India-Australia: ಅಂತಿಮ ಟೆಸ್ಟ್​ಗೆ ಮಳೆ ಭೀತಿ: ಪಂದ್ಯ ಡ್ರಾ ಆದರೆ ಟೀಮ್ ಇಂಡಿಯಾಗೆ ಟ್ರೋಫಿ..!

ಜನವರಿ 15 ರಿಂದ ಭಾರತ-ಆಸ್ಟ್ರೇಲಿಯಾ ನಡುವಣ 4ನೇ ಟೆಸ್ಟ್ ಪಂದ್ಯವು ಬಿಸ್ಬೇನ್​ನಲ್ಲಿ ಆರಂಭವಾಗಲಿದ್ದು, ಉಭಯ ತಂಡಗಳು 1-1 ಸಮಬಲ ಸಾಧಿಸಿದ್ದರಿಂದ ಅಂತಿಮ ಟೆಸ್ಟ್ ಪಂದ್ಯವು ಫೈನಲ್ ಕದನವಾಗಿ ಮಾರ್ಪಟ್ಟಿದೆ.

Team India

Team India

  • Share this:
    ಬಾರ್ಡರ್-ಗವಾಸ್ಕರ್ ಸರಣಿಯ ಅಂತಿಮ ಟೆಸ್ಟ್ ಪಂದ್ಯವು ಶುಕ್ರವಾರ ಬ್ರಿಸ್ಬೇನ್​ನಲ್ಲಿ ಶುರುವಾಗಲಿದೆ. ಆದರೆ ಈ ಪಂದ್ಯದ ವೇಳೆ ಮಳೆಯಾಗುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಜನವರಿ 16 ರಿಂದ ಬ್ರಿಸ್ಬೇನ್​ನ ಗಬಾ ಮೈದಾನದ ಸುತ್ತ ಮುತ್ತಲಿನ ಪ್ರದೇಶದಲ್ಲಿ ಮಳೆಯಾಗುವ ಸಾಧ್ಯತೆಯಿದ್ದು, ಹೀಗಾಗಿ ಮೊದಲ ದಿನದಾಟದ ಬಳಿಕ ಪಂದ್ಯಕ್ಕೆ ಅಡಚಣೆ ಉಂಟಾಗುವ ಸಾಧ್ಯತೆಯಿದೆ.

    ಹಾಗೆಯೇ ಅಂತಿಮ ಟೆಸ್ಟ್ ಪಂದ್ಯದ 3ನೇ ಮತ್ತು 4ನೇ ದಿನ ಭಾರೀ ಮಳೆಯಾಗುವ ಸಾಧ್ಯತೆಯಿದ್ದು, ಒಂದು ವೇಳೆ ಮಳೆಯಿಂದ ಅಡಚಣೆ ಉಂಟಾದರೆ ಓವರ್​ಗಳ ಕಡಿತವಾಗಲಿದೆ. ಹಾಗೆಯೇ ಮಳೆ ಬಂದರೂ ಪಂದ್ಯವನ್ನು ನಡೆಸುವ ಸೌಕರ್ಯಗಳು ಆಸ್ಟ್ರೇಲಿಯಾದಲ್ಲಿದೆ. ಏಕೆಂದರೆ ಗಾಬಾ ಮೈದಾನವು ಉತ್ತಮ ಒಳಚರಂಡಿ ವ್ಯವಸ್ಥೆಯನ್ನು ಹೊಂದಿದ್ದು, ಹೀಗಾಗಿ ಮಳೆ ನಿಂತ ಮೇಲೆ ಮೈದಾನವನ್ನು ಸಿದ್ಧಗೊಳಿಸುವುದು ಸುಲಭ. ಹಾಗಾಗಿ ಮಳೆಯ ಭೀತಿ ನಡುವೆಯೂ ಬ್ರಿಸ್ಬೇನ್ ಟೆಸ್ಟ್ ಜರುಗಲಿದೆ ಎಂದು ಹೇಳಲಾಗುತ್ತಿದೆ.

    ಇನ್ನು ಮಳೆಯ ನಡುವೆ ಪಂದ್ಯ ನಡೆದರೂ ಫಲಿತಾಂಶ ಹೊರಬೀಳುವುದು ಅನುಮಾನ. ಏಕೆಂದರೆ ಓವರ್​ಗಳ ಕಡಿತದಿಂದ ಉಭಯ ತಂಡಗಳು ಹೆಚ್ಚಿನ ರನ್​ಗಳಿಸಲು ಸಾಧ್ಯವಾಗುವುದಿಲ್ಲ. ಹೀಗಾಗಿ ಉಭಯ ತಂಡಗಳ ಮೊದಲ ಇನಿಂಗ್ಸ್​ ಮುಕ್ತಾಯಕ್ಕೆ ಹೆಚ್ಚಿನ ಸಮಯ ತೆಗೆದುಕೊಳ್ಳಬಹುದು. ಒಂದು ವೇಳೆ ಮಳೆ ಅಡ್ಡಿಯಿಂದ ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡರೆ ಟ್ರೋಫಿ ಭಾರತದ್ದಾಗಲಿದೆ.

    ಹೌದು, ಈಗಾಗಲೇ ಉಭಯ ತಂಡಗಳು 1-1 ಸಮಬಲ ಸಾಧಿಸಿದ್ದು, ಅಂತಿಮ ಪಂದ್ಯ ಕೂಡ ಡ್ರಾನಲ್ಲಿ ಅಂತ್ಯವಾದರೆ ಬಾರ್ಡರ್-ಗವಾಸ್ಕರ್ ಟ್ರೋಫಿ ಭಾರತಕ್ಕೆ ಸಿಗಲಿದೆ. ಏಕೆಂದರೆ 2018-2019ರ ಕೊನೆಯ ಸರಣಿಯಲ್ಲಿ ಭಾರತ ತಂಡ ಬಾರ್ಡರ್-ಗವಾಸ್ಕರ್ ಟ್ರೋಫಿ ಗೆದ್ದುಕೊಂಡಿತ್ತು. ಹೀಗಾಗಿ ಡ್ರಾನಲ್ಲಿ ಮುಕ್ತಾಯವಾದ ಸರಣಿಯಲ್ಲಿ ಈ ಹಿಂದೆ ಸರಣಿ ಗೆದ್ದ ತಂಡಕ್ಕೆ ಟ್ರೋಫಿ ನೀಡಲಾಗುತ್ತದೆ. ಅದರಂತೆ ಭಾರತವೇ ಬಾರ್ಡರ್-ಗವಾಸ್ಕರ್ ಟ್ರೋಫಿಯನ್ನು ಉಳಿಸಿಕೊಳ್ಳಲಿದೆ.
    Published by:zahir
    First published: