ಆಸ್ಟ್ರೇಲಿಯಾ ನೆಲದಲ್ಲಿ ಪಾಕಿಸ್ತಾನ ಕೊನೆಯ ಟೆಸ್ಟ್​ ಗೆದ್ದಿದ್ದು ಕೊಹ್ಲಿಗೆ 7 ವರ್ಷ ಇರುವಾಗ!

ಈ ವಿಚಾರ ಸದ್ಯ ಸಾಮಾಜಿಕ ತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ. ಪಾಕಿಸ್ತಾನಕ್ಕೆ ಆಸೀಸ್ ನೆಲದಲ್ಲಿ ಇನ್ನೊಂದು ಟೆಸ್ಟ್​ ಬಾಕಿಯಿದ್ದು ನ. 29 ರಂದು ಆರಂಭವಾಗಲಿದೆ. ಇದರಲ್ಲಿ ಗೆದ್ದು ತನ್ನ ಹಳೆಯ ಕೆಟ್ಟ ದಾಖಲೆಯನ್ನು ಅಳಿಸಿ ಹಾಕುತ್ತ ಎಂಬುದು ಕಾದುನೋಡಬೇಕಿದೆ.

ಪಾಕ್ ತಂಡದ ಆಟಗಾರರು ಹಾಗೂ ಕೊಹ್ಲಿಯ ಚಿಕ್ಕಂದಿನ ಫೋಟೋ

ಪಾಕ್ ತಂಡದ ಆಟಗಾರರು ಹಾಗೂ ಕೊಹ್ಲಿಯ ಚಿಕ್ಕಂದಿನ ಫೋಟೋ

  • Share this:
ಬೆಂಗಳೂರು (ನ. 26): ಪಾಕಿಸ್ತಾನ ಕ್ರಿಕೆಟ್ ತಂಡ ಆಸ್ಟ್ರೇಲಿಯಾ ಪ್ರವಾಸಲ್ಲಿದ್ದು ಟೆಸ್ಟ್​ ಸರಣಿ ಆಡುತ್ತಿದೆ. ಈಗಾಗಲೇ ಮೊದಲ ಟೆಸ್ಟ್​ ಅಂತ್ಯಕಂಡಿದ್ದು, ಆಸೀಸ್ ಪಡೆ ಇನ್ನಿಂಗ್ಸ್​ ಹಾಗೂ 5 ರನ್​ಗಳಿಂದ ಜಯ ಸಾಧಿಸಿದೆ. ಈ ಮೂಲಕ ಎರಡು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಆಸ್ಟ್ರೇಲಿಯಾ 1-0 ಮುನ್ನಡೆ ಸಾಧಿಸಿದೆ.

ಇತ್ತ ಪಾಕಿಸ್ತಾನ ತಂಡ ಕಾಂಗರೂ ನೆಲದಲ್ಲಿ ತನ್ನ ಸೋಲಿನ ಹಣೆಪಟ್ಟಿಯನ್ನು ಕಳಚಿ ಹಾಕುವಲ್ಲಿ ಮತ್ತೆ ವಿಫಲವಾಗಿದೆ. ಪಾಕ್ ತಂಡ ಆಸ್ಟ್ರೇಲಿಯಾದಲ್ಲಿ ಆಸೀಸ್ ವಿರುದ್ಧ ಕೊನೆಯ ಟೆಸ್ಟ್​ ಪಂದ್ಯ ಗೆದ್ದಿದ್ದು 1995-96 ರಲ್ಲಿ. ಮೂರು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಎರಡು ಸೋತು ಒಂದು ಪಂದ್ಯವನ್ನು ಪಾಕಿಸ್ತಾನ ಆಗ ಗೆದ್ದಿತ್ತು.

 



ಎರಡು ಪಂದ್ಯದಲ್ಲಿ ಫೇಲ್ ಆದರೆ ನಾನು ಆ ತಂಡಕ್ಕೆ ಬೇಡ; ವಿದಾಯದ ವೇಳೆ ಗೇಲ್ ಭಾವುಕ!

ಕುತೂಹಲಕಾರಿ ಅಂಶವೆಂದರೆ ಸುಮಾರು 24 ವರ್ಷಗಳಿಂದ ಪಾಕಿಸ್ತಾನ ತಂಡ ಆಸ್ಟ್ರೇಲಿಯಾದಲ್ಲಿ ಒಂದೇ ಒಂದು ಟೆಸ್ಟ್​ ಗೆದ್ದಿಲ್ಲ. ಕೊನೆಯ ಟೆಸ್ಟ್​ ಗೆದ್ದಾಗ ಈಗಿನ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಆಗಿನ್ನು ಕೇವಲ 7 ವರ್ಷ ವಯಸ್ಸಾಗಿತ್ತಷ್ಟೆ.

ಇಷ್ಟೇ ಅಲ್ಲದೆ ಪಾಕಿಸ್ತಾನ ತಂಡದ ಟಿ-20 ನಾಯಕ ಬಾಬರ್ ಅಜಂ ಹುಟ್ಟಿ ಕೇವಲ 1 ವರ್ಷ ಆಗಿತ್ತಷ್ಟೆ. ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಕೇವಲ 5695 ರನ್ ಕಲೆಹಾಕಿದ್ದರು. 12 ಶತಕ ಬಾರಿಸಿದ್ದರಷ್ಟೆ. ಸೌರಾವ್ ಗಂಗೂಲಿ ಹಾಗೂ ರಾಹುಲ್ ದ್ರಾವಿಡ್ ಟೆಸ್ಟ್ ಕ್ರಿಕೆಟ್​ಗೆ  ಪದಾಪರ್ಣೆ ಮಾಡಿರಲಿಲ್ಲ. ಸ್ಪಿನ್ ಮಾಂತ್ರಿಕ ಮುತ್ತಯ್ಯ ಮುರಳೀಧರನ್ ಕೇವಲ 78 ವಿಕೆಟ್ ಪಡೆದಿದ್ದರಷ್ಟೆ.

ಬಾಡಿಗೆ ಬೇಡ ಎಂದ ಭಾರತೀಯ ಕ್ಯಾಬ್ ಚಾಲಕನಿಗೆ ಪಾಕ್ ಆಟಗಾರರಿಂದ ಡಿನ್ನರ್ ಪಾರ್ಟಿ!

ಈ ವಿಚಾರ ಸದ್ಯ ಸಾಮಾಜಿಕ ತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ. ಪಾಕಿಸ್ತಾನಕ್ಕೆ ಆಸೀಸ್ ನೆಲದಲ್ಲಿ ಇನ್ನೊಂದು ಟೆಸ್ಟ್​ ಬಾಕಿಯಿದ್ದು ನ. 29 ರಂದು ಆರಂಭವಾಗಲಿದೆ. ಇದರಲ್ಲಿ ಗೆದ್ದು ತನ್ನ ಹಳೆಯ ಕೆಟ್ಟ ದಾಖಲೆಯನ್ನು ಅಳಿಸಿ ಹಾಕುತ್ತ ಎಂಬುದು ಕಾದುನೋಡಬೇಕಿದೆ.

ಮೊನ್ನೆಯಷ್ಟೆ ಅಂತ್ಯಕಂಡ ಮೊದಲ ಟೆಸ್ಟ್​ನಲ್ಲಿ ಆಸ್ಟ್ರೇಲಿಯಾ ಇನ್ನಿಂಗ್ಸ್​ ಹಾಗೂ 5 ರನ್​ಗಳ ಗೆಲುವು ಸಾಧಿಸಿತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾನ ಅಸದ್ ಶಾಫಿಕ್​ರ 76 ರನ್​ಗಳ ಸಹಾಯದಿಂದ 240 ರನ್​ಗೆ ಆಲೌಟ್ ಆಯಿತು. ಬಳಿಕ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ಆಸೀಸ್ ಮಾರ್ಕಸ್ ಲಬುಸ್ಚಗ್ನೆ ಅವರ 185 ಹಾಗೂ ಡೇವಿಡ್ ವಾರ್ನರ್​ರ 154 ರನ್​ಗಳ ನೆರವಿನಿಂದ 580 ರನ್ ಬಾರಿಸಿತು.

 



2ನೇ ಇನ್ನಿಂಗ್ಸ್​ನಲ್ಲಿ ಪಾಕಿಸ್ತಾನ ಹೋರಾಟ ನಡೆಸಿತಾದರು ಯಶಸ್ಸು ಸಿಗಲಿಲ್ಲ. ಬಾಬರ್ ಅಜಂ 104 ಹಾಗೂ ಮೊಹಮ್ಮದ್ ರಿಜ್ವಾನ್ 95 ರನ್ ಗಳಿಸಿದರು. ಡ್ರಾ ಮಾಡುವಲ್ಲೂ ವಿಫಲವಾದ ಪಾಕಿಸ್ತಾನ 335 ರನ್​ಗೆ ಆಲೌಟ್ ಆಗುವ ಮೂಲಕ ಆಸ್ಟ್ರೇಲಿಯಾ ಜಯ ಸಾಧಿಸಿತು.
First published: