Viral Video: ವಾಟ್ ಎ ಕ್ಯಾಚ್: ಜೇಸನ್ ಹೋಲ್ಡರ್ ಅತ್ಯಾದ್ಭುತ ಕ್ಯಾಚ್​ಗೆ ದಂಗಾದ ಪ್ರೇಕ್ಷಕರು..!

ಕ್ರಿಕೆಟ್ ಅಂಗಳದಲ್ಲಿ ವೆಸ್ಟ್ ಇಂಡೀಸ್ ಆಟಗಾರರು ಅತ್ಯುತ್ತಮ ಫೀಲ್ಡರ್​ಗಳು ಎಂಬುದರಲ್ಲಿ ಯಾವುದೇ ಡೌಟ್ ಇಲ್ಲ. ಕೀರನ್ ಪೊಲಾರ್ಡ್ ಅದ್ಭುತ ಫೀಲ್ಡಿಂಗ್, ಡ್ವೇನ್ ಬ್ರಾವೊ ಭರ್ಜರಿ ಡೈವಿಂಗ್, ನಿಕೋಲಸ್ ಪೂರನ್ ಜಬರ್ದಸ್ತ್ ಫ್ಲೈಯಿಂಗ್ ಫೀಲ್ಡಿಂಗ್ ಇದಕ್ಕೆ ಸಾಕ್ಷಿ. ಇದೀಗ ಈ ಪಟ್ಟಿಗೆ ಹೊಸ ಕ್ಯಾಚ್​ವೊಂದು ಕೂಡ ಸೇರ್ಪಡೆಯಾಗಿದೆ. ದಕ್ಷಿಣ ಆಫ್ರಿಕಾ-ವೆಸ್ಟ್​ ಇಂಡೀಸ್ ನಡುವಣ ಪಂದ್ಯದ ವೇಳೆ ವೆಸ್ಟ್ ಇಂಡೀಸ್ ತಂಡದ ಮಾಜಿ ನಾಯಕ ಮತ್ತು ಆಲ್‌ರೌಂಡರ್ ಜೇಸನ್ ಹೋಲ್ಡರ್ ಸ್ಲಿಪ್​ನಲ್ಲಿ ಹಿಡಿದ ಅದ್ಭುತ ಕ್ಯಾಚ್ ವಿಡಿಯೋ ಇದೀಗ ವೈರಲ್ ಆಗಿದೆ.

ಜೇಡೆನ್ ಸೀಲ್ಸ್ ಬೌಲಿಂಗ್‌ನಲ್ಲಿ ಕೇಶವ್ ಮಹಾರಾಜ್ ಅವರ ಬ್ಯಾಟ್ ಸವರಿ ಚೆಂಡು ಸ್ಲಿಪ್​ನತ್ತ ಚಿಮ್ಮಿತ್ತು. ಅಲ್ಲೇ ಎರಡನೇ ಸ್ಲಿಪ್​​ನಲ್ಲಿದ್ದ ಆರಡಿ ದೈತ್ಯ ಜೇಸನ್ ಹೋಲ್ಡರ್ ಅದ್ಭುತವಾಗಿ ಡೈವ್ ಹೊಡೆದು ಚೆಂಡನ್ನು ಒಂದು ಕೈಯಲ್ಲಿ ಬಂಧಿಸಿದರು. ಈ ಅತ್ಯಾಧ್ಭುತ ಕ್ಯಾಚ್​ನಿಂದ ದಕ್ಷಿಣ ಆಫ್ರಿಕಾ ತಂಡ 8ನೇ ವಿಕೆಟ್ ಕಳೆದುಕೊಂಡಿತು.

Ben Stokes who?!? What a catch Jason Holder! 🔥🏏 #WIvSA pic.twitter.com/fiOuzaeqfH

— James (@Surreycricfan) June 20, 2021

ಈ ಪಂದ್ಯದಲ್ಲಿ ಮೊದಲ ಇನಿಂಗ್ಸ್​ನಲ್ಲಿ ದಕ್ಷಿಣ ಆಫ್ರಿಕಾ 298 ರನ್ ಬಾರಿಸಿದರೆ, ವೆಸ್ಟ್ ಇಂಡೀಸ್ 149ಕ್ಕೆ ಸರ್ವಪತನ ಕಂಡಿತು. ಇನ್ನು ಎರಡನೇ ಇನಿಂಗ್ಸ್​ನಲ್ಲಿ 174 ರನ್​ಗಳಿಗೆ ದಕ್ಷಿಣ ಆಫ್ರಿಕಾವನ್ನು ಕಟ್ಟಿಹಾಕಿರುವ ವೆಸ್ಟ್​ ಇಂಡೀಸ್​ಗೆ ಗೆಲ್ಲಲು 324 ರನ್​ಗಳ ಅವಶ್ಯಕತೆಯಿದೆ. ಸದ್ಯ ನಾಲ್ಕನೇ ದಿನದಾಟ ನಡೆಯುತ್ತಿದ್ದು ಮೊದಲ ಸೆಷನ್​ನಲ್ಲಿ ವಿಂಡೀಸ್ 2 ವಿಕೆಟ್ ಕಳೆದುಕೊಂಡು 29 ರನ್​ ಬಾರಿಸಿದೆ.