Malhotra Sixers- ಆರು ಬಾಲ್​ಗೆ ಆರು ಸಿಕ್ಸ್- ಗಿಬ್ಸ್ ವಿಶ್ವದಾಖಲೆ ಸರಿಗಟ್ಟಿದ ಜಸ್​ಕರಣ್ ಮಲ್ಹೋತ್ರಾ

Malhotra’s Historical Innings ಅಮೆರಿಕದ ಇತಿಹಾಸದಲ್ಲಿ ಚೊಚ್ಚಲ ಏಕದಿನ ಕ್ರಿಕೆಟ್ ಶತಕ ಗಳಿಸಿದ ಮೊದಲ ಆಟಗಾರೆನಿಸಿರುವ ಜಸ್​ಕರಣ್ ಮಲ್ಹೋತ್ರಾ ಒಂದೇ ಓವರ್​ನಲ್ಲಿ 6 ಸಿಕ್ಸರ್ ಸಿಡಿಸಿದ ವಿಶ್ವದ ಎರಡನೇ ಕ್ರಿಕೆಟಿಗರೆನಿಸಿದ್ದಾರೆ.

ಜಸ್​ಕರಣ್ ಮಲ್ಹೋತ್ರಾ

ಜಸ್​ಕರಣ್ ಮಲ್ಹೋತ್ರಾ

  • News18
  • Last Updated :
  • Share this:
    ಭಾರತ ಮೂಲದ ಜಸ್​​ಕರಣ್ ಮಲ್ಹೋತ್ರಾ (Jaskaran Malhotra) ಹೊಸ ಇತಿಹಾಸ ನಿರ್ಮಿಸಿದ್ಧಾರೆ. ನಿನ್ನೆ ನಡೆದ ಪಪುವಾ ನ್ಯೂ ಗಿನಿಯಾ (Papua New Guinea Cricket Team) ಮತ್ತು ಅಮೆರಿಕ (USA cricket Team) ನಡುವಿನ ಏಕದಿನ ಪಂದ್ಯದಲ್ಲಿ ಅಮೆರಿಕದ ಜಸ್​ಕರಣ್ ಮಲ್ಹೋತ್ರಾ ಒಂದೇ ಓವರ್​ನಲ್ಲಿ 6 ಸಿಕ್ಸರ್ ಸಿಡಿಸಿ ವಿಶ್ವದಾಖಲೆ ಸರಿಗಟ್ಟಿದ್ದಾರೆ. ಏಕದಿನ ಕ್ರಿಕೆಟ್ (ODI Cricket) ಇತಿಹಾಸದಲ್ಲಿ ಒಂದು ಓವರ್​ನಲ್ಲಿ ಆರು ಸಿಕ್ಸ್ (6 Sixes in an Over) ಭಾರಿಸಿದ ವಿಶ್ವದ ಎರಡನೇ ಆಟಗಾರರೆನಿಸಿದ್ದಾರೆ. ದಕ್ಷಿಣ ಆಫ್ರಿಕಾದ ಹರ್ಷಲ್ ಗಿಬ್ಸ್ (Harshelle Gibbs) ಅವರನ್ನ ಬಿಟ್ಟರೆ ಏಕದಿನ ಅಂತರರಾಷ್ಟ್ರೀಯ ಪಂದ್ಯದಲ್ಲಿ ಯಾರೂ ಕೂಡ ಒಂದು ಓವರ್​ನಲ್ಲಿ ಆರು ಸಿಕ್ಸ್ ಭಾರಿಸಿದ್ದಿರಲಿಲ್ಲ. ಭಾರತದ ಯುವರಾಜ್ ಸಿಂಗ್ (Yuvraj Singh) ಮತ್ತು ವೆಸ್ಟ್ ಇಂಡೀಸ್​ನ ಕೀರಾನ್ ಪೊಲಾರ್ಡ್ (Kieron Pollard) ಅವರು ಟಿ20 ಕ್ರಿಕೆಟ್​ನಲ್ಲಿ ಆರು ಬಾಲ್​ಗೆ ಆರು ಸಿಕ್ಸರ್ ಭಾರಿಸಿದ್ದರು. ಈ ದಿಗ್ಗಜರ ಸಾಲಿಗೆ 31 ವರ್ಷದ ಜಸ್​ಕರಣ್ ಮಲ್ಹೋತ್ರಾ ಸೇರ್ಪಡೆಯಾಗಿದ್ದಾರೆ. ಆತಿಥೇಯ ಪಪುವಾ ತಂಡದ ವೇಗದ ಬೌಲರ್ ಗೌಡಿ ಟೋಕಾ ಅವರ ಒಂದು ಓವರ್​ನಲ್ಲಿ ಮಲ್ಹೋತ್ರಾ ಆರು ಸಿಕ್ಸರ್ ಸಿಡಿಸಿದ ದಾಖಲೆ ಬರೆದಿದ್ದಾರೆ.

    ಪಪುವಾ ನ್ಯೂ ಗಿನಿಯಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಮಲ್ಹೋತ್ರಾ ಅವರ ಅಮೋಘ ಬ್ಯಾಟಿಂಗ್ ಪ್ರದರ್ಶನದ ನೆರವಿನಿಂದ ಅಮೆರಿಕ ತಂಡ 134 ರನ್​ಗಳಿಂದ ಭರ್ಜರಿ ಗೆಲುವು ಸಾಧಿಸಿತು. ಚಂಡೀಗಡ ಸಂಜಾತರಾದ ಮಲ್ಹೋತ್ರಾ 124 ಬಾಲ್​ನಲ್ಲಿ ಅಜೇಯ 173 ರನ್ ಗಳಿಸಿದರು. ಗೆಲ್ಲಲು ಅಮೆರಿಕ ಒಡ್ಡಿದ 271 ರನ್​ಗೆ ಪ್ರತಿಯಾಗಿ ಪಪುವಾ ತಂಡ 137 ರನ್​ಗೆ ಆಲೌಟ್ ಆಯಿತು. ಮಲ್ಹೋತ್ರಾ ಈ ಪಂದ್ಯದಲ್ಲಿ ಗಳಿಸಿದ ಶತಕ ಐತಿಹಾಸಿಕವಾಗಿತ್ತು. ಇದು ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಅಮೆರಿಕ ತಂಡದ ಆಟಗಾರನೊಬ್ಬ ಗಳಿಸಿದ ಚೊಚ್ಚಲ ಶತಕವಾಗಿದೆ.

    ಈ ಗೆಲುವಿನ ಮೂಲಕ ಅಮೆರಿಕ ತಂಡ ಪಪುವಾ ನ್ಯೂಗಿನಿಯಾ ವಿರುದ್ಧದ ಎರಡೂ ಪಂದ್ಯಗಳನ್ನ ಗೆದ್ದು ಸರಣಿ ಕ್ಲೀನ್ ಸ್ವೀಪ್ ಮಾಡಿದೆ. ಸೆಪ್ಟೆಂಬರ್ 13ರಂದು ನೇಪಾಳ ಮತ್ತು ಓಮನ್ ದೇಶ ತಂಡಗಳ ವಿರುದ್ಧ ಅಮೆರಿಕ ತಂಡ ಆಡಲಿದೆ. ಇದೇ ವೇಳೆ, ಜಸ್​ಕರಣ್ ಮಲ್ಹೋತ್ರಾ ಅವರ ದಾಖಲೆಯ ಆಟವನ್ನು ಹರ್ಷಲ್ ಗಿಬ್ಸ್, ಎಬಿ ಡೀವಿಲಿಯರ್ಸ್ ಮೊದಲಾದವರು ಪ್ರಶಂಸಿಸಿದ್ಧಾರೆ.

    ಇದನ್ನೂ ಓದಿ: HBD Shubman Gill: 22ನೇ ವರ್ಷಕ್ಕೆ ಕಾಲಿಟ್ಟ ಶುಭಮನ್‌ ಗಿಲ್​​ಗೆ ಕೊಹ್ಲಿ, ಯುವರಾಜ್‌ ಸಿಂಗ್ ಸೇರಿ ಹಲವರಿಂದ ಶುಭಾಶಯ

    ಜಸ್​ಕರಣ್ ಮಲ್ಹೋತ್ರಾ ದಾಖಲೆಗಳು (Jaskaran Malhotra Records):

    * ಪಪುವಾ ನ್ಯೂ ಗಿನಿಯಾ ವಿರುದ್ಧದ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಜಸ್​ಕರಣ್ ಭಾರಿಸಿದ ಅಜೇಯ 173 ರನ್ ಅಮೆರಿಕದ ಚೊಚ್ಚಲ ಏಕದಿನ ಶತಕ.

    * ಆರು ಎಸೆತದಲ್ಲಿ ಜಸ್​ಕರಣ್ ಆರು ಸಿಕ್ಸರ್ ಭಾರಿಸಿದರು. ಏಕದಿನ ಕ್ರಿಕೆಟ್​ನಲ್ಲಿ ಈ ಸಾಧನೆ ಮಾಡಿದ ವಿಶ್ವದ ಎರಡನೇ ಆಟಗಾರ ಅವರು. ದಕ್ಷಿಣ ಆಫ್ರಿಕಾದ ಹರ್ಷಲ್ ಗಿಬ್ಸ್ ಈ ಮುಂಚೆ ಈ ದಾಖಲೆ ಬರೆದಿದ್ದರು.

    * ಏಕದಿನ ಮತ್ತು ಟಿ20 ಕ್ರಿಕೆಟ್ ಎರಡೂ ಸೇರಿ ಆರು ಬಾಲ್​ಗೆ ಆರು ಸಿಕ್ಸರ್ ಭಾರಿಸಿದ ವಿಶ್ವದ ನಾಲ್ಕನೇ ಆಟಗಾರ ಜಸ್​ಕರಣ್. ಹರ್ಷಲ್ ಗಿಬ್ಸ್, ಯುವರಾಜ್ ಸಿಂಗ್ ಮತ್ತು ಕೀರಾನ್ ಪೊಲಾರ್ಡ್ ಅವರ ಸಾಲಿಗೆ ಮಲ್ಹೋತ್ರಾ ಸೇರಿದ್ಧಾರೆ.

    * ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಐದನೇ ಕ್ರಮಾಂಕದಲ್ಲಿ ಬಂದು ಅತಿ ಹೆಚ್ಚು ರನ್ ಗಳಿಸಿದ ದಾಖಲೆ ಮಲ್ಹೋತ್ರಾ ಹೆಸರಿಗೆ ಬಂದಿದೆ. ಅವರು ಎಬಿ ಡೀವಿಲಿಯರ್ಸ್ ದಾಖಲೆಯನ್ನ ಮುರಿದ್ದಾರೆ.

    * ಸೌರಭ್ ನೇತ್ರಾವಲ್ಕರ್ ಅವರ ಜೊತೆ ಜಸ್​ಕರಣ್ ಮಲ್ಹೋತ್ರಾ 10ನೇ ವಿಕೆಟ್​ಗೆ 17 ಬಾಲ್​ನಲ್ಲಿ 55 ರನ್ ಮುರಿಯದ ಜೊತೆಯಾಟದಲ್ಲಿ ಭಾಗಿಯಾದರು. ಇದು 10ನೇ ವಿಕೆಟ್​ಗೆ ಅಮೆರಿಕದ ಹೊಸ ದಾಖಲೆಯಾಗಿದೆ.
    Published by:Vijayasarthy SN
    First published: