ಬುಮ್ರಾಗೆ ತಪ್ಪಿಲ್ಲ ನೋ ಬಾಲ್ ಕಾಟ: ಅಭಿಮಾನಿ ನೀಡಿದ ಸಲಹೆ ವೈರಲ್​​​

ಜಸ್ಪ್ರಿತ್​ ಬೂಮ್ರಾ ಟೀಂ ಇಂಡಿಯಾದ ಡೆತ್​ ಓವರ್​ ಸ್ಪೆಷಲಿಸ್ಟ್​. ವಿಶ್ವದ ಪ್ರಮುಖ​ ಬೌಲರ್​ ಆಗಿರುವ ಬೂಮ್ರಾಗೆ ಕೊನೆಯ ಓವರ್​ ಹಾಕಲು ಮಹತ್ವದ ಬೇಡಿಕೆ ಇದೆ. ಕೆಲವೊಮ್ಮೆ ನೋ ಬಾಲ್​ ಎಸೆದು ಅಭಿಮಾನಿಗಳಿಂದ ಅವಮಾನಕ್ಕಿಡಾಗಿದ್ದಾರೆ. ಹಾಗಾಗಿ ವಿಶ್ವಕಪ್​ನಲ್ಲೂ ಬೂಮ್ರಾ ಇಂತಹದೇ ತಪ್ಪು ಮಾಡದಂತೆ ಅಭಿಮಾನಿಗಳು ಟ್ವಿಟ್ಟರ್​ನಲ್ಲಿ ಸಲಹೆವೊಂದನ್ನು ನೀಡಿದ್ದಾರೆ.

ಇತ್ತೀಚೆಗೆ ಚೆನ್ನೈ ವಿರುದ್ಧ ನಡೆದ ಮುಂಬೈ ಕ್ವಾಲಿಫೈಯರ್​ ಪಂದ್ಯದ  ಕೊನೆಯ ಓವರ್​​ನಲ್ಲೂ ಬೂಮ್ರಾ ನೋ ಬಾಲ್​​​ ಎಸೆದಿದ್ದರು. ಬೂಮ್ರಾ ಎಸೆತದ ವೇಗಕ್ಕೆ ಧೋನಿ ಕೈಯಿಂದ ಬ್ಯಾಟ್​ ಜಾರಿ ಹೋಗಿತ್ತು. ಅದೇ ವೇಳೆಗೆ ಫೀಲ್ಡರ್​ ಕ್ಯಾಚ್​ ಹಿಡಿಯುವ ಮೂಲಕ ಧೋನಿ ಔಟ್​ ಆಗಿದ್ದರು ಆದರೆ ಬೂಮ್ರಾ ನೋ ಬಾಲ್​ ಎಸೆತದಿಂದ ಧೋನಿಗೆ ಮತ್ತೊಂದು ಅವಕಾಶಕ್ಕೆ ಎಡೆಮಾಡಿಕೊಟ್ಟಿತ್ತು.

ಟೀಂ ಇಂಡಿಯಾದ ಮಾರಕ ವೇಗಿ ಬೂಮ್ರಾ ನೋ ಬಾಲ್​​​ ಎಸೆತ ಇದೇ ಮೊದಲೇನಲ್ಲ. 2017ರ ಚಾಂಪಿಯನ್ಸ್​ ಟೋಫ್ರಿಯ ಫೈನಲ್​ ವೇಳೆಯೂ ನೋ ಬಾಲ್​ ಹಾಕಿ ಟೀಂ ಇಂಡಿಯಾ ಸೋಲಿಗೆ ಪರೋಕ್ಷವಾಗಿ ಕಾರಣರಾಗಿದ್ದರು. 2017ರ ಭಾರತ-ಪಾಕಿಸ್ತಾನ ಐಸಿಸಿ ಚಾಂಪಿಯನ್ಸ್​ ಟ್ರೋಫಿಯ ಫೈನಲ್ ಪಂದ್ಯದಲ್ಲಿ ಬೂಮ್ರಾ ನೋ ಬಾಲ್ ಎಸೆದಿದ್ದರು. ಬೂಮ್ರಾರ ನೋ ಬಾಲ್​ನಿಂದ ಪಾಕಿಸ್ತಾನ ಆಟಗಾರ ಫಖರ್​​ ಜರ್ಮಾನ್​ ಜೀವದಾನ ಪಡೆದುಕೊಂಡು ಭರ್ಜರಿ ಶತಕ ಬಾರಿಸಿದ್ದರು. ಆ ನೋ ಬಾಲ್​ಗೆ ಬೆಲೆತೆತ್ತ ಟೀಂ ಇಂಡಿಯಾ ರನ್ನರ್​ ಆಪ್​ ಸ್ಥಾನಕ್ಕೆ ತೃಪ್ತಿ ಪಡೆಬೇಕಾದ ಸನ್ನಿವೇಷ ಎದುರಾಗಿತ್ತು.

ಹೀಗೆ ಪದೇ ಪದೇ ನೋ ಬಾಲ್​ ಎಸೆಯುತ್ತಿರುವ ಬೂಮ್ರಾರ ಎಡವಟ್ಟಿಗೆ ಅಭಿಮಾನಿಗಳು ಸಲಹೆ ನೀಡಿದ್ದಾರೆ. ವಿಶ್ವಕಪ್​ನಲ್ಲೂ ನೋ ಬಾಲ್​ ಹಾಕದಂತೆ ಉದ್ದನೆಯ ಶೂವೊಂದನ್ನು ಧರಿಸುವಂತೆ ಟ್ವಿಟ್​ ಮಾಡಿದ್ದಾರೆ.