Lin Dan: ಬ್ಯಾಡ್ಮಿಂಟನ್ ವೃತ್ತಿ ಬದುಕಿಗೆ ನಿವೃತ್ತಿ ಘೋಷಿಸಿದ ಒಲಿಂಪಿಕ್ಸ್ ಚಾಂಪಿಯನ್ ಲಿನ್ ಡಾನ್

ಚೀನಾದ ಎರಡು ಬಾರಿಯ ಒಲಿಂಪಿಕ್ಸ್​ ಚಾಂಪಿಯನ್​ ಲಿನ್​ ಡಾನ್​ ಶನಿವಾರ ತಮ್ಮ 20 ವರ್ಷದ ಬ್ಯಾಡ್ಮಿಂಟನ್​ ವೃತ್ತಿ ಬದುಕಿಗೆ ನಿವೃತ್ತಿ ಘೋಷಿಸಿದ್ದಾರೆ. ಈ ಕುರಿತು ಪೋಸ್ಟ್‌ವೊಂದನ್ನು ಹಾಕಿರುವ ಲಿನ್ ಡಾನ್, ತನ್ನ ಕುಟುಂಬ ಹಾಗೂ ಅಭಿಮಾನಿಗಳಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.

ಬೀಜಿಂಗ್ ಹಾಗೂ ಲಂಡನ್ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕವನ್ನು ಜಯಿಸಿದ್ದ ಲೀ ಇದೀಗ ನಿವೃತ್ತಿ ನಿರ್ಧಾರ ಪ್ರಕಟಿಸುವುದರೊಂದಿಗೆ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಹ್ಯಾಟ್ರಕ್ ಪೂರೈಸುವ ಅವಕಾಶ ತಪ್ಪಿಸಿಕೊಂಡಿದ್ದಾರೆ. ಈ ವರ್ಷ ನಡೆಯಬೇಕಾಗಿದ್ದ ಟೋಕಿಯೊ ಒಲಿಂಪಿಕ್ಸ್ ಕೊರೋನ ವೈರಸ್ ಕಾರಣಕ್ಕೆ ಮುಂದಿನ ವರ್ಷಕ್ಕೆ ಮುಂದೂಡಲ್ಪಟ್ಟಿದೆ.

2011 ವಿಶ್ವಕಪ್ ಫೈನಲ್ ಫಿಕ್ಸಿಂಗ್ ಪ್ರಕರಣ: ಸಾಕ್ಷ್ಯವಿಲ್ಲ ಎಂದು ತನಿಖೆ ಕೈ ಬಿಟ್ಟ ಶ್ರೀಲಂಕಾ!

2000 ದಿಂದ 2020 ರವರೆಗೆ ಸುಮಾರು 20 ವರ್ಷಗಳ ನಂತರ ನಾನು ರಾಷ್ಟ್ರೀಯ ತಂಡಕ್ಕೆ ವಿದಾಯ ಹೇಳಬೇಕಿದೆ. ಅದನ್ನು ಮಾತಿನಲ್ಲಿ ಹೇಳಲು ತುಂಬಾ ಕಷ್ಟವಾಗುತ್ತಿದೆ ಎಂದು ಚೀನಾದ ಟ್ವಿಟರ್​ ತರಹದ ಸಾಮಾಜಿಕ ಮಾಧ್ಯಮವಾದ ವಿಬೋದಲ್ಲಿ ಲಿನ್​ ಡಾನ್​ ಹೇಳಿದ್ದಾರೆ.

"ನಾನು ಪ್ರೀತಿಸುವ ಕ್ರೀಡೆಗೆ ಎಲ್ಲವನ್ನೂ ಅರ್ಪಿಸಿದ್ದೇನೆ. ನಾನು ಗೆದ್ದು ಸಂಭ್ರಮಿಸಿದಾಗ, ಸೋತು ಕುಸಿದಾಗಲೆಲ್ಲಾ ನನ್ನ ಕುಟುಂಬಸ್ಥರು, ತರಬೇತುದಾರರು, ತಂಡದ ಸದಸ್ಯರು ಮತ್ತು ಅಭಿಮಾನಿಗಳು ನನ್ನ ಜೊತೆಗಿದ್ದರು" ಎಂದು ಡಾನ್​ ಹೇಳಿರುವುದಾಗಿ ಚೀನಾದ ಮಾಧ್ಯಮಗಳು ವರದಿ ಮಾಡಿವೆ.



Kuldeep Yadav: ನನಗೆ ಅತ್ಯಂತ ಸವಾಲೆನಿಸಿದ ಇಬ್ಬರು ಬ್ಯಾಟ್ಸ್​ಮನ್​ಗಳು ಇವರೇ..!

ಕಳೆದ ವರ್ಷ ಲಿನ್ ಡಾನ್ ಅವರ ಬದ್ಧ ಎದುರಾಳಿ, ಸ್ನೇಹಿತ ಮಲೇಷ್ಯಾದ ಸ್ಟಾರ್ ಶೆಟ್ಲರ್ ಲೀ ಚೊಂಗ್ ವೀ ನಿವೃತ್ತಿ ಘೋಷಿಸಿದ್ದರು. ಆ ಬಳಿಕ ಬ್ಯಾಡ್ಮಿಂಟನ್‌ ಲೋಕದಲ್ಲಿ ಮಿನುಗಿದ್ದ ಲಿನ್ ಡಾನ್ ವೃತ್ತಿ ಬದುಕೂ ಕಳೆಗುಂದುತ್ತಾ ಬಂದಿತ್ತು.