ಟಿಕ್​ಟಾಕ್​ ಮಾಡುತ್ತಿದ್ದ ವಾರ್ನರ್ ಮುಂದೇನು ಮಾಡ್ತಾರೆ?; ಅಶ್ವಿನ್ ತಲೆಯಲ್ಲಿ ಹೀಗೊಂದು ಪ್ರಶ್ನೆ

ಆಸ್ಟ್ರೇಲಿಯಾದ ಸ್ಫೋಟಕ ಬ್ಯಾಟ್ಸ್​ಮನ್​ ಡೇವಿಡ್​ ವಾರ್ನರ್​ ಟಿಕ್​ಟಾಕ್​ನಲ್ಲಿ ಹೆಚ್ಚು ಜನಪ್ರಿಯತೆಗಳಿಸಿದ್ದಾರೆ. ದಿನಕ್ಕೊಂದು ವಿಡಿಯೋಗಳನ್ನು ಟಿಕ್​ಟಾಕ್​ನಲ್ಲಿ ಹರಿಯ ಬಿಡುತ್ತಿದ್ದಾರೆ. ತಮಿಳು, ತೆಲುಗು ಭಾಷೆಗಳಲ್ಲಿ ಟಿಕ್​ಟಾಕ್​ ಮಾಡುತ್ತಾ ಭಾರತೀಯರಿಗೆ ಮತ್ತಷ್ಟು ಹತ್ತಿರವಾಗಿದ್ದರು. ಆದರೀಗ ಟಿಕ್​ಟಾಕ್​ ಬ್ಯಾನ್​ ಆಗಿದೆ. ಕೇಂದ್ರ ಸರ್ಕಾರ ಬೈಟೆಡ್ಯಾನ್ಸ್​ ಒಡೆತನದ ಟಿಕ್​ಟಾಕ್​ ಆ್ಯಪ್​ ಅನ್ನು ಬ್ಯಾನ್​ ಮಾಡಿದೆ. ಪ್ಲೇ ಸ್ಟೋರ್​ ಕೂಡ ಈ ಆ್ಯಪ್​ ಅನ್ನು ಕಿತ್ತೆಸೆದಿದೆ. ಇದೀಗ ಈ ವಿಚಾರವಾಗಿ ಟೀಂ ಇಂಡಿಯಾದ ಸ್ಪಿನ್ನರ್​ ಆರ್​ ಅಶ್ವಿನ್​ ಸೂಪರ್​​ ಸ್ಟಾರ್​ ರಜನಿಕಾಂತ್ ಅವರ​ ಸಿನಿಮಾವೊಂದರ ಫೇಮಸ್​ ಡೈಲಾಗ್​ ಅನ್ನು ಟ್ವಿಟ್ಟರ್​ನಲ್ಲಿ ಬರೆಯುವ ಮೂಲಕ ಡೇವಿಡ್​ ವಾರ್ನರ್​ ಮುಂದೇನು ಮಾಡುತ್ತಾರೆ? ಎಂಬ ಪ್ರಶ್ನೆಯನ್ನು ಕೇಳಿದ್ದಾರೆ.

ಐಪಿಎಲ್​​ನಲ್ಲಿ ಸನ್​ ರೈಸರ್ಸ್​​ ಹೈದರಾಬಾದ್​ ತಂಡದ ನಾಯಕ ಡೇವಿಡ್​ ವಾರ್ನರ್​​​​ ಕೊರೋನಾ ಸಮಯದಲ್ಲಿ  ಆಸ್ಟ್ರೇಲಿಯಾದ ಮನೆಯಲ್ಲಿ ಫ್ಯಾಮಿಲಿ ಜೊತೆಗೆ ಸಮಯ ಕಳೆಯುತ್ತಿದ್ದಾರೆ. ಬಿಡುವಿದ್ದಾಗ ಟಿಕ್​ಟಾಕ್​ ಮಾಡುವ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿದ್ದರು. ತಾವು ಮಾತ್ರವಲ್ಲದೆ, ಹೆಂಡತಿ ಮಕ್ಕಳನ್ನು ಜೊತೆಗೂಡಿಸಿ ತಮಿಳು, ತೆಲುಗು, ಹಿಂದಿ ಭಾಷೆಯ ಸಿನಿಮಾ ಡೈಲಾಗ್, ಸಿನಿಮಾ ಹಾಡುಗಳಿಗೆ ಹೆಜ್ಜೆ ಹಾಕುತ್ತ ಟಿಕ್​ಟಾಕ್​ ಮಾಡುತ್ತಿದ್ದರು.

 

Appo Anwar? @davidwarner31 😉 https://t.co/5slRjpmAIs

— Ashwin (During Covid 19)🇮🇳 (@ashwinravi99) June 29, 2020

ಸರ್ಕಾರ ಟಿಕ್​ಟಾಕ್​ ಆ್ಯಪ್​ ನಿಷೇಧ ಮಾಡಿರುವ ಕುರಿತಾಗಿ ಪತ್ರಕರ್ತೆಯೊಬ್ಬರು ಟ್ವೀಟ್​ ಮಾಡಿದ್ದರು. ಇದಕ್ಕೆ ಪ್ರತಿಯಾಗಿ ಆಶ್ವಿನ್​ ಅವರು ‘ಅಪ್ಪೋ ಅನ್ವರ್​?‘ ಎಂದು ಟ್ವೀಟ್​ ಮಾಡಿದ್ದಾರೆ. ಜೊತೆಗೆ ಡೇವಿಡ್​ ವಾರ್ನರ್​​ರನ್ನು ಟ್ಯಾಗ್​ ಮಾಡಿದ್ದಾರೆ. ಸೂಪರ್ ಸ್ಟಾರ್​​​​​ ರಜನಿಕಾಂತ್​​​​ ಅವರ ‘ಬಾಷಾ’ ಸಿನಿಮಾದ ಜನಪ್ರಿಯ ಡೈಲಾಗ್​ ಅನ್ನು ಅಶ್ವಿನ್​ ಟ್ವಿಟ್ಟರ್​​ನಲ್ಲಿ ಬರೆದಿದ್ದಾರೆ.

ಇತ್ತೀಚೆಗೆ ವಾರ್ನರ್​​​​ ಬಾಹುಬಲಿ ಸಿನಿಮಾದ ಡೈಲಾಗ್​, ಮಹೇಶ್​​ ಬಾಬು, ಅಜಿತ್,  ಅಲ್ಲು ಅರ್ಜುನ್​​ ಸಿನಿಮಾದ ಹಾಡುಗಳಿಗೆ ಹೆಜ್ಜೆ ಹಾಕುವ ಮೂಲಕ ಆ ವಿಡಿಯೋವನ್ನು ಟಿಕ್​ಟಾಕ್​ನಲ್ಲಿ ಹಂಚಿಕೊಂಡಿದ್ದರು. ವಾರ್ನರ್​ ಅವರ ಟಿಕ್​ಟಾಕ್​ ವಿಡಿಯೋ ತುಣುಕುಗಳು ಭಾರೀ ವೈರಲ್​ ಆಗಿತ್ತು. ಆದರೀಗ ಕೇಂದ್ರ ಸರ್ಕಾರ ಭಾರತದಲ್ಲಿ ಟಿಕ್​ಟಾಕ್ ಆ್ಯಪ್​​​ ಅನ್ನು ಬ್ಯಾನ್​ ಮಾಡಿದೆ. ವಾರ್ನರ್​​ ತನ್ನ ಭಾರತದ ಅಭಿಮಾನಿಗಳಿಗೆ ಮನೋರಂಜನೆ ನೀಡಲು ಮುಂದೇನು ಮಾಡುತ್ತಾರೆ ಎಂದು ಕಾದು ನೋಡಬೇಕಿದೆ.