HOME » NEWS » Sports » CRICKET WEST INDIES VS PAKISTAN LIVE SCORE ICC WORLD CUP 2019 CRICKET MATCH AT TRENT BRIDGE POORAN GAYLE TAKE WEST INDIES TO SEVEN WICKET WIN

Cricket World Cup 2019, WI vs PAK: ಮೊದಲ ಪಂದ್ಯದಲ್ಲೇ ಪಾಕ್​ಗೆ ಭಾರೀ ಮುಖಭಂಗ; ವಿಂಡೀಸ್​ಗೆ 7 ವಿಕೆಟ್​ಗೆ ಜಯ

ICC Cricket World Cup 2019, West Indies vs Pakistan: 106 ರನ್​​ಗಳ ಸುಲಭ ಗುರಿ ಬೆನ್ನಟ್ಟಿದ ವೆಸ್ಟ್​ ಇಂಡೀಸ್ ಆರಂಭದಲ್ಲೇ ಶಾಯ್ ಹೋಪ್(11) ಹಾಗೂ ಡ್ಯಾರೆನ್ ಬ್ರಾವೋ(0) ವಿಕೆಟ್ ಕಳೆದುಕೊಂಡಿತಾದರು, ಕ್ರಿಸ್ ಗೇಲ್ ಸ್ಫೋಟಕ ಆಟವಾಡಿದರು.

Vinay Bhat | news18
Updated:May 31, 2019, 6:36 PM IST
Cricket World Cup 2019, WI vs PAK: ಮೊದಲ ಪಂದ್ಯದಲ್ಲೇ ಪಾಕ್​ಗೆ ಭಾರೀ ಮುಖಭಂಗ; ವಿಂಡೀಸ್​ಗೆ 7 ವಿಕೆಟ್​ಗೆ ಜಯ
ವೆಸ್ಟ್​ ಇಂಡೀಸ್ ತಂಡ
  • News18
  • Last Updated: May 31, 2019, 6:36 PM IST
  • Share this:
ಬೆಂಗಳೂರು (ಮೇ. 31): ನಾಟಿಂಗ್​ಹ್ಯಾಮ್​​ನ ಟ್ರೆಂಟ್​​ಬ್ರಿಡ್ಜ್​​ನಲ್ಲಿ ನಡೆದ ವಿಶ್ವಕಪ್​ನ ಎರಡನೇ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ವೆಸ್ಟ್​ ಇಂಡೀಸ್ ತಂಡ 7 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದೆ. ಕೆರಿಬಿಯನ್ ಬೌಲರ್​ಗಳ ಮಾರಕ ದಾಳಿಗೆ ತತ್ತರಿಸಿದ ಪಾಕ್ ಹೀನಾಯ ಸೋಲುಕಂಡಿದ್ದು, ಮೊದಲ ಪಂದ್ಯದಲ್ಲೇ ಭಾರೀ ಮುಖಭಂಗ ಅನುಭವಿಸಿದೆ.

ಟಾಸ್ ಸೋತು ಬ್ಯಾಟಿಂಗ್​​ಗೆ ಇಳಿದ ಪಾಕ್​​ ಆರಂಭದಲ್ಲೇ ಆಘಾತ ಅನುಭವಿಸಿತು. ಶೆಲ್ಡನ್ ಕಟ್ರೆಲ್ ಬೌಲಿಂಗ್​​ನಲ್ಲಿ ಕೀಪರ್​ಗೆ ಕ್ಯಾಚ್ ನೀಡಿ ಇಮಾಮ್ ಉಲ್ ಹಖ್(2) ಪೆವಿಲಿಯನ್ ಸೇರಿಕೊಂಡರು. ನಂತರದಲ್ಲಿ ರಸೆಲ್ ಅವರು ಫಕರ್ ಜಮಾನ್​(22)ರನ್ನು ಬೌಲ್ಡ್​ ಮಾಡಿದರೆ, ಹ್ಯಾರಿಸ್ ಸೊಹೇಲ್​ರನ್ನು ಕೇವಲ 8 ರನ್​ಗೆ ಔಟ್ ಮಾಡಿದರು.

ತಂಡದ ಆಪತ್ಬಾಂದವ ಬಾಬರ್ ಅಜಾಮ್ ಕೂಡ 22 ರನ್​ ಬ್ಯಾಟ್ ಕೆಳಗಿಟ್ಟಿದ್ದು ತಂಡಕ್ಕೆ ದೊಡ್ಡ ಹೊಡೆತ ಬಿದ್ದಂತಾಯಿತು. ನಾಯಕ ಸರ್ಫರಾಗ್ ಆಟ 8 ರನ್​ಗೆ ನಿಂತಿತು. ಇಮಾದ್ ವಾಸಿಮ್ 1 ರನ್​ಗೆ ಸುಸ್ತಾದರು. ಶಬಾದ್ ಖಾನ್ ಸೊನ್ನೆ ಸುತ್ತಿದರು. ಅಂತಿಮವಾಗಿ ತಂಡದ ಪರ ಬಾಬರ್ ಹಾಗೂ ಅಜಾಮ್ 22 ರನ್ ಗಳಿಸಿದ್ದೇ ಹೆಚ್ಚು. ಪರಿಣಾಮ 21.4 ಓವವರ್​​ನಲ್ಲಿ 105 ರನ್​ಗೆ ಆಲೌಟ್ ಆಗಿದೆ.

ಇದನ್ನೂ ಓದಿ: ಯೂನಿವರ್ಸಲ್ ಬಾಸ್ ಈಗ ವಿಶ್ವಕಪ್​ನಲ್ಲೂ ಬಾಸ್; ಗೇಲ್ ಮುಡಿಗೆ ಮತ್ತೊಂದು ದಾಖಲೆ

ವೆಸ್ಟ್​ ಇಂಡೀಸ್ ಪರ ಒಶಾನೆ ಥೋಮಸ್ 4 ಹಾಗೂ ಜೇಸನ್ ಹೋಲ್ಡರ್ 3 ವಿಕೆಟ್ ಕಿತ್ತು ಮಿಂಚಿದರೆ. ಆ್ಯಂಡ್ರೊ ರಸೆಲ್ 2 ಹಾಗೂ ಶೆಲ್ಡನ್ ಕಟ್ರೆಲ್ 1 ವಿಕೆಟ್ ಪಡೆದರು.

106 ರನ್​​ಗಳ ಸುಲಭ ಗುರಿ ಬೆನ್ನಟ್ಟಿದ ವೆಸ್ಟ್​ ಇಂಡೀಸ್ ಆರಂಭದಲ್ಲೇ ಶಾಯ್ ಹೋಪ್(11) ಹಾಗೂ ಡ್ಯಾರೆನ್ ಬ್ರಾವೋ(0) ವಿಕೆಟ್ ಕಳೆದುಕೊಂಡಿತಾದರು, ಕ್ರಿಸ್ ಗೇಲ್ ಸ್ಫೋಟಕ ಆಟವಾಡಿದರು.

ಹೊಡಿಬಡಿ ಆಟದ ಮೂಲಕ ಗಮನ ಸೆಳೆದ ಗೇಲ್ ಭರ್ಜರಿ ಅರ್ಧಶತಕ ಸಿಡಿಸಿ ಔಟ್ ಆದರು. 34 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 3 ಸಿಕ್ಸರ್​ನೊಂದಿಗೆ ಗೇಲ್ ಆಟ 50 ರನ್​ಗೆ ನಿಂತರೆ, ನಿಕೋಲ್ ಪೂರನ್ ಅಜೇಯ 34 ರನ್ ಸಿಡಿಸಿ 13.4 ಓವರ್​ಗಳಲ್ಲೇ ವಿಂಡೀಸ್ ಗೆಲುವು ಸಾಧಿಸುವಂತೆ ಮಾಡಿದರು.7 ವಿಕೆಟ್​ಗಳ ಭರ್ಜರಿ ಜಯದೊಂದಿಗೆ ವೆಸ್ಟ್​ ಇಂಡೀಸ್ 2019 ವಿಶ್ವಕಪ್ ಅನ್ನು ಭರ್ಜರಿ ಆಗಿ ಆರಂಭಸಿದೆ. ಅತ್ಯುತ್ತಮ ದಾಳಿ ಸಂಘಟಿಸಿದ ಥೋಮಸ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಬಾಜಿಕೊಂಡರು.

First published: May 31, 2019, 2:33 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories