ಆತ ತಂಡದಲ್ಲಿ ಯಾಕಿಲ್ಲ? ಕೇಳಿದ್ದಕ್ಕೆ, ನನ್ನ ತಂಗಿಯೊಂದಿಗೆ ಬೆಡ್​ನಲ್ಲಿ ಮಲಗಿದ್ದ ಎಂದ ಡುಪ್ಲೆಸಿಸ್!

ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಾರ್ಲ್ ರಾಕ್ಸ್​ ತಂಡ 20 ಓವರ್​ನಲ್ಲಿ 5 ವಿಕೆಟ್ ಕಳೆದುಕೊಂಡು 168 ರನ್ ಕಲೆಹಾಕಿತು. ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ನೆಲ್ಸನ್ ತಂಡ 20 ಓವರ್​ನಲ್ಲಿ 6 ವಿಕೆಟ್ ನಷ್ಟಕ್ಕೆ 156 ರನ್ ಗಳಿಸಲಷ್ಟೇ ಶಕ್ತವಾಯಿತು.

ಫಾಫ್ ಡುಪ್ಲೆಸಿಸ್

ಫಾಫ್ ಡುಪ್ಲೆಸಿಸ್

  • Share this:
ದಕ್ಷಿಣ ಆಫ್ರಿಕಾದಲ್ಲಿ ಸಾಗುತ್ತಿರುವ ಮಾಂಝಿ ಸೂಪರ್ ಲೀಗ್​ ಟೂರ್ನಿ ಭಾರೀ ಸದ್ದು ಮಾಡುತ್ತಿದೆ. ಇತ್ತೀಚೆಗಷ್ಟೆ ಆಫ್ರಿಕನ್ ಬೌಲರ್ ತಬ್ರೈಜ್ ಶಂಸಿ ವಿಕೆಟ್ ಪಡೆದಾಗ ಮೈದಾನದಲ್ಲೇ ಮ್ಯಾಜಿಕ್ ಮಾಡಿದ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ಸಖತ್ ವೈರಲ್ ಆಗಿತ್ತು.

ಸದ್ಯ ಎಂಎಸ್​ಎಲ್​ನ ಪಾರ್ಲ್​ ರಾಕ್ಸ್​ ತಂಡದ ನಾಯಕ ಫಾಪ್ ಡುಪ್ಲೆಸಿಸ್ ಪಂದ್ಯ ಆರಂಭಕ್ಕೂ ಮುನ್ನ ಟಾಸ್ ಪ್ರಕ್ರಿಯೆ ನಡೆಯುತ್ತಿರುವಾಗ ಮಾತನಾಡಿದ ವಿಡಿಯೋ ಇಂಟರ್​ನೆಟ್​ನಲ್ಲಿ ಭಾರೀ ಹರಿದಾಡುತ್ತಿದೆ.

RCB: ಈವರೆಗೆ ಕ್ರಿಕೆಟ್ ಅನ್ನೇ ಆಡದ ಆಟಗಾರನನ್ನು ಖರೀದಿಸಲು ಮುಂದಾಗಿದೆ ಆರ್​ಸಿಬಿ?

ಎಂಎಸ್​ಎಲ್​ನ 28ನೇ ಪಂದ್ಯದಲ್ಲಿ ಇಂದು ಪಾರ್ಲ್​ ರಾಕ್ಸ್​ ಹಾಗೂ ನೆಲ್ಸನ್ ಮಂಡೇಲ ತಂಡ ಮುಖಾಮುಖಿ ಆಗಿತ್ತು. ಇದರಲ್ಲಿ ಟಾಸ್ ಗೆದ್ದ ನೆಲ್ಸನ್ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಈ ಸಂದರ್ಭ ರಾಕ್ಸ್​ ತಂಡದ ನಾಯಕನ ಬಳಿ ಸಂದರ್ಶಕ ತಂಡದಲ್ಲಿ ಏನಾದರು ಬದಲಾವಣೆ ಇದೆಯೇ? ಎಂದು ಕೇಳಿದ್ದಾರೆ.

ಇದಕ್ಕೆ ಉತ್ತರಿಸಿದ ಡುಪ್ಲೆಸಿಸ್, "ತಂಡದಲ್ಲಿ ಒಂದು ಬದಲಾವಣೆ ಮಾಡಲಾಗಿದೆ. ಹರ್ಡಸ್ ವಿಲ್​ಜೋನ್ ಇಂದಿನ ಪಂದ್ಯದಲ್ಲಿ ಆಡುತ್ತಿಲ್ಲ. ಅವರು ನನ್ನ ತಂಗಿ ಜೊತೆ ಬೆಡ್​ನಲ್ಲಿ ಮಲಗಿದ್ದಾರೆ" ಎಂದು ಹೇಳಿದ್ದಾರೆ.

ಈ ಮಾತನ್ನು ಕೇಳಿ ಸಂದರ್ಶಕ ಒಮ್ಮೆ ಶಾಕ್ ಆದರು. ಬಳಿಕ ತನ್ನ ಮಾತನ್ನು ಮುಂದುವರೆಸಿದ ಡುಪ್ಲೆಸಿಸ್, "ಹರ್ಡಸ್ ನನ್ನ ತಂಗಿಯನ್ನು ನಿನ್ನೆ ಮದುವೆಯಾಗಿದ್ದಾರೆ. ಹೀಗಾಗಿ ಅವರು ಪಂದ್ಯಕ್ಕೆ ಲಭ್ಯವಿಲ್ಲ. ವಿವಾಹದ ಘಳಿಗೆಯನ್ನು ಆನಂದಿಸುತ್ತಿದ್ದಾರೆ" ಎಂದು ಪ್ರತಿಕ್ರಿಯಿಸಿದರು.

(VIDEO): ತಿರುವನಂತಪುರಂ ಏರ್​ಪೋರ್ಟ್​​ನಲ್ಲಿ ಸಂಜು ಸ್ಯಾಮ್ಸನ್​​ಗೆ ಸಿಕ್ಕ ಸ್ವಾಗತ ಹೇಗಿತ್ತು ಗೊತ್ತಾ?

 



ಡುಪ್ಲೆಸಿಸ್ ತಂಗಿ ರೆಮಿ ರೈನೆರ್ಸ್​​ ಹಾಗೂ ವಿಲ್​ಜೋನ್ ಕಳೆದ ಕೆಲವು ವರ್ಷದಿಂದ ಡೇಟಿಂಗ್​ನಲ್ಲಿದ್ದರು. ನಿನ್ನೆ ಇವರ ಮದುವೆ ನೆರವೇರಿದ್ದು, ಎಂಎಸ್​ಎಲ್​ನ ಇಂದಿನ ಪಂದ್ಯಕ್ಕೆ ಅಲಭ್ಯರಾಗಿದ್ದದಾರೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಾರ್ಲ್ ರಾಕ್ಸ್​ ತಂಡ 20 ಓವರ್​ನಲ್ಲಿ 5 ವಿಕೆಟ್ ಕಳೆದುಕೊಂಡು 168 ರನ್ ಕಲೆಹಾಕಿತು. ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ನೆಲ್ಸನ್ ತಂಡ 20 ಓವರ್​ನಲ್ಲಿ 6 ವಿಕೆಟ್ ನಷ್ಟಕ್ಕೆ 156 ರನ್ ಗಳಿಸಲಷ್ಟೇ ಶಕ್ತವಾಯಿತು. ಡುಪ್ಲೆಸಿಸ್ ಪಡೆ 12 ರನ್​ಗಳ ಗೆಲುವು ಸಾಧಿಸಿತು.

ಭಾರತಕ್ಕೆ ಸರಣಿ ಗೆಲುವಿನ ಗುರಿ; ವಿಂಡೀಸ್​ಗೆ ಗೆಲ್ಲ ಬೇಕಾದ ಒತ್ತಡ; ಅಗ್ರಸ್ಥಾನಕ್ಕೆ ಕೊಹ್ಲಿ-ರೋಹಿತ್ ಹೋರಾಟ!

 



 

First published: