India vs New Zealand: ಸೂಪರ್ ಓವರ್​​ನಲ್ಲಿ ಹಿಟ್​ಮ್ಯಾನ್​ ಸೂಪರ್ ಹಿಟ್; ಭಾರತಕ್ಕೆ ಕಿವೀಸ್ ನೆಲದಲ್ಲಿ ಚೊಚ್ಚಲ ಟಿ-20 ಸರಣಿ!

ಹ್ಯಾಮಿಲ್ಟನ್ (ಜ. 29): ಇಲ್ಲಿನ ಸೆಡಾನ್ ಪಾರ್ಕ್​ನಲ್ಲಿ ನಡೆದ ಮೂರನೇ ಟಿ-20ಯ ರೋಚಕ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ ಸೂಪರ್ ಓವರ್​ನಲ್ಲಿ ಅಮೋಘ ಗೆಲುವು ಸಾಧಿಸಿತು. ಈ ಮೂಲಕ ಐದು ಟಿ-20 ಸರಣಿಯಲ್ಲಿ ಭಾರತ 3-0 ಮುನ್ನಡೆ ಸಾಧಿಸಿದೆ. ಅಲ್ಲದೆ ನ್ಯೂಜಿಲೆಂಡ್ ನೆಲದಲ್ಲಿ ಭಾರತ ಚೊಚ್ಚಲ ಬಾರಿಗೆ ಟಿ-20 ಸರಣಿ ವಶಪಡಿಸಿಕೊಂಡ ಸಾಧನೆ ಮಾಡಿದೆ.

ಮೊದಲು ಬ್ಯಾಟ್ ಮಾಡಿದ ಭಾರತ 20 ಓವರ್​ನಲ್ಲಿ 5 ವಿಕೆಟ್ ನಷ್ಟಕ್ಕೆ 179 ರನ್ ಕಲೆಹಾಕಿತು. ಟಾರ್ಗೆಟ್ ಬೆನ್ನಟ್ಟಿದ ನ್ಯೂಜಿಲೆಂಡ್ ಕೂಡ ನಾಯಕ ಕೇನ್ ವಿಲಿಯಮ್ಸನ್ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ 20 ಓವರ್​ನಲ್ಲಿ 6 ವಿಕೆಟ್ ನಷ್ಟಕ್ಕೆ 179 ರನ್ ಗಳಿಸಿದ್ದು, ಪಂದ್ಯ ಟೈ ಆಯಿತು.

Match tied! We're going to a Super Over! 🤯 https://t.co/gwwx8JDckl

— ICC (@ICC) January 29, 2020

Rohit Sharma: ಹಿಟ್​ಮ್ಯಾನ್ 20ನೇ ಅರ್ಧಶತಕ; ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಹೊಸ ದಾಖಲೆ!

ಹೀಗಾಗಿ ಸೂಪರ್ ಓವರ್ ನಡೆಸಲಾಯಿತು. ಸೂಪರ್ ಓವರ್​ನಲ್ಲಿ ನ್ಯೂಜಿಲೆಂಡ್ ಪರ ಮೊದಲು ಬ್ಯಾಟ್ ಮಾಡಲು ಬಂದ ಕೇನ್ ವಿಲಿಯಮ್ಸನ್(11) ಹಾಗೂ ಮಾರ್ಟಿನ್ ಗಪ್ಟಿಲ್(5) 17 ರನ್ ಗಳಿಸಿದರು. ಜಸ್​ಪ್ರೀತ್ ಬುಮ್ರಾ ಬೌಲಿಂಗ್ ಮಾಡಿದರು.

New Zealand score 17/0 👏

Can India chase it?#NZvIND pic.twitter.com/RqCGlR3YlU

— ICC (@ICC) January 29, 2020

18 ರನ್​ಗಳ ಟಾರ್ಗೆಟ್ ಬೆನ್ನಟ್ಟಿದ ಭಾರತ ಪರ ಮೊದಲ ಎಸೆತದಲ್ಲಿ ರೋಹಿತ್ 2 ಹಾಗೂ 2ನೇ ಎಸೆತದಲ್ಲಿ 1 ರನ್ ಗಳಿಸಿದರು. ಮೂರನೇ ಎಸೆತದಲ್ಲಿ ಕೆ ಎಲ್ ರಾಹುಲ್ ಬೌಂಡರಿ ಬಾರಿಸಿದರೆ, 4ನೇ ಎಸೆತದಲ್ಲಿ 1 ರನ್ ಕಲೆಹಾಕಿದರು.

ಕೊನೆಯ 2 ಎಸೆತದಲ್ಲಿ ಭಾರತಕ್ಕೆ ಗೆಲ್ಲಲು 10 ರನ್​ಗಳ ಅವಶ್ಯಕತೆಯಿತ್ತು. ಕ್ರೀಸ್​ನಲ್ಲಿದ್ದ ಹಿಟ್​ಮ್ಯಾನ್ 5ನೇ ಎಸೆತವನ್ನು ಸಿಕ್ಸ್​ಗೆ ಅಟ್ಟಿದರೆ, ಕೊನೆಯ ಬಾಲ್​ ಅನ್ನು ಸಿಕ್ಸ್​ ಸಿಡಿಸಿ ಭಾರತಕ್ಕೆ ಗೆಲುವು ತಂದಿಟ್ಟರು. ರೋಹಿತ್ 15 ರನ್ ಗಳಿಸಿದರೆ, ರಾಹುಲ್ 5 ರನ್ ಗಳಿಸಿದರು. ನ್ಯೂಜಿಲೆಂಡ್ ಪರ ಟಿಮ್ ಸೌಥೀ ಬೌಲಿಂಗ್ ಮಾಡಿದ್ದರು.

IPL 2020: ಐಪಿಎಲ್​ನ ಒಂದೇ ತಂಡದಲ್ಲಿ ಅಬ್ಬರಿಸಲಿದ್ದಾರೆ ಧೋನಿ-ಕೊಹ್ಲಿ-ಎಬಿಡಿ; ಎದುರಾಳಿ ರಸೆಲ್-ಪಂತ್-ಐಯರ್!

India win!

Rohit Sharma hits the final two balls for six to win the game 🤯 #NZvIND pic.twitter.com/CXFdI9chHl

— ICC (@ICC) January 29, 2020

ಸೂಪರ್ ಓವರ್​ನಲ್ಲಿ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಭಾರತ ಟಿ-20 ಸರಣಿ ವಶಪಡಿಸಿಕೊಂಡಿದೆ. ಇನ್ನೂ ಎರಡು ಪಂದ್ಯ ಬಾಕಿ ಉಳಿದಿದ್ದು, 4ನೇ ಟಿ-20 ಜನವರಿ 31 ರಂದು ಶುಕ್ರವಾರ ವೆಲ್ಲಿಂಗ್ಟನ್​ನಲ್ಲಿ ನಡೆಯಲಿದೆ.

ಈ ಪಂದ್ಯದಲ್ಲಿ ಮೊದಲು ಟಾಸ್ ಸೋತು ಬ್ಯಾಟಿಂಗ್​ಗೆ ಇಳಿದ ಭಾರತ ಪರ ಓಪನರ್​ಗಳಾದ ರೋಹಿತ್ ಶರ್ಮಾ ಹಾಗೂ ಕೆ ಎಲ್ ರಾಹುಲ್ ಸ್ಫೋಟಕ ಆರಂಭ ಒದಗಿಸಿದರು. ರೋಹಿತ್ ಬೌಂಡರಿ- ಸಿಕ್ಸರ್​ಗಳ ಮಳೆ ಸುರಿಸಿದರೆ ರಾಹುಲ್ ಇವರಿಗೆ ಉತ್ತಮ ಸಾಥ್ ನೀಡಿದರು.

ಅತ್ಯುತ್ತಮ ಜೊತೆಯಾಟ ಆಡಿದ ಈ ಜೋಡಿ 9 ಓವರ್ ಆಗುವ ಹೊತ್ತಿಗೆ ತಂಡದ ಮೊತ್ತವನ್ನು 89ಕ್ಕೆ ತಂದಿಟ್ಟಿತು. ಭಾರತ ರೋಹಿತ್ ಅವರ 65 ರನ್​, ನಾಯಕ ವಿರಾಟ್ ಕೊಹ್ಲಿ ಅವರ 38 ಹಾಗೂ ಕೆ ಎಲ್ ರಾಹುಲ್ ಅವರ 27 ರನ್​ಗಳ ನೆರವಿನಿಂದ 20 ಓವರ್​ನಲ್ಲಿ 5 ವಿಕೆಟ್ ನಷ್ಟಕ್ಕೆ 179 ರನ್ ಬಾರಿಸಿತು.

pic.twitter.com/Q9ciZkCyOv

— Rahul ® (@RahulSadhu009) January 29, 2020

180 ರನ್​ಗಳ ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ನ್ಯೂಜಿಲೆಂಡ್ ಸ್ಫೋಟಕ ಆರಂಭ ಪಡೆದುಕೊಳ್ಳುವ ಜೊತೆಗೆ ಓಪನರ್​ಗಳಿಬ್ಬರನ್ನೂ ಕಳೆದುಕೊಂಡಿತು. ಮಾರ್ಟಿನ್ ಗಪ್ಟಿಲ್ 21 ಎಸೆತಗಳಲ್ಲಿ 31 ರನ್ ಬಾರಿಸಿ ಔಟ್ ಆದರೆ, ಕಾಲಿನ್ ಮನ್ರೊ(14) ಸ್ಟಂಪ್​ಔಟ್​ಗೆ ಬಲಿಯಾದರು.

ಬಳಿಕ ಬಂದ ಬ್ಯಾಟ್ಸ್​ಮನ್​ಗಳು ಕಲೆಹೊತ್ತು ಕ್ರೀಸ್​ನಲ್ಲಿದ್ದು ಔಟ್ ಆದರೆ, ನಾಯಕ ಕೇನ್ ವಿಲಿಯಮ್ಸನ್ ಮಾತ್ರ ಕ್ರೀಸ್ ಕಚ್ಚಿ ಆಡಿದರು. ಕಠಿಣ ಸಂದರ್ಭದಲ್ಲಿ ನಾಯಕನ ಆಟವಾಡಿದ ಕೇನ್ ವಿಲಿಯಮ್ಸನ್ ಅಮೋಘ ಬ್ಯಾಟಿಂಗ್ ಪ್ರದರ್ಶಿಸಿದರು. ಅರ್ಧಶತಕ ಸಿಡಿಸಿ ಬಿರುಸಿನ ಆಟವಾಡಿದ ವಿಲಿಯಮ್ಸನ್ ತಂಡದ ಗೆಲುವಿಗೆ ಹೋರಾಟ ನಡೆಸಿದರು.

20ನೇ ಓವರ್​ನಲ್ಲಿ ನ್ಯೂಜಿಲೆಂಡ್​ಗೆ ಗೆಲ್ಲಲು  9 ರನ್​ಗಳ ಅವಶ್ಯಕತೆಯಿತ್ತು. ಶಮಿ ಅವರ ಮೊದಲ ಎಸೆತದಲ್ಲೇ ರಾಸ್ ಟೇಲರ್ ಚೆಂಡನ್ನು ಸಿಕ್ಸ್​ಗೆ ಅಟ್ಟಿದರು. ಆದರೆ, ಕೇನ್ 3ನೇ ಎಸೆತದಲ್ಲಿ ಔಟ್ ಆಗುವ ಮೂಲಕ ಆಘಾತ ನೀಡಿದರು. ಈ ಸಂದರ್ಭ ಪಂದ್ಯ ಮತ್ತಷ್ಟು ರೋಚಕತೆ ಹುಟ್ಟಿಸಿತು.

ಕೇನ್ ಕೇವಲ 48 ಎಸೆತಗಳಲ್ಲಿ 8 ಬೌಂಡರಿ, 6 ಸಿಕ್ಸರ್ ಸಿಡಿಸಿ ಅಜೇಯ 95 ರನ್ ಚಚ್ಚಿದರು. ಕೊನೆಯ ಎಸೆತದಲ್ಲಿ ನ್ಯೂಜಿಲೆಂಡ್​ಗೆ ಗೆಲ್ಲಲು 1 ರನ್​ಗಳ ಅವಶ್ಯಕತೆಯಿತ್ತು. ಆದರೆ, ರಾಸ್ ಟೇಲರ್(17) ಕ್ಲೀನ್ ಬೌಲ್ಡ್​ ಆಗುವ ಮೂಲಕ ಪಂದ್ಯ ಟೈ ಆಯಿತು.