ತಾರಕಕ್ಕೇರಿದ ಕೊಹ್ಲಿ-ರೋಹಿತ್ ಒಳ ಜಗಳ; ಇನ್ಸ್ಟಾಗ್ರಾಂನಲ್ಲಿ ಹಿಟ್ಮ್ಯಾನ್ ಮಾಡಿದ್ದೇನು ನೋಡಿ!
ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ
ಟೀಂ ಇಂಡಿಯಾದಲ್ಲಿ ಎಲ್ಲವೂ ಸರಿಯಿಲ್ಲ ಎಂಬುದು ಮೇಲ್ನೋಟಕ್ಕೆ ಗೋಚರಿಸುತ್ತಿದೆ. ವಿಶ್ವಕಪ್ ಮುಗಿಯುತ್ತಿದ್ದಂತೆ ಕೊಹ್ಲಿ ಹಾಗೂ ರೋಹಿತ್ ಮಧ್ಯೆ ಶೀತಲ ಸಮರ ಶುರುವಾದಂತಿದೆ.
ಬೆಂಗಳೂರು (ಜು. 25): ವಿಶ್ವಕಪ್ನಿಂದ ಟೀಂ ಇಂಡಿಯಾ ಹೊರ ಬೀಳುತ್ತಿದ್ದಂತೆ ಭಾರತ ತಂಡದ ಡ್ರೆಸ್ಸಿಂಗ್ ರೂಮ್ನಲ್ಲಿ ಎಲ್ಲವೂ ಸರಿಯಿರಲಿಲ್ಲ ಎಂಬ ಸ್ಪೋಟಕ ಸುದ್ದಿಗಳು ಹೊರ ಬಿದ್ದಿದ್ದವು.
ಸೆಮಿ ಫೈನಲ್ ಸೋಲಿಗೆ ನಾಯಕ ವಿರಾಟ್ ಕೊಹ್ಲಿ ಹಾಗೂ ಕೋಚ್ ರವಿ ಶಾಸ್ತ್ರಿ ಮುಖ್ಯ ಕಾರಣ. ಇವರಿಬ್ಬರ ನಿರ್ಧಾರವೇ ಸೋಲಿಗೆ ಕಾರಣವಾಯಿತು ಎಂಬ ಅಭಿಪ್ರಾಯಗಳು ತಂಡದ ಆಟಗಾರರಲ್ಲಿದೆ ಎನ್ನಲಾಗಿತ್ತು. ಟೀಂ ಇಂಡಿಯಾದ ಕೆಲ ಆಟಗಾರರು ಕೋಚ್ ಶಾಸ್ತ್ರಿಯ ಪ್ಲ್ಯಾನ್ಗಳ ಬಗ್ಗೆ ದೂಷಿಸಿದರೆ ಮತ್ತೆ ಕೆಲವರು ವಿಶ್ವಕಪ್ ಟೂರ್ನಿಯಲ್ಲಿ ನಾಯಕನ ನಿರ್ಧಾರದ ಬಗ್ಗೆ ಸಂತುಷ್ಟರಾಗಿರಲಿಲ್ಲ ಎಂಬ ಮಾತುಗಳು ಕೇಳಿ ಬಂದಿದ್ದವು.
ಇಷ್ಟೇ ಅಲ್ಲದೆ ಭಾರತ ತಂಡವು ವಿಶ್ವಕಪ್ ಟೂರ್ನಿ ವೇಳೆ ಎರಡು ಗುಂಪುಗಳಾಗಿ ವಿಂಗಡನೆಯಾಗಿತ್ತು. ಒಂದಷ್ಟು ಆಟಗಾರರು ಉಪ ನಾಯಕ ರೋಹಿತ್ ಶರ್ಮಾರನ್ನು ಬೆಂಬಲಿಸುತ್ತಿದ್ದರೆ, ಕೆಲವರು ನಾಯಕ ಕೊಹ್ಲಿ ಜೊತೆಗಿದ್ದರು ಎನ್ನಲಾಗಿತ್ತು. ಜೊತೆಗೆ ಹಿಂದಿನಿಂದಲು ರೋಹಿತ್-ಕೊಹ್ಲಿ ಮಧ್ಯೆ ಒಳ ಜಗಳ ನಡೆಯುತ್ತಲೇ ಇದೆ ಎಂಬ ಸುದ್ದಿಯೂ ಇದೆ.
ಟೆಸ್ಟ್ನಲ್ಲಿ ಧೋನಿಯ ನಂಬರ್ 7 ಜೆರ್ಸಿ ಭಾರತದ ಯಾವ ಆಟಗಾರನಿಗೆ?
ಇದಕ್ಕೆ ಪುಷ್ಠಿ ಎಂಬಂತೆ ಮತ್ತೊಂದು ವಿಚಾರವೀಗ ಹೊರ ಬಿದ್ದಿದೆ. ರೋಹಿತ್ ಶರ್ಮಾ ತಮ್ಮ ಅಧಿಕೃತ ಇನ್ಸ್ಟಾಗ್ರಾಂ ಖಾತೆಯಿಂದ ವಿರಾಟ್ ಕೊಹ್ಲಿ ಹಾಗೂ ಬಾಲಿವುಡ್ ನಟಿ, ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾರನ್ನು ಅನ್ಫಾಲೋ ಮಾಡಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.
ಅನುಷ್ಕಾ ಕೂಡ ರೋಹಿತ್ರನ್ನು ಅನ್ಫಾಲೋ ಮಾಡಿದ್ದಾರೆ. ಆದರೆ, ಕೊಹ್ಲಿ ಮಾತ್ರ ಇನ್ನುಕೂಡ ರೋಹಿತ್ರನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಫಾಲೋ ಮಾಡುತ್ತಿದ್ದಾರೆ.
ರೋಹಿತ್ ಅವರ ಈ ನಡೆಗೆ ಏನು ಕಾರಣ ಎಂಬ ಬಗ್ಗೆ ಇನ್ನೂ ಮಾಹಿತಿ ಹೊರ ಬಂದಿಲ್ಲ. ವಿಶ್ವಕಪ್ನಲ್ಲಿ ಭಾರತ ಸೆಮಿ ಫೈನಲ್ನಲ್ಲಿ ಸೋಲು ಕಂಡಿದೆಯಾದರು ಬಲಿಷ್ಠ ತಂಡ ಎಂಬುದನ್ನು ಅಲ್ಲಗೆಳೆಯುವಂತಿಲ್ಲ. ಇದರ ಮಧ್ಯೆ ಟೀಂ ಇಂಡಿಯಾದಲ್ಲಿ ಎಲ್ಲವೂ ಸರಿಯಿಲ್ಲ ಎಂಬುದು ಮೇಲ್ನೋಟಕ್ಕೆ ಗೋಚರಿಸುತ್ತಿದೆ. ವಿಶ್ವಕಪ್ ಮುಗಿಯುತ್ತಿದ್ದಂತೆ ಕೊಹ್ಲಿ ಹಾಗೂ ರೋಹಿತ್ ಮಧ್ಯೆ ಶೀತಲ ಸಮರ ಶುರುವಾದಂತಿದೆ.
ನಿಮ್ಮ ನ್ಯೂಸ್ 18 ಕನ್ನಡವನ್ನು ಶೇರ್ಚಾಟ್ನಲ್ಲೂ ಹಿಂಬಾಲಿಸಿ
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ