Virat Kohli: ಅಂಪೈರ್ ತೀರ್ಪು ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ ವಿರಾಟ್ ಕೊಹ್ಲಿ..!

ಭಾರತ-ಇಂಗ್ಲೆಂಡ್ 4ನೇ ಟಿ20 ಪಂದ್ಯದ ವೇಳೆ ಸೂರ್ಯಕುಮಾರ್ ಔಟ್ ತೀರ್ಪು ವಿವಾದಕ್ಕೆ ಕಾರಣವಾಗಿತ್ತು. ಅಲ್ಲದೆ ಅಂಪೈರ್ ನೀಡಿದ ಸಾಫ್ಟ್ ಸಿಗ್ನಲ್​ನ್ನು ಕೊಹ್ಲಿ ಒಪ್ಪಲಿಲ್ಲ.

Virat kohli-umpire

Virat kohli-umpire

  • Share this:
    ಭಾರತ-ಇಂಗ್ಲೆಂಡ್ ನಡುವಣ ಟಿ20 ಸರಣಿಯ 4ನೇ ಪಂದ್ಯದಲ್ಲಿ ಅಂಪೈರ್​ ತೀರ್ಪು ವಿವಾದಕ್ಕೆ ಕಾರಣವಾಗಿತ್ತು. ಸೂರ್ಯಕುಮಾರ್ ಹಾಗೂ ವಾಷಿಂಗ್ಟನ್​ ಸುಂದರ್​ ಔಟ್ ನೀಡಿರುವುದು ಭಾರೀ ಚರ್ಚೆಯನ್ನು ಹುಟ್ಟುಹಾಕಿತ್ತು. ಇದೀಗ ಅಂಪೈರ್​ಗಳ ನಿರ್ಧಾರಗಳ ಬಗ್ಗೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮಾತನಾಡಿದ್ದಾರೆ.

    ಅಂಪೈರ್​ಗಳ ನಿರ್ಧಾರಗಳು ಸಾಕಷ್ಟು ಗೊಂದಲಕ್ಕೆ ಕಾರಣವಾಗುತ್ತಿದೆ. ಉದಾಹರಣೆಗೆ ಯಾರು ಕೂಡ ಬ್ಯಾಟ್ಸ್​ಮನ್​ ಬೌಲ್ಡ್ ಆದಾಗ, ಚೆಂಡು ಸ್ಟಂಪ್​ಗೆ ಶೇ.50 ರಷ್ಟು ತಾಗಿದೆ ಎಂದು ಔಟ್ ಎಂದು ತೀರ್ಪು ನೀಡುವುದಿಲ್ಲ. ಕ್ರಿಕೆಟ್ ಬಗ್ಗೆ ಹೆಚ್ಚಿನ ಜ್ಞಾನವಿದ್ದಾಗ, ಇದರ ಬಗ್ಗೆ ಚರ್ಚೆಗಳು ಮೂಡುವುದಿಲ್ಲ. ಏಕೆಂದರೆ ಸ್ಟಂಪ್​ಗೆ ಕೊಂಚ ತಾಗಿದರೂ ಅದು ಔಟ್ ಎಂದು ಗೊತ್ತಿರುತ್ತದೆ ಎಂದು ಕೊಹ್ಲಿ ಪರೋಕ್ಷವಾಗಿ 4ನೇ ಟಿ20 ಪಂದ್ಯದಲ್ಲಿ ಕಳಪೆ ತೀರ್ಪು ನೀಡಿದ ಅಂಪೈರ್​ನ ಗುರಿ ಮಾಡಿದರು.

    ನಾನು ಡಿಆರ್‌ಎಸ್ ನಿಯಮ ಬರುವುದಕ್ಕೂ ಮುನ್ನವೇ ಬಹಳ ವರ್ಷಗಳಿಂದ ಆಡುತ್ತಿದ್ದೇನೆ. ಅಂದು ಡಿಆರ್​ಎಸ್ ಇರಲಿಲ್ಲ. ಅಂದು ಅಂಪೈರ್ ಔಟ್ ಕೊಟ್ಟರೆ ಬ್ಯಾಟ್ಸ್‌ಮನ್‌ ಔಟಾಗಿರಲಿ ಅಥವಾ ನಾಟೌಟ್ ಆಗಿರಲಿ ಅದನ್ನು ಔಟ್ ಎಂದು ಒಪ್ಪಿಕೊಳ್ಳಬೇಕಾಗಿತ್ತು. ಅದು ಕನಿಷ್ಠ ಮಟ್ಟದಲ್ಲಿರಲಿ, ಇಲ್ಲದಿರಲಿ ಔಟ್ ಔಟೇ ಆಗಿತ್ತು ಎಂದು ಟೀಮ್ ಇಂಡಿಯಾ ನಾಯಕ ವಿವರಿಸಿದರು.

    ಭಾರತ-ಇಂಗ್ಲೆಂಡ್ 4ನೇ ಟಿ20 ಪಂದ್ಯದ ವೇಳೆ ಸೂರ್ಯಕುಮಾರ್ ಔಟ್ ತೀರ್ಪು ವಿವಾದಕ್ಕೆ ಕಾರಣವಾಗಿತ್ತು. ಅಲ್ಲದೆ ಅಂಪೈರ್ ನೀಡಿದ ಸಾಫ್ಟ್ ಸಿಗ್ನಲ್​ನ್ನು ಕೊಹ್ಲಿ ಒಪ್ಪಲಿಲ್ಲ. ರಿಪ್ಲೇನಲ್ಲಿ ನಾಟೌಟ್ ಎಂದು ಸಾಬೀತಾದರೂ ಟಿವಿ ಅಂಪೈರ್ ಬ್ಯಾಟ್ಸ್‌ಮನ್‌ ಔಟ್ ಎಂದರು. ಏಕೆಂದರೆ ಆನ್-ಫೀಲ್ಡ್ ಅಂಪೈರ್ ನೀಡಿದ ಸಾಫ್ಟ್ ಸಿಗ್ನಲ್​ನಿಂದ ಅದೇ ತೀರ್ಪನ್ನು ಮುಂದುವರೆಸಿದರು. ಇದೇ ಕಾರಣದಿಂದ ವಿರಾಟ್ ಕೊಹ್ಲಿ ಅಂಪೈರ್​ಗಳು ಕ್ರಿಕೆಟ್​ನಲ್ಲಿ ಗೊಂದಲ ಸೃಷ್ಟಿಸುತ್ತಿದ್ದಾರೆ ಎಂದು ಟೀಕಿಸಿದ್ದಾರೆ.
    Published by:zahir
    First published: