RCB: ನಾಯಕನನ್ನೇ ಕಾಡಿದ ಸಹ ಆಟಗಾರ: ವಿರಾಟ್ ಕೊಹ್ಲಿಯ ಹೊಸ ಎದುರಾಳಿ ಕೈಲ್ ಜೇಮಿಸನ್..!

ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್​ ಪಂದ್ಯದ ನ್ಯೂಜಿಲೆಂಡ್ ತಂಡದ ಟ್ರಂಪ್ ಕಾರ್ಡ್ ಆಗಿದ್ದು ವೇಗಿ ಕೈಲ್ ಜೇಮಿಸನ್. ಮೊದಲ ಇನಿಂಗ್ಸ್​ನಲ್ಲಿ ಭಾರತದ ಪ್ರಮುಖ 5 ವಿಕೆಟ್ ಉರುಳಿಸಿ ಮಿಂಚಿದ್ದ ಜೇಮಿಸನ್, ದ್ವಿತೀಯ ಇನಿಂಗ್ಸ್​ನಲ್ಲೂ 2 ವಿಕೆಟ್ ಪಡೆದು ಟೀಮ್ ಇಂಡಿಯಾ ಪತನಕ್ಕೆ ಕಾರಣರಾದರು. ಅದರಲ್ಲೂ ಮೊದಲ ಇನಿಂಗ್ಸ್​ನಲ್ಲಿ ಕೈಲ್ ಜೇಮಿಸನ್ ಉರುಳಿಸಿದ್ದು, ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ರಿಷಭ್ ಪಂತ್​ನಂತಹ ಪ್ರಮುಖ ಬ್ಯಾಟ್ಸ್​ಮನ್​ಗಳ ವಿಕೆಟ್​ಗಳನ್ನು ಎಂಬುದು ವಿಶೇಷ.

ಇನ್ನು 2ನೇ ಇನಿಂಗ್ಸ್​ನಲ್ಲೂ ಜೇಮಿಸನ್​ ವೇಗಕ್ಕೆ ಬಲಿಯಾಗಿದ್ದು ಚೇತೇಶ್ವರ ಪೂಜಾರ ಹಾಗೂ ವಿರಾಟ್ ಕೊಹ್ಲಿ. ಅಂದರೆ ಎರಡೂ ಇನಿಂಗ್ಸ್​ನಲ್ಲೂ ವಿರಾಟ್ ಕೊಹ್ಲಿಯ ವಿಕೆಟ್ ಉರುಳಿಸಿ ಜೇಮಿ ಮಿಂಚಿದ್ದರು. ಐಪಿಎಲ್​ನಲ್ಲಿ ಆರ್​ಸಿಬಿ ಪರ ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಆಡುತ್ತಿರುವ ಜೇಮಿಸನ್​ ಅಭ್ಯಾಸದ ವೇಳೆ ಕಂಡುಕೊಂಡಿದ್ದ ಎಲ್ಲಾ ತಂತ್ರಗಳನ್ನು ನಾಯಕನ ವಿರುದ್ದವೇ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ ವೇಳೆ ಪ್ರಯೋಗಿಸಿದರು ಎಂದರೆ ತಪ್ಪಾಗಲಾರದು.

ಏಕೆಂದರೆ ಐಪಿಎಲ್​ ವೇಳೆಯೇ ಕೊಹ್ಲಿ ಹಾಗೂ ಜೇಮಿಸನ್ ನಡುವೆ ಡ್ಯೂಕ್ ಬಾಲ್​ ಅಭ್ಯಾಸದ ಬಗ್ಗೆ ಮಾತುಕತೆ ನಡೆದಿತ್ತು. ಐಪಿಎಲ್​ ಅಭ್ಯಾಸದ ವೇಳೆ ಆರ್​ಸಿಬಿ ಆಟಗಾರರಾದ ಡೇನಿಯಲ್ ಕ್ರಿಶ್ಚಿಯನ್, ಕೊಹ್ಲಿ, ಜೇಮಿಸನ್‌ ಜೊತೆಯಾಗಿ ಕೂತಿದ್ದರು. ಈ ವೇಳೆ ವಿರಾಟ್‌ ಕೊಹ್ಲಿ'ಜೇಮಿ ನೀವು ಡ್ಯೂಕ್‌ ಬಾಲ್‌ಗಳಲ್ಲಿ ಹೆಚ್ಚು ಬೌಲಿಂಗ್‌ ಮಾಡಿದ್ದೀರಾ? ಎಂದು ಕೇಳಿದ್ದರು. ಇದಕ್ಕೆ ಉತ್ತಮರಿಸಿದ ಜೇಮಿಸನ್, ಕೆಲ ಡ್ಯೂಕ್‌ ಬಾಲ್‌ಗಳು ನನ್ನ ಬಳಿ ಇವೆ. ಐಪಿಎಲ್‌ ಮುಗಿದು ಇಂಗ್ಲೆಂಡ್‌ಗೆ ತೆರಳುವ ಮುನ್ನ ಈ ಚೆಂಡುಗಳಲ್ಲಿ ಅಭ್ಯಾಸ ನಡೆಸುತ್ತೇನೆ ಎಂದಿದ್ದರು. ಇದೇ ವೇಳೆ ನಿನ್ನ ಬಳಿ ಡ್ಯೂಕ್ ಬಾಲ್​ಗಳಿದ್ದರೆ ನೆಟ್ ಅಭ್ಯಾಸದ ವೇಳೆ ನೀನು ನನಗೆ ಬೌಲಿಂಗ್ ಮಾಡು, ನಿನ್ನ ಚೆಂಡುಗಳನ್ನು ನನಗೆ ಎದುರಿಸುವುದು ಸಂತಸದ ವಿಷಯ ಎಂದಿದ್ದರು. ಈ ವೇಳೆ ಜೇಮಿಸನ್, ನಿಮಗಂತು ನಾ ಈಗಲೇ ಬೌಲಿಂಗ್ ಮಾಡಲ್ಲ ಎಂದು ನಿರಾಕರಿಸಿದ್ದರು.

WTC final prize money: ಟೆಸ್ಟ್​ ಚಾಂಪಿಯನ್ ನ್ಯೂಜಿಲೆಂಡ್​ಗೆ ಸಿಕ್ಕ ಪ್ರಶಸ್ತಿ ಮೊತ್ತವೆಷ್ಟು? ಭಾರತಕ್ಕೆ ಸಿಕ್ಕಿದೆಷ್ಟು..?

ಇದಕ್ಕೆ ಮುಖ್ಯ ಕಾರಣ ಅದಾಗಲೇ ಕೈಲ್ ಜೇಮಿಸನ್ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ನ ತಯಾರಿಯಲ್ಲಿದ್ದರು. ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಡ್ಯೂಕ್ ಬಾಲ್​ನಲ್ಲಿ ಆಡುವುದರಿಂದ ಜೇಮಿಸನ್ ಆ ಚೆಂಡಿನಲ್ಲಿ ಕೊಹ್ಲಿಗೆ ಬೌಲ್ ಮಾಡಿರಲಿಲ್ಲ. ಅಲ್ಲದೆ ನಾನು ಡ್ಯೂಕ್ ಬಾಲ್​ನಲ್ಲಿ ಬೌಲಿಂಗ್​ ಮಾಡಿದರೆ ಕೊಹ್ಲಿಗೆ ತನ್ನ ಬೌಲಿಂಗ್ ಪ್ಲ್ಯಾನ್ ಅರಿವಾಗುತ್ತೆ ಎಂದು ಅರಿತುಕೊಂಡಿದ್ದರು. ಹೀಗಾಗಿಯೇ ಜೇಮಿಸನ್ ಐಪಿಎಲ್ ವೇಳೆ ಡ್ಯೂಕ್ ಬಾಲ್​ನಲ್ಲಿ ಕೊಹ್ಲಿಗೆ ಬೌಲಿಂಗ್ ಮಾಡಿರಲಿಲ್ಲ. ಇದೀಗ ಯೋಜನೆಯಂತೆ ಇದೀಗ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ನಲ್ಲಿ ಜೇಮಿಸನ್ 2 ಬಾರಿ ಕೊಹ್ಲಿಯ ವಿಕೆಟ್ ಪಡೆದಿದ್ದಾರೆ.

Wtc Final: ಭಾರತದ ಕನಸು ಭಗ್ನ: ನ್ಯೂಜಿಲೆಂಡ್ ವಿಶ್ವ ಟೆಸ್ಟ್ ಚಾಂಪಿಯನ್..!

ಈ ಮ್ಯಾಚ್ ವಿನ್ನಿಂಗ್ ಪ್ರದರ್ಶನದ ಬಗ್ಗೆ ಮಾತನಾಡಿರುವ ಜೇಮಿಸನ್, ಎರಡು ಇನಿಂಗ್ಸ್​ನಲ್ಲೂ ವಿರಾಟ್ ಕೊಹ್ಲಿ ಅವರ ವಿಕೆಟ್ ಪಡೆಯಲು ಸಾಧ್ಯವಾಗಿದ್ದು ಶ್ರೇಷ್ಠ ಅನುಭವ ಎಂದಿದ್ದಾರೆ. ಅಲ್ಲದೆ ವಿಶ್ವ ಶ್ರೇಷ್ಠ ಬ್ಯಾಟ್ಸ್​ಮನ್​ನ ವಿಕೆಟ್​ನ್ನು ಒಂದೇ ಪಂದ್ಯದಲ್ಲಿ 2 ಬಾರಿ ಪಡೆಯುವು ನನ್ನ ಪಾಲಿಗೆ ಅದು ಶ್ರೇಷ್ಠ ಪ್ರದರ್ಶನ ಎಂದು ಭಾವಿಸುತ್ತೇನೆ ಎಂದು ಜೇಮಿಸನ್ ತಿಳಿಸಿದ್ದಾರೆ. ಅಂದಹಾಗೆ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್ ಪಂದ್ಯದಲ್ಲಿ ಐದು ವಿಕೆಟ್‌ಗಳ ಗೊಂಚಲು ಪಡೆದ ಬೌಲರ್ ಎನಿಸಿಕೊಂಡಿರುವ ಜೇಮಿಸನ್​ಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಕೂಡ ಒಲಿದು ಬಂದಿರುವುದು ವಿಶೇಷ.