ಪಾಂಡೆ-ದುಬೆ ಮಿಂಚಿನ ಆಟ; ಹರಿಣಗಳಿಗೆ ಮಣ್ಣು ಮುಕ್ಕಿಸಿ ಸರಣಿ ವಶ ಪಡಿಸಿಕೊಂಡ ಭಾರತ ಎ

4 ವಿಕೆಟ್​ಗಳ ಗೆಲುವಿನೊಂದಿಗೆ ಭಾರತ 5 ಪಂದ್ಯಗಳ ಅನಧಿಕೃತ ಏಕದಿನ ಸರಣಿಯಲ್ಲಿ 3-0 ಮುನ್ನಡೆ ಸಾಧಿಸಿದೆ. ಅಲ್ಲದೆ ಸರಣಿ ವಶ ಪಡಿಸಿಕೊಂಡಿದೆ.

Vinay Bhat | news18-kannada
Updated:September 3, 2019, 11:05 AM IST
ಪಾಂಡೆ-ದುಬೆ ಮಿಂಚಿನ ಆಟ; ಹರಿಣಗಳಿಗೆ ಮಣ್ಣು ಮುಕ್ಕಿಸಿ ಸರಣಿ ವಶ ಪಡಿಸಿಕೊಂಡ ಭಾರತ ಎ
ಮನೀಶ್ ಪಾಂಡೆ
Vinay Bhat | news18-kannada
Updated: September 3, 2019, 11:05 AM IST
ಬೆಂಗಳೂರು (ಸೆ. 03): ತಿರುವನಂತ ಪುರಂನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ಎ ವಿರುದ್ಧದ ಮೂರನೇ ಅನಧಿಕೃತ ಏಕದಿನ ಪಂದ್ಯದಲ್ಲಿ ಭಾರತ ಎ ಭರ್ಜರಿ ಗೆಲುವು ಸಾಧಿಸಿದೆ. ಮನೀಶ್ ಪಾಂಡೆ ಹಾಗೂ ಶಿವಂ ದುಬೆ ಸ್ಫೋಟಕ ಆಟದ ನೆರವಿನಿಂದ 4 ವಿಕೆಟ್​ಗಳ ಜಯ ಸಾಧಿಸಿದ್ದು, ಸರಣಿ ವಶ ಪಡಿಸಿಕೊಂಡಿದೆ.

ಮಳೆ ಬಂದ ಕಾರಣ 30 ಓವರ್​​ಗೆ ಪಂದ್ಯವನ್ನು ನಿಗದಿ ಪಡಿಸಲಾಯಿತು. ಆಫ್ರಿಕಾ, ಭಾರತಕ್ಕೆ ಗೆಲ್ಲಲು 208 ರನ್​ಗಳ ಟಾರ್ಗೆಟ್ ನೀಡಿತು.

ಈ ಗುರಿ ಬೆನ್ನಟ್ಟಿದ ಭಾರತ ಎ ಆರಂಭದಲ್ಲೇ ಆಘಾತ ಅನುಭವಿಸಿತು. 25 ರನ್ ಆಗುವ ಹೊತ್ತಿಗೆ ಪ್ರಮುಖ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ರುತುರಾಜ್ ಗಾಯಕ್ವಾಡ್ 1 ರನ್​ಗೆ ಔಟ್ ಆದರೆ, ರಿಕಿ ಭುಯ್ ಸೊನ್ನೆ ಸುತ್ತಿದರು. ಕಳೆದ ಪಂದ್ಯದಲ್ಲಿ ಮಿಂಚಿದ್ದ ಕ್ರುನಾಲ್ ಪಾಂಡ್ಯ ಆಟ 13 ರನ್​ಗೆ ಅಂತ್ಯವಾಯಿತು.

Manish Pandey, Shivam Dube lead India A to four-wicket win over South Africa A
ಮನೀಶ್ ಪಾಂಡೆ ಬ್ಯಾಟಿಂಗ್ ವೈಖರಿ


ಬಳಿಕ ನಾಯಕ ಮನೀಶ್ ಪಾಂಡೆ ಜೊತೆಯಾದ ಇಶಾನ್ ಕಿಶನ್ ಇನ್ನಿಂಗ್ಸ್​ ಕಟ್ಟಲು ಮುಂದಾದರು. ಆದರೆ ಕಿಶನ್ 41 ಎಸೆತಗಳಲ್ಲಿ 40 ರನ್ ಬಾರಿಸಿ ಔಟ್ ಆಗಿದ್ದು ಹಾಗೂ ಬಂದ ಬೆನ್ನಲ್ಲೆ ನಿತೀಶ್ ರಾಣ(13) ನಿರ್ಗಮಿಸಿದ್ದು ತಂಡಕ್ಕೆ ಹೊಡೆತ ಬಿದ್ದಂತಾಯಿತು. ಈ ಸಂದರ್ಭ ಕುಗ್ಗದೆ ಪಾಂಡೆ ಹಾಗೂ ಶಿವಂ ದುಬೆ ಗೆಲುವಿಗಾಗಿ ಕಠಿಣ ಹೋರಾಟ ನಡೆಸಿದರು.

ಕ್ರೀಸ್ ಕಚ್ಚಿ ನಿಂತಿದ್ದ ವಿಂಡೀಸ್ ಆಟಗಾರನನ್ನು ಕೊಹ್ಲಿ ಪೆವಿಲಿಯನ್​ಗೆ ಅಟ್ಟಿದ್ದು ಈಗ ವೈರಲ್!

ಅದತಂತೆ ಅತ್ಯುತ್ತಮ ಆಟ ಪ್ರದರ್ಶಿಸಿದ ಪಾಂಡೆ ಅರ್ಧಶತಕ ಸಿಡಿಸಿ ಸ್ಫೋಟಕ ಬ್ಯಾಟಿಂಗ್​ಗೆ ಮುಂದಾದರು. ದುಬೆ ಕೂಡ ಪಾಂಡೆಗೆ ಭರ್ಜರಿ ಸಾತ್ ನೀಡಿದರು. ಇವರಿಬ್ಬರ ಬಿರುಸಿನ ಆಟದ ನೆರವಿನಿಂದ ಭಾರತ ಎ 27.5 ಓವರ್​ನಲ್ಲೇ 6 ವಿಕೆಟ್ ಕಳೆದುಕೊಂಡು 208 ರನ್ ಕಲೆಹಾಕುವ ಮೂಲಕ ಗೆಲುವಿನ ನಗೆ ಬೀರಿತು. ಪಾಂಡೆ 59 ಎಸೆತಗಳಲ್ಲಿ (3 ಬೌಂಡರಿ, 5 ಸಿಕ್ಸರ್) 81 ರನ್ ಗಳಿಸಿ ಔಟ್ ಆದರೆ, ದುಬೆ 28 ಎಸೆತಗಳಲ್ಲಿ (2 ಬೌಂಡರಿ, 3 ಸಿಕ್ಸರ್) ಅಜೇಯ 45 ರನ್ ಬಾರಿಸಿದರು.
Loading...

 



4 ವಿಕೆಟ್​ಗಳ ಗೆಲುವಿನೊಂದಿಗೆ ಭಾರತ 5 ಪಂದ್ಯಗಳ ಅನಧಿಕೃತ ಏಕದಿನ ಸರಣಿಯಲ್ಲಿ 3-0 ಮುನ್ನಡೆ ಸಾಧಿಸಿದೆ. ಅಲ್ಲದೆ ಸರಣಿ ವಶ ಪಡಿಸಿಕೊಂಡಿದೆ.

ಇದಕ್ಕೂ ಮೊದಲು ಟಾಸ್ ಗೆದ್ದ ಬ್ಯಾಟಿಂಗ್​​ಗೆ ಇಳಿದ ಹರಿಣಗಳಿಗೆ ಆರಂಭದಲ್ಲೇ ದೀಪಕ್ ಚಹಾರ್ ಶಾಕ್ ನೀಡಿದರು. ರೀಜಾ ಹೆಂಡ್ರಿಕ್ಸ್​​​ರನ್ನು 9 ರನ್​ಗೆ ಪೆವಿಲಿಯನ್​ಗೆ ಅಟ್ಟಿದರು. ಬಳಿಕ ಮಲನ್ ಹಾಗೂ ಮ್ಯಾಥ್ಯೂ ಬ್ರೀಥ್ಕ್​ ತಂಡವನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದರು. ಮಲನ್ 37 ರನ್ ಗಳಿಸಿದರೆ, ಮ್ಯಾಥ್ಯೂ 36 ರನ್ ಬಾರಿಸಿದರು.

ಬಳಿಕ ಬಂದ ಬ್ಯಾಟ್ಸ್​ಮನ್​ಗಳ ಪೈಕಿ ನಾಯಕ ತೆಂಬ ಬವುಮಾ 27 ರನ್ ಕಲೆಹಾಕಿದರೆ, ಹೆನ್ರಿಚ್ ಕ್ಲಾಸೆನ್ 21 ಎಸೆತಗಳಲ್ಲಿ 4 ಸಿಕ್ಸ್​ ಸಿಡಿಸಿ 44 ರನ್ ಚಚ್ಚಿದರು. ಪರಿಣಾಮ ಆಫ್ರಿಕಾ ಎ ನಿಗದಿತ 30 ಓವರ್​​ಗೆ 207 ರನ್ ಗಳಿಸಿತು. ಭಾರತ ಪರ ದೀಪಕ್ ಚಹಾರ್ ಹಾಗೂ ಕ್ರುನಾಲ್ ಪಾಂಡ್ಯ ತಲಾ 2 ವಿಕೆಟ್ ಕಿತ್ತರೆ, ಶಾರ್ದೂಲ್ ಠಾಕೂರ್ ಹಾಗೂ ಚಹಾಲ್ ತಲಾ 1 ವಿಕೆಟ್ ಪಡೆದರು.
First published:September 3, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...