T20 World Cup Super-12: ನಮೀಬಿಯಾ ಇತಿಹಾಸ; ಭಾರತ, ಪಾಕ್ ಗುಂಪಿನಲ್ಲಿ ಆಫ್ರಿಕನ್ ರಾಷ್ಟ್ರ

Namibia in Super-12: ಎ ಗುಂಪಿನಲ್ಲಿ ಎರಡನೇ ತಂಡವಾಗಿ ನಮೀಬಿಯಾ ಸೂಪರ್-12 ಹಂತ ಪ್ರವೇಶಿಸಿದೆ. ಇಂದು ಶಾರ್ಜಾದಲ್ಲಿ ನಡೆದ ಪಂದ್ಯದಲ್ಲಿ ಐರ್ಲೆಂಡ್ ತಂಡವನ್ನ ನಮೀಬಿಯಾ 8 ವಿಕೆಟ್​ಗಳಿಂದ ಸೋಲಿಸಿತು.

ನಮೀಬಿಯಾ ಕ್ರಿಕೆಟ್ ತಂಡ

ನಮೀಬಿಯಾ ಕ್ರಿಕೆಟ್ ತಂಡ

  • Share this:
    ಶಾರ್ಜಾ, ಅ. 22: ಟಿ20 ವಿಶ್ವಕಪ್ ತಮ್ಮ ಪಾಲಿಗೆ ಅಳಿವು ಉಳಿವಿನ ಪ್ರಶ್ನೆ ಎಂದು ಹೇಳಿದ್ದ ನಮೀಬಿಯಾ ಕ್ರಿಕೆಟಿಗರು ಇದೀಗ ಸೂಪರ್-12 ಹಂತಕ್ಕೆ ಹುಮ್ಮಸ್ಸಿನಿಂದ ಲಗ್ಗೆ ಹಾಕಿದ್ದಾರೆ. ಈ ಬಾರಿ ವಿಶ್ವಕಪ್​ನ ಪ್ರಧಾನ ಹಂತಕ್ಕೆ ಸ್ಕಾಟ್ಲೆಂಡ್ ಮತ್ತ ನಮೀಬಿಯಾ ಪ್ರವೇಶ ಮಾಡಿರುವುದು ವಿಶ್ವ ಕ್ರಿಕೆಟ್​ನ ಹೊಸ ಆಮಾಮ ಸೃಷ್ಟಿಯಾದಂತಾಗಿದೆ. ಇಂದು ನಡೆದ ಎ ಗುಂಪಿನ ಪಂದ್ಯದಲ್ಲಿ ನಮೀಬಿಯಾ ತಂಡ ಐರ್ಲೆಂಡ್ ವಿರುದ್ಧ 8 ವಿಕೆಟ್​ಗಳಿಂದ ಜಯಭೇರಿ ಭಾರಿಸಿ ತನ್ನ ಗುಂಪಿನಲ್ಲಿ ಎರಡನೇ ತಂಡವಾಗಿ ಸೂಪರ್-12 ಪ್ರವೇಶಿಸಿತು. ನಾಯಕ ಜೆರಾರ್ಡ್ ಎರಾಸ್ಮಸ್ ಅವರ ಅಮೋಘ ಬ್ಯಾಟಿಂಗ್ ಹಾಗು ಡೇವಿಡ್ ವಿಯೆಸ್ ಅವರ ಆಲ್​ರೌಂಡ್ ಆಟ ನಮೀಬಿಯಾಗೆ ಐತಿಹಾಸಿಕ ಗೆಲುವು ತಂದುಕೊಟ್ಟಿತು. ಐರ್​ಲೆಂಡ್​ನ 125 ರನ್​ಗೆ ಪ್ರತಿಯಾಗಿ ನಮೀಬಿಯಾ 9 ಎಸೆತ ಬಾಕಿ ಇರುವಂತೆ ಗುರಿ ಮುಟ್ಟಿತು.

    ರನ್ ಚೇಸಿಂಗ್​ನಲ್ಲಿ ನಮೀಬಿಯಾ ಆರಂಭದಲ್ಲಿ ರನ್ ಗಳಿಸಲು ತುಸು ತಡವರಿಸಿದರೂ ವಿಕೆಟ್​ಗಳನ್ನ ಕಾಪಾಡಿಕೊಂಡು ಬರಲು ಯಶಸ್ವಿಯಾಯಿತು. ಜೆರಾರ್ಡ್ ಎರಾಸ್ಮಸ್ ಮತ್ತು ಡೇವಿಡ್ ವಿಯೆಸ್ 3ನೇ ವಿಕೆಟ್​ಗೆ 5 ಓವರ್​ನಲ್ಲಿ 53 ರನ್ ಮುರಿಯದ ಜೊತೆಯಾಟ ನೀಡಿ ಸುಲಭವಾಗಿ ಗೆಲುವಿನ ದಡ ಮುಟ್ಟಿಸಿದರು.

    ಇದಕ್ಕೆ ಮುನ್ನ ಐರ್​ಲೆಂಡ್ ತಂಡ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿತು. ಮೊದಲ 3 ಆಟಗಾರರು ಮಾತ್ರ ಎರಡಂಕಿ ಸ್ಕೋರ್ ಗಳಿಸಿದರು. ಪೌಲ್ ಸ್ಟರ್ಲಿಂಗ್ 38, ಕೆವಿನ್ ಓ ಬ್ರಿಯಾನ್ 25 ಮತ್ತು ನಾಯಕ ಆಂಡಿ ಬಾಲ್​ಬರ್ನೀ 21 ರನ್ ಗಳಿಸಿದರು. ಉಳಿದವರು ಒಂದಂಕಿ ಸ್ಕೋರ್​ಗೆ ಔಟಾದರು. ನಮೀಬಿಯಾದ ಜೇನ್ ಫ್ರೈಲಿಂಕ್ 21 ರನ್​ಗೆ 3 ವಿಕೆಟ್ ಪಡೆದು ಯಶಸ್ವಿ ಬೌಲರ್ ಎನಿಸಿದರು. ಡೇವಿಡ್ ವಿಯೆಸ್ 22 ರನ್​ಗೆ 2 ವಿಕೆಟ್ ಪಡೆದರು. ಆಲ್​ರೌಂಡ್ ಆ ಪ್ರದರ್ಶಿಸಿದ ಡೇವಿಡ್ ವಿಯೆಸ್ ಅವರಿಗೆ ಪಂದ್ಯ ಶ್ರೇಷ್ಠ ಗೌರವ ಲಭಿಸಿತು.

    ಸೂಪರ್-12 ಹಂತದ ಎರಡನೇ ಗುಂಪಿನಲ್ಲಿ ನಮೀಬಿಯಾ:

    ಎ ಗುಂಪಿನಲ್ಲಿ ಶ್ರೀಲಂಕಾ ಮೊದಲ ಸ್ಥಾನ ಪಡೆದರೆ, ನಮೀಬಿಯಾ ಎರಡನೇ ಸ್ಥಾನ ಪಡೆಯಿತು. ಸೂಪರ್-12 ಹಂತರದಲ್ಲಿ ಶ್ರೀಲಂಕಾ ಮೊದಲ ಗುಂಪಿಗೆ ಪ್ರವೇಶ ಪಡೆದರೆ, ನಮೀಬಿಯಾ ಎರಡನೇ ಗುಂಪಿಗೆ ಲಗ್ಗೆ ಹಾಕಿದೆ. ಈ ಎರಡನೇ ಗುಂಪಿನಲ್ಲಿ ಭಾರತ, ಪಾಕಿಸ್ತಾನ, ನ್ಯೂಜಿಲೆಂಡ್, ಅಫ್ಘಾನಿಸ್ತಾನ, ಸ್ಕಾಟ್​ಲೆಂಡ್ ತಂಡಗಳಿವೆ. ಭಾರತ, ಪಾಕಿಸ್ತಾನ್, ನ್ಯೂಜಿಲೆಂಡ್ ತಂಡದಂಥ ಶ್ರೇಷ್ಠ ತಂಡಗಳೊಂದಿಗೆ ಸೆಣಸುವ ಅವಕಾಶ ನಮೀಬಿಯಾಗೆ ಲಭ್ಯವಾದಂತಾಗಿದೆ.

    ಇಂದು ಲಂಕಾ-ನೆದರ್​ಲೆಂಡ್ಸ್ ಎರಡನೇ ಪಂದ್ಯ ಬರೇ ನಾಮಕಾವಸ್ತೆ:

    ಇಂದು ಎ ಗುಂಪಿನಲ್ಲಿ ಶ್ರೀಲಂಕಾ ಮತ್ತು ನೆದರ್​ಲೆಂಡ್ಸ್ ನಡುವೆ ಪಂದ್ಯವಿದೆ. ಈಗಾಗಲೇ ಶ್ರೀಲಂಕಾ ಮತ್ತು ನಮೀಬಿಯಾ ಸೂಪರ್-12 ಹಂತದ ಪ್ರವೇಶ ಖಚಿತಪಡಿಸಿಕೊಂಡಿರುವುದರಿಂದ ಈ ಎರಡನೇ ಪಂದ್ಯ ಆಟಕ್ಕುಂಟು ಲೆಕ್ಕಕ್ಕಿಲ್ಲದಂತೆ ಆಗಿದೆ. ಶ್ರೀಲಂಕಾ ಸತತ ಎರಡು ಪಂದ್ಯ ಗೆದ್ದು ಗುಂಪಿನಲ್ಲಿ ಟಾಪರ್ ಆಗಿದೆ. ಒಂದು ವೇಳೆ ನೆದರ್​ಲೆಂಡ್ಸ್ ವಿರುದ್ಧ ಸೋತರೂ ಶ್ರೀಲಂಕಾದ ಸ್ಥಾನ ಕುಸಿಯುವ ಸಂಭವ ಇಲ್ಲ. ಯಾಕೆಂದರೆ ಲಂಕಾದ ನೆಟ್ ರನ್ ರೇಟ್ ಬರೋಬ್ಬರಿ 3.165 ಇದೆ. ಅದು ಮೈನಸ್ 0.5 ಇರುವ ನಮೀಬಿಯಾದಕ್ಕಿಂತ ಕೆಳಗಿಳಿಯುವ ಸಾಧ್ಯತೆ ಇಲ್ಲವೇ ಇಲ್ಲ.

    ಇದನ್ನೂ ಓದಿ: T20 World Cup 2021 Schedule | ಟಿ20 ವಿಶ್ವಕಪ್ ವೇಳಾಪಟ್ಟಿ; ಭಾರತದ ಪಂದ್ಯಗಳು ಇತ್ಯಾದಿ ಎಲ್ಲಾ ಮಾಹಿತಿ

    ಇದೇ ವೇಳೆ, ಬಿ ಗುಂಪಿನ ಎಲ್ಲಾ ಪಂದ್ಯಗಳು ನಿನ್ನೆಗೆ ಮುಗಿದಿವೆ. ಸ್ಕಾಟ್​ಲೆಂಡ್ ತಂಡ ಆ ಗುಂಪಿನ ಟಾಪರ್ ಆಗಿ ಸೂಪರ್-12 ಹಂತದಲ್ಲಿ ಎರಡನೇ ಗುಂಪಿಗೆ ಪ್ರವೇಶ ಪಡೆದಿದೆ. ಬಾಂಗ್ಲಾದೇಶ ಎರಡನೇ ಸ್ಥಾನ ಪಡೆದು ಸೂಪರ್-12 ಹಂತದಲ್ಲಿ ಮೊದಲ ಗುಂಪಿಗೆ ಪ್ರವೇಶ ಪಡೆದಿದೆ.

    ಸೂಪರ್-12 ಹಂತ:

    ಗ್ರೂಪ್ 1: ಇಂಗ್ಲೆಂಡ್, ಆಸ್ಟ್ರೇಲಿಯಾ, ಸೌಥ್ ಆಫ್ರಿಕಾ, ವೆಸ್ಟ್ ಇಂಡೀಸ್, ಶ್ರೀಲಂಕಾ, ಬಾಂಗ್ಲಾದೇಶ

    ಗ್ರೂಪ್ 2: ಭಾರತ, ಪಾಕಿಸ್ತಾನ, ನ್ಯೂಜಿಲೆಂಡ್, ಅಫ್ಘಾನಿಸ್ತಾನ್, ಸ್ಕಾಟ್ಲೆಂಡ್, ನಮೀಬಿಯಾ.

    ನಾಳೆಯಿಂದಲೇ ಸೂಪರ್-12 ಹಂತದ ಪಂದ್ಯಗಳು ನಡೆಯುತ್ತವೆ. ನಾಳೆ, ಮೊದಲ ಗುಂಪಿನಲ್ಲಿ ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ತಂಡಗಳು ಮುಖಾಮುಖಿಯಾಗುತ್ತಿವೆ. ಮತ್ತೊಂದು ಪಂದ್ಯದಲ್ಲಿ ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ಹಣಾಹಣಿ ನಡೆಸುತ್ತವೆ. ಭಾನುವಾರ ಶ್ರೀಲಂಕಾ vs ಬಾಂಗ್ಲಾದೇಶ ಮತ್ತು ಭಾರತ vs ಪಾಕಿಸ್ತಾನ ಪಂದ್ಯಗಳಿವೆ.

    ಟಿ 20 ವಿಶ್ವಕಪ್ 2021- ಸೂಪರ್-12 ವೇಳಾಪಟ್ಟಿ















































































































































































































    ದಿನಾಂಕ ಸಮಯಪಂದ್ಯಗಳುಸ್ಥಳ
    ಅ. 23ಮಧ್ಯಾಹ್ನ 3:30ಆಸ್ಟ್ರೇಲಿಯಾ vs ದಕ್ಷಿಣ ಆಫ್ರಿಕಾಅಬುಧಾಬಿ
    ಅ. 23ಸಂಜೆ 7:30ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್ದುಬೈ
    ಅ. 24ಮಧ್ಯಾಹ್ನ 3:30ಬಾಂಗ್ಲಾದೇಶ್ vs ಶ್ರೀಲಂಕಾಶಾರ್ಜಾ
    ಅ. 24 ಸಂಜೆ 7:30ಭಾರತ vs ಪಾಕಿಸ್ತಾನದುಬೈ
    ಅ. 25ಸಂಜೆ 7:30ಅಫ್ಘಾನಿಸ್ತಾನ್ vs ಸ್ಕಾಟ್ಲೆಂಡ್ಶಾರ್ಜಾ
    ಅ. 26ಮಧ್ಯಾಹ್ನ 3:30ದಕ್ಷಿಣ ಆಫ್ರಿಕಾ vs ವೆಸ್ಟ್ ಇಂಡೀಸ್ದುಬೈ
    ಅ. 26ಸಂಜೆ 7:30ಪಾಕಿಸ್ತಾನ್ vs ನ್ಯೂಜಿಲೆಂಡ್ಶಾರ್ಜಾ
    ಅ. 27ಮಧ್ಯಾಹ್ನ 3:30ಬಾಂಗ್ಲಾದೇಶ್ vs ಇಂಗ್ಲೆಂಡ್ಅಬುಧಾಬಿ
    ಅ. 27ಸಂಜೆ 7:30ಸ್ಕಾಟ್ಲೆಂಡ್ vs ನಮೀಬಿಯಾಅಬುಧಾಬಿ
    ಅ. 28ಸಂಜೆ 7:30ಆಸ್ಟ್ರೇಲಿಯಾ vs ಶ್ರೀಲಂಕಾದುಬೈ
    ಅ. 29ಮಧ್ಯಾಹ್ನ 3:30ಬಾಂಗ್ಲಾದೇಶ್ vs ವೆಸ್ಟ್ ಇಂಡೀಸ್ಶಾರ್ಜಾ
    ಅ. 29ಸಂಜೆ 7:30ಅಫ್ಘಾನಿಸ್ತಾನ್ vs ಪಾಕಿಸ್ತಾನ್ದುಬೈ
    ಅ. 30ಮಧ್ಯಾಹ್ನ 3:30ಸೌಥ್ ಆಫ್ರಿಕಾ vs ಶ್ರೀಲಂಕಾಶಾರ್ಜಾ
    ಅ. 30ಸಂಜೆ 7:30ಆಸ್ಟ್ರೇಲಿಯಾ vs ಇಂಗ್ಲೆಂಡ್ದುಬೈ
    ಅ. 31ಮಧ್ಯಾಹ್ನ 3:30ಅಫ್ಗಾನಿಸ್ತಾನ್ vs ನಮೀಬಿಯಾಅಬುಧಾಬಿ
    ಅ. 31 ಸಂಜೆ 7:30 ಭಾರತ vs ನ್ಯೂಜಿಲೆಂಡ್ದುಬೈ
    ನ. 1ಸಂಜೆ 7:30ಇಂಗ್ಲೆಂಡ್ vs ಶ್ರೀಲಂಕಾಶಾರ್ಜಾ
    ನ. 2ಮಧ್ಯಾಹ್ನ 3:30ಬಾಂಗ್ಲಾದೇಶ್ vs ಸೌಥ್ ಆಫ್ರಿಕಾಅಬುಧಾಬಿ
    ನ. 2ಸಂಜೆ 7:30ಪಾಕಿಸ್ತಾನ್ vs ನಮೀಬಿಯಾಅಬುಧಾಬಿ
    ನ. 3ಮಧ್ಯಾಹ್ನ 3:30ನ್ಯೂಜಿಲೆಂಡ್ vs ಸ್ಕಾಟ್ಲೆಂಡ್ದುಬೈ
    ನ. 3 ಸಂಜೆ 7:30 ಅಫ್ಘಾನಿಸ್ತಾನ್ vs ಭಾರತ ಅಬುಧಾಬಿ
    ನ. 4ಮಧ್ಯಾಹ್ನ 3:30ಆಸ್ಟ್ರೇಲಿಯಾ vs ಬಾಂಗ್ಲಾದೇಶ್ದುಬೈ
    ನ. 4ಸಂಜೆ 7:30ವೆಸ್ಟ್ ಇಂಡೀಸ್ vs ಶ್ರೀಲಂಕಾಅಬುಧಾಬಿ
    ನ. 5ಮಧ್ಯಾಹ್ನ 3:30ನ್ಯೂಜಿಲೆಂಡ್ vs ನಮೀಬಿಯಾಶಾರ್ಜಾ
    ನ. 5 ಸಂಜೆ 7:30 ಭಾರತ vs ಸ್ಕಾಟ್ಲೆಂಡ್ ದುಬೈ
    ನ. 6ಮಧ್ಯಾಹ್ನ 3:30ಆಸ್ಟ್ರೇಲಿಯಾ vs ವೆಸ್ಟ್ ಇಂಡೀಸ್ಅಬುಧಾಬಿ
    ನ. 6ಸಂಜೆ 7:30ಇಂಗ್ಲೆಂಡ್ vs ದಕ್ಷಿಣ ಆಫ್ರಿಕಾಶಾರ್ಜಾ
    ನ. 7ಮಧ್ಯಾಹ್ನ 3:30ಅಫ್ಘಾನಿಸ್ತಾನ್ vs ನ್ಯೂಜಿಲೆಂಡ್ಅಬುಧಾಬಿ
    ನ. 7ಸಂಜೆ 7:30ಪಾಕಿಸ್ತಾನ್ vs ಸ್ಕಾಟ್ಲೆಂಡ್ಶಾರ್ಜಾ
    ನ. 8 ಸಂಜೆ 7:30 ಭಾರತ vs ನಮೀಬಿಯಾ ದುಬೈ
    ನ. 10ಸಂಜೆ 7:30ಸೆಮಿಫೈನಲ್ಅಬುಧಾಬಿ
    ನ. 11ಸಂಜೆ 7:30ಸೆಮಿಫೈನಲ್ದುಬೈ
    ನ. 14ಸಂಜೆ 7:30ಫೈನಲ್ದುಬೈ

    ಭಾರತದ ಪಂದ್ಯಗಳು:
    ಅ. 24: ಪಾಕಿಸ್ತಾನ
    ಅ. 31: ನ್ಯೂಜಿಲೆಂಡ್
    ನ. 3: ಅಫ್ಘಾನಿಸ್ತಾನ್
    ನ. 5: ಸ್ಕಾಟ್ಲೆಂಡ್
    ನ. 8: ನಮೀಬಿಯಾ
    Published by:Vijayasarthy SN
    First published: