ಅಂಬಾಟಿ ರಾಯುಡುಗೆ ಕಾಲೆಳೆದ ವಿಚಾರ; ಐಸ್​ಲೆಂಡ್​ಗೆ ಮುಟ್ಟಿ ನೋಡಿಕೊಳ್ಳುವಂತೆ ಉತ್ತರಿಸಿದ ಭಾರತೀಯರು

ಐಸ್​ಲೆಂಡ್ ಪರ ಆಡಲು ವಿಸಾ ನೀಡಿ ಎಂದು ಕೋರಿ ಅಲ್ಲಿನ ಕ್ರಿಕೆಟ್​ ಮಂಡಳಿಗೆ ಭಾರತೀಯರು ಇಮೇಲ್​ ಮಾಡಿದ್ದಾರೆ! ಅವರ ಇಮೇಲ್​ ಬಾಕ್ಸ್​ ತುಂಬಿ ಹೋಗಿದ್ದು, ಇದರಿಂದ ಐಸ್​ಲೆಂಡ್​ ಕ್ರಿಕೆಟ್​ ಮಂಡಳಿ ಕಂಗಾಲಾಗಿದೆ.

Rajesh Duggumane | news18
Updated:July 4, 2019, 1:43 PM IST
ಅಂಬಾಟಿ ರಾಯುಡುಗೆ ಕಾಲೆಳೆದ ವಿಚಾರ; ಐಸ್​ಲೆಂಡ್​ಗೆ ಮುಟ್ಟಿ ನೋಡಿಕೊಳ್ಳುವಂತೆ ಉತ್ತರಿಸಿದ ಭಾರತೀಯರು
ಅಂಬಟಿ ರಾಯುಡು
  • News18
  • Last Updated: July 4, 2019, 1:43 PM IST
  • Share this:
ವಿಶ್ವಕಪ್​ಗೆ ಭಾರತ ತಂಡದಲ್ಲಿ ಸ್ಥಾನ ಪಡೆಯಲು ಅಂಬಾಟಿ ರಾಯಡು ವಿಫಲರಾಗಿದ್ದರು. ಈ ಬೆಳವಣಿಗೆಯಿಂದ ಬೇಸರಗೊಂಡಿದ್ದ ಅವರು, ಎಲ್ಲ ಮಾದರಿಯ ಕ್ರಿಕೆಟ್​ಗೆ ವಿದಾಯ ಹೇಳಿದ್ದರು. ಇದಕ್ಕೂ ಮೊದಲು ಅಂಬಾಟಿ ರಾಯುಡು ಅವರನ್ನು ಕಾಲೆಳೆಯುವ ಕೆಲಸ ಮಾಡಿತ್ತು ಐಸ್​ಲೆಂಡ್​ ಕ್ರಿಕೆಟ್​ ಮಂಡಳಿ. ಈಗ ಅವರಿಗೆ ಮುಟ್ಟಿ ನೋಡಿಕೊಳ್ಳುವಂತೆ ಭಾರತೀಯರು ಉತ್ತರ ನೀಡಿದ್ದಾರೆ!

ರಾಯುಡುಗೆ ವಿಶ್ವಕಪ್​ ತಂಡದಲ್ಲಿ ಸ್ಥಾನ ನೀಡದೇ ಇರುವ ವಿಚಾರದಲ್ಲಿ ಲಾಭ ಪಡೆದುಕೊಳ್ಳಲು ಐಸ್​ಲೆಂಡ್​ ಮುಂದಾಗಿತ್ತು. ಈ ಕುರಿತು ವಿಲಕ್ಷಣ ಟ್ವೀಟ್​ ಕೂಡ ಮಾಡಿತ್ತು. “ನೀವು ನಮ್ಮ ದೇಶದ ನಾಗರಿಕತ್ವ ಪಡೆದುಕೊಳ್ಳಿ. ಈ ಮೂಲಕ ಐಸ್​​ಲೆಂಡ್​ ತಂಡವನ್ನು ಪ್ರತಿನಿಧಿಸಿ. ಒಂದೊಮ್ಮೆ ನಿಮಗೆ ವಿಶ್ವಕಪ್​ನಲ್ಲಿ ಅವಕಾಶ ಸಿಕ್ಕರೆ ಭಾರತದ ಪರವಾಗಿ ಆಟವಾಡಿ,” ಎಂದು ಕೋರಿತ್ತು.

ವಿಶ್ವಕಪ್ ವೀಕ್ಷಿಸಲು 3D ಕನ್ನಡಕಕ್ಕೆ ಆರ್ಡರ್ ಮಾಡಿದ್ದೇನೆ’ ಎಂದು ರಾಯುಡು ವ್ಯಂಗ್ಯ ಮಾಡಿ ಹಾಕಿದ್ದ ಟ್ವೀಟ್​ ಎಲ್ಲರ ಗಮನ ಸೆಳೆದಿತ್ತು. ಈ ಬಗ್ಗೆಯೂ ಐಸ್​ಲೆಂಡ್ ಕ್ರಿಕೇಟ್​ ಮಂಡಳಿ​ ಉಲ್ಲೇಖ ಮಾಡಿತ್ತು. “ಮಯಾಂಕ್​ ಅಗರ್​ವಾಲ್​ ಬೌಲಿಂಗ್​ನಲ್ಲಿ ಶೇ.72.33 ಸರಾಸರಿ ಹೊಂದಿದ್ದಾರೆ. ಈಗಲಾದರೂ ರಾಯುಡು ತಮ್ಮ 3ಡಿ ಗ್ಲಾಸ್​ಅನ್ನು ತೆಗೆದಿಡಬೇಕು. ಅವರಿಗೋಸ್ಕರ ಸಿದ್ಧಪಡಿಸಿದ ಈ ದಾಖಲೆಗಳನ್ನು ಓದಲು ಅವರಿಗೆ ಸಾಮಾನ್ಯ ಕನ್ನಡಕದ ಅಗತ್ಯತೆ ಇದೆ. ನಮ್ಮ ಜೊತೆ ಬಂದು ಕೈ ಜೋಡಿಸಿ. ನಾವು ನಿಮ್ಮನ್ನು ಇಷ್ಟಪಡುತ್ತೇವೆ,” ಎಂದು ಐಸ್​ಲೆಂಡ್​ ಕ್ರಿಕೆಟ್​ ಮಂಡಳಿ ಆಹ್ವಾನ ನೀಡಿತ್ತು.

ಇದಕ್ಕೆ ತಕ್ಕದಾಗಿ ಉತ್ತರಿಸಲು ಭಾರತೀಯರು ಮುಂದಾಗಿದ್ದರು. ಐಸ್​ಲೆಂಡ್ ಪರ ಆಡಲು ವಿಸಾ ನೀಡಿ ಎಂದು ಕೋರಿ ಅಲ್ಲಿನ ಕ್ರಿಕೆಟ್​ ಮಂಡಳಿಗೆ ಇ ಮೇಲ್​ ಮಾಡಿದ್ದಾರೆ! ಇದರಿಂದ ಐಸ್​ಲೆಂಡ್ ಕ್ರಿಕೆಟ್​ ಮಂಡಳಿಯ ಇಮೇಲ್​ ಬಾಕ್ಸ್​ ತುಂಬಿ ಹೋಗಿದ್ದು,  ಅವರು ಕಂಗಾಲಾಗಿದ್ದಾರೆ. “ನಮಗೆ ನಿಮ್ಮ ಮೇಲೆ ಪ್ರೀತಿ ಇದೆ. ಆದರೆ ದಯವಿಟ್ಟು ಐಸ್​ಲೆಂಡ್ ಪರ ಆಡಲು ವೀಸಾ ಸಿಗುತ್ತದೆಯೇ ಎಂದು ಕೇಳಿ ಇಮೇಲ್​ ಮಾಡುವುದನ್ನು ನಿಲ್ಲಿಸಿ. ಐಸ್​ಲೆಂಡ್​ನ ನಾಗರಿಕರನ್ನು ಮಾತ್ರ ನಾವು ತಂಡಕ್ಕೆ ಸೇರಿಸಿಕೊಳ್ಳುತ್ತೇವೆ. ಬ್ರಿಟೀಷ್​ ರಾಷ್ಟ್ರಗಳು ನಿಮ್ಮನ್ನು ಕರೆದುಕೊಳ್ಳಬಹುದು,”  ಎಂದು ಬರೆದುಕೊಂಡಿದ್ದಾರೆ.


ಅಚ್ಚರಿ ಎಂದರೆ, ಈ ಟ್ವೀಟ್​ಅನ್ನು ಟ್ರೋಲ್​ ಮಾಡಲಾಗಿದೆ! ಅನೇಕರು ಸರ್​ ನಮಗೂ ನಿಮ್ಮ ದೇಶದ ಪರ ಆಡಲು ಅವಕಾಶ ನೀಡಿ ಎಂದಿದ್ದಾರೆ! ಒಟ್ಟಿನಲ್ಲಿ ಐಸ್​ಲೆಂಡ್​ ಕ್ರಿಕೆಟ್​ ಮಂಡಳಿ ಕಾಲೆಯಳು ಹೋಗಿ ತಾವೇ ಪೇಚಿಗೆ ಸಿಲುಕಿದ್ದಾರೆ.











First published: July 4, 2019, 1:43 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading