• Home
  • »
  • News
  • »
  • sports
  • »
  • India vs England: 2ನೇ ಟೆಸ್ಟ್​ ಪಂದ್ಯವು ಭಾರತದ ಪಾಲಿಗೆ ಮಾಡು ಇಲ್ಲವೇ ಮಡಿ ಪಂದ್ಯ: ಏಕೆ ಗೊತ್ತಾ?

India vs England: 2ನೇ ಟೆಸ್ಟ್​ ಪಂದ್ಯವು ಭಾರತದ ಪಾಲಿಗೆ ಮಾಡು ಇಲ್ಲವೇ ಮಡಿ ಪಂದ್ಯ: ಏಕೆ ಗೊತ್ತಾ?

Kohli-Root

Kohli-Root

ಇನ್ನು ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಡಲಿರುವ ತಂಡಗಳ ಪೈಕಿ ಭಾರತ ಹಾಗೂ ಇಂಗ್ಲೆಂಡ್​ ತಂಡಗಳಿದ್ದು, ಉಭಯ ತಂಡಗಳ ಪ್ರಸ್ತುತ ಟೆಸ್ಟ್ ಸರಣಿಯ ಫಲಿತಾಂಶದಿಂದ ಇದು ನಿರ್ಧಾರವಾಗಲಿದೆ.

  • Share this:

    ಚೆನ್ನೈನಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದ ಸೋಲಿನೊಂದಿಗೆ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಅಂಕಪಟ್ಟಿಯಲ್ಲಿ ಟೀಮ್ ಇಂಡಿಯಾ ಮೂರನೇ ಸ್ಥಾನಕ್ಕೆ ಕುಸಿದಿದೆ. ಅತ್ತ ಭರ್ಜರಿ ಜಯ ದಾಖಲಿಸಿರುವ ಇಂಗ್ಲೆಂಡ್ ಅಗ್ರಸ್ಥಾನಕ್ಕೇರಿದೆ. ಇನ್ನು ಈಗಾಗಲೇ ಫೈನಲ್​ಗೆ ಅರ್ಹತೆ ಪಡೆದುಕೊಂಡಿರುವ ನ್ಯೂಜಿಲೆಂಡ್​ ದ್ವಿತೀಯ ಸ್ಥಾನದಲ್ಲಿದೆ.


    ಇನ್ನು ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಡಲಿರುವ ತಂಡಗಳ ಪೈಕಿ ಭಾರತ ಹಾಗೂ ಇಂಗ್ಲೆಂಡ್​ ತಂಡಗಳಿದ್ದು, ಉಭಯ ತಂಡಗಳ ಪ್ರಸ್ತುತ ಟೆಸ್ಟ್ ಸರಣಿಯ ಫಲಿತಾಂಶದಿಂದ ಇದು ನಿರ್ಧಾರವಾಗಲಿದೆ. ಈಗಾಗಲೇ 4 ಪಂದ್ಯಗಳ ಸರಣಿಯಲ್ಲಿ ಮೊದಲ ಪಂದ್ಯ ಗೆದ್ದಿರುವ ಇಂಗ್ಲೆಂಡ್ ಮುಂದಿನ ಪಂದ್ಯವನ್ನು ಗೆಲ್ಲುವ ಮೂಲಕ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್​ಗೇರುವ ಆಸೆಯನ್ನು ಜೀವಂತವಿರಿಸುವ ವಿಶ್ವಾಸದಲ್ಲಿದೆ.


    ಆದರೆ ಮುಂದಿನ ಪಂದ್ಯವನ್ನು ಸೋಲದಂತೆ ನೋಡಿಕೊಳ್ಳಬೇಕಾದ ಒತ್ತಡ ಟೀಮ್ ಇಂಡಿಯಾ ಮೇಲಿದೆ. ಏಕೆಂದರೆ ಇಂಗ್ಲೆಂಡ್ ವಿರುದ್ಧದ 4 ಟೆಸ್ಟ್​ ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿ ಪಡೆ ಕನಿಷ್ಠ 2 ಪಂದ್ಯಗಳನ್ನು ಗೆದ್ದರೆ ಫೈನಲ್ ಪ್ರವೇಶಿಸಲಿದೆ. ಆದರೆ 2 ಪಂದ್ಯಗಳಲ್ಲಿ ಸೋಲಬಾರದು. ಅಂದರೆ ಇಂಗ್ಲೆಂಡ್ ವಿರುದ್ಧ 4-0, ಅಥವಾ 3-0, ಅಥವಾ 3-1, ಅಥವಾ 2-0, ಅಥವಾ 2-1 ಫಲಿತಾಂಶದೊಂದಿಗೆ ಸರಣಿ ಜಯಿಸಿದರೆ ಮಾತ್ರ ಅರ್ಹತೆ ಪಡೆಯಬಹುದು.


    ಈಗಾಗಲೇ ಇಂಗ್ಲೆಂಡ್ ವಿರುದ್ಧ 1 ಪಂದ್ಯವನ್ನು ಸೋತಿರುವ ಕೊಹ್ಲಿ ಪಡೆ ಈ ಸರಣಿಯನ್ನು ಇನ್ನು 3-1 ಅಥವಾ 2-1 ಫಲಿತಾಂಶದೊಂದಿಗೆ ಜಯಗಳಿಸಿ ಅರ್ಹತೆ ಪಡೆಯಬೇಕಿದೆ. ಹೀಗಾಗಿ ಚೆನ್ನೈನಲ್ಲೇ ನಡೆಯಲಿರುವ 2ನೇ ಟೆಸ್ಟ್ ಪಂದ್ಯವು ಟೀಮ್ ಇಂಡಿಯಾ ಪಾಲಿಗೆ ಮಾಡು ಇಲ್ಲವೇ ಮಡಿ ಪಂದ್ಯ. ಈ ಪಂದ್ಯದಲ್ಲಿ ಸೋತರೆ ಟೀಮ್ ಇಂಡಿಯಾದ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್​ ಕನಸು ಬಹುತೇಕ ಕಮರಲಿದೆ.



    ಒಂದು ವೇಳೆ ಇಂಗ್ಲೆಂಡ್ 4-0, ಅಥವಾ 3-0, ಅಥವಾ 3-1 ಅಂತರದಿಂದ ಭಾರತದ ವಿರುದ್ಧ ಗೆದ್ದರೆ ಟೆಸ್ಟ್ ಚಾಂಪಿಯನ್ ಚಾಂಪಿಯನ್​ಶಿಪ್ ಫೈನಲ್​ಗೇರಲಿದೆ. ಹಾಗೆಯೇ ಭಾರತ-ಇಂಗ್ಲೆಂಡ್ ಸರಣಿ ಡ್ರಾ ಆದರೆ, ಆಸ್ಟ್ರೇಲಿಯಾ ಫೈನಲ್‌ ಅರ್ಹತೆ ಪಡೆಯಲಿದೆ. ಹಾಗೆಯೇ ಭಾರತವು 2 ಪಂದ್ಯಗಳಿಗಿಂತ ಹೆಚ್ಚು ಸೋತರೆ ಅಥವಾ ಇಂಗ್ಲೆಂಡ್ ಕನಿಷ್ಠ 3 ಪಂದ್ಯಗಳನ್ನು ಗೆಲ್ಲಲು ಸಾಧ್ಯವಾಗದಿದ್ದರೂ ಆಸ್ಟ್ರೇಲಿಯಾ ಫೈನಲ್​ ಅರ್ಹತೆ ಗಿಟ್ಟಿಸಿಕೊಳ್ಳಲಿದೆ.

    Published by:zahir
    First published: