕರು ಯಾವುದೇ ವಿಕೆಟ್ ನಷ್ಟವಿಲ್ಲದೆ 67 ರನ್​ ಬಾರಿಸಿ ಭದ್ರ ಅಡಿಪಾಯ ಹಾಕಿದರು. 10 ಓವರ್​ಗಳ ಮುಕ್ತಾಯ ಬೆನ್ನಲ್ಲೇ ಅಬ್ಬರಿಸಲು ಆರಂಭಿಸಿದ ರಾಯ್ 38 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಇನ್ನು ಹೊಡಿ ಬಡಿ ಆಟವನ್ನು ನಿಯಂತ್ರಣದಲ್ಲಿಟ್ಟು ಇನಿಂಗ್ಸ್​ ಕಟ್ಟಿದ ಬೈರ್​ಸ್ಟೋ 48 ಎಸೆತಗಳಲ್ಲಿ ಹಾಫ್ ಸೆಂಚುರಿ ಬಾರಿಸಿದರು.

ಅರ್ಧಶತಕದ ಬೆನ್ನಲ್ಲೇ ಮೊರ್ತಾಜಾ ಎಸೆತದಲ್ಲಿ ಮೆಹದಿ ಹಸನ್​ಗೆ ಕ್ಯಾಚ್​ ನೀಡಿದ ಬೈರ್​ಸ್ಟೋ 51 ರನ್​​ಗಳಿಗೆ ತಮ್ಮ ಇನಿಂಗ್ಸ್​ ಸೀಮಿತಗೊಳಿಸಿದರು. ಅಷ್ಟರಲ್ಲಾಗಲೇ ಮೊದಲ ವಿಕೆಟ್​ ರಾಯ್​-ಬೈರ್​ಸ್ಟೋ ಜೋಡಿ 128 ರನ್​ಗಳ ಜೊತೆಯಾಟ ನೀಡಿದ್ದರು.

ಇನ್ನೊಂದೆಡೆ ತಮ್ಮ ಅನುಭವವನ್ನು ಧಾರೆಯೆರೆದು ಬ್ಯಾಟ್ ಬೀಸಿದ ರಾಯ್ 92 ಎಸೆತಗಳಲ್ಲಿ ಶತಕ ಪೂರೈಸಿದರು. ಆಕ್ರಮಣಕಾರಿ ಆಟದೊಂದಿಗೆ ಬಾಂಗ್ಲಾ ಬೌಲರ್​ಗಳನ್ನು ಕಾಡಿದ್ದ ರಾಯ್ ಏಕದಿನ ಕ್ರಿಕೆಟ್​ನಲ್ಲಿ 9ನೇ ಶತಕದ ಸಾಧನೆ ಮಾಡಿದರು.

ಶತಕ ಸಂಭ್ರಮಕ್ಕೆ ಅಡ್ಡಿಯಾದ ಅಂಪೈರ್:
ಭರ್ಜರಿ ಶತಕ ಸಿಡಿಸಿ ಸಂಭ್ರಮಿಸಬೇಕಿದ್ದ ಜೇಸನ್ ರಾಯ್​ಗೆ ಅಂಪೈರ್ ಅಡ್ಡಿಯಾಗಿದ್ದರು. ಎಡಗೈ ವೇಗಿ ಮುಸ್ತಫಿಜುರ್ ಎಸೆತದಲ್ಲಿ ಚೆಂಡನ್ನು ಲೆಗ್​ ಸೈಡ್​ಗಟ್ಟಿದ್ದ ರಾಯ್ ರನ್​ ಕದಿಯುವ ಆತುರದಲ್ಲಿದ್ದರು. ಅತ್ತ ಫೀಲ್ಡರನ್ನು ವಂಚಿಸಿ ಚೆಂಡು ಬೌಂಡರಿಯತ್ತ ಸಾಗುತ್ತಿತ್ತು. ಇತ್ತ ಚೆಂಡನ್ನು ನೋಡುವಲ್ಲಿ ನಿರತರಾಗಿದ್ದ ಅಂಪೈರ್ ಜೋಯ್ ವಿಲ್ಸನ್ ನಿಧಾನಕ್ಕೆ ರಾಯ್ ಓಡಿ ಬರುತ್ತಿದ್ದ ಕಡೆಗೆ ಸಾಗಿದ್ದರು.

ತಮ್ಮ ಸೆಂಚುರಿಯನ್ನು ಪೂರೈಸುವ ಆತುರದಲ್ಲಿದ್ದ ಜೇಸನ್ ರಾಯ್ ಅಂಪೈರ್​ರನ್ನು ಗಮನಿಸಲಿಲ್ಲ. ಇನ್ನು ಜೋಯ್ ವಿಲ್ಸನ್ ಸಹ ಬ್ಯಾಟ್ಸ್​ಮನ್​ ಬರುತ್ತಿರುವುದು ನೋಡಿರಲಿಲ್ಲ. ನೇರವಾಗಿ ಬಂದು ಅಂಪೈರ್​ರನ್ನು ಗುದ್ದಿ ಕೆಳಗೆ ಬೀಸಿದರು. ಅಂಪೈರ್ ಬಿದ್ದ ರಭಸಕ್ಕೆ ಎಲ್ಲರೂ ನಿಬ್ಬೆರಗಾದರು. ಇದರಿಂದ ಆಟಗಾರರು ಅಂಪೈರತ್ತ ಧಾವಿಸಿದ್ದರು. ಇನ್ನು ಜೇಸನ್ ರಾಯ್ ಖುದ್ದು ಅಂಪೈರನ್ನು ಮೇಲೆಕ್ಕೆತ್ತಿದರು. ಇವೆಲ್ಲದರ ನಡುವೆ ಜೇಸನ್ ರಾಯ್ ತಮ್ಮ ಶತಕದ ಸಂಭ್ರಮವನ್ನೇ ಮರೆತಿದ್ದರು.



ಸಂಕ್ಷಿಪ್ತ ಸ್ಕೋರ್(ಇತ್ತೀಚಿನ ಮಾಹಿತಿ)

ಇಂಗ್ಲೆಂಡ್- 235/3 (35 ಓವರ್)
ಮೋರ್ಗನ್- 1*
ಜೋಸ್ ಬಟ್ಲರ್- 5*

ಜೇಸನ್ ರಾಯ್- 153(121)

ಮುಶರಫೆ ಮೊರ್ತಜಾ- 42/1

ಇದನ್ನೂ ಓದಿ: ಸ್ಯಾಂಡಲ್​ವುಡ್ ನಟಿಯೊಂದಿಗೆ ಟೀಂ ಇಂಡಿಯಾ ವೇಗಿ ಬುಮ್ರಾ ಲವ್ವಿ-ಡವ್ವಿ​?

First published: June 8, 2019, 5:43 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories