Video: ವೆಸ್ಟ್​ ಇಂಡೀಸ್ ಡ್ರೆಸ್ಸಿಂಗ್ ರೂಮ್​ನಲ್ಲಿ ಗಾಯಕಿ ರಿಹಾನ್ನಾಗೆ ಏನು ಕೆಲಸ?

ವಿಶ್ವಕಪ್​ನ 39ನೇ ಪಂದ್ಯದಲ್ಲಿ ವೆಸ್ಟ್​ ಇಂಡೀಸ್ ಶ್ರೀಲಂಕಾ ವಿರುದ್ದ 23 ರನ್​ಗಳಿಂದ ಸೋಲುಂಡಿದೆ. ಲಂಕಾ ಬ್ಯಾಟ್ಸ್​ಮನ್​ಗಳು ನೀಡಿದ 338 ರನ್​ಗಳ ಗುರಿ ಬೆನ್ನಟ್ಟಿದ್ದ ಕೆರಿಬಿಯನ್ನರು 315 ರನ್​ಗಳನ್ನಷ್ಟೇ ಗಳಿಸಲು ಶಕ್ತರಾಗಿದ್ದರು. ಈ ರೋಚಕ ಹಣಾಹಣಿಗೆ ವಿಶ್ವದ ಖ್ಯಾತ ಪಾಪ್ ಗಾಯಕಿ ರಿಹಾನ್ನಾ ಕೂಡ ಸಾಕ್ಷಿಯಾಗಿದ್ದರು.

ಈ ಪಂದ್ಯದ ಬಳಿಕ ವೆಸ್ಟ್​ ಇಂಡೀಸ್ ಆಟಗಾರರ ಡ್ರೆಸ್ಸಿಂಗ್ ಕೊಠಡಿಗೆ ತೆರಳಿದ ಗಾಯಕಿ ಆಟಗಾರರೊಂದಿಗೆ ಫೋಟೋಗೆ ಪೋಸ್ ನೀಡಿದರು. ಇದೇ ವೇಳೆ ಯುನಿವರ್ಸ್​ ಬಾಸ್ ಕ್ರಿಸ್ ಗೇಲ್ ಸಹಿ ಮಾಡಿರುವ ಬ್ಯಾಟ್​ವೊಂದನ್ನು ರಿಹಾನ್ನಾಗೆ ಗಿಫ್ಟ್​ ನೀಡಿದ್ದಾರೆ.

ರಿಹಾನ್ನಾ ಕೂಡ ಕೆರಿಬಿಯನ್ ಮೂಲದವರಾಗಿದ್ದು, ನಿನ್ನೆಯ ಪಂದ್ಯಕ್ಕೆ ವಿಂಡೀಸ್ ತಂಡವನ್ನು ಬೆಂಬಲಿಸಲು ಕ್ರೀಡಾಂಗಣಕ್ಕೆ ಆಗಮಿಸಿದ್ದರು. ಆದರೀಗ ವೆಸ್ಟ್​ ಇಂಡೀಸ್ ಡ್ರೆಸ್ಸಿಂಗ್ ರೂಂಗೆ ತೆರಳಲು ಖ್ಯಾತ ಗಾಯಕಿಗೆ ಅವಕಾಶ ನೀಡಿರುವ ಬಗ್ಗೆ ಪ್ರಶ್ನೆಗಳು ಎದ್ದಿವೆ.

ಈಗಾಗಲೇ 8 ಪಂದ್ಯಗಳಲ್ಲಿ 6 ರಲ್ಲಿ ಸೋತಿರುವ ಜೇಸನ್ ಹೋಲ್ಡರ್ ಪಡೆ ವಿಶ್ವಕಪ್​ನಲ್ಲಿ ಹೀನಾಯ ಪ್ರದರ್ಶನ ನೀಡುತ್ತಿದೆ. ಇದರ ಬೆನ್ನಲ್ಲೇ ಖ್ಯಾತ ಪಾಪ್ ಗಾಯಕಿಯ ಡ್ರೆಸ್ಸಿಂಗ್ ರೂಮ್​ಗೆ ತೆರಳಿರುವುದು ಕೆಲ ಅನುಮಾನಗಳನ್ನು ಹುಟ್ಟು ಹಾಕಿದೆ.

When @rihanna met the Universe Boss 🎤 🌎#CWC19 | #MenInMaroon pic.twitter.com/a5lt6fVIFx

— Cricket World Cup (@cricketworldcup) July 1, 2019

ವಿಶ್ವದ ಶ್ರೀಮಂತ ಗಾಯಕಿಯಾಗಿರುವ ರಿಹಾನ್ನಾ ಫೋರ್ಬ್ಸ್​ ಮ್ಯಾಗಜಿನ್ ಕಳೆದ ತಿಂಗಳು ಪ್ರಕಟಿಸಿದ ಶ್ರೀಮಂತರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದರು. ಅಲ್ಲದೆ lvmh ಎಂಬ ಕಂಪೆನಿಯ ಒಡೆತಿಯಾಗಿದ್ದಾರೆ. ಒಟ್ಟಿನಲ್ಲಿ ಸತತ ಸೋಲಿನಿಂದ ವಿಂಡೀಸ್ ವಿಶ್ವಕಪ್​ನಿಂದ ಹೊರ ಬಿಳುತ್ತಿರುವ ಬೆನ್ನಲ್ಲೇ ವಿವಾದವನ್ನು ಕೆರಿಬಿಯನ್ನರು ವಿವಾದವನ್ನು ಮೈಮೇಲೆ ಎಳೆದುಕೊಂಡಿದ್ದಾರೆ.