GT20 Canada 2019: ಪಾಕ್ ಕ್ರಿಕೆಟಿಗ ಮಲಿಕ್​ರಿಂದ ಸ್ಟೇಡಿಯಂ ಕಿಟಕಿ ಗಾಜುಗಳ ಪುಡಿಪುಡಿ; ವಿಡಿಯೋ ವೈರಲ್

ಬೆಂಗಳೂರು (ಆ. 11): ಪಾಕಿಸ್ತಾನ ಕ್ರಿಕೆಟ್ ತಂಡದ ಪ್ರಮುಖ ಆಟಗಾರ ಶೋಯೆಬ್ ಮಲಿಕ್ ಕೆನಾಡಲ್ಲಿ ನಡೆಯುತ್ತಿರುವ ಗ್ಲೋಬಲ್ ಟಿ-20 ಲೀಗ್​ನಲ್ಲಿ ಗಾಜು ಪುಡಿ ಆಗುವಂತಹ ಎರಡು ಭರ್ಜರಿ ಸಿಕ್ಸರ್‌ ಸಿಡಿಸಿ ಸ್ಫೋಟಕ ಆಟ ಪ್ರದರ್ಶಿಸಿದ್ದಾರೆ.

ವ್ಯಾಂಕೋವರ್ ತಂಡದ ನಾಯಕನಾಗಿ ಆಡುತ್ತಿರುವ ಮಲಿಕ್ ಬ್ರಾಂಪ್ಟನ್ ವೋಲ್ಟ್ಸ್​​ ವಿರುದ್ಧದ ಕ್ವಾಲಿಫೈಯರ್-1  ಪಂದ್ಯದಲ್ಲಿ ಇವರ ಬ್ಯಾಟಿಂಗ್ ಅಬ್ಬರಕ್ಕೆ ಸ್ಟೇಡಿಯಂ ಕಟ್ಟಡದ ಎರಡು ಕಿಟಕಿ ಗಾಜುಗಳು ಪುಡಿ ಆಗಿವೆ.

ಇಶ್ ಸೋಧಿ ಬೌಲಿಂಗ್​ಗೆ ಓವರ್ ಕವರ್​ನಲ್ಲಿ ಮಲಿಕ್ ಮೊದಲ ಸಿಕ್ಸ್​ ಸಿಡಿಸಿದರೆ, ವಹಾಬ್ ರಿಯಾಝ್ ಬೌಲಿಂಗ್​ನಲ್ಲಿ ಬ್ಯಾಕ್​ವರ್ಡ್​ ಪಾಂಯಿಂಟ್​ ಮೂಲಕ ಎರಡನೇ ಸಿಕ್ಸ್​ ಚಚ್ಚಿದರು. ಮಲಿಕ್ ಹೊಡೆದ ಈ ಎರಡೂ ಶಾಟ್​ಗೆ ಗಾಜುಗಳು ಪುಡಿ ಆಗಿವೆ.

 

In an unusual scenario, @realshoaibmalik literally hit two glass breaking sixes.#GT2019 #BWvsVK pic.twitter.com/5kuAQoQBbE

— GT20 Canada (@GT20Canada) August 9, 2019

ಮಲಿಕ್ 26 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 3 ಸಿಕ್ಸರ್ ಸಿಡಿಸಿ ಅಜೇಯ 46 ರನ್ ಕಲೆಹಾಕಿದರು. ಇವರ ಬಿರುಸಿನ ಆಟದ ನೆರವಿನಿಂದ ವ್ಯಾಂಕೋವರ್ ತಂಡ 77 ರನ್​ಗಳ ಜಯದೊಂದಿಗೆ ಗ್ಲೋಬಲ್ ಟಿ-20 ಲೀಗ್​ನಲ್ಲಿ ಫೈನಲ್ ಪ್ರವೇಶಿಸಿದೆ.

 

A quick innings of 46*(26) by @realshoaibmalik helps @VKnights_ post a match winning score of 170/4 after 16 overs.#GT2019 #BWvsVK pic.twitter.com/ZBwjOr0StN

— GT20 Canada (@GT20Canada) August 9, 2019

ಇಂದು ಫೈನಲ್ ಹಣಾಹಣಿ ನಡೆಯಲಿದ್ದು, ವಿನ್ನಿಪೆಗ್ ಹಾವ್ಕ್ಸ್​​ ಹಾಗೂ ವ್ಯಾಂಕೋವರ್ ತಂಡ ಪ್ರಶಸ್ತಿಗಾಗಿ ಸೆಣೆಸಾಟ ನಡೆಸಲಿವೆ.