Ind VS Eng Test| ಸುಸ್ಥಿತಿಯಲ್ಲಿ ಭಾರತ, ಅನಿಲ್ ಕುಂಬ್ಳೆ ಬಳಿಕ ಓವಲ್ ಅಂಗಳದಲ್ಲಿ ಹೊಸ ಇತಿಹಾಸ!

ಆಗಲಿ ಈ ಪಂದ್ಯದಲ್ಲಿ ಭಾರತ ಉತ್ತಮವಾಗಿ ಆಡುತ್ತಿದೆ. ಎರಡನೇ ಇನ್ನಿಂಗ್ಸ್​ನಲ್ಲಿ ಆಂಗ್ಲರಿಗೆ ಕಠಿಣ ಗುರಿ ನೀಡುವ ವಿಶ್ವಾಸವಿದೆ. 300 ಕ್ಕಿಂತ ಹೆಚ್ಚಿನ ರನ್ ಲೀಡ್ ಪಡೆದರೆ ಭಾರತಕ್ಕೆ ಗೆಲ್ಲುವ ಸಾಧ್ಯತೆ ಅಧಿಕವಾಗಿದೆ ಎನ್ನಲಾಗುತ್ತಿದೆ.

ವಿರಾಟ್ ಕೊಹ್ಲಿ,

ವಿರಾಟ್ ಕೊಹ್ಲಿ,

  • Share this:
    ಓವಲ್ (ಸೆಪ್ಟೆಂಬರ್ 05); ಇಂಗ್ಲೆಂಡ್ ಎದುರಿನ 4ನೇ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ ಮತ್ತೆ ಬ್ಯಾಟಿಂಗ್ ವೈಫಲ್ಯ ಅನುಭವಿಸುವ ಮೂಲಕ ಹಿನ್ನಡೆ ಅನುಭವಿಸಿದ್ದ ಭಾರತ ಇದೀಗ ಸುಸ್ಥಿತಿಯಲ್ಲಿದೆ. ಎರಡನೇ ಇನ್ನಿಂಗ್ಸ್​ನಲ್ಲಿ ಹಿಟ್ ಮ್ಯಾನ್ ರೋಹಿತ್ ಶರ್ಮಾ ಅವರ ಶತಕ (127), ಕೆ.ಎಲ್. ರಾಹುಲ್ 46, ಚೇತೇಶ್ವರ ಪೂಜಾರ 61 ಮತ್ತು ನಾಯಕ ವಿರಾಟ್ ಕೊಹ್ಲಿ ಅವರ ಉಪಯುಕ್ತ 44 ರನ್ ನೆರವಿನಿಂದ ಎರಡನೇ ಇನ್ನಿಂಗ್ಸ್​ನಲ್ಲಿ ಊಟದ ವಿರಾಮದ ವೇಳೆಗೆ 6 ವಿಕೆಟ್​ ಕಳೆದುಕೊಂಡು 329 ರನ್ ಬಾರಿಸಿದೆ. ವಿಕೆಟ್​ ಕೀಪರ್​ ರಿಷಬ್ ಪಂತ್ (16) ಮತ್ತು ಆಲ್​ರೌಂಡರ್ ಶರ್ದೂಲ್ ಠಾಕೂರ್ (11) ಉತ್ತಮವಾಗಿಯೇ ಆಟವಾಡುತ್ತಿದ್ದಾರೆ. ಈ ಮೂಲಕ ಸೋಲಿನ ಭೀತಿಯಲ್ಲಿದ್ದ ಭಾರತ ಇದೀಗ 230ರನ್​ಗಳ ಮುನ್ನಡೆ ಸಾಧಿಸಿದ್ದು ಆಂಗ್ಲರಿಗೆ ಕಠಿಣ ಪೈಪೋಟಿ ಒಡ್ಡಿದೆ. ಅಲ್ಲದೆ, ವೇಗಿಗಳ ಸ್ನೇಹಿ ಓವಲ್ ಕ್ರೀಡಾಂಗಣದಲ್ಲಿ ವಿಶೇಷವಾದ ದಾಖಲೆಯನ್ನೂ ನಿರ್ಮಿಸಿ ಗಮನ ಸೆಳೆದಿದೆ.

    ಓವಲ್​ನಲ್ಲಿ ಟೀಂ ಇಂಡಿಯಾ ವಿಶೇಷ ದಾಖಲೆ ಮತ್ತು ಕುಂಬ್ಳೆ;

    ಟೀಂ ಇಂಡಿಯಾ ಹಲವಾರು ಭಾರಿ ಇಂಗ್ಲೆಂಡ್ ಪ್ರವಾಸ ಕೈಗೊಂಡಿದೆ. ಹತ್ತಾರು ಟೆಸ್ಟ್ ಪಂದ್ಯಗಳನ್ನು ಆಡಿದೆ. ಆದರೆ, ಗೆಲುವಿಗಿಂತ ಕಹಿಯೇ ಅಧಿಕ. ಅದರಲ್ಲೂ ಕಳೆದ 50 ವರ್ಷಗಳಲ್ಲಿ ಓವಲ್ ಅಂಗಳದಲ್ಲಿ ಎರಡನೇ ಇನ್ನಿಂಗ್ಸ್​ ಕನಿಷ್ಟ 100 ಓವರ್ ಸಹ ಬ್ಯಾಟಿಂಗ್ ಮಾಡಲು ಸಾಧ್ಯವಾಗದೆ, ಇಂಗ್ಲೆಂಡ್ ವೇಗದ ಬೌಲರ್​ಗಳಿಗೆ ಶರಣಾದ ಕೆಟ್ಟ ರೆಕಾರ್ಡ್​ ಟೀಂ ಇಂಡಿಯಾ ಮೇಲಿದೆ. ಆದರೆ, ಆ ರೆಕಾರ್ಡ್​ ಅನ್ನು ಭಾರತದ ಬ್ಯಾಟ್ಸ್​ಮನ್​ಗಳು ಇಂದು ಮುರಿದಿರುವುದು ವಿಶೇಷ.

    1971ರಲ್ಲಿ ಭಾರತ ತಂಡ ಇಂಗ್ಲೆಂಡ್ ಪ್ರವಾಸ ಕೈಗೊಂಡಿದ್ದ ಸಂದರ್ಭದಲ್ಲಿ ಕೊನೆಯ ಭಾರಿಗೆ ಇಂಗ್ಲೆಂಡ್​ನ ವೇಗಿಗಳ ಸ್ನೇಹಿ ಓವಲ್ ಅಂಗಳದಲ್ಲಿ ಕೊನೆಯ ಬಾರಿಗೆ ಎರಡನೇ ಇನ್ನಿಂಗ್ಸ್​ನಲ್ಲಿ 100 ಓವರ್ ಬ್ಯಾಟಿಂಗ್ ಮಾಡಿತ್ತು. ಆನಂತರ ಈ ಅಂಗಳದಲ್ಲಿ ಭಾರತ 60 ಓವರ್​ಗಳಿಗಿಂತ ಹೆಚ್ಚು ಬ್ಯಾಟಿಂಗ್ ಮಾಡಿದ ಇತಿಹಾಸ ಇಲ್ಲ.

    ಇನ್ನೂ 2007ರಲ್ಲಿ ಇದೇ ಓವಲ್ ಅಂಗಳದಲ್ಲಿ ನಡೆದಿದ್ದ ಟೆಸ್ಟ್ ಪಂದ್ಯದಲ್ಲಿ ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 664 ರನ್​ ಗಳಿಸಿತ್ತು. ಆದರೆ, ಎರಡನೇ ಇನ್ನಿಂಗ್ಸ್​ನಲ್ಲಿ 58 ಓವರ್​ಗಳಿಗೆ ಕೇವಲ 180 ರನ್ ಗಳಿಸಿ 6 ವಿಕೆಟ್ ಕಳೆದುಕೊಳ್ಳುವ ಮೂಲಕ ಆಟವನ್ನು ಡಿಕ್ಲೇರ್ ಮಾಡಿಕೊಂಡಿತ್ತು. ಈ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್​ನಲ್ಲಿ ಕನ್ನಡಿದ ಅನಿಲ್ ಕುಂಬ್ಳೆ ತಮ್ಮ ಚೊಚ್ಚಲ ಟೆಸ್ಟ್​ ಶತಕವನ್ನು (110) ಪೂರೈಸಿದ್ದು ಇಂದು ಇತಿಹಾಸ. ಈ ಪಂದ್ಯ ಡ್ರಾನಲ್ಲಿ ಮುಕ್ತಾಯವಾಗಿತ್ತು.

    ಇದನ್ನೂ ಓದಿ: Ind vs Eng- ಇಂಗ್ಲೆಂಡ್ ಪಿಚ್​ಗಳಲ್ಲಿ ರೋಹಿತ್ ಶರ್ಮಾ ಬ್ಯಾಟಿಂಗ್ ಸಾಧನೆ ಮತ್ತು ದಾಖಲೆ

    ಆದರೆ, ದಶಕಗಳ ನಂತರ ಇದೇ ಅಂಗಳದಲ್ಲಿ ರೋಹಿತ್ ಶರ್ಮಾ ಮತ್ತೆ ಶತಕ ಬಾರಿಸಿದ್ದಾರೆ. ಅದಕ್ಕಿಂತ ಮುಖ್ಯವಾಗಿ ಭಾರತ ಓವಲ್​ನಲ್ಲಿ ಎರಡನೇ ಇನ್ನಿಂಗ್ಸ್​ನಲ್ಲಿ 100 ಓವರ್​ಗಳನ್ನು ದಾಟಿ ಆಡುತ್ತಿರುವುದು, ಈ ಮೂಲಕ ತನ್ನ ಹಳೆಯ ಕೆಟ್ಟ ದಾಖಲೆಯನ್ನು ಮುರಿದಿರುವುದು ವಿಶೇಷ.

    ಏನೇ ಆಗಲಿ ಈ ಪಂದ್ಯದಲ್ಲಿ ಭಾರತ ಉತ್ತಮವಾಗಿ ಆಡುತ್ತಿದೆ. ಎರಡನೇ ಇನ್ನಿಂಗ್ಸ್​ನಲ್ಲಿ ಆಂಗ್ಲರಿಗೆ ಕಠಿಣ ಗುರಿ ನೀಡುವ ವಿಶ್ವಾಸವಿದೆ. 300 ಕ್ಕಿಂತ ಹೆಚ್ಚಿನ ರನ್ ಲೀಡ್ ಪಡೆದರೆ ಭಾರತಕ್ಕೆ ಗೆಲ್ಲುವ ಸಾಧ್ಯತೆ ಅಧಿಕವಾಗಿದೆ ಎನ್ನಲಾಗುತ್ತಿದೆ.

    ಇದನ್ನೂ ಓದಿ: India vs England- ಮುಖ್ಯ ಕೋಚ್ ರವಿಶಾಸ್ತ್ರಿಗೆ ಕೋವಿಡ್ ಪಾಸಿಟಿವ್- ಐಸೋಲೇಶನ್​ನಲ್ಲಿ ನಾಲ್ವರು

    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆ ಆದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊ ಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾವು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿ ಯುತವಾಗಿ ನಡೆದುಕೊಳ್ಳ ಬೇಕು.
    Published by:MAshok Kumar
    First published: