news18 Updated:June 27, 2019, 1:03 PM IST
ಭಾರತ-ಪಾಕಿಸ್ತಾನ ಆಟಗಾರರು
- News18
- Last Updated:
June 27, 2019, 1:03 PM IST
2019ರ ವಿಶ್ವಕಪ್ ಪಂದ್ಯ ರೋಚಕತೆಯಿಂದ ಸಾಗುತ್ತಿದೆ. ಟೀಂ ಇಂಡಿಯಾ ಎದುರಾಳಿ ತಂಡಗಳನ್ನು ಸೋಲಿಸಿ ವಿಶ್ವಕಪ್ ಬಾಚಿಕೊಳ್ಳುವ ತವಕದಲ್ಲಿದೆ. ಈವರೆಗೆ ಟೀಂ ಇಂಡಿಯಾ ಆಡಿರುವ ಎಲ್ಲಾ ಪಂದ್ಯವನ್ನು ಗೆದ್ದು ಬೀಗಿದೆ. ಇದೀಗ ಜೂನ್ 30ರಂದು ನಡೆಯುವ ಇಂಗ್ಲೆಂಡ್ ವಿರುದ್ಧದ ಪಂದ್ಯ ಭಾರೀ ಕುತೂಹಲತೆಗೆ ಕಾರಣವಾಗಿದೆ.
ಪ್ರಬಲ ತಂಡಗಳ ಪೈಕಿ ಗುರುತಿಸಿಕೊಂಡಿರುವ ಇಂಗ್ಲೆಂಡ್ ತಂಡವನ್ನು ಟೀಂ ಇಂಡಿಯಾ ಎದುರಿಸಲಿದೆ. ವಿಶ್ವದಾದ್ಯಂತ ಈ ಪಂದ್ಯಕ್ಕಾಗಿ ಅಭಿಮಾನಿಗಳು ಕಾತುರದಲ್ಲಿದ್ದಾರೆ. ಮಾಜಿ ಕಮೆಂಟರ್ ನಾಸಿರ್ ಹುಸೈನ್ ಕೂಡ ಭಾರತ-ಇಂಗ್ಲೆಂಡ್ ಪಂದ್ಯಗಳ ಜಟಾಪಟಿಯ ಕುರಿತು ತಮ್ಮ ಟ್ಟಟ್ಟರ್ ಖಾತೆಯಲ್ಲಿ ಸಂದೇಶವೊಂದನ್ನು ಬರೆದಿದ್ದು, ಯಾರೆಲ್ಲಾ ಪಾಕಿಸ್ತಾನಿ ಅಭಿಮಾನಿಗಳು ಜೂನ್ 30ಕ್ಕೆ ನಡೆಯುವ ಇಂಡಿಯಾ-ಇಂಗ್ಲೆಂಡ್ ಪಂದ್ಯಕ್ಕೆ ಸಪೋರ್ಟ್ ಮಾಡುತ್ತೀರಾ ಎಂದು ಬರೆದಿದ್ದಾರೆ. ಇದಕ್ಕೆ ಮರುಉತ್ತರವಾಗಿ ಕೆಲ ಪಾಕಿಸ್ತಾನಿ ಅಭಿಮಾನಿಗಳು ಟೀಂ ಇಂಡಿಯಾಗೆ ಪ್ರೋತ್ಸಾಹ ನೀಡುವಂತೆ ಮರುಟ್ವಿಟ್ ಮಾಡಿದ್ದಾರೆ.
2019ರ ವಿಶ್ವಕಪ್ ಪಂದ್ಯ ದಿನದಿಂದ ದಿನಕ್ಕೆ ಕುತೂಹಲ ಮೂಡಿಸುತ್ತಿದೆ. ವಿಶ್ವಕಪ್ ಕ್ರಿಕೆಟ್ ಅಂಕಿ ಅಂಶಗಳ ಪೈಕಿ ಆಸ್ಟ್ರೇಲಿಯಾ ತಂಡ ಮೊದಲ ಸ್ಥಾನದಲ್ಲಿದ್ದರೆ, ನ್ಯೂಜಿಲೆಂಡ್ ತಂಡ ಎರಡನೇ ಸ್ಥಾನದಲ್ಲಿ ಗುರುತಿಸಿಕೊಂಡಿದೆ. ಟೀಂ ಇಂಡಿಯಾ ಆಡಿರುವ 5 ಪಂದ್ಯಗಳಲ್ಲಿ ವಿಜಯಶಾಲಿಯಾಗಿದ್ದು 3 ನೇ ಸ್ಥಾನದಲ್ಲಿದೆ. ಅಂತೆಯೇ, ಇಂಗ್ಲೆಂಡ್ ತಂಡ 4 ನೇ ಸ್ಥಾನವನ್ನು ಅಲಂಕರಿಸಿದೆ. ಇದೀಗ ಜೂನ್ 30 ರಂದು ನಡೆಯುವ ಪಂದ್ಯ ಸಾಕಷ್ಟು ಕೂತೂಹಲ ಮೂಡಿಸಿದ್ದು, ಟೀಂ ಇಂಡಿಯಾಕ್ಕೆ ಪಾಕಿಸ್ತಾನಿ ಅಭಿಮಾನಿಗಳ ಬೆಂಬಲ ನೀಡುತ್ತಾರೆಯೇ ಎಂಬುದು ಯಕ್ಷ ಪಶ್ನೆಯಾಗಿದೆ.
First published:
June 27, 2019, 12:53 PM IST
