Smriti Mandhana|'Off Side ದೇವತೆ ಸ್ಮೃತಿ ಮಂದಾನ'; ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್​ ಶತಕದ ಬಳಿಕ ಪ್ರಶಂಶೆಯ ಮಹಾಪೂರ!

ಕ್ವೀನ್ಸ್​ಲ್ಯಾಂಡ್ (ಅಕ್ಟೋಬರ್ 01); ಆಸ್ಟ್ರೇಲಿಯಾ ವನಿತೆಯರ ವಿರುದ್ಧ ಏಕದಿನ ಪಂದ್ಯಗಳ ಸರಣಿಯನ್ನು ಕೈಚೆಲ್ಲುವ ಮೂಲಕ ನಿರಾಸೆ ಅನುಭವಿಸಿದ್ದ ಭಾರತದ ವನಿತೆಯರು ಮೊದಲ ಟೆಸ್ಟ್​ (1st Test Match Against Australia wmn) ಪಂದ್ಯದಲ್ಲೇ ಅದ್ಭುತ ಪ್ರದರ್ಶ ನೀಡುತ್ತಿದ್ದಾರೆ. ಅದರಲ್ಲೂ ಆಸ್ಟ್ರೇಲಿಯಾದ ಕ್ವೀನ್ಸ್‌ಲ್ಯಾಂಡ್‌ನಲ್ಲಿ (Queensland) ನಡೆಯುತ್ತಿರುವ ಪಿಂಕ್ ಬಾಲ್ ಟೆಸ್ಟ್‌ನ (Pink Ball Test) 2 ನೇ ದಿನದಂದು ಭಾರತೀಯ ಮಹಿಳಾ ತಂಡದ ಆರಂಭಿಕ ಆಟಗಾರ್ತಿ ಸ್ಮೃತಿ ಮಂದಾನ (Smriti mandhana) ತನ್ನ ಚೊಚ್ಚಲ ಟೆಸ್ಟ್ ಶತಕವನ್ನು ಪೂರೈಸುವ ಮೂಲಕ ಹೊಸ ಇತಿಹಾಸವನ್ನೇ ನಿರ್ಮಿಸಿದ್ದಾರೆ. ಆಸ್ಟ್ರೇಲಿಯಾ ನೆಲದಲ್ಲಿ ಮೂರಂಕಿ ದಾಟಿದ ಮೊದಲ ಮಹಿಳಾ ಕ್ರಿಕೆಟರ್ ಎಂಬ ಪ್ರಶಂಶೆಗೆ ಪಾತ್ರರಾಗಿದ್ದಾರೆ. ಅಲ್ಲದೆ, ಮಂದಾನ ಬ್ಯಾಟಿಂಗ್​ಗೆ ನಿಬ್ಬೆರಗಾಗಿರುವ ಕ್ರಿಕೆಟ್ ಜಗತ್ತು ಅವರನ್ನು ಇದೀಗ "Off Side ದೇವತೆ" ಎಂದು ಸಾಮಾಜಿಕ ಜಾಲತಾಣದಲ್ಲಿ ಕೊಂಡಾಡುತ್ತಿದೆ. ಈ ಹಿಂದೆ ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಹಾಲಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿಯನ್ನು ಮಾತ್ರ "Off Side ಮಹಾರಾಜ" ಎಂದು ಕರೆಯಾಗುತ್ತಿತ್ತು ಎಂಬುದು ಉಲ್ಲೇಖಾರ್ಹ.

ನಿನ್ನೆ ಮೊದಲ ದಿನದಾಟ ಮಳೆಗೆ ಆಹುತಿಯಾಗಿತ್ತು. ಆದರೆ, ನಿನ್ನೆ 84 ರನ್ ಗಳಿಸಿ ಔಟಾಗದೆ ಉಳಿದಿದ್ದ ಮಂದಾನ ಇಂದು ಟೆಸ್ಟ್​ ಕ್ರಿಕೆಟ್​ನಲ್ಲಿ ಚೊಚ್ಚಲ ಶತಕ ಬಾರಿಸಿದ್ಧಾರೆ. ಈ ಮೂಲಕ ಮೊದಲ ಮತ್ತು ಏಕೈಕ ಟೆಸ್ಟ್​ನಲ್ಲಿ ಭಾರತ ಮೇಲುಗೈ ಸಾಧಿಸಿದೆ. 127 ರನ್ ಭಾರಿಸಿರುವ ಸ್ಮೃತಿ ಮಂದಾನ ಅವರ ಮ್ಯಾರಾಥಾನ್ ಇನ್ನಿಂಗ್ಸ್​ನಲ್ಲಿ 22 ಬೌಂಡರಿ ಮತ್ತು 1 ಸಿಕ್ಸರ್​ ಅಡಕವಾಗಿದ್ದು, ಬಹುಪಾಲು ಬೌಂಡರಿಗಳು ಆಫ್​ ಸೈಡಿನಲ್ಲಿ ಮನಮೋಹಕ ಡ್ರೈವ್​ಗಳ ಮೂಲಕ ಬಂದದ್ದು ವಿಶೇಷ.

ಇದೀಗ ವಿಶ್ವದ ಕ್ರಿಕೆಟ್ ಸಮುದಾಯವು ಸ್ಮೃತಿ ಮಂದಾನ ಅವರ ಈ ಸಾಧನೆಗೆ ಪ್ರಶಂಶೆಯ ಮಹಾಪೂರವನ್ನೇ ಹರಿಸುತ್ತಿದೆ. ಅಲ್ಲದೆ, ಆಸ್ಟ್ರೇಲಿಯಾದ ಕಠಿಣ ಪರಿಸ್ಥಿತಿಗಳಲ್ಲಿ ಅತ್ಯುತ್ತಮ ನಿರ್ವಹಣೆಯನ್ನು ಪ್ರದರ್ಶಿಸಿದ ಬ್ಯಾಟರ್ ಅನ್ನು ಶ್ಲಾಘಿಸಿದೆ.

ಮಾಜಿ ಕ್ರಿಕೆಟಿಗ ವಾಸಿಂ ಜಾಫರ್ ಅವರು ಟ್ವಿಟ್ಟರ್‌ನಲ್ಲಿ ಮಂದಾನ ಅವರನ್ನು "ಆಫ್‌ಸೈಡ್‌ನ ದೇವತೆ" ಎಂದು ಕರೆದಿದ್ದಾರೆ.

The Goddess of the offside.
Congratulations on your maiden test hundred @mandhana_smriti. First of many. Well played 👏🏻 #AUSvIND pic.twitter.com/nS6am012nL

— Wasim Jaffer (@WasimJaffer14) October 1, 2021

ಭಾರತ ಮಹಿಳಾ ತಂಡದ ಮಾಜಿ ಆಟಗಾರ್ತಿ ಮತ್ತು ಕ್ರಿಕೆಟ್ ಕಾಮೆಂಟೇಟರ್ ಅಂಜುಮ್ ಚೋಪ್ರಾ ಕೂಡ ಮಂದಾನ ಬ್ಯಾಟಿಂಗ್ ಅನ್ನು ಶ್ಲಾಘಿಸಿದ್ದು, ಸ್ಮೃತಿ ಮಂದಾನ ಚೊಚ್ಚಲ ಟೆಸ್ಟ್ ಶತಕದ ಸರಳ ಆಚರಣೆ" ಎಂದು ಪ್ರಶಂಶಿಸಿದ್ದಾರೆ.

A simple celebration. That’s Smriti Mandhana scoring her maiden Test 💯 #AUSvIND #PinkBallTest. @mandhana_smriti @BCCIWomen

— Anjum Chopra (@chopraanjum) October 1, 2021

ಕ್ರಿಕೆಟ್ ವಿಶ್ಲೇಷಕ ಮತ್ತು ಮಾಜಿ ಭಾರತೀಯ ಪುರುಷರ ತಂಡದ ಆರಂಭಿಕ ಆಟಗಾರ ಆಕಾಶ್ ಚೋಪ್ರಾ, "ಭವಿಷ್ಯದಲ್ಲಿ ಸ್ಮೃತಿ ಮಂದಾನ ಅವರ ಬ್ಯಾಟ್​ನಿಂದ ಬರಲಿರುವ ಹಲವು ಟೆಸ್ಟ್ ಶತಕಗಳ ಪೈಕಿ ಇದು ಮೊದಲನೇಯದು" ಎಂದು ಅಭಿನಂದಿಸಿದ್ದಾರೆ.

Test Century. First ever. Definitely first of many. Well played, Smriti Mandhana. Make it BIG 🥳😊 #PinkBallTest #AusvInd

— Aakash Chopra (@cricketaakash) October 1, 2021

ಮಾಜಿ ಕ್ರಿಕೆಟಿಗ ದೊಡ್ಡ ಗಣೇಶ್ ಕೂಡ ಕಠಿಣ ಪರಿಸ್ಥಿತಿಯಲ್ಲಿ "ಉನ್ನತ ದರ್ಜೆಯ" ಆಟ ಎಂದು ಹಾಡಿ ಹೊಗಳಿದ್ದಾರೆ.

Top class century @mandhana_smriti. Kick on and get a big one 👏🏻 #AUSvIND

— ದೊಡ್ಡ ಗಣೇಶ್ | Dodda Ganesh (@doddaganesha) October 1, 2021

ಸ್ಮೃತಿ ಮಂದಾನ ಬ್ಯಾಟಿಂಗ್ ನೆರವಿನಿಂದ ಆಸ್ಟ್ರೇಲಿಯಾ ವನಿತೆಯರ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಪ್ರಸ್ತುತ 4 ವಿಕೆಟ್ ಕಳೆದುಕೊಂಡು 268 ರನ್ ಗಳಿಸಿದೆ. ನಾಯಕಿ ಮಿಥಾಲಿ ರಾಜ್ 30 ರನ್​ಗಳಿಸಿ ಇನ್ನೂ ಆಟವನ್ನು ಕಾಯ್ದುಕೊಂಡಿದ್ದಾರೆ. ಅಲ್ಲದೆ, ಭಾರತ ತಂಡ ದೊಡ್ಡ ಮೊತ್ತು ಪೇರಿಸುವ ಭರವಸೆಯನ್ನು ಹೊಂದಿದೆ.