Under-19 World Cup: ಕ್ವಾರ್ಟರ್ ಫೈನಲ್​ಗೇರಿದ ಭಾರತ; ಮುಂದಿನ ಎದುರಾಳಿ ಆಸ್ಟ್ರೇಲಿಯಾ!

ಬೆಂಗಳೂರು (ಜ. 25): ಐಸಿಸಿ ಅಂಡರ್-19 ವಿಶ್ವಕಪ್​ನಲ್ಲಿ ಭಾರತ ತಂಡ ಭರ್ಜರಿ ಪ್ರದರ್ಶನ ತೋರುತ್ತಿದೆ. ಈಗಾಗಲೇ ಆಡಿರುವ ಮೂರು ಪಂದ್ಯಗಳ ಪೈಕಿ ಮೂರರಲ್ಲೂ ಗೆದ್ದಿರುವ ಪ್ರಿಯಮ್ ಗರ್ಗ್ ಪಡೆ ಕ್ವಾರ್ಟನ್ ಫೈನಲ್​ಗೆ ಲಗ್ಗೆ ಇಟ್ಟಿದೆ.

ನಿನ್ನೆ ನಡೆದ ನ್ಯೂಜಿಲೆಂಡ್ ಅಂಡರ್-19 ವಿರುದ್ಧದ ಪಂದ್ಯದಲ್ಲೂ ಭಾರತದ ಕಿರಿಯರು ಡಕ್ವರ್ತ್​ ಲುಯಿಸ್ ನಿಯಮದ ಅನ್ವಯ 44 ರನ್​ಗಳಿಂದ ಗೆದ್ದು ಬೀಗಿದರು.

Sri Lanka U19 ✅
Japan U19 ✅
New Zealand U19 ✅

India U19 complete a hat-trick of wins after they beat New Zealand U19 in #U19CWC 👏👏.

Report 📰 👉 https://t.co/rID9J9qdZ7

Upwards and onwards for #TeamIndia pic.twitter.com/6lJuVSo19K

— BCCI (@BCCI) January 24, 2020

ಟಾಸ್ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಭಾರತ ಭರ್ಜರಿ ಆರಂಭ ಪಡೆದುಕೊಂಡಿತು. ಓಪನರ್​ಗಾಳದ ಯಶಸ್ವಿ ಜೈಸ್ವಾಲ್ ಹಾಗೂ ದಿವ್ಯಾನ್ಶ್​ ಸಕ್ಸೆನಾ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದರು. ಆದರೆ, ಭಾರತ 23 ಓವರ್​ನಲ್ಲಿ ವಿಕೆಟ್ ನಷ್ಟವಿಲ್ಲದೆ 115 ರನ್ ಗಳಿಸಿದಾಗ ಜೋರಾಗಿ ಮಳೆ ಸುರಿಯಲು ಆರಂಭಿಸಿತು.

ಈ ಸಂದರ್ಭ ಜೈಸ್ವಾಲ್ 77 ಎಸೆತಗಳಲ್ಲಿ 57 ಹಾಗೂ ದಿವ್ಯಾನ್ಶ್​ 62 ಎಸೆತಗಳಲ್ಲಿ 52 ರನ್ ಗಳಿಸಿದ್ದರು. ತುಂಬಾ ಸಮಯದ ಬಳಿಕ ಮಳೆ ನಿತ್ತಿತ್ತು. ಆದರ, ಭಾರತದ ಬ್ಯಾಟಿಂಗ್ ಇನ್ನಿಂಗ್ಸ್​ ಇಲ್ಲಿಗೆ ಅಂತ್ಯಗೊಳಿಸಿ ದಕ್ವರ್ತ್​ ಲುಯಿಸ್ ನಿಯಮದ ಪ್ರಕಾರ ನ್ಯೂಜಿಲೆಂಡ್​ಗೆ ಗೆಲ್ಲಲು 23 ಓವರ್​​ನಲ್ಲಿ 192 ರನ್​ಗಳ ಟಾರ್ಗೆಟ್ ನೀಡಲಾಯಿತು.

ಈ ಟಾರ್ಗೆಟ್ ಬೆನ್ನಟ್ಟಿದ ಕಿವೀಸ್ ಕಿರಿಯರು ರವಿ ಬಿಷ್ಟೋಯಿ ಹಾಗೂ ಅಥರ್ವ ಅಂಕೊಲ್ಕರ್ ಬೌಲಿಂಗ್ ದಾಳಿಗೆ ತತ್ತರಿಸಿ ಹೋಯಿತು. 21 ಓವರ್​ನಲ್ಲಿ ಕೇವಲ 147 ರನ್​ಗೆ ಸರ್ವಪತನ ಕಂಡಿತು. ನ್ಯೂಜಿಲೆಂಡ್ ಪರ ರೈಸ್ ಮ್ಯಾರಿಸ್ 42 ರನ್ ಗಳಿಸಿದ್ದು ತಂಡದ ಬ್ಯಾಟ್ಸ್​ಮನ್​ ಒಬ್ಬ ಕಲೆಹಾಕಿದ ಗರಿಷ್ಠ ಸ್ಕೋರ್ ಆಯಿತು.

KL Rahul: ವಿಕೆಟ್ ಕೀಪಿಂಗ್ ಜವಾಬ್ದಾರಿ ಬಗ್ಗೆ ಮೊದಲ ಬಾರಿ ಮನಬಿಚ್ಚಿ ಮಾತನಾಡಿದ ರಾಹುಲ್!

ಭಾರತ ಅಂಡರ್-19 ಪರ ರವಿ 4 ವಿಕೆಟ್ ಕಿತ್ತು ಮಿಂಚಿದರೆ, ಅಥರ್ವ 3 ವಿಕೆಟ್ ಪಡೆದರು. ಕಾರ್ತಿಕ್ ತ್ಯಾಗಿ ಹಾಗೂ ಸುಶಾಂತ್ ಮಿತ್ರಾ ತಲಾ 1 ವಿಕೆಟ್ ಪಡೆದರು.

44 ರನ್​ಗಳ ಭರ್ಜರಿ ಜಯದೊಂದಿಗೆ ಭಾರತ ಕ್ವಾರ್ಟರ್ ಫೈನಲ್ ತಲುಪಿತು. ಸದ್ಯ ಭಾರತ ಆಡಿರುವ ಮೂರು ಪಂದ್ಯಗಳಲ್ಲಿ ಮೂರನ್ನೂ ಗೆದ್ದು ಗ್ರೂಪ್ ಎ ನಲ್ಲಿ 6 ಪಾಯಿಂಟ್​ನೊಂದಿಗೆ ಅಗ್ರಸ್ಥಾನಲ್ಲಿದೆ. ಜನವರಿ 28 ರಂದು ಸೂಪರ್ ಲೀಗ್ ಕ್ವಾರ್ಟರ್ ಫೈನಲ್ 1 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಭಾರತ ಸೆಣೆಸಾಟ ನಡೆಲಿದೆ.