New Zealand XI vs India: ಅಭ್ಯಾಸ ಪಂದ್ಯ; ಮೊದಲ ದಿನವೇ ಟೀಂ ಇಂಡಿಯಾ ಆಲೌಟ್; 4 ಬ್ಯಾಟ್ಸ್ಮನ್ಗಳು ಶೂನ್ಯ!
ಕ್ರೈಸ್ಟ್ಚರ್ಚ್ನಲ್ಲಿ ಸಾಗುತ್ತಿರುವ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಇನ್ನೂ ಮೂರು ದಿನಗಳ ಆಟ ಬಾಕಿ ಉಳಿದಿದೆ. ಹನುಮಾ ವಿಹಾರಿ ಹಾಗೂ ರಿಷಭ್ ಪಂತ್ ನಾಳೆ 3ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಪೂಜಾರ ಹಾಗೂ ಹನುಮಾ ವಿಹಾರಿ ತಂಡಕ್ಕೆ ಆಸರೆಯಾಗಿ ನಿಂತರು. 38 ರನ್ಗೆ 4 ವಿಕೆಟ್ ಕಳೆದುಕೊಂಡಿದ್ದ ವೇಳೆ ಜೊತೆಯಾದ ಇವರಿಬ್ಬರು ತಂಡದ ಮೊತ್ತವನ್ನು 200ರ ಗಡಿ ದಾಟಿಸಿದರು.
- News18 Kannada
- 2-MIN READ
- Last Updated :
ಹ್ಯಾಮಿಲ್ಟನ್ (ಫೆ. 14): ಇಲ್ಲಿನ ಸೇಡನ್ ಪಾರ್ಕ್ನಲ್ಲಿ ನಡೆಯುತ್ತಿರುವ ನ್ಯೂಜಿಲೆಂಡ್ ಇಲೆವೆನ್ ವಿರುದ್ಧದ ಮೂರು ದಿನಗಳ ಅಭ್ಯಾಸ ಪಂದ್ಯದಲ್ಲಿ ಭಾರತೀಯ ಬ್ಯಾಟ್ಸ್ಮನ್ಗಳು ಮೊದಲ ದಿನವೇ ಕಳಪೆ ಪ್ರದರ್ಶನ ತೋರಿದ್ದಾರೆ. ಕೇವಲ 263 ರನ್ಗೆ ಆಲೌಟ್ ಆಗಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತ 5 ರನ್ ಆಗುವ ಹೊತ್ತಿಗೆನೇ ತನ್ನ 3 ವಿಕೆಟ್ ಕಳೆದುಕೊಂಡಿತು. ಟೀಂ ಇಂಡಿಯಾ ಓಪನರ್ಗಳು ಏಕದಿನದಂತೆ ಇಲ್ಲುಕೂಡ ವೈಫಲ್ಯ ಅನುಭವಿಸಿದರು. ಪೃಥ್ವಿ ಶಾ 4 ಎಸೆತಗಳಲ್ಲಿ ಸೊನ್ನೆ ಸುತ್ತಿದರೆ, ಮಯಾಂಕ್ ಅಗರ್ವಾಲ್ 1 ರನ್ಗೆ ಔಟ್ ಆದರು.
India all out for 263 in the practice game against New Zealand XI.
Vihari 101 retd, Pujara 93 pic.twitter.com/8h0uONqFpx
— BCCI (@BCCI) February 14, 2020
RCB: ಬೆಂಗಳೂರು ಸೇರಿಸಿ ಹೊಚ್ಚ ಹೊಸ ಲೋಗೋ ಬಿಡುಗಡೆ ಮಾಡಿದ ಆರ್ಸಿಬಿ; ಹೇಗಿದೆ ಗೊತ್ತಾ..?
ಉತ್ತಮ ಫಾರ್ಮ್ನಲ್ಲಿರುವ ಶುಭ್ಮನ್ ಗಿಲ್ ಮೊದಲ ಎಸೆತದಲ್ಲೇ ಪೆವಿಲಿಯನ್ ಸೇರಿಕೊಂಡರು. ಬಳಿಕ ಚೇತೇಶ್ವರ್ ಪೂಜಾರ ಜೊತೆಯಾದ ಅಜಿಂಕ್ಯಾ ರಹಾನೆ ಕೊಂಚಹೊತ್ತು ಕ್ರೀಸ್ನಲ್ಲಿದ್ದರಷ್ಟೆ. ರಹಾನೆ ಆಟ 18 ರನ್ಗೆ ಅಂತ್ಯವಾಯಿತು.
ಈ ಸಂದರ್ಭ ಪೂಜಾರ ಹಾಗೂ ಹನುಮಾ ವಿಹಾರಿ ತಂಡಕ್ಕೆ ಆಸರೆಯಾಗಿ ನಿಂತರು. 38 ರನ್ಗೆ 4 ವಿಕೆಟ್ ಕಳೆದುಕೊಂಡಿದ್ದ ವೇಳೆ ಜೊತೆಯಾದ ಇವರಿಬ್ಬರು ತಂಡದ ಮೊತ್ತವನ್ನು 200ರ ಗಡಿ ದಾಟಿಸಿದರು. 195 ರನ್ಗಳ ಅಮೋಘ ಜೊತೆಯಾಟ ಆಡಿದರು. ಪೂಜಾರ ಅರ್ಧಶತಕ ಸಿಡಿಸಿದರೆ, ವಿಹಾರಿ ಸೆಂಚುರಿ ಬಾರಿಸಿದರು.
100-run partnership comes up between @cheteshwar1 & @Hanumavihari. Keep going 💪
India 149/4 after 56 overs. pic.twitter.com/vDOJgVqsmW
— BCCI (@BCCI) February 14, 2020
U19 World Cup: ತನಗೆ ಸಿಕ್ಕ ಸರಣಿ ಶ್ರೇಷ್ಠ ಟ್ರೋಫಿಯನ್ನೇ ಮುರಿದು ಹಾಕಿದ ಜೈಸ್ವಾಲ್; ಯಾಕೆ ಗೊತ್ತಾ?
ಪೂಜಾರ 211 ಎಸೆತಗಳಲ್ಲಿ 93 ರನ್ಗೆ ಔಟ್ ಆಗುವ ಮೂಲಕ ಶತಕ ವಂಚಿತರಾದರೆ, ವಿಹಾರಿ 182 ಎಸೆತಗಳಲ್ಲಿ 101 ರನ್ ಗಳಿಸಿ ನಿವೃತ್ತಿ ಪಡೆದರು. ಬಳಿಕ ಬಂದ ಬ್ಯಾಟ್ಸ್ಮನ್ಗಳು ಬಂದ ಬೆನ್ನಲ್ಲೆ ಹಿಂತಿರುಗಿದರು. ರಿಷಭ್ ಪಂತ್ 7 ರನ್ಗೆ ಔಟ್ ಆದರೆ, ವೃದ್ದಿಮಾನ್ ಸಾಹ ಹಾಗೂ ಆರ್. ಅಶ್ವಿನ್ ಸೊನ್ನೆ ಸುತ್ತಿದರು. ಜಡೇಜಾ 8 ರನ್ ಗಳಿಸಿದರು. ವಿರಾಟ್ ಕೊಹ್ಲಿ ಈ ಪಂದ್ಯದಲ್ಲಿ ಕಣಕ್ಕಿಳಿಯಲಿಲ್ಲ.
ಅಂತಿಮವಾಗಿ ಭಾರತ 78.5 ಓವರ್ನಲ್ಲಿ 263 ರನ್ಗೆ ಸರ್ವಪತನ ಕಂಡಿತು. ಇಲ್ಲಿಗೆ ಮೊದಲ ದಿನದಾಟವನ್ನು ಅಂತ್ಯಗೊಳಿಸಲಾಯಿತು. ನ್ಯೂಜಿಲೆಂಡ್ ಪರ ಸ್ಕಾಟ್ ಕುಗೆಲೈಜ್ನ್ ಹಾಗೂ ಇಶ್ ಸೋಧಿ ತಲಾ 3 ವಿಕೆಟ್ ಕಿತ್ತರೆ, ಜಾಕ್ ಗಿಬ್ಸನ್ 2 ವಿಕೆಟ್ ಪಡೆದರು.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ