ಬೆಂಗಳೂರು (ಜೂ. 02): ಲಂಡನ್ನ ಓವಲ್ ಮೈದಾನದಲ್ಲಿ ನಡೆದ ವಿಶ್ವಕಪ್ನ ಐದನೇ ಪಂದ್ಯದಲ್ಲಿ ಬಾಂಗ್ಲಾದೇಶ ತಂಡ ದಕ್ಷಿಣ ಆಫ್ರಿಕಾ ವಿರುದ್ಧ 21 ರನ್ಗಳ ಗೆಲುವು ಸಾಧಿಸಿದೆ. ಉಭಯ ತಂಡಗಳು ಕೊನೆಯ ಓವರ್ವರೆಗೂ ಗೆಲುವಿಗಾಗಿ ಕಠಿಣ ಹೋರಾಟ ನಡೆಸಿದರಾದರು ಅಂತಿಮವಾಗಿ ಡುಪ್ಲೆಸಿಸ್ ಸತತ ಎರಡನೇ ಸೋಲುಂಡರೆ, ಬಾಂಗ್ಲಾ ದಾಖಲೆ ಬರೆದ ಪಂದ್ಯದಲ್ಲೇ ಜಯ ಕಂಡಿದೆ.
ಗೆಲ್ಲಲು 331 ರನ್ಗಳ ಕಠಿಣ ಗುರಿ ಪಡೆದಿದ್ದ ಆಫ್ರಿಕಾಕ್ಕೆ ಓಪನರ್ಗಳು ಉತ್ತಮ ಆರಂಭ ಒದಗಿಸಿಲ್ಲ. 23 ರನ್ ಗಳಿಸಿರುವಾಗ ಕ್ವಿಂಟನ್ ಡಿಕಾಕ್ ಅನಗತ್ಯ ರನ್ ಕಲೆಹಾಕಲೋಗಿ ರನೌಟ್ಗೆ ಬಲಿಯಾಗ ಬೇಕಾಯಿತು. 2ನೇ ವಿಕೆಟ್ಗೆ ಆ್ಯಡೆನ್ ಮರ್ಕ್ರಮ್ ಜೊತೆಯಾದ ನಾಯಕ ಫಾಫ್ ಡುಪ್ಲೆಸಿಸ್ ತಂಡವನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದರು, 53 ರನ್ಗಳ ಜೊತೆಯಾಟ ನೀಡಿದರು. ಚೆನ್ನಾಗಿಯೆ ಆಡುತ್ತಿದ್ದ ಮರ್ಕ್ರಮ್ 45 ರನ್ ಗಳಿಸಿ ಶಕಿಬ್ ಬೌಲಿಂಗ್ನಲ್ಲಿ ಬೌಲ್ಡ್ ಆದರೆ, ಡುಪ್ಲೆಸಿಸ್ ಅರ್ಧಶತಕ ಬಾರಿಸಿ 62 ರನ್ಗೆ ಬ್ಯಾಟ್ ಕೆಳಗಿಟ್ಟರು.
ಈ ಸಂದರ್ಭ ಒಂದಾದ ಡೇವಿಡ್ ಮಿಲ್ಲರ್ ಹಾಗೂ ರಾಸ್ಸಿ ಡಸ್ಸೆನ್ ಎಚ್ಚರಿಕೆಯ ಆಟಕ್ಕೆ ಮುಂದಾದರು. ಬಾಂಗ್ಲಾ ಕಳಪೆ ಫೀಲ್ಡಿಂಗ್ ಅನ್ನು ಚೆನ್ನಾಗಿಯೆ ಉಪಯೋಗಿಸಿಕೊಂಡ ಇವರು ತಂಡದ ಮೊತ್ತವನ್ನು 200ರ ಗಡಿ ದಾಟಿಸಿದರು. ಆದರೆ, ಮಿಲ್ಲರ್ 38 ರನ್ ಗಳಿಸಿರುವಾಗ ಔಟ್ ಆಗಿದ್ದು ಪಂದ್ಯದ ಟರ್ನಿಂಗ್ ಪಾಯಿಂಟ್ನಂತಾಯಿತು.
ಇದನ್ನೂ ಓದಿ: ವಿಶ್ವಕಪ್ನಲ್ಲೂ ಸ್ಮಿತ್-ವಾರ್ನರ್ಗೆ ಅವಮಾನ; ಬಾಲ್ ಟೆಂಪರಿಂಗ್ ಬಗ್ಗೆ ಹೀಯಾಳಿಸಿದ ಅಭಿಮಾನಿಗಳು!
ಮಿಲ್ಲರ್ ಬೆನ್ನಲ್ಲೆ 41 ರನ್ ಗಳಿಸಿದ್ದ ಡಸ್ಸೆನ್ ಕೂಡ ಔಟ್ ಆಗಿ ಆಘಾತ ನೀಡಿದರು. ಬಳಿಕ ಬಂದ ಬ್ಯಾಟ್ಸ್ಮನ್ಗಳ ಪೈಕಿ ಜೆ ಪಿ ಡುಮಿನಿ 37 ಎಸೆತಗಳಲ್ಲಿ 45 ರನ್ ಬಾರಿಸಿದರಾದರು ಯಾವುದೇ ಪ್ರಯೋಜನವಾಗಿಲ್ಲ. ಅಂತಿಮವಾಗಿ ಆಫ್ರಿಕಾ 50 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 309 ರನ್ ಗಳಿಸಲಷ್ಟೇ ಶಕ್ತವಾಯಿತು. ಬಾಂಗ್ಲಾ ಪರ ಮುಸ್ತಫಿಜುರ್ ರೆಹ್ಮಾನ್ 3 ವಿಕೆಟ್ ಕಿತ್ತರೆ, ಸೈಫುದ್ದಿನ್ 2, ಮೇಹಿದಿ ಹಸನ್ ಹಾಗೂ ಶಕಿಬ್ ತಲಾ 1 ವಿಕೆಟ್ ಪಡೆದರು.
21 ರನ್ಗಳ ಗೆಲುವಿನೊಂದಿಗೆ ಬಾಂಗ್ಲಾದೇಶ ವಿಶ್ವಕಪ್ ಅಭಿಯಾನವನ್ನು ಭರ್ಜರಿಯಾಗಿ ಆರಂಭಿಸಿದೆ. ಅಲ್ಲದೆ 50 ಓವರ್ಗಳಲ್ಲಿ 330 ರನ್ ಕಲೆಹಾಕುವ ಮೂಲಕ ದಾಖಲೆ ಮಾಡಿದೆ. ಏಕದಿನ ಪಂದ್ಯಗಳಲ್ಲಿ ಈವರೆಗೆ ಬಾಂಗ್ಲಾದೇಶ ಕಲೆಹಾಕಿದ ಗರಿಷ್ಠ ಮೊತ್ತ ಇದಾಗಿದೆ.
BANGLADESH WIN BY 21 RUNS!
What a day for the Tigers – they hit their highest-ever ODI total before some impressive bowling saw them home 👏 👏 👏 #SAvBAN SCORECARD 👇 https://t.co/6wY1jYPAUQ pic.twitter.com/Fd8DlQwLD9
— Cricket World Cup (@cricketworldcup) June 2, 2019
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ