Manish Pandey Marriage: ಕನ್ನಡಿಗನ ರಿಸೆಪ್ಷನ್​ನಲ್ಲಿ ಯುವಿ ಭರ್ಜರಿ ಸ್ಟೆಪ್; ವೈರಲ್ ಆಗುತ್ತಿದೆ ವಿಡಿಯೋ

ಟೀಂ ಇಂಡಿಯಾ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​ಮನ್​ ಮನೀಶ್ ಪಾಂಡೆ ಸೋಮವಾರ ದಕ್ಷಿಣ ಭಾರತದ ಖ್ಯಾತ ನಟಿ ಆಶ್ರಿತಾ ಶೆಟ್ಟಿ ಅವರನ್ನು ವಿವಾಹವಾಗಿದ್ದಾರೆ.

ಮದುವೆಯ ಬಳಿಕ ನಿನ್ನೆ ನಡೆದ ರಿಸೆಪ್ಷನ್​ನಲ್ಲಿ ಟೀಂ ಇಂಡಿಯಾದ ಕೆಲ ಮಾಜಿ ಹಾಗೂ ಹಾಲಿ ಆಟಗಾರರು ಪಾಲ್ಗೊಂಡಿದ್ದರು. ಎಲ್ಲರೂ ಸಖತ್ ಎಂಜಾಯ್ ಮಾಡಿದ್ದಾರೆ. ಅದರಲ್ಲು ಈ ಸಂಭ್ರಮಕ್ಕೆ ಹೆಚ್ಚು ಕಿಕ್ ಕೊಟ್ಟಿದ್ದು ಯುವರಾಜ್ ಸಿಂಗ್ ಡ್ಯಾನ್ಸ್.

IPL 2020: ಇಬ್ಬರು ಸ್ಟಾರ್ ಆಟಗಾರರು ಔಟ್; 2 ಸ್ಫೋಟಕ ಬ್ಯಾಟ್ಸ್​ಮನ್ಸ್​ ಇನ್; ಯಾರು ಗೊತ್ತಾ?

ಮುಂಬೈನ ದಿ ಲೀಲಾ ಹೊಟೇಲ್​ನಲ್ಲಿ ನಡೆದ ಮನೀಶ್ ಹಾಗೂ ಆಶ್ರಿತಾ ರಿಸೆಪ್ಷನ್​ನಲ್ಲಿ ಕನ್ನಡಿಗನ ಜೊತೆ ಭರ್ಜರಿ ಸ್ಟೆಪ್ ಹಾಕಿದ ಯುವಿ ನೆರೆದಿದ್ದವರನ್ನು ರಂಜಿಸಿದರು. ಪಾಂಡೆ ಜೊತೆ ಯುವಿ ಡ್ಯಾನ್ಸ್​ ಮಾಡುತ್ತಿರುವ ವಿಡಿಯೋ ಸದ್ಯ ಸಾಮಾಜಿಕ ತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.

 

 

View this post on Instagram

 

Nice dance #yuvrajsingh and #manishpandey #ashritashetty with my team #dholibros Rocking 🤘🤘🤘 performance

A post shared by Vijay Bhatt (@vijaybhatt888) on Dec 3, 2019 at 1:15pm PST

ದಕ್ಷಿಣ ಭಾರತದ ಜನಪ್ರಿಯ ನಟಿ ಆಶ್ರಿತಾ, ತುಳು ಮತ್ತು ತಮಿಳು ಸೇರಿದಂತೆ ಈವರೆಗೂ ಕೆಲವು ಚಿತ್ರಗಳಲ್ಲಿ ನಟಿಸಿದ್ದಾರೆ. ತುಳುವಿನ ತೆಲಿಕೆದ ಬೊಳ್ಳಿ(2012) ಸಿನಿಮಾ ಮೂಲಕ ನಟನಾ ವೃತ್ತಿ ಆರಂಭಿಸಿದ್ದ ಆಶ್ರಿತಾ ನಂತರದಲ್ಲಿ ತಮಿಳು ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಸಿದ್ಧಾರ್ಥ್ ನಟನೆಯ ಉದಯಂ ಎನ್​ಹೆಚ್​​4, ಒರು ಕನ್ನಿಯುಂ ಮೂನು ಕಲಾವನಿಕಳುಂ, ಇಂದ್ರಜಿತ್ ಹಾಗೂ ನಾನ್​ ದಾನ್​​ ಶಿವ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಕೆಪಿಎಲ್ ಮ್ಯಾಚ್ ಫಿಕ್ಸಿಂಗ್: ಕೋಚ್ ಸುಧೀಂದ್ರ ಶಿಂಧೆ ಬಂಧನ

ಮನೀಶ್ ಪಾಂಡೆ 23 ಅಂತರಾಷ್ಟ್ರೀಯ ಏಕದಿನ ಹಾಗೂ 32 ಟಿ-20 ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದಾರೆ. ಏಕದಿನದಲ್ಲಿ ಒಂದು ಶತಕ ಹಾಗೂ ಎರಡು ಅರ್ಧ ಶತಕ ಬಾರಿಸಿರುವ ಪಾಂಡೆ ದೇಶೀಯ ಕ್ರಿಕೆಟ್​ನಲ್ಲಿ ರನ್​ ಮಳೆಯೆ ಸುರಿಸಿದ್ದಾರೆ.

ಮದುವೆಯ ಬಳಿಕ ಒಂದು ದಿನವೂ ವಿಶ್ರಾಂತಿ ಇಲ್ಲದೆ ಬ್ಯುಸಿಯಾಗಿರುವ ಪಾಂಡೆ, ಇಂದು ವೆಸ್ಟ್ ಇಂಡೀಸ್ ವಿರುದ್ದದ ಸರಣಿಗಾಗಿ ಟೀಂ ಇಂಡಿಯಾ ಸೇರಿಕೊಳ್ಳಲಿದ್ದಾರೆ.

 

Happy Wedding Anniversary to #YuvrajSingh & #HazelKeech 🎂
From @AnushkaSharma & @imVkohli fans & #virushka family
pic.twitter.com/GfjKrnnkAG

— Virushka News (@Virushkanews) November 30, 2019