Women’s T20 Challenge Final: ಟ್ರೈಲ್‌ಬ್ಲೇಜರ್ಸ್ ಹೊಸ ಚಾಂಪಿಯನ್

ಶಾರ್ಜಾ ಕ್ರಿಕೆಟ್ ಕ್ರೀಡಾಂಗಣದಲ್ಲಿಂದು ಮಹಿಳಾ ಟಿ-20 ಚಾಲೆಂಜ್‌ ಫೈನಲ್ ಪಂದ್ಯದಲ್ಲಿ ಸ್ಮೃತಿ ಮಂದಾನ ನೇತೃತ್ವದ ಟ್ರೈಲ್‌ಬ್ಲೇಜರ್ಸ್ ತಂಡ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. 119 ರನ್​ಗಳ ಟಾರ್ಗೆಟ್ ಬೆನ್ನತ್ತಿದ್ದ ಸೂಪರ್ ನೋವಾಸ್ ತಂಡವನ್ನು 102 ರನ್​ಗಳಿಗೆ ನಿಯಂತ್ರಿಸುವ ಮೂಲಕ ಭರ್ಜರಿ ಗೆಲುವು ತಮ್ಮದಾಗಿಸಿಕೊಂಡರು .

ಇದಕ್ಕೂ ಮುನ್ನ ಟಾಸ್ ಗೆದ್ದ ಸೂಪರ್ ನೋವಾಸ್ ನಾಯಕಿ ಹರ್ಮನ್​ಪ್ರೀತ್ ಕೌರ್ ಬೌಲಿಂಗ್ ಆಯ್ದುಕೊಂಡರು. ಅದರಂತೆ ಬ್ಯಾಟ್ ಬೀಸಲು ಕ್ರೀಸ್​ಗಿಳಿದ ಸ್ಮೃತಿ ಮಂದಾನ ಹಾಗೂ ಡಿ ಡಾಟಿನ್ ಭರ್ಜರಿ ಆರಂಭ ಒದಗಿಸಿದರು, ಆರಂಭದಲ್ಲೇ ಬಿರುಸಿನ ಆಟ ಪ್ರದರ್ಶಿಸಿದ ಸೂಪರ್ ನೋವಾಸ್ ನಾಯಕಿ, ಪವರ್​ಪ್ಲೇ ಮುಕ್ತಾಯದ ವೇಳೆಗೆ ತಂಡದ ಮೊತ್ತ 50ರ ಗಡಿ ತಲುಪಿಸಿದರು.

ಅಲ್ಲದೆ ಮೊದಲ ವಿಕೆಟ್​ಗೆ 71 ರನ್​ಗಳ ಜೊತೆಯಾಟವಾಡಿದರು. ಪೂನಂ ಯಾದವ್ ಎಸೆದ 12ನೇ ಓವರ್​ನಲ್ಲಿ ಡಿ ಡಾಟಿನ್ (20) ಬಿಗ್ ಹಿಟ್​ಗೆ ಮುಂದಾಗಿ ಕ್ಯಾಚ್ ನೀಡಿ ಹೊರ ನಡೆದರು. ಮತ್ತೊಂದೆಡೆ ಗಟ್ಟಿಯಾಗಿ ನೆಲೆಯೂರಿದ್ದ ಮಂದಾನ ಸಿಕ್ಸ್-ಫೋರ್​ಗಳ ಸುರಿಮಳೆಗೈದರು. ಪರಿಣಾಮ 37 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದರು. ಅರ್ಧಶತಕದ ಬಳಿಕ ಮತ್ತೆ ಸ್ಪೋಟಕ ಆಟಕ್ಕೆ ಮುಂದಾದ ಸ್ಮೃತಿ ಮಂದಾನ ಭರ್ಜರಿಯಾಗಿ ಬ್ಯಾಟ್ ಬೀಸಿದರು.

ಈ ವೇಳೆ ತಾನಿಯಾ ಭಾಟಿಯಾ ಮಾಡಿದ ಅದ್ಭುತ ಸ್ಟಂಪಿಂಗ್​ನಿಂದ ಮಂದಾನ ಹೊರ ನಡೆಯಲೇಬೇಕಾಯಿತು. ಅಷ್ಟರಲ್ಲಾಗಲೇ ಸ್ಮೃತಿ 49 ಎಸೆತಗಳಲ್ಲಿ 3 ಸಿಕ್ಸರ್ ಹಾಗೂ 5 ಬೌಂಡರಿಗಳೊಂದಿಗೆ 68 ರನ್ ಚಚ್ಚಿದ್ದರು. ಅಲ್ಲದೆ ತಂಡದ ಮೊತ್ತ 14.5 ಓವರ್​ನಲ್ಲಿ 101 ರನ್ ಆಗಿತ್ತು. ಆದರೆ ನಾಯಕಿಯ ನಿರ್ಗಮನದೊಂದಿಗೆ ಪಂದ್ಯ ನಾಟಕೀಯ ತಿರುವು ಪಡೆದುಕೊಂಡಿತು.

ದಾಳಿಗಿಳಿದ ರಾಧಾ ಯಾದವ್ ಇಡೀ ಪಂದ್ಯದ ಗತಿಯನ್ನೇ ಬದಲಿಸಿದರು. ಅದರಲ್ಲೂ 18ನೇ ಮತ್ತು 20 ಓವರ್​ನಲ್ಲಿ ಅದ್ಭುತ ಬೌಲಿಂಗ್ ಮಾಡಿದರು. 4 ಓವರ್​ನಲ್ಲಿ 16 ರನ್ ನೀಡಿದ ರಾಧಾ 5 ವಿಕೆಟ್ ಕಬಳಿಸುವ ಮೂಲಕ ಮಿಂಚಿದರು. ಪರಿಣಾಮ ಟ್ರೈಲ್​ಬ್ಲೇಜರ್​ ನಿಗದಿತ 20 ಓವರ್​ಗೆ 8 ವಿಕೆಟ್​ ನಷ್ಟಕ್ಕೆ 118 ರನ್​ಗಳಿಸಲಷ್ಟೇ ಶಕ್ತರಾದರು.

ಈ ಸಾಧಾರಣ ಮೊತ್ತವನ್ನು ಬೆನ್ನತ್ತಿದ ಸೂಪರ್ ನೋವಾಸ್ ಆರಂಭ ಕೂಡ ಉತ್ತಮವಾಗಿರಲಿಲ್ಲ. ಸ್ಪೋಟಕ ಆಟಗಾರ್ತಿ ಚಮರಿ ಅಟ್ಟಪಟ್ಟು 6 ರನ್ ಗಳಿಸಿ ಎಲ್​ಬಿಡಬ್ಲ್ಯೂ ಆಗಿ ನಿರ್ಗಮಿಸಿದರು. ತಂಡದ ಮೊತ್ತ 30 ಆಗಿದ್ದ ವೇಳೆ ದೀಪ್ತಿ ಶರ್ಮಾ ಎಸೆತದಲ್ಲಿ ತಾನಿಯಾ ಭಾಟಿಯಾ (14) ಕ್ಯಾಚ್ ನೀಡಿ ಹೊರನಡೆದರು. ಇದರ ಬೆನ್ನಲ್ಲೇ ಉತ್ತಮವಾಗಿ ಆಡುತ್ತಿದ್ದ ಜೆಮಿಮಾ (13) ಚಂಥಂ ಹಿಡಿದ ಅದ್ಭುತ ಕ್ಯಾಚ್​ನಿಂದ ಪೆವಿಲಿಯನ್ ಕಡೆ ಮುಖ ಮಾಡಬೇಕಾಯಿತು.

ಈ ಹಂತದಲ್ಲಿ ಸಂಪೂರ್ಣ ಹಿಡಿತ ಸಾಧಿಸಿದ ಟ್ರೈಲ್​ಬ್ಲೇಜರ್ಸ್​ ಬೌಲರುಗಳು ರನ್​ ನಿಯಂತ್ರಿಸುವಲ್ಲಿ ಯಶಸ್ವಿಯಾದರು. ಪರಿಣಾಮ ಸೂಪರ್ ನೋವಾಸ್​ಗೆ 10 ಓವರ್​ಗಳಲ್ಲಿ 71 ರನ್​ ಬೇಕಾಗಿತ್ತು. ಈ ಹಂತದಲ್ಲಿ ಜೊತೆಗೂಡಿದ ನಾಯಕಿ ಹರ್ಮನ್ ಹಾಗೂ ಶಶಿಕಲಾ ಸಿರಿವರ್ಧನೆ ಉತ್ತಮ ಜೊತೆಯಾಟವಾಡಿದರು. ಪರಿಣಾಮ ರನ್​ ಗತಿಯಲ್ಲಿ ವೇಗ ಪಡೆದುಕೊಂಡಿತು. ಆದರೆ 15ನೇ ಓವರ್​ನಲ್ಲಿ ಸಲ್ಮಾ ಶಶಿಕಲಾ ಅವರನ್ನು ಔಟ್ ಮಾಡುವ ಮೂಲಕ ಟ್ರೈಲ್​ಬ್ಲೇಜರ್​ಗೆ ಯಶಸ್ಸು ತಂದುಕೊಟ್ಟರು.

ಅದರಂತೆ ಕೊನೆಯ 2 ಓವರ್​ಗಳಲ್ಲಿ 28 ರನ್​ಗಳ ಅವಶ್ಯಕತೆಯಿತ್ತು. ಈ ವೇಳೆ ಹರ್ಮನ್​ಪ್ರೀತ್ ಕೌರ್ (30) ಹಾಗೂ ಪೂಜಾ ವಿಕೆಟ್ ಪಡೆದು ಸಲ್ಮಾ ಕೇವಲ 4 ರನ್ ಮಾತ್ರ ನೀಡಿದರು. ಕೊನೆಯ ಓವರ್​ನಲ್ಲಿ 24 ರನ್​ಗಳ ಟಾರ್ಗೆಟ್ ಪಡೆದ ಸೂಪರ್ ನೋವಾಸ್ ಕೇವಲ 7 ರನ್​ ಮಾತ್ರ ಗಳಿಸಿತು. ಪರಿಣಾಮ ಹಾಲಿ ಚಾಂಪಿಯನ್​ನನ್ನು 16 ರನ್​ಗಳಿಂದ ಮಣಿಸಿ ಟ್ರೈಲ್ ಬ್ರೇಜರ್ಸ್​ ಟಿ20 ಮಹಿಳಾ ಚಾಂಪಿಯನ್ ಎನಿಸಿಕೊಂಡರು.
POINTS TABLE:

SCHEDULE TIME TABLE:

ORANGE CAP:

PURPLE CAP:

RESULT DATA:

MOST SIXES:

ಇದನ್ನೂ ಓದಿ: IPL 2020: ಆತನ ಭವಿಷ್ಯವಾಣಿ ಸುಳ್ಳಾಗಿರಬಹುದು, ಆದರೆ ಡೆಲ್ಲಿ ಬಗ್ಗೆ ಆತ ಹೇಳಿದ ಭವಿಷ್ಯ ನಿಜವಾಗಿದೆ..!