Yo Yo Test: 'ಯೋ ಯೋ ಟೆಸ್ಟ್​ ಪಾಸ್​ ಮಾಡಿದರೂ ಅವಕಾಶ ಕೊಡಲಿಲ್ಲ, ಸಮಯ ಬಂದಾಗ ಮಾತಾಡ್ತೀನಿ'; ಯುವಿ

ಟೀಂ ಇಂಡಿಯಾದ ಸಿಕ್ಸರ್​ಗಳ ಸರದಾರ, 2011ರ ವಿಶ್ವಕಪ್ ಗೆಲುವಿನ ರೂವಾರಿ ಯುವರಾಜ್ ಸಿಂಗ್ ತಮ್ಮ 19 ವರ್ಷಗಳ ಅಂತಾರಾಷ್ಟ್ರೀಯ ಕ್ರಿಕೆಟ್ ಜೀವನಕ್ಕೆ ನಿವೃತ್ತಿ ಘೋಷಿಸಿದ್ದಾರೆ. ಮುಂಬೈಯಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ 37ರ ಹರೆಯದ ಯುವಿ ಕ್ರಿಕೆಟ್​ಗೆ ಗುಡ್​ ಬೈ ಹೇಳಿದ್ದಾರೆ. ಈ ಮಧ್ಯೆ ಯುವರಾಜ್ ಸುದ್ದಿಗೋಷ್ಠಿಯಲ್ಲಿ ಹೇಳಿರುವ ಮಾತು ಕ್ರೀಡಾ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯಲು ಕಡ್ಡಾಯವಾಗಿರುವ ಯೋ ಯೋ ಟೆಸ್ಟ್​ ಅನ್ನು ಯುವರಾಜ್ ಪಾಸ್ ಮಾಡಿದ್ದರೂ ಮ್ಯಾನೇಜ್​ಮೆಂಟ್ ಅವರಿಗೆ ಅವಕಾಶ ನೀಡಲಿಲ್ಲವಂತೆ.

2017ರಲ್ಲಿ ಯುವರಾಜ್​ ಸಿಂಗ್​ ಯೋ-ಯೋ ಪರೀಕ್ಷೆಯಲ್ಲಿ ಫೇಲ್​ ಆಗಿದ್ದರು. ಹೀಗಾಗಿ ದೈಹಿಕ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಲು ಕೆಲ ವಾರಗಳ ಕಾಲಾವಕಾಶ ನೀಡಿ, ಖಂಡಿತವಾಗಿ ಪಾಸ್​ ಆಗುವೆ ಎಂದು ಯುವಿ ಮನವಿ ಮಾಡಿಕೊಂಡಿದ್ದರು.

ಇದಕ್ಕೆ ಟೀಂ ಮ್ಯಾನೇಜ್​ಮೆಂಟ್​ ನೀನು ಯೋ-ಯೋ ಪರೀಕ್ಷೆಯಲ್ಲಿ ಪಾಸ್​ ಆಗದಿದ್ದರೂ  ವಿದಾಯದ ಪಂದ್ಯ ಆಡಿಸುವುದಾಗಿ ಹೇಳಿತ್ತು. ಆದರೆ, ಇದಕ್ಕೆ ನಾನು ಯೋ-ಯೋ ಪರೀಕ್ಷೆ ಪಾಸ್​ ಮಾಡದಿದ್ದರೆ ವಿದಾಯದ ಪಂದ್ಯ ಕೂಡ ಆಡುವುದಿಲ್ಲ. ಪರೀಕ್ಷೆ ಪಾಸ್​ ಮಾಡಲು ಅವಕಾಶ ನೀಡಿ ಎಂದು ಯುವರಾಜ್ ಕೇಳಿಕೊಂಡಿದ್ದರು.

Yuvraj Singh Retirement: ಕ್ರಿಕೆಟ್ ಲೋಕದಲ್ಲಿ 'ಯುವ ರಾಜ'ನಾಗಿ ಮೆರೆದ ಕಥೆ; 19 ವರ್ಷಗಳ ಕ್ರೀಡಾ ಪಯಣ ಅಂತ್ಯ!

ಅಂತೆಯೆ ಕೆಲ ದಿನಗಳ ಬಳಿಕ ನಾನು ಯೋ ಯೋ ಟೆಸ್ಟ್​ ಪಾಸ್ ಮಾಡಿ ಫಿಟ್ ಆಗಿದ್ದೇನೆ ಎಂದು ತೋರಿಸಿದೆ. ಆದರೆ ತಂಡದಲ್ಲಿ ನನ್ನನ್ನು ಸೇರಿಸಿಕೊಂಡಿಲ್ಲ. ಅಲ್ಲದೆ ನಿವೃತ್ತಿಯ ಪಂದ್ಯವನ್ನೂ ಆಡಲು ಅವಕಾಶ ನೀಡಿಲಿಲ್ಲ ಎಂದು ಬೇಸರದ ಮಾತುಗಳನ್ನಾಡಿದ್ದಾರೆ.

ಇಷ್ಟೇ ಅಲ್ಲದೆ, ಭಾರತ ಈಗ ವಿಶ್ವಕಪ್ ಆಡುತ್ತಿದೆ. ಈ ಸಂದರ್ಭದಲ್ಲಿ ನಾನು ಯಾವುದೇ ವಿವಾದವನ್ನು ಸೃಷ್ಟಿಸಲು ಬಯಸುವುದಿಲ್ಲ. ನನಗೆ ಸಮಯ ಸಮಯ ಬರುತ್ತದೆ, ಆಗ ಎಲ್ಲವನ್ನು ಮಾತನಾಡುತ್ತೇನೆ, ಎಲ್ಲವನ್ನೂ ಹೇಳುತ್ತೇನೆ ಎಂದಿದ್ದಾರೆ.

ಜೂನ್ 30, 2017ರಂದು ವೆಸ್ಟ್​ ಇಂಡೀಸ್ ವಿರುದ್ಧ 39 ರನ್ ಗಳಿಸಿದ್ದೆ ಯುವರಾಜ್​ ಸಿಂಗ್​ರ ಕೊನೆಯ ಪಂದ್ಯ. ಅವರನ್ನು ಭಾರತೀಯ ಕ್ರೀಡಾಭಿಮಾನಿಗಳು ತುಂಬಾನೇ ಮಿಸ್​ ಮಾಡಿಕೊಳ್ಳುವುದರಲ್ಲಿ ಅನುಮಾನವಿಲ್ಲ!