ಕ್ರೀಡೆ

Change Language

ಕನ್ನಡ

ENGLISH हिन्दी বাংলা मराठी ગુજરાતી தமிழ் മലയാളം తెలుగు ਪੰਜਾਬੀ اردو অসমীয়া ଓଡ଼ିଆ

WATCH LIVE TV

Download App

Follow Us on

ಹೋಮ್ » ನ್ಯೂಸ್ » ಕ್ರೀಡೆ

PAK vs BAN:ಬಾಂಗ್ಲಾ ವಿರುದ್ಧ 500 ರನ್ ಬಾರಿಸುತ್ತೇವೆ; ಟ್ರೋಲ್ ಆದ ಪಾಕ್ ನಾಯಕ ಸರ್ಫರಾಜ್ ಹೇಳಿಕೆ

ICC World Cup 2019: ರನ್ರೇಟ್ ಲೆಕ್ಕಾಚಾರದ ಮೂಲಕ ಸೆಮಿ ಫೈನಲ್ಗೆ ಪ್ರವೇಶಿಸುವ ಅವಕಾಶವೊಂದು ಪಾಕ್ ಬಳಗಕ್ಕೆ ದೊರೆಯಲಿದೆ. ಆದರೆ ಪ್ರಸ್ತುತ ನ್ಯೂಜಿಲೆಂಡ್ ರನ್ರೇಟ್ +0.175 ಇದ್ದು, ಪಾಕಿಸ್ತಾನದ ರನ್ರೇಟ್ -0.792 ಇದೆ. ಇದುವೇ ಪಾಕ್ ತಂಡಕ್ಕೆ ಮುಳುವಾಗಲಿದೆ. ಇದಕ್ಕೆ ದೊಡ್ಡ ಮೊತ್ತದ ಅಂತರದಿಂದ ಗೆಲ್ಲಬೇಕು.

Rajesh Duggumane | news18
Updated:July 5, 2019, 3:38 PM IST

PAK vs BAN:ಬಾಂಗ್ಲಾ ವಿರುದ್ಧ 500 ರನ್ ಬಾರಿಸುತ್ತೇವೆ; ಟ್ರೋಲ್ ಆದ ಪಾಕ್ ನಾಯಕ ಸರ್ಫರಾಜ್ ಹೇಳಿಕೆ

ಪಾಕ್ ನಾಯಕ ಸರ್ಫರಾಜ್ ಅಹ್ಮದ್

News18
Last Updated: July 5, 2019, 3:38 PM IST

Rajesh Duggumane

ಬಾಂಗ್ಲಾದೇಶದ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಪಾಕ್ ಬ್ಯಾಟಿಂಗ್ ಆಯ್ದುಕೊಂಡಿದ್ದು, ನಿಧಾನಗತಿಯಲ್ಲಿ ರನ್ ಕಲೆ ಹಾಕುತ್ತಿದೆ. ಈ ಪಂದ್ಯದಲ್ಲಿ ಬೃಹತ್ ಅಂತರದಿಂದ ಗೆದ್ದರೆ ಮಾತ್ರ ಪಾಕ್ ಸೆಮಿ ಫೈನಲ್ ಪ್ರವೇಶಿಸಲಿದೆ. ಈ ರೀತಿ ಮಾಡಿ ತೋರಿಸುತ್ತೇವೆ ಎಂದು ಪಾಕ್ ಕ್ರಿಕೆಟ್ ತಂಡದ ನಾಯಕ ಸರ್ಫರಾಜ್ ಅಹ್ಮದ್ ಹೇಳಿಕೆ ನೀಡಿದ್ದಾರೆ. ಅವರ ಹೇಳಿಕೆ ಈಗ ಟ್ರೋಲ್ ಆಗಿದೆ.

9 ಅಂಕಗಳೊಂದಿಗೆ 5ನೇ ಸ್ಥಾನದಲ್ಲಿರುವ ಪಾಕಿಸ್ತಾನಕ್ಕೆ ಬಾಂಗ್ಲಾ ವಿರುದ್ಧದ ಪಂದ್ಯ ಕೊನೆಯ ಅವಕಾಶ. ಈ ಪಂದ್ಯದಲ್ಲಿ ಸರ್ಫರಾಜ್ ಪಡೆ ಜಯಗಳಿಸಿದರೆ ಪಾಕ್ 11 ಅಂಕ ಗಳಿಸಲಿದೆ. ಅತ್ತ ಇಷ್ಟೇ ಅಂಕಗಳೊಂದಿಗೆ ನ್ಯೂಜಿಲೆಂಡ್ ತಂಡವು ನಾಲ್ಕನೇ ಸ್ಥಾನವನ್ನು ಅಲಕಂರಿಸಿದೆ.

ಈ ವೇಳೆ ರನ್ರೇಟ್ ಲೆಕ್ಕಾಚಾರದ ಮೂಲಕ ಸೆಮಿ ಫೈನಲ್ಗೆ ಪ್ರವೇಶಿಸುವ ಅವಕಾಶವೊಂದು ಪಾಕ್ ಬಳಗಕ್ಕೆ ದೊರೆಯಲಿದೆ. ಆದರೆ ಪ್ರಸ್ತುತ ನ್ಯೂಜಿಲೆಂಡ್ ರನ್ರೇಟ್ +0.175 ಇದ್ದು, ಪಾಕಿಸ್ತಾನದ ರನ್ರೇಟ್ -0.792 ಇದೆ. ಇದುವೇ ಪಾಕ್ ತಂಡಕ್ಕೆ ಮುಳುವಾಗಲಿದೆ.

* ಪಾಕಿಸ್ತಾನ 350 ರನ್ ಸಿಡಿಸಿ, ಬಾಂಗ್ಲಾವನ್ನು 39 ರನ್ಗಳಿಗೆ ಆಲೌಟ್ ಮಾಡಬೇಕು. ಅಂದರೆ 311 ರನ್ಗಳಿಂದ ಜಯಗಳಿಸಿದರೆ ಸೆಮಿ ಫೈನಲ್ಗೆ ಏರಬಹುದು.

* ಇನ್ನು 400 ರನ್ ಬಾರಿಸಿ, ಬಾಂಗ್ಲಾದೇಶವನ್ನು 84 ರನ್ಗಳಿಗೆ ಕಟ್ಟಿ ಹಾಕಬೇಕು. ಈ ಮೂಲಕ 316 ರನ್‌ ಅಂತರ ಗೆಲುವು ಸಾಧಿಸಿ ರನ್ರೇಟ್ ಏರಿಸಿಕೊಳ್ಳಬಹುದು.

* ಹಾಗೆಯೇ 450 ರನ್ ಗಳಿಸಿ ಬಾಂಗ್ಲಾದೇಶವನ್ನು 129 ರನ್ಗಳಿಗೆ ನಿಯಂತ್ರಿಸಿದರೂ ಸಹ ಸೆಮಿ ಫೈನಲ್ಗೇರಬಹುದು. ಅಂದರೆ 321 ರನ್ಗಳ ಭರ್ಜರಿ ಜಯ ಸಾಧಿಸಬೇಕು.

ಈ ಅಂತರದಿಂದ ಗೆಲ್ಲಲು ಪಾಕ್ ಕ್ರಿಕೆಟ್ ತಂಡದ ನಾಯಕ 500 ರನ್ ಬಾರಿಸುತ್ತೇವೆ ಎಂದಿದ್ದಾರೆ. “500-400ರನ್ ಬಾರಿಸಿ ಎದುರಾಳಿ ತಂಡವನ್ನು ಕಡಿಮೆ ಅಂತರಕ್ಕೆ ಆಲ್ಔಟ್ ಮಾಡಿದರೆ ನಾವು ಸೆಮಿಫೈನಲ್ ಪ್ರವೇಶಿಸಬಹುದು. 300ಕ್ಕೂ ಅಧಿಕ ರನ್ಗಳ ಅಂತರದಿಂದ ನಾವು ಗೆಲ್ಲಲು ಪ್ರಯತ್ನಿಸುತ್ತೇವೆ. ನಮ್ಮ ಕೈಲಾದಷ್ಟು ಪ್ರಯತ್ನವನ್ನು ನಾವು ಮಾಡುತ್ತೇವೆ. 500 ರನ್ ಬಾರಿಸುತ್ವೆತೇವೆ,” ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದರು. ಸದ್ಯ ಈ ವಿಚಾರ ಸಾಕಷ್ಟು ಟ್ರೋಲ್ ಆಗಿದೆ.